ნინი გოგიჩაიშვილი

„სიყვარულის სურნელი ვიგრძენი“ ვინ არის ნინი გოგიჩაიშვილის შეყვარებული?

666
(განახლებულია 12:33 27.08.2020)
ნინი გოგიჩაიშვილი სიყვარულის ნაპერწკლებს აფრქვევს. ნინიმ აქამდე უცნობი სურათები გაასაჯაროვა, მისი ფარული სიყვარული ყოველდღე შეუდარებელ თაიგულებს ჩუქნის. ვინ არის ნინის რჩეული?

ამ უმშვენიერესი მოდელის გარშემო მითქმა-მოთქმა არ ნელდება. გოგიჩაიშვილების ოჯახის უმცროსი წევრი შეყვარებულია. მიუხედავად იმისა, რომ მოდელს მეორე ნახევარი სულ უფრო და უფრო ხშირად ანებივრებს, ის საყვარელი მამაკაცის გამოჩენას არ ჩქარობს. ჯერ კიდევ თვეების წინ ნინი, მისი ტელეწამყვანი და მხატვარი და ნანუკა და ნანუკას მეუღლე დასასვენებლად საზღვარგარეთ იყვნენ. ნინი იქ რჩეულ მამაკაცთან ერთად იმყოფებოდა, თუმცა, როგორც ჩანს, მას კამერების წინაშე პოზირება არ ხიბლავს.

View this post on Instagram

#🤍

A post shared by Leonard Cohen Was Right (@ninigogicha) on

Instagram-ზე გამოქვეყნებული უკანასკნელი ფოტოსესია საზაფხულო განწყობას შეგიქმნით. საუცხოოდ არჩეული ყვავილების ფერთა გამა, გემოვნებიანი შეხამება და ყოველგვარი მიზეზის გარეშე მირთმეული სიურპრიზი გონებაში სამუდამოდ აღიბეჭდება. ასეც მოხდა, ნინი გოგიჩაიშვილი საყვარელი მამაკაცის მიერ ნაჩუქარ თაიგულებს ფოტოებს უღებს და სოციალურ ქსელში ვრცელი კოლაჟიც კი შეიქმნა. ნახეთ, როგორ ბრწყინავს სიყვარულისგან ნინი გოგიჩაიშვილი, რასაც მისი თაყვანისმცემლები ხაზგასმით აღნიშნავენ.

View this post on Instagram

1. #❤️🪐♾

A post shared by Leonard Cohen Was Right (@ninigogicha) on

გოგიჩაიშვილების ოჯახის უმცროსი წევრის მიმართ გამოთქმულ სიტყვებს თავად მოდელი უყურადღებოდ არასდროს ტოვებს. აი, რას წერენ მისი ერთგული „ფოლოვერები“ აღნიშნულ ფოტოკოლაჟზე: „ულამაზესი ხარ“; „სიყვარულის სურნელი ვიგრძენი“; „სილამაზე ხარ“... ნინი გოგიჩაიშვილი კი შეყვარებულს საგულდაგულოდ მალავს. ასე იქცეოდა მისი უფროსი დაც მანამ, სანამ სოციალურ ქსელში „ზარაფხანის“ მფლობელისა და მოდელის ერთობლივი სურათები აქტიურად არ გავრცელდა. ნინი საქართველოს საზოგადოებრივ საქმეთა ინსტიტუტის (GIPA) კურსდამთავრებულია. გოგონა ირჩევს ცხოვრების აქტიურ რიტმს და ურთიერთობას ადამიანებთან, ვისგანაც ბევრი რამის სწავლა შეიძლება. გოგიჩაიშვილი თავს შრომისმოყვარე პიროვნებად მიიჩნევს და მისთვის წარმატების ფორმულა სწორედ საკუთარ თავზე ინტენსიური მუშაობაა.

