საქართველოში „ქართველი შინდლერის“ და ჰოლოკოსტის მსხვერპლთა ხსოვნის მონუმენტი გახსნეს

საქართველოში „ქართველი შინდლერის“ და ჰოლოკოსტის მსხვერპლთა ხსოვნის მონუმენტი გახსნეს

128
ქართველებმა ნაცისტების საკონცენტრაციო ბანაკებიდან ადამიანების გათავისუფლებაში მნიშვნელოვანი როლი შეასრულეს. ერთ-ერთი ასეთი გმირი სერგო მეტრეველი იყო

თბილისი, 2 სექტემბერი - Sputnik. საქართველოს დასავლეთში, ქალაქ ონში, ჰოლოკოსტის მსხვერპლსა და „ქართველ შინდლერს“ სერგო მეტრეველს მემორიალი გაუხსნეს.

თბილისში "ქართველი შინდლერების" პარკი გაიხსნება >>

ღონისძიება ებრაული კულტურისა და ევროპის საბჭოს მემკვიდრეობის დაცვის ასოციაციის მხარდაჭერით ებრაული კულტურის ევროპული დღეების ფარგლებში ჩატარდა.

ძეგლის გახსნის ცერემონიაში მონაწილეობა მიიღეს საქართველოს ოფიციალური სტრუქტურების წარმომადგენლებმა და სტუმრებმა ისრაელიდან. მემორიალის გახსნის შემდეგ ღონისძიების მონაწილეები ონის სინაგოგისკენ გაემართნენ, რომელსაც წელს 125 წელი შეუსრულდა. ეს საქართველოში სიდიდით მესამე სინაგოგაა. ის აღიარებულია ეროვნული მნიშვნელობის კულტურის ძეგლად.

„ისრაელის სახლის“ ხელმძღვანელის, იციკ მოშეს თქმით, რომელიც ქვეყნებს შორის ურთიერთობის გაღრმავებაზე და „ქართველი შინდლერის“ სახელის უკვდავყოფაზე მუშაობს, ეს ძეგლი კიდევ ერთი მყარი ხიდი გახდება საქართველოს, ისრაელსა და მსოფლიოს ებრაელთა შორის.

მეტიც, „ისრაელის სახლმა“, რომელიც საქართველოში ევროსაბჭოს მიერ დაფუძნებული ებრაული კულტურული მემკვიდრეობის ევროპული მარშრუტის ოფიციალური წარმომადგენელია, ონში გახსნილი ჰოლოკოსტის მსხვერპლთა მემორიალი შეიყვანა ებრაული კულტურული მემკვიდრეობის ახალ მარშრუტებში. როგორც მოშემ აღნიშნა, მემორიალი რეგიონში ახალი ტურისტული ღირსშესანიშნაობა გახდება და უცხოელ ტურისტებს მოიზიდავს.

ქართველებმა დიდი როლი ითამაშეს ათასობით ადამიანის გათავისუფლებაში ნაცისტების საკონცენტრაციო ბანაკებიდან. მათ შორის იყო სერგო მეტრეველი, რომლის სახელიც იერუსალიმის მემორიალურ სამუზეუმო კომპლექსშია უკვდავყოფილი. 1942 წლის აგვისტოში გერმანელები ქალაქ კისლოვოდსკს მიუახლოვდნენ. მეტრეველი, რომელიც კისლოვოდსკის ღვინის ქარხანაში მუშაობდა, რამდენიმე ებრაულ ოჯახს დაეხმარა - მას 16 დღე მიჰყავდა დევნილები მთის ბილიკებით, რათა უსაფრთხო ადგილას, მშობლიურ ქართულ სოფელ უწერამდე მიეყვანა.

128
გიორგი გახარია

ბრძოლა ჰაკერებთან: თბილისში კიბერუსაფრთხოების ფორუმი იმართება

4
(განახლებულია 15:20 25.09.2020)
ფორუმი ყოველწლიურად  ჩატარდება და მისი ძირითადი მიზანი ეროვნული კიბერუსაფრთხოების  წინაშე არსებული გამოწვევების იდენტიფიცირება და პრობლემური საკითხების გადასაჭრელად შესაბამისი გეგმის შემუშავებაა.

თბილისი, 25 სექტემბერი  — Sputnik.  თბილისში საქართველოს კიბერუსაფრთხოების პირველი ფორუმი იმართება, რომლის ორგანიზატორიც  ეროვნული უსაფრთხოების საბჭოა.   

ფორუმი საქართველოს პრემიერ–მინისტრმა გიორგი გახარიამ გახსნა.  საკუთარ გამოსვლაში მან აღნიშნა თუ რამდენად მნიშვნელოვანია ამ მიმართულების სრულყოფა, რამდენადაც კიბერსივრცე ჩვენი ცხოვრების განუყოფელი ნაწილი გახდა.

