ტესტირება კორონავირუსზე ბათუმში

ჩაქვის სასტუმროში მყოფი 400 ქართველი ექიმი შესაძლოა კარანტინში აღმოჩნდეს

180
კარანტინზე იკეტება სასტუმრო „დრიმლენდ ოაზისში“, რომელშიც 450 ადამიანი მუშაობს - ერთ-ერთ ვიზიტორს კორონავირუსი დაუდასტურდა

თბილისი, 2 სექტემბერი - Sputnik. ჩაქვში მდებარე სასტუმრო „დრიმლენდ ოაზისი“, სადაც ერთ-ერთ ვიზიტორს კორონავირუსი დაუდასტურდა, ჩაიკეტება და დაიწყება ეპიდემიოლოგიური კვლევა, იუწყება საზოგადოებრივი მაუწყებლის პირველი არხი.

ჯანდაცვის მინისტრ ეკატერინე ტიკარაძის ინფორმაციით, „დრიმლენდ ოაზისში“, სადაც ერთ-ერთ ვიზიტორს კორონავირუსი დაუდასტურდა, კონფერენციას 400-მდე ექიმი ესწრებოდა.

„მნიშვნელოვანი მდგომარეობაა სასტუმრო „ოაზისში“, სადაც 400-მდე ქართველი ექიმი ძალიან მნიშვნელოვან კონფერენციას ესწრებოდა. მივიღეთ გადაწყვეტილება, რომ გარკვეული ვადით სასტუმრო „ოაზისი“ ჩაიკეტება, თუმცა ამასთან, მყისიერად მივიღეთ ზომები, რომ ამ სასტუმროში დაიწყოს ეპიდემიოლოგიური კვლევა, ექიმების ტესტირება, რათა მოხდეს მათი გადანაწილება თვითიზოლაციასა და კარანტინში, პროტოკოლის შესაბამისად“, – განაცხადა ტიკარაძემ.

სასტუმრო „დრიმლენდ ოაზისის“ დირექტორის, კოკა გეგუჩაძის განცხადებით, კორონავირუსზე ტესტირება ჩაუტარდებათ სასტუმროში მყოფ ყველა პირს, როგორც დამსვენებლებს, ასევე პერსონალს.

მისივე ინფორმაციით, სასტუმროში უკვე მივიდა ეპიდემიოლოგების ჯგუფი და ტესტირების პროცესი დაწყებულია.

„მოვიდა ეპიდემიოლოგების ჯგუფი. გამოვყავით სივრცე, სადაც ჯერ სტუმრების და შემდეგ უკვე პერსონალის ტესტირება მოხდება. ტესტირება ჩაუტარდება აბსოლუტურად ყველას, ეს პროცესი უკვე დაიწყო. კონფერენციის გამო, სასტუმროში ძალიან ბევრი ექიმია. სასტუმროს პერსონალი, დაახლოებით 450 კაცია. უპირველესი რეკომენდაციაა, რომ ყველამ ჩაიტაროს ტესტი, რასაც ვემორჩილებით“, – განაცხადა მან.

დირექტორის განცხადებით, დამსვენებლები, რომლებსაც სასტუმროს დატოვება სურთ, ვალდებული არიან, ტესტირება ჩაიტარონ.

„რაც შეეხება ინფიცირებულს, ეს ქალბატონი ვისთან ერთადაც იყო რამდენიმე დღის წინ, იმ ადამიანს დაუდასტურდა ვირუსი და შემდეგ ამას ჰქონდა სიმპტომები, 37.2 ტემპერატურა. მან მაშინვე გამოიძახა სასწრაფო. ჩვენს სასტუმროში ერთი თუ ორი დღე იმყოფებოდა“, – განაცხადა კოკა გეგუჩაძემ.

რიგები კორონავირუსზე უფასო ტესტირებაზე ბათუმში - ვიდეო >>

საქართველოში ახალი კორონავირუსით დაავადებულთა რაოდენობა ბოლო დღე-ღამეში რეკორდული რაოდენობით - 38-ით გაიზარდა და 1548-ს მიაღწია. ამ დროისთვის გამოჯანმრთელდა 1270 ადამიანი. გარდაცვლილია – 19, კარანტინის რეჟიმში იმყოფება 6059, ხოლო სტაციონარებში ექიმების დაკვირვების ქვეშ 239 პაციენტია.

