ამირან გამყრელიძე

გამყრელიძე: კორონავირუსთან ერთად შემოდგომაზე გრიპის სეზონიც გააქტიურდება

729
გამყრელიძის განცხადებით, ოქტომბრის მეორე ნახევრიდან მოსალოდნელია გაციების პერიოდი და რესპირაციული ინფექციების თანდართვა.

თბილისი, 28 აგვისტო - Sputnik. სახელმწიფოს აქვს ნაყიდი დაახლოებით 135 ათასი დოზა გრიპის ვაქცინა, რომელიც ქვეყანაში ოქტომბრის პირველ ნახევარში შემოვა, განუცხადა დაავადებათა კონტროლის ეროვნული ცენტრის ხელმძღვანელმა ამირან გამყრელიძემ პირველ არხს.

როგორც გამყრელიძემ აღნიშნა,  ძალიან მნიშვნელოვანი იქნება, რომ მოსახლეობა გრიპის სეზონს აცრილი დახვდეს.

„ჩვენ ახლა ვმუშაობთ იმაზე, რომ კიდევ გავზარდოთ გრიპის ვაქცინის რაოდენობა, თუ არის შესაძლებელი, რადგან საკმაოდ დიდი მოთხოვნაა გრიპის ვაქცინაზე. ასევე, კერძო სექტორი შემოიტანს და სახელმწიფო აცრის რისკჯგუფებს. ეს ორგანიზებულად დაიწყება ოქტომბერში“, – განაცხადა გამყრელიძემ.

როგორც გამყრელიძემ აღნიშნა, ზოგადად შემოდგომაზე, ოქტომბრის მეორე ნახევრიდან მოსალოდნელია გაციების პერიოდი და რესპირაციული ინფექციების თანდართვა.

„ოქტომბრის მეორე ნახევრიდან მოსალოდნელია გაციების პერიოდი და რესპირაციული ინფექციების თანდართვა. შესაბამისად, ის პროფილაქტიკური ღონისძიებები, რაც კორონავირუსზე ვრცელდება, ყველა რესპირაციულ ინფექციაზეცაა და ეს მოსახლეობამ უნდა დაიცვას“, - განაცხადა მან.

დაავადებათა კონტროლის ეროვნული ცენტრის ხელმძღვანელმა კორონავირუსის ვაქცინაზეც ისაუბრა. მისი თქმით, ვაქცინა წლის ბოლომდე, დიდი ალბათობით, ვერ იქნება დამტკიცებული, ამიტომ ინფექციასთან დასაპირისპირებლად ისევ რჩება  შემზღუდავი ღონისძიებები და დისტანცირება.

COVID 19 და სეზონური გრიპი: ადამიანის ორგანიზმი ორივეს ერთნაირად ებრძვის - ახალი კვლევა>>

„არ მგონია, რომ ეს იყოს დრამატული, რადგან ჩვენთან ჯერჯერობით ეპიდსიტუაცია მართვადია სრულად და კონტროლს ექვემდებარება. როგორც ხედავთ, ყოველდღიურად ჩვენ გვაქვს უმრავლესად ერთნიშნა რიცხვები, დღესაც გვაქვს რვა ახალი შემთხვევა, მაქსიმუმ არის 20-მდე შემთხვევა, ეს პროგნოზირებადი იყო და მოსალოდნელი, რომ იქნებოდა“, - განაცხადა გამყრელიძემ.

საქართველოში ახალი კორონავირუსით დაავადებულთა რაოდენობამ ბოლო დღე-ღამეში 1455-ს მიაღწია. ამ დროისათვის გამოჯანმრთელდა 1196 ადამიანი, გარდაიცვალა – 19.

საქართველოში კორონავირუსის პირველი შემთხვევა 26 თებერვალს დაფიქსირდა.

საქართველოში ყველაზე ხშირად B ტიპის ვირუსი ფიქსირდება, რომელიც ხასიათდება კლინიკურად შედარებით მსუბუქი და საშუალო სიმძიმის მიმდინარეობით. ასევე ხვდება A ტიპის – H3 და H1 ვირუსები, აგრეთვე რინოვირუსები.

სპეციალისტების აზრით, გრიპის საწინააღმდეგო ვაქცინაცია არის გრიპის პრევენციის და მისგან გამოწვეული მძიმე შედეგების ყველაზე ეფექტური სპეციფიკური საშუალება. მეცნიერული კვლევებით დადგენილია, რომ ვაქცინაციას შეუძლია გრიპით დაავადების რისკი შეამციროს 60%-ით მთელ მოსახლეობაში გრიპის სეზონის განმავლობაში.

