ბრედ პიტი

ბრედ პიტის 27 წლის შეყვარებული, რომელიც ქართველ მოდელს ძალიან ჰგავს ფოტოები

2039
(განახლებულია 18:27 01.09.2020)
ცნობილი მსახიობის ირგვლივ ახალი ჭორები აგორდა. ყვითელი პრესა ბრედ პიტის ქმრიანი ქალის შეყვარებულობაზე ალაპარაკდა. ნახეთ ვინ არის პიტის რჩეული და ჰგავს თუ არა ის ცნობილ ქართველ მოდელს.

56 წლის ბრედ პიტს ახალი შეყვარებული ჰყავს. უცხოური მედიის ცნობით, ის 27 წლის გერმანელი მოდელი ნიკოლ პოტურალკია. მასმედიაში საუბარი მას შემდეგ დაიწყო, რაც მსახიობი აეროპორტში გერმანელ მოდელთან ერთად შენიშნეს. მსახიობმა მასთან ერთად საფრანგეთში იმოგზაურა.

View this post on Instagram

🐥🐥

A post shared by Nico (@nico.potur) on

ცოტა ხანში გავრცელდა ინფორმაცია, რომ 27 წლის მოდელი ნიკოლ პოტურალსკი გათხოვილია და ის და მისი 68 წლის ქმარი როლანდ მერი ღია ურთიერთობების მომხრეები არიან.

View this post on Instagram

What a beautiful day it was. 🤍💜

A post shared by Nico (@nico.potur) on

გავრცელებული ცნობით, მოდელმა და ცნობილმა მსახიობმა ერთმანეთი 2019 წელს ბერლინში, რესტორან Borchardt-ში გაიცნეს, რომელიც სწორედ პოტურალსკის ქმარს ეკუთვნის.

ნიკოლ პოტურალსკი ისეთ სააგენტოებთან თანამშრომლობს, როგორებიც არიან Management, Official Models, NEXT Models. მისი სამუშაო ფსევდონიმია ნიკო მერი. მან უკვე მოასწრო ისეთი ცნობილი გამოცემებისთვის გადაღება, როგორებიც არიან Harper’s Bazaar, ELLE, Grazia.

View this post on Instagram

Another beautiful day now off ✈️

A post shared by Nico (@nico.potur) on

ბევრი საუბრობს ანჯელინა ჯოლისთან მის მსგავსებაზე – გაბერილი ტუჩები, სიგამხდრე, სახის გამოკვეთილი ნაკვთები. თუმცა, თუ კარგად დააკვირდებით, ნიკოლი მისი მსოფლმხედველობით და ცხოვრების სტილით მნიშვნელოვნად განსხვავდება პიტის ყოფილი ცოლისგან: ის ხშირად მოგზაურობს, უყვარს მკვეთრი და მოდური ტანსაცმელი, აქტიურობს „ინსტაგრამის“ გვერდზე, არ ეშინია გამოხატოს სამოქალაქო პოზიცია, მხარს უჭერს მოძრაობას Black Lives Matter და იბრძვის იარაღით ვაჭრობის წინააღმდეგ.

View this post on Instagram

🍽

A post shared by Nico (@nico.potur) on

მისი ჩაცმის სტილი მოდელების კლასიკურ ყოველდღიურ სტილს ჰგავს – ტოპები, დაბალწელიანი შარვლები, მინიატურული ჩანთები, კედები და ა.შ. აქსესუარებიდან უყვარს ყელსაბამები და საყურეები. მისი მაკიაჟი ყოველთვის ნატურალურია, მკაფიო დეტალების გარეშე. სამაგიეროდ თამამად იხდენს მოდურ სათვალეებს და თავსაბურავებს.

View this post on Instagram

My sis @keti_one_official ♥️

A post shared by Miranda Sheliya (@mimishelini) on

ის ხშირად იღებს ფოტოებს მკვეთრი ფერის წინდებში. ამჯობინებს სპორტულ ფეხსაცმელს, ბოტასებს ან დაბალქუსლიან სანდლებს. სოციალურ ქსელში უკვე დაიწყეს საუბარი იმაზე, რომ გერმანელი მოდელი ძალიან ჰგავს ქართველ ფოტომოდელ მირანდა შელიას, რომელიც მოსკოვში ცხოვრობს.

2039
თემები:
სელებრითების ცხოვრება (2114)
მცხეთის სასამართლო – შაქარაშვილის მკვლელობის საქმე

შაქარაშვილის მკვლელობის საქმე: გაფორმდება თუ არა საპროცესო შეთანხმება

11
(განახლებულია 14:18 25.09.2020)
იმ შემთხვევაში, თუ დაკავებულები ბრალს აღიარებენ, ბრალდების მხარემ შეიძლება საპროცესო შეთანხმების გაფორმებაზე თანხმობა განაცხადოს

თბილისი, 25 სექტემბერი  — Sputnik.  პროკურორი გიორგი მუკმანიანი არ გამორიცხავს 19 წლის ფეხბურთელის გიორგი შაქარაშვილის განზრახ მკვლელობის საქმეზე ბრალდებულთა ნაწილთან საპროცესო შეთანხმების გაფორმებას. 

რეზონანსულ საქმეზე 17 პირი გადის, მათ შორის ექვსი არასრულწლოვანია. ნაწილს ბრალი ედება ჯგუფურ ძალადობაში, ნაწილს - დამამძიმებელ გარემოებაში განზრახ მკვლელობაში.

