ორსული

ვის შეუძლია ისარგებლოს სუროგაციით საქართველოში იუსტიციის მინისტრმა ბრძანება გამოსცა

1067
(განახლებულია 16:15 27.08.2020)
სუროგატი დედით სარგებლობას 1 სექტემბერიდან შეძლებენ მხოლოდ ის წყვილები, რომლებიც დოკუმენტურად დაამტკიცებენ და ნოტარიულად დაამოწმებენ, რომ ერთად ცხოვრობენ.

თბილისი, 27 აგვისტო – Sputnik. საქართველოში ექსტრაკორპორალური განაყოფიერებით (სუროგატული დედობა) სარგებლობას შეძლებენ მხოლოდ ის წყვილები, რომლებიც დაქორწინებული არიან ან ფაქტობრივად ცხოვრობენ ერთად სულ მცირე ერთი წლის განმავლობაში. ეს ნორმა საქართველოს იუსტიციის მინისტრის თეა წულუკიანის ბრძანებით დგინდება.

შესწორებებში, რომელიც მინისტრმა შეიტანა 2012 წლის 31 იანვრის ბრძანებაში „სამოქალაქო აქტების რეგისტრაციის წესის დამტკიცების შესახებ“, ნათქვამია, რომ ქალისა და მამაკაცის თანაცხოვრება ნოტარიულად უნდა იყოს დამოწმებული.

ეს ნიშნავს, რომ ქალისა და მამაკაცის ფაქტობრივი თანაცხოვრება ნოტარიულად დამოწმებულია შესაბამისი დოკუმენტებით – საინფორმაციო-სამისამართო ბარათით, რომლითაც დასტურდება ერთ მისამართზე რეგისტრაციის ფაქტი; ამონაწერით საჯარო რეესტრიდან, რომლითაც დასტურდება საერთო სარგებლობისთვის გამიზნულ ქონებაზე თანამესაკუთრეობის ფაქტი; რელიგიური ქორწინების დამადასტურებელი საბუთით ან სხვ.

ქართველი ქალები ხშირად ხდებიან უცხოელი წყვილებისათვის სუროგატი დედები>>

ბრძანებაში გაწერილია სუროგატი დედისა და ბავშვის გენეტიკური მშობლების უფლება–მოვალეობები.

როგორც დოკუმენტშია აღნიშნული, ნოტარიულად დამოწმებული შეთანხმება იდება ბავშვის გამჩენ ქალსა და გენეტიკურ მშობლებს შორის; ან ბავშვის გამჩენ ქალს, გენეტიკურ მშობელს, დაბადების აქტის ჩანაწერში ბავშვის მშობლად ჩასაწერ პირსა (რომელიც არ არის ბავშვის გენეტიკური მშობელი) და დონორს შორის; ან ბავშვის გამჩენ ქალს, წყვილსა და დონორებს შორის.

ექსტრაკორპორალური განაყოფიერებით დაბადებული ბავშვის მშობლებად მიიჩნევიან გენეტიკური მშობლები, გენეტიკური მშობელი ან პირი, რომელიც დაბადების მოწმობაში მშობლის სახით ჩაიწერება (კონტრაქტის თანახმად).

დეკანოზი კონსტანტინე: ქართული ეკლესია წყვილებს სუროგაციაზე კურთხევას არ აძლევს>>

ამასთან, დაბადების მოწმობაში დონორის ან სუროგატი დედის ჩაწერა ბავშვის მშობლის სახით დაუშვებელია.

საქართველოს იუსტიციის მინისტრის ბრძანება 1 სექტემბრიდან ამოქმედდება.

1067
თემები:
სუროგაცია საქართველოში (4)
ნანიკო ხაზარაძე

„კარგად მაჭმევენ, წყნარად იყავი...“ - ნანიკო ხაზარაძის მამა პანსიონატიდან დედას მიმართავს

19
(განახლებულია 11:09 28.09.2020)
ყველასთვის საყვარელმა ტელეწამყვანმა ცოტა ხნის წინ სოციალურ ქსელში ქართული რეალობისთვის უჩვეულო განცხადება გაავრცელა

თბილისი, 28 სექტემბერი — Sputnik. ტელეწამყვანი ნანიკო ხაზარაძე მამის ვიდეოს აქვეყნებს, სადაც მისი მამა, ცნობილი პროფესორი დავით ხაზარაძე, რომელსაც ალცჰაიმერის დაავადება აქვს, პანსიონატიდან დედას მიმართავს.

ცნობილი ექიმი ვიდეოში დედას ეუბნება, რომ დაწესებულებაში კარგად კვებავენ და სანერვიულო არაფერი აქვს, ბაღში ვარჯიშობს კიდეც.

