ლევან რატიანი

როგორია შატილში დაშავებულთა ჯანმრთელობის მდგომარეობა? რატიანის განმარტება

238
(განახლებულია 15:41 28.08.2020)
ექიმებს იმედი გაუჩნდათ – ავტოავარიაში დაშავებული სამი ადამიანის ჯანმრთელობის მდგომარეობაში, რაც თავდაპირველად კრიტიკულად ფასდებოდა, პოზიტიური დინამიკა შეიმჩნევა.

თბილისი, 28 აგვისტო – Sputnik. შატილის გზაზე მომხდარი ავტოსაგზაო შემთხვევისას გადარჩენილი სამი ახალგაზრდა ქალის ჯანმრთელობის მდგომარეობაში დადებითი დინამიკაა შენარჩუნებული, განაცხადა ჟურნალისტებთან პირველი საუნივერსიტეტო კლინიკის გენერალურმა დირექტორმა ლევან რატიანმა. 

23 აგვისტოს ჟინვალი-ბარისახო-შატილის საავტომობილო გზაზე დაახლოებით 80 მეტრის სიმაღლიდან მიკროავტობუსი გადავარდა, რომელშიც 20 ადამიანი იმყოფებოდა. 17 ადგილზე დაიღუპა, სამი კი მძიმედ დაშავდა. მათი მდგომარეობა თავიდანვე კრიტიკულად შეფასდა. ორ პაციენტს შინაგანი სისხლდენა დაეწყო, რის გამოც მათ სასწრაფო ოპერაცია ჩაუტარდათ.

რატიანის განმარტებით, უარყოფითი გამოვლინება არც ერთ პაციენტთან არ ვლინდება, თუმცა დაშავებულები კვლავ მართვით სუნთქვაზე რჩებიან.

შატილის გზაზე მომხდარი ტრაგედიისას დაღუპულთა ხსოვნის პატივსაცემად 25 აგვისტო ქვეყანაში გლოვის დღედ გამოცხადდა.

238
შსს-ს შენობა

რატომ ვერ გადაკვეთა საზღვარი გიგი უგულავამ: უარის მიზეზს შსს განმარტავს

52
ქართველმა ოპოზიციონერმა ქვეყნის დატოვება უწყებრივი ხარვეზის გამო ვერ შეძლო. მონაცემთა ბაზა უკვე შეიცვალა და უგულავას საზღვარგარეთ გამგზავრება თავისუფლად შეუძლია

თბილისი, 23 იანვარი - Sputnik. ოპოზიციური პარტია „ევროპული საქართველოს“ ლიდერ გიგი უგულავას საზღვრის გადაკვეთაზე უარი ბაზაში არსებული ხარვეზის გამო ეთქვა, ნათქვამია შსს-ს მიერ გავრცელებულ განცხადებაში.

დღეს სამართალდამცველებმა პოლიტიკოსს თბილისის აეროპორტში საზღვრის გადაკვეთის საშუალება არ მისცეს. მისი თქმით, მას ქვეყნის დატოვების შეზღუდვა არ აქვს, თუმცა პოლიციამ მას ქვეყნის დატოვების შესაძლებლობა მაინც არ მისცა. ამის შესახებ პოლიტიკოსმა დღეს აოციალურ ქსელში დაწერა.

გიგი უგულავას 2000-ლარიან გირაოსთან ერთად საგამოძიებო უწყებებისთვის პასპორტისა და პირადობის მოწმობის ჩაბარება 2019 წლის 12 დეკემბერს დაევალა. საქმე ეხება ინციდენტს, რომელიც ერთი წლის წინ თბილისის აეროპორტში მოხდა. უგულავასა და მის თანაპარტიელ გიორგი გაბაშვილს თბილისის საერთაშორისო აეროპორტში თავს დაესხნენ. ეს იმ დროს მოხდა, როდესაც ისინი საპასპორტო კონტროლს გადიოდნენ. ოპოზიციონერები კვიპროსის ქალაქ ლარნაკაში მიფრინავდნენ. ჩატარებული დაკითხვების შემდეგ ოპოზიციონერებზე თავდასხმის საქმე შემოტრიალდა. უგულავასა და ასევე კიდევ ერთ პირს ბრალი ძალადობის მუხლით წარედგინა.