729
თემები:
COVID-19 საქართველოში (2862)
ბათუმი

1 თებერვლიდან ხუთ ქალაქში ტრანსპორტის, სკოლებისა და სავაჭრო ობიექტების მუშაობა განახლდება

33
(განახლებულია 13:17 22.01.2021)
უწყებათაშორისი საკოორდინაციო საბჭოს გადაწყვეტილებით, საქართველოს ხუთ დიდ ქალაქში – ბათუმში, ზუგდიდში, გორში, ფოთსა და თელავში  1 თებერვლიდან მუნიციპალური ტრანსპორტის, სკოლებისა და სავაჭრო ობიექტების მუშაობა აღდგება,

თბილისი, 22 იანვარი – Sputnik. უწყებათაშორისი საკოორდინაციო საბჭოს გადაწყვეტილებით, საქართველოს ხუთ დიდ ქალაქში – ბათუმში, ზუგდიდში, გორში, ფოთსა და თელავში  1 თებერვლიდან მუნიციპალური ტრანსპორტის, სკოლებისა და სავაჭრო ობიექტების მუშაობა აღდგება, განაცხადა საკოორდინაციო საბჭოს სხდომის დასრულების შემდეგ ვიცე-პრემიერმა მაია ცქიტიშვილმა.

ამასთან, თბილისში, ქუთაისსა და რუსთავში პირველი თებერვლიდან განაახლებენ მუშაობას მაღაზიები და სავაჭრო ცენტრები.

„სკოლებისა და შესაბამისად მუნიციპალური ტრანსპორტის მუშაობის აღდგენა დაგეგმილია პირველი მარტიდან. ყველა ქალაქში ღია და დახურული ბაზრობები გაიხსნება 15 თებერვლიდან“, – განაცხადა ცქიტიშვილმა.

მასალა განახლების პროცესშია

 

33
მდინარე მტკვარი

მდინარე მტკვარზე დასუფთავების აქცია მიმდინარეობს

4
(განახლებულია 12:57 22.01.2021)
საჭიროების შემთხვევაში აღნიშნული აქცია მომდევნო დღეებშიც, ტერიტორიის სრულ დასუფთავებამდე გაგრძელდება, განაცხადა „თბილსერვის ჯგუფის“ გენერალურმა დირექტორმა რომეო მოქაუტაძემ

თბილისი, 22 იანვარი – Sputnik. ამიერკავკასიაში ყველაზე გრძელ მდინარე მტკვარს საყოფაცხოვრებო ნარჩენებისგან წმენდენ, იუწყება ტელეკომპანია "რუსთავი 2". 

დასუფთავების აქცია ითვალისწინებს მდინარის პოლიეთილენის პაკეტებისა და პლასტმასის ბოთლებისგან მდინარის გაწმენდას. ამ დროისთვის უკვე გაწმენდილია მტკვრის მარცხენა სანაპირო.

დასუფთავების აქციაში მონაწილეობენ  შპს „თბილსერვის ჯგუფისა“ და  საგანგებო სიტუაციების მართვის სამსახურის წარმომადგენლები.

„თბილისის მერის დავალებით მდინარე მტკვრის დასუფთავების სამუშაოები წლის განმავლობაში რამდენჯერმე ხორციელდება. როგორც ხედავთ, ხდება მდინარის გაწმენდა საყოფაცხოვრებო ნარჩენებისგან“, - განაცხადა კომპანია „თბილსერვის ჯგუფის“ გენერალურმა დირექტორმა რომეო მოქაუტაძემ.

მდინარე მტკვარი საქართველოსა და ამიერკავკასიაში ყველაზე დიდი მდინარეა, რომელიც სამ სახელმწიფოში მიედინება. იგი სათავეს თურქეთში იღებს და, საქართველოს ტერიტორიის გავლით, საბოლოოდ კასპიის ზღვას ერთვის აზერბაიჯანის ტერიტორიაზე.

მდინარის აუზის მოცულობა 188 ათას კვადრატულ კილომეტრს შეადგენს. მდინარის მთლიანი სიგრძე 1,5 ათას კილომეტრზე მეტია. საქართველოს ტერიტორიაზე მტკვრის სიგრძე 390 კილომეტრია.

4
თემები:
თბილისის მერია