გიორგი გახარია

გახარია: ერთჯერადი დახმარების მისაღებად 857 ათასი ბავშვია დარეგისტრირებული

173
(განახლებულია 14:33 02.09.2020)
ერთჯერად ფულად დახმარებას, რომლის გაცემაც უკვე დაიწყო, მიიღებენ ის ბავშვებიც, რომლებიც მიმდინარე წლის დეკემბრამდე არიან დაბადებული.

თბილისი, 2 სექტემბერი — Sputnik. 18 წლამდე ბავშვებისთვის ერთჯერადი დახმარების მისაღებად სპეციალურ პორტალზე 857 ათასი ბავშვია დარეგისტრირებული,  განაცხადა  საქართველოს პრემიერ-მინისტრმა გიორგი გახარიამ უწყებათაშორისი საბჭოს სხდომაზე.

გახარიას თქმით, ფინანსთა და ჯანდაცვის სამინისტროებს დაევალათ ერთი კვირის მანძილზე მოქალაქეების ანგარიშებზე თანხის სრულად გადარიცხვა.

„მნიშვნელოვანია, ეს დახმარება ჩვენმა მოქალაქეებმა მიიღონ სასწავლო წლის დაწყებამდე. მოგეხსენებათ, რეგისტრაცია გაგრძელდება პირველ დეკემბრამდე და ახალი განაცხადებიც, რომლებიც ეტაპობრივად შემოვა პირველ დეკემბრამდე, რა თქმა უნდა, იქნება უახლოეს პერიოდში დაკმაყოფილებული, რაც ნიშნავს, რომ ახალშობილებიც პირველ დეკემბრამდე ამ დახმარებას მიიღებენ,“ – განაცხადა გიორგი გახარიამ.

ბავშვებისთვის დახმარების მიღების მსურველთა რეგისტრაცია 15 აგვისტოს დაიწყო და 1 დეკემბრამდე გაგრძელდება. დახმარების მისაღებად აუცილებელია სპეციალურ ელექტრონულ პორტალზე daxmareba.moh.gov.ge დარეგისტრირება.

თუ მშობელი ელექტრონულ პორტალზე რეგისტრაციის გავლას ვერ ახერხებს, მან უნდა მიმართოს: სოციალური მომსახურების სააგენტოს ნებისმიერ ტერიტორიულ ერთეულს; საქართველოს რეგიონული განვითარებისა და ინფრასტრუქტურის სამინისტროს და ადგილობრივ თვითმმართველობებს; იუსტიციის სახლებსა და საზოგადოებრივ ცენტრებს, ან „ლიბერთი ბანკის" ფილიალებს.

იმ შემთხვევაში, თუ მშობელი არ დარეგისტრირდება და განაცხადს არ შეიტანს, ეს ნიშნავს, რომ ის კომპენსაციის მიღებაზე უარს ამბობს.

რეგისტრაციის გავლის შესაბამისი ინსტრუქცია ხელმისაწვდომია ჯანდაცვის სამინისტროს ვებგვერდზე www.moh.gov.ge.

173
თემები:
საქართველოს მთავრობა (88)
ადამიანები პირბადეებით

კოვიდ-სტატისტიკა საქართველოში: თბილისში კვლავ ყველაზე მეტი ინფიცირებულია

16
საქართველოში ახალი კორონავირუსით დაავადებულთა რაოდენობა ბოლო დღე-ღამეში რეკორდულად – 5 068  -ით გაიზარდა და ინფიცირებულთა საერთო რიცხვმა 152 704-ს მიაღწია

თბილისი,  4 დეკემბერი – Sputnik. საქართველოში ბოლო 24 საათში გამოვლენილი კორონავირუსის  5 068 შემთხვევიდან ყველაზე მეტი – 1 959 შემთხვევა დედაქალაქში დაფიქსირდა, განაცხადა უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილე ბერდია სიჭინავამ ბრიფინგზე.

ინფიცირებულთა შემთხვევების რაოდენობით მეორე ადგილზე იმერეთის რეგიონი, შემდეგ კი აჭარაა.