როგორც უწყებაში განმარტავენ, აღნიშნულ საქმეზე სასამართლო განხილვის ეტაპზე უგულავას მიმართ გამოყენებული აღკვეთის ღონისძიება გირაო და დამატებითი ვალდებულება პასპორტის და პირადობის მოწმობის ჩაბარების თაობაზე გაუქმდა, მაგრამ პასპორტის და პირადობის მოწმობის ჩაბარების ვალდებულების გაუქმების შესახებ გადაწყვეტილება შინაგან საქმეთა სამინისტროს არ მიუღია, შესაბამისად ბაზაში მონაცემები დარჩა უცვლელი. სწორედ ამ ბიუროკრატიული ხარვეზის გამო გიორგი უგულავამ ვერ გადაკვეთა სახელმწიფო საზღვარი.

„ამ ეტაპზე გიორგი უგულავას ბაზაში შეზღუდვა არ უფიქსირდება და მას აქვს უფლება გადაკვეთოს სახელმწიფო საზღვარი“, - აღნიშნავენ შსს-ში.

 

52
ბათუმის ბულვარი ზამთარში

ბათუმში საპროტესტო აქცია გაიმართა: მომიტინგეთა შორის დაპირისპირება მოხდა

140
საზოგადოებრივი აქტივისტები და ოპოზიციის წარმომადგენლები ბათუმის ბულვარში 16-სართულიანი შენობის მშენებლობას აპროტესტებენ

თბილისი, 23 იანვარი – Sputnik. სამოქალაქო საზოგადოებები - „ბათუმი“ და „დაიცავი ძველი ბათუმი“ - ბათუმის ბულვარში 16-სართულიანი შენობის მშენებლობას აპროტესტებენ, იუწყება პირველი არხი.

აქციის მონაწილეები აცხადებენ, რომ ბულვარში, რომელიც კულტურული მემკვიდრეობის ძეგლია, მრავალსართულიანი შენობის აშენება უკანონოა. ამასთან, მათივე განცხადებით, შენობა ბულვარს ავთენტურობას უკარგავს.

სადაო შენობა შპს „ამბასადორ ბათუმს“ ეკუთვნის. მასში სასტუმროსა და ბალნეოლოგიური ცენტრის გახსნა იგეგმება. თავდაპირველად კომპანიამ ტერიტორიაზე ოთხსართულიანი შენობის ნებართვა მოპოვა, სამი დღის წინ კი აჭარის კულტურული მემკვიდრეობის დაცვის სააგენტოს ძეგლთა საბჭომ შენობის 16 სართულამდე გაზრდის ნებართვა გასცა, რომელსაც საბჭოს რვა წევრიდან ხუთმა დაუჭირა მხარი.

აქციის მონაწილეები სამართლებრივი დავის დაწყებასაც აპირებენ.

„ხუთი წლის წინ გადავარჩინეთ ბულვარი. დღეს ისევ დასაცავია. არ დავუშვებთ მრავალსართულიანი კორპუსის მშენებლობას და ამისთვის გავაკეთებთ ყველაფერს“, – აცხადებს „დაიცავი ძველი ბათუმის“ წარმომადგენელი ზეინაბ დიასამიძე.

აჭარის კულტურული მემკვიდრეობის სააგენტოს ხელმძღვანელი ზაურ ახვლედიანი კი აცხადებს, რომ კომპანიის მიერ წარმოდგენილი ახალი პროექტი ბულვართან შესაბამისობაშია.

საპროტესტო აქციაზე, სადაც ასევე ოპოზიციის წარმომადგენლებიც იმყოფებიან, ცოტა ხნის წინ ხმაური იყო. „ნაციონალური მოძრაობის“ წარმომადგენლები აჭარის უმაღლესი საბჭოს დეპუტატს, ირაკლი ჩავლეიშვილს დაუპირისპირდნენ, რომელიც უმაღლეს საბჭოში „ნაციონალური მოძრაობის“ პარტიული სიით შევიდა. „ნაცმოძრაობის“ წარმომადგენლების თქმით, მას პროტესტის გამოხატვის უფლება არ აქვს.

„მე ბულვარში უკანონო მშენებლობებს ვაპროტესტებდი ყოველთვის, როცა წინა ხელისუფლების დროს, ფაქტობრივად ბულვარის ოკუპაცია მოხდა. ეს ხალხი მე მაშინ არ დამინახავს და არც გაუპროტესტებიათ ის უკანონო მშენებლობები, რომელსაც საზოგადოება ვეწინააღმდეგებოდით. ჩემი უფლებაა, მივიდე იქ, სადაც ჩავთვლი საჭიროდ“, – განაცხადა ირაკლი ჩავლეიშვილმა.