 

180
თემები:
COVID-19 საქართველოში (1802)
ისრაელის და საქართველოს დროშები

საყოველთაო კარანტინი: ისრაელში საქართველოს საელჩო საკუთარ მოქალაქეებს აფრთხილებს

198
(განახლებულია 22:41 24.09.2020)
მიმდინარე წლის 25 სექტემბრის 14:00 საათიდან ისრაელი საყოველთაო კარანტინის რეჟიმზე გადადის. რეგულაციები 11 ოქტომბრამდე რჩება ძალაში.

თბილისი, 24 სექტემბერი – Sputnik. ისრაელში საქართველოს საელჩო საქართველოს მოქალაქეთა საყურადღებოდ ისრაელში საყოველთაო კარანტინთან დაკავშირებით ინფორმაციას ავრცელებს.

საელჩოს გვერდზე აღნიშნულია, რომ მიმდინარე წლის 25 სექტემბრის 14:00 საათიდან ისრაელი საყოველთაო კარანტინის რეჟიმზე გადადის. რეგულაციები 11 ოქტომბრამდე რჩება ძალაში.

„ეკონომიკური საქმიანობა სრულად შეიზღუდება, გამონაკლისს წარმოადგენს სასიცოცხლო მნიშვნელობის მქონე ორგანიზაციები, როგორიც არის: საფინანსო და ენერგეტიკული სექტორი, სოციალური მომსახურეობა, წარმოება და პროდუქტების მიწოდება, კავშირგაბმულობა, მედიცინა, მშენებლობა, ინფრასტრუქტურა, ტრანსპორტი და პორტი, დასუფთავების სამსახური“, - აღნიშნულია საელჩოს გვერდზე. .

გარდა ამისა, „იომ ქიფურის“ დღესასწაულის პერიოდში 27-28 სექტემბერს მზის ჩასვლამდე მანქანით გადაადგილება აიკრძალება. ამავე პერიოდში დაიხურება ყველა სავაჭრო ობიექტი, მათ შორის აფთიაქები.

საქართველოს საელჩო ასევე შეახსენებს თავის მოქალაქეებს, რომ ძალაში რჩება ადრე დამტკიცებული შეზღუდვები.

ბოლო მონაცემებით, ისრაელში კორონავირუსის 209 ათასზე მეტი შემთხვევაა დადასტურებული, აქედან გარდაიცვალა 1 376 ადამიანი.

198
თემები:
COVID-19-ის პანდემია მსოფლიოში
კორონავირუსით დაავადებული პაციენტის მკურნალობა

ქუთაისში გინეკოლოგები სამშობიაროს კოვიდ-ცენტრად გადაკეთებას აპროტესტებენ

107
(განახლებულია 22:19 24.09.2020)
მედიკოსები ირწმუნებიან, რომ სამშობიაროში არ არის სათანადო ინვენტარი და აღჭურვილობა იმისათვის, რომ კლინიკამ კოვიდცენტრად იმუშაოს.

თბილისი, 24 სექტემბერი – Sputnik. ქუთაისის მესამე სამშობიარო სახლის თანამშრომლებმა საპროტესტო აქცია გამართეს, იუწყება საზოგადოებრივი მაუწყებლის „პირველი არხი“.

მედიკოსებმა ამ ფორმით კლინიკის ხელმძღვანელობის ის გადაწყვეტილება გააპროტესტეს, რომელის თანახმადაც ეს სამედიცინო დაწესებულება კოვიდ ცენტრად უნდა გადაკეთდეს.

„ხელმძღვანელმა გვითხრა, რომ გადაწყვეტილებას ის იღებს და არ აინტერესებს თანამშრომლების პროტესტი. გვითხრეს, რომ ვისაც უნდა, დარჩება და იმუშავებს. მაგრამ როგორ წარმოუდგენიათ, გინეკოლოგმა ეპიდემიოლოგად იმუშაოს?“, - განაცხადა კლინიკის ერთ-ერთმა თანამშრომელმა.

კლინიკის 55 თანამშრომელი მოვითხოვს, გამოუყონ ფართი, სადაც ისინი თავიანთი პაციენტების მიღებას შეძლებენ. წინააღმდეგ შემთხვევაში გინეკოლოგები აქციების გაგრძელებას აპირებენ.

