მამუკა მდინარაძე

არჩილ თალაკვაძის შემდეგ მამუკა მდინარაძე: დეპუტატს კორონავირუსი არ დაუდასტურდა

130
(განახლებულია 20:29 31.08.2020)
მმართველი პარტია „ქართული ოცნების" ცენტრალური ოფისი მუშაობის განსაკუთრებულ რეჟიმზეა გადასული – კორონავირუსი უკვე სამ თანამშრომელს დაუდგინდა.

თბილისი, 31 აგვისტო — Sputnik. საქართველოს პარლამენტის თავმჯდომარის მოადგილეს მამუკა მდინარაძეს კორონავირუსზე ტესტი ჩაუტარდა, პასუხი უარყოფითია.

როგორც ჟურნალისტებთან მდინარაძემ განაცხადა, ვინაიდან „ქართული ოცნების" ცენტრალური ოფისის ერთ-ერთ თანამშრომელს კორონავირუსი დაუდგინდა, პროტოკოლის თანახმად, მასთან უშუალო შემხებლობაში მყოფი პირები კარანტინსა და თვითიზოლაციაში არიან გადასული.

მდინარაძის განმარტებით, ინფიცირებულია დამლაგებელი და პარლამენტის სპიკერის არჩილ თალაკვაძის პირადი დაცვის წევრი.

„დანარჩენები, რომლებიც იზოლაციაში არ მოვხვდით, ასე ვთქვათ, შეზღუდულ რეჟიმში გადავაადგილდებით, რადგან არ შეიძლება შტაბის მუშაობა შეჩერდეს. თუმცა მათ, ვისაც უშუალო კონტაქტი არ ჰქონდა ინფიცირებულებთან, ეპიდემიოლოგების რეკომენდაციით, შეუძლიათ თავისუფლად გადაადგილდნენ. მაგრამ მათი რაოდენობაც დროებით შევზღუდეთ. ასევე ყველა ჩვენგანმა ტესტი ჩავიტარეთ, ინფექცია არ დაგვიდასტურდა", – განაცხადა მდინარაძემ.

ამასთან, მან ჟურნალისტებს სთხოვა, არ დაუსვან კითხვა, თუ როგორ შეაღწია ვირუსმა პარტიის ოფისში და ვინაა ინფიცირების წყარო. მდინარაძემ ამ კითხვებით მედია ეპიდემიოლოგებთან გადაამისამართა.

130
თემები:
COVID-19 საქართველოში (1771)
გრიპის ვაქცინა

გრიპის საწინააღმდეგო ვაქცინა საქართველოში ოქტომბრის დასაწყისში გამოჩნდება

16
(განახლებულია 19:37 22.09.2020)
რესპირატორული დაავადებების გავრცელების სეზონის დაწყებასთან ერთად ქართველი მედიკოსები გრიპის ვაქცინაციის აუცილებლობაზე ალაპარაკდნენ

თბილისი, 22 სექტემბერი - Sputnik. ოქტომბრის დასაწყისში საქართველოს განკარგულებაში ექნება გრიპის ოთხკომპონენტიანი ვაქცინის 135 ათასი დოზა, განაცხადა დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ.

„წელს ნაყიდი გვაქვს 135 ათასი, რომლის პირველი პარტია, ჩემი ინფორმაციით, ოქტომბრის დასაწყისში უნდა შემოვიდეს. და დაიწყება ვაქცინაცია... ვაქცინა ასევე შემოაქვს კერძო სექტორს და მსურველებს ნებაყოფლობით შეუძლიათ აიცრან“, – განაცხადა გამყრელიძემ.

ამასთან დაავადებათა კონტროლის ცენტრი ვაქცინის დამატებითი რაოდენობის შეძენაზე მუშაობს.

თავად ვაქცინა ფრანგული წარმოებისაა. გამყრელიძის თქმით, ის განკუთვნილია რისკ-ჯგუფებზე, რომლებსაც ყოველ წელს ჯანდაცვის სამინისტროსთან არსებული იმუნიზაციის კომიტეტი განსაზღვრავს. რისკ-ჯგუფში შედიან ორსულები, ხანდაზმულები, ბავშვები და ქრონიკული დაავადებების მქონე პირები.

საქართველოს მოსახლეობაში გრიპის საწინააღმდეგო ვაქცინის პოპულარიზაცია 2014-2015 წლებში დაიწყო. 2018 წელს ქვეყანამ შეიძინა 40 ათასი დოზა, მაგრამ პრეპარატის დიდი ნაწილი აუთვისებელი დარჩა. გასულ წელს ქვეყანამ შეიძინა უკვე 100 ათასი დოზა, საიდანაც გამოუყენებელი ძალიან მცირე ნაწილი დარჩა.