View this post on Instagram

A post shared by Leonard Cohen Was Right (@ninigogicha) on

ნინი გოგიჩაიშვილი ეკრანებზე გამოჩენის შემდეგ სულ უფრო და უფრო პოპულარული ხდება. თავდაპირველად ტელეწამყვანის ამპლუაში GDS-ის გადაცემა „ბინა 18“-ში გამოჩნდა. მას შემდეგ ნინის გარშემო განვითარებული მოვლენები და კარიერული მისწრაფებები ყველა დაინტერესებულმა კარგად იცის. ამას ისიც განაპირობებს, რომ ულამაზესი და დახვეწილი მოდელი სოციალურ ქსელში გამორჩეული „ინფლუენსერია“, რაც იმას ნიშნავს, რომ მის მიმართ ინტერესი მუდამ იზრდება.

ნინის Instagram-ის ოფიციალურ გვერდზე 66 ათასამდე ხელმომწერი ჰყავს. ვარსკვლავმა თვითიზოლაციის პირობებში ახალი ნიჭი აღმოაჩინა. გარდა იმისა, რომ გატაცებულია სამოდელო სფეროთი, „დიჯეინგით“, ახლა მისი ჰობი კულინარიაა. ახალმა გატაცებამ ნინი გოგიჩაიშვილი კულინარიული მეგაშოუ „მასტერშეფის“ გამოწვევის წინაშე დააყენა, რასაც მოდელი გართულებების გარეშე გაუმკლავდა და საწყის ეტაპზე წინსაფარიც დაიმსახურა.

666
თემები:
სელებრითების ცხოვრება (2075)
თამო ვაშალომიძე

„ბედნიერებასთან სულ რაღაც 2 თვე და 14 დღე მაშორებს“:თამო ვაშალომიძე პაუზის შემდეგ გამოჩნდა

43
(განახლებულია 15:04 19.09.2020)
სექსუალური ფოტომოდელი და Instagram-ის გამორჩეული ბლოგერი თამო ვაშალომიძე ორსულადაა და ნახევრად შიშველი პოზირებს. მშობიარობამდე 2 თვის ადრე სამახსოვრო ფოტოებს იღებს და თაყვანისმცემლებს უზიარებს. როგორ გამოიყურება ხანგრძლივი პაუზის შემდეგ წონაში მომატებული ფოტომოდელი?

ქალიშვილის გაჩენის შემდეგ ერთ-ერთი ქართველი სექს-სიმბოლო სატელევიზიო სივრციდან თითქმის გაუჩინარდა. ბევრი მითქმა-მოთქმის შემდეგ საჯაროდ თავად განაცხადა, რომ შეყვარებულია და სოციალური აქტიურობისა თუ სატელევიზიო გადაცემებში მონაწილეობისთვის აღარ სცალია. თამო ვაშალომიძე სულ მალე დედა მეორედ გახდება. მან მეორე შვილის სქესი რამდენიმე კვირის წინ გაამხილა, რამაც მორიგი დიდი გამოხმაურება გამოიწვია. ახლა კი ვაჟთან შესახვედრად წუთებსა და წამებს ითვლის. „სულ რაღაც 2 თვე და 14 დღე მაშორებს ბედნიერებასთან... შეგრძნებები და ემოციები შეუცვლელი,“- წერს საკუთარ გვერდზე სექსუალური „სელებრითი“.

თაყვანისმცემლებმა შეამჩნიეს, რომ მის გვერდზე ეროტიკული ხასიათის სურათებმა იკლო, ხოლო ოჯახურმა იდილიამ იმატა. თამო ვაშალომიძის ახალი პარტნიორი აკა სამხარაძეა. ის ბიზნესმენია, რომელიც სამედიცინო სფეროში საქმიანობს. თამო ვაშალომიძის განცხადებით, ისინი ერთ წელზე მეტია რაც ერთმანეთს ხვდებიან. ეს ერთი ნახვით შეყვარებას ჰგავს. ფოტომოდელის განმარტებით, ბიზნესმენი მას საჩუქრებითა და ულევი ყურადღებით ანებივრებს, რის გამოც მათი ურთიერთობა უფრო და უფრო მყარდება. როგორც ჩანს, პატარა სოფია მამინაცვალს გულგრილს არ ტოვებს. თამოს სოციალური ქსელებიდან ირკვევა, რომ მამინაცვალი და თამოს ქალიშვილი ერთად დროს ხშირად ატარებენ.

