ლაბორატორია

როგორ განვასხვავოთ კორონავირუსი გრიპისგან? ექიმის მოსაზრება

161
(განახლებულია 17:17 02.09.2020)
ძალიან ხშირად საშიში ვირუსი, რომელმაც ნახევარ წელზე მეტია პლანეტა შეარყია, შეიძლება მწვავე რესპირატორულ დაავადებაში აგვერიოს.

თბილისი, 2 სექტემბერი — Sputnik. კორონავირუსის ახალი ინფექცია ჩვეულებრივი გრიპისგან განსხვავდება და გამოცდილ ექიმს მათი გარჩევა შეუძლია. თუმცა, ამ დაავადებებს მრავალი მსგავსი სიმპტომები აქვთ და საკვანძო მაჩვენებელი მხოლოდ ტესტია, განუცხადა РИА Новости-ს მედიცინის მეცნიერებათა დოქტორმა, ვირუსოლოგმა ანატოლი ალტშტეინმა. 

„დიახ, ისინი განსხვავდებიან და გამოცდილი ექიმი მათ გაარჩევს. კორონავირუსის ინფექციის დროს შემთხვევების საკმაოდ მაღალ მაჩვენებელში სუნის, გემოს შეგრძნება იკარგება. თუმცა არსებობს ბევრი მსგავსი სიმპტომები, ამიტომაც აქ სიფრთხილეა საჭირო“, – განაცხადა ალტშტეინმა.

ექიმის თქმით, რენტგენოლოგებს კორონავირუსის გრიპისგან გარჩევა ფილტვებში დაფიქსირებული ცვლილებებისას შეუძლიათ. „თუმცა, ყოველთვის 100%-ით არა. მთლიანობაში შეიძლება განასხვავო და ასევე აგერიოს კიდეც“, – აღნიშნა მან.

ექსპერტის აზრით, მოცემულ შემთხვევაში ყველაზე მნიშვნელოვანი მაჩვენებელი ორგანიზმში კორონავირუსის არსებობაზე ტესტის ჩატარებაა. ალტშტეინის ვარაუდით, ექიმი ამ სიმპტომის მქონე პაციენტს პირველად მწვავე რესპირატორული დაავადების დიაგნოზს დაუსვამს, ხოლო შემდგომ ეტაპზე – გამოიკვლევს.

161
პოლიცია

სამართალდამცველები 41 წლის მამაკაცს ეძებენ

34
(განახლებულია 16:45 18.09.2020)
მამაკაცს ბოლო სატელეფონო კომუნიკაცია მიმდინარე წლის 29 ივლისს დედასთან ჰქონდა, რის შემდეგაც მასთან დაკავშირება ვერ ხერხდება

 

თბილისი, 18 სექტემბერი - Sputnik. სამართალდამცველები უგზოუკვლოდ დაკარგულ 41 წლის ამირან გაფრინდაშვილს ეძებენ, ნათქვამია საქართველოს შინაგან საქმეთა სამინისტროს მიერ გავრცლებულ განცხადებაში. 

უწყების ცნობით, მამაკაცი თბილისში, გლდანის რაიონის სოფელ გიორგიწმინდაში ცხოვრობს. მას  ბოლო სატელეფონო კომუნიკაცია მიმდინარე წლის 29 ივლისს დედასთან ჰქონდა, რის შემდეგაც მასთან დაკავშირება ვერ ხერხდება.

სამართალდამცავ უწყებაში  მამაკაცის გაუჩინარების შესახებ შეტყობინება 12 აგვისტოს შევიდა.

„შეტყობინების მიღებისთანავე დაიწყო და გრძელდება აღნიშნული პირის ინტენსიური სამძებრო-საძიებო ღონისძიებები. ამ ეტაპზე, გამოკითხულია ათეულობით პირი, დანიშნულია ექსპერტიზები და აქტიურ რეჟიმში გრძელდება შესაბამისი მოქმედებები გაუჩინარებული მამაკაცის ადგილსამყოფელის დადგენის მიზნით“,- აღნიშნულია განცხადებაში.