სიტუაცია საპატრულო პოლიციამ განმუხტა.

140
აშშ-ის სამხედრო ტექნიკა და დროშა

მოსაზრება: რა ჩაიფიქრეს ნატოში რუსეთის მოწყვლად ადგილზე დასარტყმელად

0
სამხედრო კონტინგენტის ზრდა, საჯარისო ინფრასტრუქტურის შემდგომი საერთაშორისო კონსოლიდაციის აგება - 2021 წელს ნატო რუსეთის დასავლეთ საზღვრებზე ზეწოლას გააძლიერებს.

ანდრეი კოცი
მაის-ივნისში ალიანსი ცივი ომის შემდეგ ყველაზე დიდ მანევრებს, Defender Europe 2021-ს ჩაატარებს. ამაზე პასუხი იქნება რუსეთისა და ბელარუსის არანაკლებ მასშტაბური ერთობლივი წვრთნები „დასავლეთი-2021“, რომელიც სექტემბრისთვისაა დანიშნული. რით შეიძლება დასრულდეს ეს ყოველივე?

ბრძოლის ველი — ევროპა

Defender Europe 2021-ზე, როგორც წარსულში, დამუშავდება თავდაცვითი და შემტევი მოქმედებები აღმოსავლეთ ევროპასა და ბალტიისპირეთში. სწავლების ლეგენდის თანახმად, ნატოს ჯარებს კალინინგრადის ოლქზე შეტევა, რუსეთის დასავლეთ ოლქების ბლოკირება და ასევე „რუსების მასირებული შეტევის“ მოგერიება მოუწევთ.

გასული წლებისგან განსხვავებით, 2021 წელს განსაკუთრებული ყურადღება დაეთმობა არა აღმოსავლეთ, არამედ სამხრეთ ევროპას. მანევრები დაგეგმილია ჩერნოგორიაში, კოსოვოსა და ალბანეთში. ბულგარეთსა და რუმინეთში ჰაერსაწინააღმდეგო თავდაცვის სწავლებები და „ხმელეთი-ხმელეთი“ ტიპის რაკეტებით სროლები ჩატარდება, ხოლო უნგრეთი „ომის“ ღრმა ზურგი გახდება.

ამერიკელები ევროპაში მნიშვნელოვან ძალებს გადაისვრიან, მათ შორის პირველი კავალერიული და 82-ე საჰაერო-სადესანტო დივიზიების ქვედანაყოფებს. ატლანტიკის გავლით გადაიტყორცნება სხვადასხვა დანიშნულების ასობით ერთეულ სამხედრო ტექანიკას. გარდა ამისა, ფლორიდის შტატიდან ადგილზე ჩავა 53-ე ქვეითი ბრიგადა. გამორიცხული არ არის, რომ სწავლების შემდეგ შეიარაღების ნაწილი ამერიკელებს კვლავ „დაავიწყდეთ“ ევროპაში, როგორც ეს არაერთხელ იყო. სპეციალისტების აზრით, პენტაგონი ამგვარად ზრდის რეგიონში საიერიშო შესაძლებლობებს წლიდან წლამდე.

Defender Europe 2021-ზე პასუხად რუსეთი და ბელარუსი სექტემბერში მანევრებს ჩაატარებენ სახელწოდებით „დასავლეთი 2021“. როგორც ბელარუსის თავდაცვის მინისტრმა ვიკტორ ხრენინმა განაცხადა, „ერთობლივი სწავლებები შესაძლებელს გახდის... შეფასდეს შეიარაღებისა და ტექნიკის ახალი და მოდერნიზებული ნიმუშები“.

მინსკში ხაზი გაუსვეს, რომ სტრატეგიული მანევრები „მტკიცე მოკავშირულ ურთიერთობებსა და ბელარუსისა და რუსეთის თვადაცვითი უწყებების შეხედულებათა ერთიანობას ასახავს მოკავშირე სახელმწიფოს სამხედრო უსაფრთხოების უზრუნველსაყოფად“.