ტე­ლე­წამ­ყვან­მა ნა­ნი­კო ხა­ზა­რა­ძემ მამა, ცნობილი ექიმი და ლექტორი პან­სი­ო­ნატ­ში წა­იყ­ვა­ნა. ნა­ნი­კო ამის შე­სა­ხებ „ფე­ის­ბუქ­ის“ პირად გვერდზე წერდა და საზოგადოებას სთხოვდა, ამისთვის არ გაეკიცხათ.

ნა­ნი­კო აღ­ნიშ­ნავად, რომ მის მა­მას ალ­ცჰა­ი­მე­რის და­ა­ვა­დე­ბა აქვს და ოჯახმა გადაწყვიტა, რომ ის თავს უკეთ იგრძნობდა პანსიონატში, რადგან ამ მდგომარეობაში მისი თუნ­დაც მომ­ვლელ­თან ერ­თად სახ­ლში მარ­ტო და­ტო­ვე­ბა რის­კია.

სოციალური ქსელის მომხმარებლებისგან ტელეწამყვანმა მხოლოდ დადებითი გამოხმაურება მიიღო. საზოგადოების ნაწილმა საკუთარი გამოცდილებაც კი გაუზიარა ამ მძიმე სენთან ბრძოლაში და ნანიკოს გადაწყვეტილება შეუქო.

ნანიკო ხაზარაძე წლებია მედიასივრცის შეუცვლელი მუშაკია. კარიერა იმ პერიოდში დაიწყო, როდესაც საქართველოში მასმედია განვითარების პირველ საფეხურებს გადიოდა. პოპულარული ტელეწამყვანი ბევრი ადამიანის საყვარელ ტელესახედ იქცა. ცოტა ხნის წინ ტელეწამყვანმა ახალი საავტორო გადაცემა „საიმედო რეკომენდაციები“ დაიწყო. ტელესახე მხოლოდ საინტერესო რჩევებით არ შემოიფარგლება და მაყურებელს სხვადასხვა საყოფაცხოვრებო საკითხზე საკუთარ გამოცდილებას პირდაპირ ეთერში უზიარებს.

19
თემები:
სელებრითების ცხოვრება
ლევან გოგიჩაიშვილი

ლევან გოგიჩაიშვილი კორონავირუსისგან განიკურნა

19
(განახლებულია 11:53 28.09.2020)
ლევან გოგიჩაიშვილმაც და მისმა მეუღლე ვიკა ბუკიამაც მკურნალობის კურსის შემდეგ ჩაიტარეს ტესტი და პასუხი უარყოფითია

თბილისი, 28 სექტემბერი – Sputnik. საქართველოს პარლამენტის დეპუტატი ლევან გოგიჩაიშვილი და მისი მეუღლე, ტელეარხ „ტვ პირველის“ ჟურნალისტი ვიკა ბუკია კორონავირუსისგან განიკურნენ. ამის შესახებ ბუკიამ თავის Facebook–გვერდზე დაწერა.

„უარყოფითიო, ხალხნო, უარყოფითია ორივე! მორჩა კორონა:) დავამარცხეთ!“ – წერს ბუკია.

უფრო ადრე გოგიჩაიშვილმა აღნიშნა, რომ დაავადება მასაც და მის მეუღლესაც მსუბუქ ფორმაში აქვთ. უფრო მეტიც, როდესაც დეპუტატის მეუღლეს აღმოაჩნდა ვირუსი, მას სიმპტომები საერთოდ არ ჰქონდა.

გოგიჩაიშვილს კორონავირუსი 9 სექტემბერს დაუდგინდა. ამის შემდეგ პარტიას „ჩვენი საქართველო – სოლიდარობის ალიანსი“, რომლის პოლიტიკური მდივანიც ის არის, წინასაარჩევნო კამპანიაში პაუზის აღება მოუწია.

დეპუტატების შემდეგ აპარატის თანამშრომელი: პარლამენტში ინფიცირების შემთხვევა დაფიქსირდა>>

ამასთან, უმაღლეს საკანონმდებლო ორგანოში ყველა პირი, რომელთანაც გოგიჩაიშვილს ჰქონდა კონტაქტი 5 სექტემბერის შემდეგ, თვითიზოლაციაში გადაიყვანეს და ყველას ჩაუტარეს ტესტი კორონავირუსზე.

კორონავირუსზე მკურნალობას განაგრძობს პარლამენტის კიდევ ერთი დეპუტატი გედევან ფოფხაძე.

19
თემები:
COVID-19 საქართველოში