საქმეზე გამოძიება საქართველოს სსკ-ის 143-ე მუხლით მიმდინარეობს, რაც თავისუფლების უკანონო აღკვეთას გულისხმობს.

შინაგან საქმეთა სამინისტრო მოქალაქეებს მოუწოდებს,  აღნიშნულ პიროვნებასთან დაკავშირებით ნებისმიერი ინფორმაციის არსებობის შემთხვევაში, დარეკონ საზოგადოებრივი უსაფრთხოების მართვის ცენტრ "112"-ში ან აცნობონ პოლიციის უახლოეს განყოფილებას.

34
თემები:
შემთხვევები საქართველოში
ლელა წურწუმია და კახა მამულაშვილი

„გავიკეთე ტესტი... ნერვები აღარ მაქვს და არც თმა თავზე“ - „მამულიჩა“ განცხადებას ავრცელებს

87
(განახლებულია 12:21 18.09.2020)
ცნობილი პროდიუსერი კორონავირუსის ტესტირებაზე იმყოფებოდა. ნახეთ რა ვიდეოს ავრცელებს კლინიკიდან მამულიჩა

ცნობილმა პროდიუსერმა კახა მამულაშვილმა „ინსტაგრამის“ „სთორიზე“ ვიდეო მიმართვა გაავრცელა, სადაც ამბობს, რომ კორონავირუსზე პირველ საუნივერსიტეტო კლინიკაში ტესტი გაიკეთა და პასუხს ელოდება. „მამულიჩა“ ამბობს, რომ ვირუსზე მეტად იმ ადამიანების კომენტარებმა გააღიზიანა, ვისაც ეჭვი ჰქონდა, რომ შესაძლოა მას ვირუსი ჰქონოდა. „ნერვები აღარ მაქვს და არც თმა თავზე“ - ამბობს პროდიუსერი.

ცნობილი პროდიუსერი ქართველი პოპ-დივას მეუღლე. წყვილი მრავალი წელია ოფიციალურად დაქორწინებული არიან. მათი ცალ-ცალკე ნახვა წარმოუდგენელია. ლელას და მამულიჩას ერთი ქალიშვილი ჰყავთ. თინეიჯერი მათ ურთიერთობას უფრო ამყარებს.

View this post on Instagram

A post shared by Kakhi Mamulashvili.Mamulicha (@mamulicha888) on

ლელა წურწუმიამ კარიერა 90-იანებში დაიწყო. მომღერლის სიმღერები ახლაც გაჰიტებულია. მამულიჩას და ლელას ყველაზე მეტად ის ახარებთ, რომ მათ და კომპოზიტორების მიერ შექმნილ სიმღერებს ახალგაზრდები და მათი თაობის ადამიანები ერთნაირად დიდი სიამოვნებით უსმენენ. ლელას სოლო-კონცერტების ბილეთებს სალაროებიდან იტაცებენ, პოპ-დივა აქტუალობას არ კარგავს.

View this post on Instagram

A post shared by Kakhi Mamulashvili.Mamulicha (@mamulicha888) on

მამულიჩას პირველი უიღბლო და ხანმოკლე ქორწინებიდან ერთი ვაჟი – ნიკოლოზი ჰყავს. სულ ცოტა ხნის წინ პროდიუსერი ბაბუა გახდა. ლელას და მის გერს – მამულიჩას სიმპათიურ ვაჟიშვილს ძალიან მეგობრული ურთიერთობა აქვთ, რაც საზოგადოების გაკვირვებას იწვევს. როგორც ჩანს, ლელა ოჯახის ახალ წევრებთან – რძალთან და შვილიშვილთანაც კარგ დროს ატარებს და ამას სოციალური ქსელის ოფიციალურ გვერდზე აქვეყნებს.

87
თემები:
სელებრითების ცხოვრება