რეგიონების მიხედვით კორონავირუსით ინფიცირების სტატისტიკა ასეთია: იმერეთი-980, აჭარა-483, სამეგრელო-ზემო სვანეთი-408, კახეთი-335, ქვემო ქართლი-296, შიდა ქართლი-222, მცხეთა-მთიანეთი-130, გურია-122, სამცხე-ჯავახეთი-114, რაჭა-ლეჩხუმი და ქვემო სვანეთი-19.

ბოლო 24 საათში გამოჯანმრთელდა 2 336 პირი, ხოლო ჯამში გამოჯანმრთელებულთა რაოდენობა გაიზარდა-126 904-მდე.

ბოლო დღე-ღამის განმავლობში გარდაიცვალა 38  ადამიანი. 2020 წლის 26 თებერვლიდან დღემდე სულ 1 425 გარდაცვალების შემთხვევა დაფიქსირდა.

ამ დროის მონაცემებით, საქართველოში 24 349 აქტიური შემთხვევაა. კოვიდ-კლინიკებში მოთავსებულია 6 671  პაციენტი, მათ შორის, თბილისის საავადმყოფოებში-2 925, აჭარაში-1 025, იმერეთში-1 267

1 070 პაციენტის მდგომარეობა მძიმეა. ხელოვნური სუნთქვის აპარატზე შეერთებულია 476 პირი,  მათ შორის, თბილისში-214, აჭარაში-117, იმერეთში-45. კოვიდ-სასტუმროში მოთავსებულია 3 899 ადამიანი, მათ შორის 1 277- თბილისში, 2 022-აჭარაში, 343-იმერეთში. 13 779  პირი მკურნალობს ბინაზე.

დღევანდელი მდგომარეობით, საკარანტინე სივრცეში იმყოფება 1 241 ადამიანი, მათ შორის, თბილისში-365, აჭარაში-448, ხოლო იმერეთში-28.

თვითიზოლაციაში იმყოფება   51 262 ადამიანი, მათ შორის თბილისში-19 437 პირი, აჭარაში-12 071, იმერეთში-4 605

საქართველოში ახალი კორონავირუსით დაავადებულთა რაოდენობა ბოლო დღე-ღამეში 5 068 -ით გაიზარდა და ინფიცირებულთა საერთო რიცხვმა 152 704-ს მიაღწია.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

16
თემები:
COVID-19 საქართველოში
კორონავირუსზე ტესტირება

ლევან რატიანი: ადამიანს, რომელიც ვირუსს გადაიტანს, სავარაუდოდ, ვაქცინა არ დასჭირდება

37
კორონავირუსის ვაქცინა საქართველოში სავარაუდოდ მომავალი წლის მარტი-აპრილში შემოვა და ის ქვეყნის მოსახლეობისთვის უფასო იქნება.

თბილისი, 4 დეკემბერი - Sputnik. ადამიანი, რომელიც კორონავირუსით დაინფიცირდა და დაავადება ვაქცინის შემოსვლამდე მოიხადა, მას ვაქცინა, დიდი ალბათობით, არ დასჭირდება, განაცხადა თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორმა ლევან რატიანმა ტელეკომპანია „მაესტროს“ ეთერში საუბრისას.

როდის მიიღებს საქართველო COVID-19-ის საწინააღმდეგო ვაქცინას: ოპტიმისტური პროგნოზი>>

როგორც რატიანმა აღნიშნა, კოვიდინფექცია მყარ იმუნიტეტს ტოვებს როგორც წითელა, წითურა და სხვა ვერაგი დაავადებები, რემლებსაც კაცობრიობა მოერია.

„ერთად დგომით, მოვლა-მზრუნველობით გადავრჩებით, იმედია, ამის რესურსი ჩვენს ერს გააჩნია. ვიცი, ბევრი ნერვიულობს ამ ვირუსზე, თუმცა დღეს მედიცინაში მის შესახებ ბევრი ვისწავლეთ. თითქოს მთელმა მედიცინამ და ბიოლოგიურმა სამყარომ სხვა დაავადებები დაივიწყა და ყველა კორონავირუსზე გადაერთო. ახლა ყველას ამოცანაა, რომ ეს ვირუსი დავამარცხოთ“, - განაცხადა ლევან რატიანმა.