მედიკოსები ასევე აცხადებენ, რომ სამშობიაროში არ არის სათანადო ინვენტარი და აღჭურვილობა იმისათვის, რომ კლინიკამ კოვიდცენტრად იმუშაოს.

სამშობიაროს ხელმძღვანელის მედეა შავიშვილის თქმით, კლინიკის კოვიდცენტრად გადაკეთება სახელმწიფოს გადაწყვეტილებაა და ექიმების პროტესტი უსაფუძვლოა.

კორონავირუსით ინფიცირებულ პაციენტს ბათუმში საკეისრო კვეთა ჩაუტარდა >>

შავიშვილმა ასევე აღნიშნა, რომ კლინიკა კოვიდცენტრად რამდენიმე თვით გადაკეთდება. ამ დროის განმავლობაში კოვიდინფიცირებულ პაციენტებს მიიღებენ და თანამშრომლების ნაწილს შესთავაზეს ამ პირობებში ემუშავათ, რაზეც უარი მიიღეს.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 259-ით გაიზარდა და 4399-ს მიაღწია, გამოჯანმრთელდა 1705 ადამიანი, გარდაიცვალა 26 პაციენტი.

107
თემები:
COVID-19 საქართველოში (1802)
მოალერსე წყვილი

ზოდიაქოს სამი იღბლიანი ნიშანი ვის გაუმართლებს სასიყვარულო ასპარეზზე ოქტომბერში

0
(განახლებულია 11:53 24.09.2020)
ზოდიაქოს ზოგიერთი თანავარსკვლავედის წარმომადგენლებისთვის შემოდგომის შუა პერიოდი ძალზე ხელსაყრელი იქნება სიყვარულის თვალსაზრისით

ამ სამი ნიშნის წარმომადგენლებს ელოდება საბედისწერო შეხვედრა, რომელიც მათ დიდ სიყვარულსა და ბედნიერებას მოუტანს. ისინი სიყვარულის „მორევში“ ჩაიძირებიან.

როგორ ამჟღავნებენ სიყვარულს ზოდიაქოს ნიშნები>>

კურო

კუროები ოქტომბერში შეხვდებით ადამიანს, რომელიც თქვენს გულს დაიპყრობს. დიდი ხანია, ასეთ სიყვარულს ეძებთ და ამ თვეში მიაღწევთ საწადელს – თქვენს გულში რომანტიკული გრძნობებისა და ემოციების ქარცეცხლი დატრიალდება. კუროების ცხოვრებაში ასეთი შეხვედრები ხშირად არ ხდება – მეორე ნახევარს თვითონ სამყარო გამოგიგზავნით, თქვენ კი ეს შანსი ხელიდან არ უნდა გაუშვათ.

სასწორი

ოქტომბერში სასწორის ნიშნის წარმომადგენლებმა საკუთარ ინტუიციას გულდასმით უნდა მოუსმინოთ. სწორედ ის მიგანიშნებთ, როგორ უნდა იმოქმედოთ და რას უნდა მიაქციოთ ყურადღება. შემდეგ კი თქვენი გადასაწყვეტი იქნება – მოიპოვოთ ბედნიერება, თუ მარტო დარჩეთ. სასწორებისთვის ეს შეხვედრა საბედისწერო იქნება, ამიტომ დიდხანს ფიქრი არ ღირს.

როგორი სიყვარული იციან ზოდიაქოს ნიშნებმა>>

მერწყული

მერწყულები ხშირად იძირებით საკუთარ ფიქრებში. ამ დროს კი ნამდვილად ღირს, აქეთ–იქით გაიხედოთ. ამ შემთხვევაში დაინახავთ, რომ თქვენი მეორე ნახევარი სულაც არაა შორს, არამედ გვერდით დგას. ეს ადამიანი შეიძლება თქვენი ახლო გარემოცვიდან იყოს. შესაძლოა, ის არ გამოირჩევა სხვა ადამიანებისგან, მაგრამ სწორედ მას უწერია, თქვენი ბედი გახდეს. თუ ასტროლოგების რჩევებს გაითვალისწინებთ, ოქტომბერში საოცარი ბედნიერება გელოდებათ.

0