 „კიბერსივრცე ჩვენი ცხოვრების განუყოფელ ნაწილად იქცა. კიბერსივრცეში ყოველდღიურად ხდება კრიტიკულად მნიშვნელოვანი მოვლენები, რომლებიც წარმოადგენს არსებით ელემენტს მთავრობების, სასიცოცხლოდ მნიშვნელოვანი ინფრასტრუქტურისა და და ქვეყნის ნორმალური ფუნქციონირებისთვის“, – განაცხადა გახარიამ.

პრემიერმა აღნიშნა, რომ ქართული სამსახურები არაერთხელ გამხდარან კიბერთავდასხმების ობიექტი.

ფორუმის გახსნაზე სიტყვით გამოვიდა საქართველოს შინაგან საქმეთა მინისტრი ვახტანგ გომელაური. მისი განცხადებით ქვეყანამ კიბერუსაფრთხოების სფეროში საკუთარი პოზიციები გააძლიერა, თუმცა, სასურველია, რომ იგი უფრო გაძლიედეს. 

„ეს ურთულესი მიმართულებაა... ძალზე მნიშვნელოვანია მისი გაძლიერება. გუშინ ეს მიმართულება გაცილებით სუსტი იყო, დღეს ჩვენ შედარებით ძლიერები ვართ, მაგრამ გვსურს, რომ ხვალ კიდევ უფრო მეტად გავძლიედეთ“, – განაცხადა გომელაურმა.

როგორც გომელაურმა აღნიშნა, კიბერუსაფრთხოების გაძლიერების მიზნით უკვე შემუშავებულია გარკვეული სტრატეგია და ეს ფორული ამის წარმატებული შედეგია.

 „თქვენ ხედავთ თუ რამდენად დიდი ინტერესი გამოიწვია დღევანდელმა დღემ. ამაზე მეტყველებს ფორუმზე ელჩების, სტრატეგიული პარტნიორებისა და მეგობრების ყოფნა, რომლებიც ამ სფეროსადმი ინტერესს იჩენენ, რაც ძალზე მნიშვნელოვანია“, – განაცხადა მინისტრმა.

ფორუმი ყოველწლიურად  ჩატარდება და მისი ძირითადი მიზანი ეროვნული კიბერუსაფრთხოების  წინაშე არსებული გამოწვევების იდენტიფიცირება და პრობლემური საკითხების გადასაჭრელად შესაბამისი გეგმის შემუშავებაა.

4
ნინი ბადურაშვილი, ანასტასია თოფურიძე და ქეთო თოფურიძე

ნინი ბადურაშვილის უმცროსი დის გლამურული მოგზაურობა - გოგონა მონტე-კარლოს ქუჩებს იპყრობს

62
(განახლებულია 15:00 25.09.2020)
კორონავირუსის პანდემიის მიუხედავად ცნობილები საზღვარგარეთ მიემგზავრებიან. ნინი ბადურაშვილის უმცროსი და- ქეთევანი მონტე-კარლოს ცნობილ დაქალთან ერთად ეწვია. გლამურული ფოტოები სოციალური ქსელიდან...

ეკა კახიანს სამი ქალიშვილი სხვადასხვა ქორწინებიდან ჰყავს. მიუხედავად ამისა, გოგონები ერთმანეთს ძალიან ჰგვანან. წლიდან წლამდე მომღერალ დედას სულ უფრო და უფრო ემსგავსებიან. თავად ეკა კახიანს კი წლები ვერაფერს აკლებს. ნინი ბადურაშვილი, ანასტასია და ქეთევან თოფურიძეები დედასთან ერთად ხშირად პოზირებენ, თუმცა ქეთევანი ქალბატონების ამ გუნდს დროებით გამოეთიშა. კახიანების შვილიშვილი მონაკოს ეწვია.

View this post on Instagram

A post shared by Keto Topuridze (@ketevanne) on

 

რამდენიმე თვის წინ ქეთი თოფურიძე საინტერესო საქმიანობაში ჩაერთო. ახალგაზრდა ასაკის მიუხდავად, ქეთევან თოფურიძე „უნირენტ ჰოლდინგის“ კომერციული დირექტორია. ეს უმსხვილესი კომპანია ძვირადღირებული მანქანების გაქირავებას კურირებს.

View this post on Instagram

girls Trip

A post shared by Keto Topuridze (@ketevanne) on

ეკა კახიანი გადატვირთული გრაფიკის გამო შვილებთან ერთად იშვიათად იკრიბება. თუმცა ახლა გამონაკლისია, ვინაიდან კარანტინის გამო ყველამ სახლში მოიყარა თავი. ეკა კახიანი ქალიშვილებთან შექმნილ კოლაჟებს ხშირად აქვეყნებს.

View this post on Instagram

A post shared by Keto Topuridze (@ketevanne) on

ქეთევანი მონაკოში რამდენიმე მეგობართან ერთად გაემგზავრა. მათ შორის არის სერიალ „ჩემი ცოლის დაქალების“ ეპიზოდური როლის მსახიობი - სალი კერატიშვილი, რომელიც „შავლეგ მადლიანის“ საყვარლის როლს ასრულებდა.

62
თემები:
სელებრითების ცხოვრება