16
თემები:
ჯანდაცვა საქართველოში
საზმაუს შენობა

საზმაუ-ს გენერალური დირექტორის ხელფასი 2,5-ჯერ გაიზარდა

18
(განახლებულია 19:21 22.09.2020)
საზოგადოებრივი მაუწყებლის ხელმძღვანელი 4 ათასი ლარის ნაცვლად ხელზე ასაღებ ხელფასს 10 ათასი ლარის ოდენობით მიიღებს

თბილისი, 22 სექტემბერი - Sputnik. „საზოგადოებრივი მაუწყებლის“ სამეურვეო საბჭოს მიერ ერთხმად მიღებული  გადაწყვეტილებით, გენერალური დირექტორის ხელფასი 2,5 ჯერ  გაიზარდა, იუწყება „პირველი არხი“.

ამიერიდან საზოგადოებრივი მაუწყებლის ხელმძღვანელი 4 ათასი ლარის ნაცვლად ხელზე 10 ათას ლარს მიიღებს.

დღესვე ცნობილი გახდა გენერალური დირექტორის პოსტზე იმ ოთხი კანდიდატის ვინაობაც, რომელებიც მეორე ტურში გადავიდნენ. ესენია გენერალური დირექტორის მოვალეობის შემსრულებელი თინათინ ბერძენიშვილი, მომღერალი და კომპოზიტორი ირმა სოხაძე, პოლიტოლოგი ხათუნა ლაგაზიძე და რეჟისორი ალექსანდრე ვახტანგოვი.

კანდიდატებს შორის ხმები შემდეგნაირად გადანაწილდა: თინათინ ბერძენიშვილი - 9 ხმა, ირმა სოხაძე - 7 ხმა, ხათუნა ლაგაზიძე - 7 ხმა, ალექსანდრე ვახტანგოვი - 5 ხმა.

გენერალური დირექტორის არჩევნები პარასკევს, 25 სექტემბერს არის ჩანიშნული. ერთი დღით ადრე კი ყველა კანდიდატი ტელეარხის განვითარების საკუთარ ხედვას ონლაინ რეჟიმში წარმოადგენს.

ყველა კანდიდატი ეთანხმება მოსაზრებას, რომ საზოგადოებრივი მაუწყებელმა საკუთარი რეიტინგი უდნა გაზარდოს და მაყურებლისთვის ხარისხიანი პროდუქციის მიწოდება უნდა განაგრძოს.

18 აგვისტოს საზოგადოებრივი მაუწყებლის გენერალურმა დირექტორმა ვასილ მაღლაფერიძემ, რომელიც ამ პოსტს 2017 წლის იანვრიდან იკავებდა, თანამდებობა დატოვა. მაღლაფერიძემ გადადგომის მიზეზად საპარლამენტო არჩევნები დაასახელა.

ახლა გენერალური დირექტორის მოვალეობას მაღლაფერიძის ყოფილი მოადგილე თინათინ ბერძენიშვილი ასრულებს.

ადრე საზოგადოებრივი მაუწყებლის სამეთვალყურეო საბჭოში განაცხადეს, რომ გენერალური დირექტორის პოსტზე შესარჩევი კონკურსი რაც შეიძლება სწრაფად უნდა ჩატარდეს, საჭირო პროცედურები სულ მცირე თვენახევარი შეიძლება გაგრძელდეს.

ახალი შენობა

პარალელურად საზმაუ ყიდის თავის შენობას, რომელიც კოსტავას ქუჩაზე მდებარეობს. ეს შენობა წლებია ავარიულ მდგომარეობაშია. შენობა აუქციონზე სამჯერ გაიტანეს, თუმცა არცერთხელ მყიდველი არ გამოუჩნდა. თავდაპირველად შენობის 40 მლნ დოლარად გაყიდვა იგეგმებოდა, ამის შემდეგ შენობა აუქციონზე კიდევ ორჯერ გაიტანეს – 36 და 32,4 მლნ დოლარად, თუმცა, მცდელობა კვლავ წარუმატებელი აღმოჩნდა.

მესამედ ჩატარებული აუქციონი საერთოდ ჩავარდა.

საზოგადოებრივ მაუწყებელში აუქციონის ჩავარდნა კორონავირუსის პანდემიის გამო შექმნილი ეკონომიკური კრიზისით ახსნეს და  საპარლამენტო არჩევნების დამთავრებამდე შენობის გაყიდვა გადაავადეს.

არჩევნები 31 ოქტომბერს გაიმართება, მათი შედეგები ცნობილი 2-3 კვირაში გახდება.

ამასთან ერთად, საზმაუ-მ ახალი შენობის ასაშენებლად ტენდერი უკვე გამოაცხადა. სამშენებლო ნებართვა თბილისის მერიის არქიტექტურულმა სამსახურმა უკვე გასცა. საზოგადოებრივი მაუწყებლის ახალი შენობა ვაკე-საბურთალოს რაიონში, პოლიტკოვსკაიას ქუჩაზე აშენდება, პროექტის სავარაუდო ღირებულება 46,8 მილიონ ლარს შეადგენს. მშენებლობისთვის გამოყოფილია ორი ჰექტარი ფართობის მიწის ნაკვეთი.

18