View this post on Instagram

😍

A post shared by Tamo Vashalomidze (@tamovashalomidze) on

ორი თვის წინ თამო ვაშალომიძემ სოციალური ქსელის მეშვეობით მორიგი გამოკითხვა მოაწყო. გამოცდილი და მომავალი დედიკოები მისი მეორე შვილის სქესის ამოსაცნობად ძალებს არ იშურებდნენ. თამო ვაშალომიძის ერთგული „ფოლოვერების“ გამოკითხულთა უმეტესობამ გადაწყვიტა, რომ მალე ის მეორე ნახევარს ვაჟს აჩუქებს. ცნობილი ფოტომოდელის და „ინფლუენსერის“ გულშემატკივრები არ შეცდნენ. გამოკითხვის შემდეგ ვაშალომიძემ ცისფერი ბუშტებითა და ულამაზესი ლურჯი ყვავილებით მორთულ კაბაში გადაღებული ფოტო გამოაქვეყნა, რომელსაც უკანა ბანერზე წარწერა IT’S A BOY ამშვენებდა. რამდენიმე საათში ფოტოსურათმა 13 ათასზე მეტი მოწონება და უამრავი მილოცვა დაიმსახურა. მათ შორის ცნობილი ქართველებიც იყვნენ.

სკანდალური ფოტოსესიები, თოქ-შოუებში ინტიმურ თემებზე ხმამაღლა საუბარი, გამომწვევი ჩაცმულობა და ინტრიგებით აღსავსე პირადი ცხოვრება – ეს თამო ვაშალომიძის პოპულარობის გზა და მეთოდებია, რომელიც დროებითმა პაუზამ და ვაჟზე ფეხმძიმობამ ჩაანაცვლა.

43
თემები:
სელებრითების ცხოვრება (2075)
ევა ბარბაქაძე

„მიყვარს ჩემი ფუმფულა სხეული...“ ევა ბარბაქაძე გასუქდა? ფოტო

1247
(განახლებულია 13:00 19.09.2020)
შორენა ბეგაშვილის ერთადერთმა ქალიშვილმა სოციალურ ქსელში საცურაო კოსტიუმში გადაღებული ფოტო გამოაქვეყნა. ნახეთ რას სწერენ ევას.

ახალბედა ფოტომოდელის ევა ბარბაქაძის ახალმა ფოტომ, რომელიც მან „ინსტაგრამის“ „სთორიზე“ განათავსა, სოციალური ქსელის მომხმარებლების ვნებათაღელვა გამოიწვია. გოგონამ უამრავი წერილი მიიღო, რომელიც მისი წონის ცვლილებას ეხებოდა. ბოლოს ევამ გულშემატკივრებს ერთიანად გასცა პასუხი: „მიყვარს ჩემი ფუმფულა სხეული. ნუ მზომავთ. დიეტა დავიწყე იმისთვის, რომ ფორმაში ჩავდგე. ძალიან გამხდარიც ვიყავი და არ მიხდებოდა“.

ცოტა ხნის წინ ცნობილი მოდელის და ტელეწამყვანის შორენა ბეგაშვილის გოგონამ დაბადების დღეზე საოცარი საჩუქარი – ძვირადღირებული „აუდის“ მარკის ავტომობილი მიიღო. გოგონამ და დედამ „ინსტაგრამზე“ ერთდროულად დადეს ფოტოები. ევამ ფოტოებს დააწერა „ყველაზე ბედნიერი დღე ჩემს ცხოვრებაში“, ხოლო შორენამ – „საუკეთესო საჩუქარი ჩემს ევას შენგან“.