პროკურორის თქმით, ბრალდებულებთან საპროცესო შეთანხმება აღიარების სანაცვლოდ  შეიძლება გაფორმდეს.

 „საპროცესო შეთანხმება – მოლაპარაკებების საგანია და მისი აუცილებელი პირობა დანაშაულის აღიარებაა. მოლაპარალებების წარმოების უფლება ბრალდებულს აქვს. შესაბამისად, მათ შეუძლიათ ბრალდების მხარეს მიმართონ და ჩვენ მას განვიხილავთ“, განაცხადა მუკბანიანმა ტელეკომპანია Rustavi 2-ის ეთერში.

19 წლის ფეხბურთელის ცხედარი 22 ივნისს, ოთხდღიანი ძებნის შემდეგ, მდინარე არაგვში იპოვეს. ექსპერტიზამ დაადგინა, რომ ის წყალში დაიხრჩო, თუმცა ცხედარზე უამრავი დაზიანებაა, რომელიც სიცოცხლეშია მიყენებული. გამოძიების ვერსიით, ბრალდებულებმა შაქარაშვილი ჯერ სცემეს, შემდეგ კი მდინარეში გადააგდეს.

ამ შემთხვევას წინ უსწრებდა ჩხუბის ორი ეპიზოდი – ერთი მცხეთაში და მეორე თბილისი–მცხეთის გზაზე.

11
თემები:
19 წლის გიორგი შაქარაშვილის მკვლელობის საქმე
ნადირობა

საქართველოში  უკანონო ნადირობის 304 შემთხვევა გამოვლინდა

52
(განახლებულია 13:20 25.09.2020)
უკანონო ნადირობის ყველაზე მეტი-230  შემთხვევა დასავლეთის რეგიონული სამმართველოს სამოქმედო ტერიტორიაზე დაფიქსირდა.

თბილისი, 25 სექტემბერი – Sputnik. ნადირობის სეზონის გახსნიდან დღემდე საქართველოს მასშტაბით უკანონო ნადირობის 304 ფაქტი გამოვლინდა, იუწყება გარემოსდაცვითი ზედამხედველობის დეპარტამენტი. 

საქართველოში გადამფრენ ფრინველებზე ნადირობის სეზონი 22 აგვისტოს გაიხსნა. არემოსდაცვითი ზედამხედველობის დეპარტამენტის თანამშრომლები ნადირობის სეზონის ფარგლებში ნადირობის წესების დარღვევის გამოვლენისა და უკანონო ნადირობის აღკვეთის მიზნით საქართველოს მასშტაბით 24-საათიან გაძლიერებულ კონტროლს ახორციელებენ.

უწყების ცნობით, უკანონო ნადირობის ყველაზე მეტი – 230  შემთხვევა დასავლეთ საქართველოს ტერიტორიაზე დაფიქსირდა.  რაც შეეხება დედაქალაქს, აქ სამი ფაქტი დაფიქსირდა.

„გარემოსდაცვითი ზედამხედველობის დეპარტამენტის თანამშრომლებმა სამცხე-ჯავახეთში უკანონო ნადირობის 21, აღმოსავლეთ რეგიონული სამმართველოს სამოქმედო ტერიტორიაზე-18, აჭარასა და გურიაში-14, სამეგრელო -ზემო სვანეთში-7. ქვემო ქართლში-6, კახეთში კი 5 ფაქტი გამოავლინეს“, – აღნიშნულია განცხადებაში.

სპეციალისტებმა შემოწმების დროს 279 ხელნაკეთი მოწყობილობა ე.წ. „მანოკი“ ამოიღეს. გარდა ამისა, გამოვლენილი სამართალდარღვევებიდან 20 შემთხვევაში სამართალდამრღვევები დაწესებული მოსაკრებლის გადახდის დამადასტურებელი ქვითრის გარეშე ნადირობდნენ, 12 მონადირეს კი დაურეგისტრირებელი იარაღი აღმოაჩნდა. 

გარემოსდაცვითი ზედამხედველობის დეპარტამენტი მოქალაქეებს მოუწოდებს, კანონდარღვევის დაფიქსირების შემთხვევაში, მიმართონ გარემოს დაცვისა და სოფლის მეურნეობის სამინისტროს „ცხელ ხაზს“ – 153 (ზარი უფასოა, ანონიმურობა დაცულია), რათა მყისიერად მოხდეს კანონდარღვევაზე რეაგირება.

საქართველოში ნადირობისათვის დაშვებულ გადამფრენ ფრინველთა ცალკეულ სახეობებზე დაწესებულია ნადირობის ვადები და დღიური ლიმიტები.

ნადირობის დროს იკრძალება მცენარეული საფარის დაწვა, გარეული ფრინველის კვერცხის შეგროვება და გაყიდვა, ცხოველთა ბუდეების, ბუნაგების, საცხოვრებელი ადგილების მოშლა ან განადგურება, ცხოველთა მასობრივი მოპოვებისთვის სხვადასხვა მოწყობილობის გამოყენება, ნადირობა თვითმფრინავიდან, ვერტმფრენიდან, ავტომობილიდან, მოტოციკლიდან, კატარღებიდან, ძრავიანი ნავებიდან და სხვა მოტორიანი სატრანსპორტო საშუალებებიდან.

ნადირობა ასევე აკრძალულია სახელმწიფო ნაკრძალებში, ეროვნულ პარკებში და მათ გარშემო 500-მეტრიან ზონაში, საქართველოს ქალაქების ადმინისტრაციულ საზღვრებში.

52
თემები:
ჩვენ და ბუნება