რაც შეეხება კორონავირუსის ვაქცინას, ის საქართველოში, სავარაუდოდ, 2021 წლის მარტი–აპრილში იქნება ხელმისაწვდომი მას შემდეგ, რაც ვაქცინას ჯანდაცვის მსოფლიო ორგანიზაცია დაამტკიცებს.

საქართველოს პრემიერ-მინისტრ გიორგი გახარიას განცხადებით, ამასთან დაკავშირებით შეიქმნა უწყებათაშორისო კომისია, რომელიც ვაქცინაციის გეგმის მომზადებასა და მის შესყიდვაზე იმუშავებს.

საქართველოში ვაქცინა, რომელსაც საქართველოს მთავრობა შეისყიდის, ქვეყნის მოსახლეობისთვის უფასო იქნება. ამასთან, საქართველომ ვაქცინის მისაღებად 4 მლნ დოლარი უკვე გადარიცხა და ვაქცინის 700 ათასი დოზა შეუკვეთა.

ამ დროისთვის ქვეყანაში კორონავირუსის 152 704 შემთხვევაა დადასტურებული. გამოჯანმრთელებულთა რაოდენობა 12 690-ს შეადგენს. გარდაიცვალა 1 425 მოქალაქე.

37
თემები:
COVID-19 საქართველოში
ქათამი

ფრინველის გრიპი მძლავრობს: მსოფლიოს ქვეყნებში ქათმების განადგურება დაიწყო

0
მანამდე ფრინველის გრიპის აფეთქება დაფიქსირდა ბელგიაში, გერმანიაში, საფრანგეთში, ნორვეგიაში, ნიდერლანდებში, დიდ ბრიტანეთსა და სამხრეთ კორეაში

თბილისი, 4 დეკემბერი — Sputnik. ნოემბრის დასაწყისიდან დღემდე იაპონიაშუ ორი მილიონი ქათამ გაანადგურეს ფრინველის გრიპის აფეთქების გამო, იუწყება სააგენტო Kyodo.

გავრცელებული ინფორმაციით, ეს ყველაზე მაღალი მაჩვენებელია ერთი სეზონისთვის.

ფრინველის გრიპით ინფიცირების პირველი შემთხვევა იაპონიაში წელს ნოემბრის დასაწყისში აღმოაჩინეს ქალაქ მიტოიოს ფერმაში. ამის გამო მის მფლობელებს 330 ათასი ქათმის განადგურება მოუხდათ. ამის შემდეგ ხელისუფლებამ მიტიოდან 10 კმ რადიუსში მდებარე ყველა ფერმას აუკრძალა ქათმების გაყიდვა.

თუმცა მოგვიანებით ფრნველის გრიპმა იაპონიის სხვა რეგიონებშიც იფეთქა. დღეისათვის გრიპის კერები ქვეყნის ოთხ პრეფექტურაშია აღმოჩენილი — კაგავაში, ფუკუოკაში, ჰეგოსა და მიიაძაკიში.

მანამდე ფრინველის  გრიპის შემთხვევები დაფიქსირდა ბელგიაში, გერმანიაში, საფრანგეთში, ნორვეგიასა და ნიდერლანდებში. ინფექციასთან ბრძოლის ფარგლებში ევროპის სახელმწიფოებში ასობით ათასი ქათამი გაანადგურეს.

ორი დღის წინ დაავადებამ თავი იჩინა დიდ ბრიტანეთშიც. ხელისუფლებამ ათასობით ინდაურის განადგურების ბრძანება გასცა, და ასევე სამხრეთ კორეაშიც, სადაც ასევე ასობით ათასი იხვი და ქათამი გაანადგურეს.

 

0
თემები:
მსოფლიო დღეს