როგორც ჩანს, საჩუქრის ავტორი შორენა ბეგაშვილის ახალი პარტნიორია. შორენამ ფოტოზე მისი ინიციალი „ლ“ მონიშნა. ბოლო დროს აქტიურად ვრცელდება ინფორმაცია, რომ შორენა ბეგაშვილი კრიმინალურ ავტორიტეტზე ლაშა ბარათელზეა შეყვარებული, რომელიც თურქეთში ცხოვრობს, და სწორედ მის გამო დაანგრია ბიზნესმენ ირაკლი ნანაძესთან შექმნილი ოჯახი. გავრცელებული ინფორმაციით, ლაშა ბარათელი შორენას ირაკლი ნანაძესთან ყოფნის დროსაც ანებივრებდა ძვირადღირებული საჩუქრებით.

View this post on Instagram

BEST DAY OF MY LIFE🎈🎈🎈🎈🎈

A post shared by ევა🧚🏽‍♀️ (@_evvabarbaqadze_) on

შორენას და ევას განსაკუთრებული დედაშვილობა აკავშირებთ. მთელი საქართველო შეძრა ევას ტრაგიკულმა ისტორიამ, რომლის გამო შორენას ქონების დიდი ნაწილის გაყიდვა მოუწია. შეგახსენებთ, ულამაზესმა ევამ ხერხემალზე 17 ოპერაცია გადაიტანა. მის შემთხვევას სასწაული უწოდეს თურქმა ექიმებმა, რომლებმაც ის ფეხზე დიდი ძალისხმევის შედეგად დააყენეს.

View this post on Instagram

💗

A post shared by ევა🧚🏽‍♀️ (@_evvabarbaqadze_) on

შორენა ბეგაშვილს ერთი ქალიშვილი ჰყავს. ევა ბარბაქაძე მსახიობს პატარა ასაკში შეეძინა, ჯერ კიდევ მაშინ, როდესაც შორენა ეკრანებზე არ ჩანდა. პოპულარობა დედა-შვილის ცხოვრებაში დიდი შრომისა და ძალისხმევის შედეგად მოვიდა. ყველამ იცის, რომ შორენა რუსთავში გაჭირვებულად ცხოვრობდა. ახლა მთელი ქვეყანა ევას და შორენას სილამაზეზე საუბრობს. მათ ბოლო პერიოდში ერთმანეთს სულ უფრო ხშირად ადარებენ.

1247
თემები:
სელებრითების ცხოვრება (2075)
კაცი პისტოლეტით ხელში

ხაშურში კომპანიის მენეჯერმა ყოფილი თანამშრომელი მოკლა

0
(განახლებულია 16:03 19.09.2020)
ინციდენტის დროს მაღაზიის მენეჯერმა ჯერ ჰაერში გამაფრთხილებელი გასროლა განახორციელა, შემდეგ კი თავდამსხმელს ესროლა და სასიკვდილოდ დაჭრა

თბილისი, 19 სექტემბერი – Sputnik. ხაშურის მუნიციპალიტეტში დანით შეიარაღებული მამაკაცი სამშენებლო კომპანიის ოფისში შეიჭრა - ის ამავე კომპანიის მენეჯერმა მოკლა, იუწყება „პირველი არხი“.

ტელეარხის ინფორმაციით, მენეჯერმა ჰაერში გამაფრთხილებელი გასროლა განახორციელა, შემდეგ კი თავდამსხმელს ესროლა და სასიკვდილოდ დაჭრა. დაჭრილი მამაკაცი საავადმყოფოში მიყვანისთანავე გარდაიცვალა.

მოკლული ამავე კომპანიის ყოფილი თანამშრომელია.

შემთხვევა პარასკევს მოხდა.

გამოძიება სსკ-ის 117-ე (ჯანმრთელობის განზრახ მძიმე დაზიანება) და 236-ე (ცეცხლსასროლი იარაღის მართლსაწინააღმდეგო შეძენა, შენახვა, ტარება) მუხლებით მიმდინარეობს.

0
თემები:
კრიმინალი საქართველოში