ძალის ჩვენება

არცერთ მხარეს არ გამოუყენებია ჩვეული დიპლომატიური ფორმულირებები იმის შესახებ, რომ მანევრები არ არის მიმართული რომელიმე სახელმწიფოსა თუ ბლოკის წინააღმდეგ. ნატოს ძალების კალინინგრადის იერიშის დამუშავება და რუსი სამხედროების მომზადება ქალაქში ბრძოლებისთვის, ნათლად მეტყველებს იმაზე, თუ ვინ ვისთან აპირებს ბრძოლას. რა თქმა უნდა, სრულმასშტაბიანი შეიარაღებული კონფლიქტის შანსი მცირეა, მაგრამ სრულიად რეალური.

სპეციალისტების აზრით, ნატოს ქმედებებზე 2021 წელს პირდაპირ გავლენას მოახდენს აშშ-ში პრეზიდენტის შეცვლა. დონალდ ტრამპის პრეზიდენტობის ოთხი წლის განმავლობაში ნატოს ერთიანობა შესამჩნევად შესუსტდა. თეთრი სახლის პატრონი არ მალავდა, რომ პირველ რიგში ამერიკის ინტერესებს იცავდა და ალიანსიდან გასვლასაც არ გამორიცხავდა. ასეთი რიტორიკა ევროპაში ძლიერ შეშფოთებას იწვევდა და კვალვ წამოიჭრა ევროკავშირის არმიის შექმნის საკითხი. ახალი პრეზიდენტი, აშკარაა, რომ შეეცდებაზ, ყველაფერი გამოასწოროს.

ფულის გამომუშავება

ექსპერტებს მიაჩნიათ, რომ რეალურად ნატოს არ აქვს აშკარა აგრესიული გეგმები რუსეთის მიმართ. ხოლო ალიანსის შემდგომი გაფართოება ამერიკელებისთვის - ეს ფულის შოვნისა და ევროპის კიდევ მეტად მიბმის მეთოდია. ვაშინგტონი ტრამპამდელ ეპოქას დაუბრუნდება და ევროპის საქმეებში ჩარევას გააძლიერებს.

„მეჩვენება, რომ 2021-ში ნატო წარმოაჩენს, როგორ ყალიბდება სამხედრო ორგანიზაციიდან რაღაც გლობალურ კორპორაციად, — განმარტავს პოლიტოლოგ-ამერიკანისტი სერგეი სუდაკოვი. — ალიანსის საკვანძ პრობლემა შველებურად აქტუალურია — ეს ფინანსირებაა. ვინც იხდის, მუსიკასაც ის უკვეთავს. ბიუჯეტის ორ მესამედს აშშ უზრუნველყოფს და ეს არავისთვის არ არის საიდუმლო. ჩვენ შესანიშნავად ვიცით, რომ ხარჯებმა უკვე გადააჭარბა ტრილიონ დოლარს — უპირველესად სწორედ ვაშინგტონის წყალობით. ევროპული სახელმწიფოები აშშ-იდან მოწოდებების იმედად არიან — მშრალი საკვების ჩათვლით. ამას უზრუნველყოფს კოლოსალური ამერიკული თავდაცვითი ბიუჯეტი — კორპორაციები, რომლებიც ნატოს ინტერესებში მოქმედებენ, უზარმაზარ თანხებს შოულობენ“.

ექსპერტი შენიშნავს, რომ ალიანსის მოღვაწეობა უკვე დღეს გამოიყურება, როგორც ფულის ერთი ჯიბიდან მეორეში გადატანა. ვაშინგტონი ნატოს თანხებს გამოუყოფს, მოკავშირეები ამ ფულით ამერიკულ ტექნიაკსა და შეიარაღებას ყიდულობენ და წრე იკეტება.

ბაიდენის პირობებში ევროპა აშშ-სთვის სამხედრო პროდუქციის გასაღების ერთ-ერთ ძირითად ბაზრად დარჩება. გამოდის, რომ ოკეანის გაღმიდან ანტირუსული რიტორიკის გაძლიერებას უნდა ველოდოთ. მაგრამ სპეციალისტთა უმეტესობა დარწმუნებულია: ვაშინგტონი და ბრიუსელი არ წავლენ მსოფლიოში სიმძლავრით მეორე არმიის ნამდვილ გამოცდაზე.

რედაქცია შესაძლოა არ ეთანხმებოდეს ავტორის მოსაზრებებს!

0
თემები:
რუსეთი დღეს