„ქეთა თოფურიას პირადი ცხოვრება: ჩვენი სცენის ყველაზე იდუმალი ვარსკვლავის ყველა მამაკაცი“ – ასეთი სათაურით აქვეყნებს სტატიას ერთ-ერთი რუსული გამოცემა. სტატიის ავტორი წერს, რომ ქეთას პირველი საზოგადოებრივი რომანი იყო ურთიერთობები რუსეთის ნაკრების ცნობილ ფეხბურთელთან დიმიტრი სიჩევთან.
გარკვეული პერიოდის განმავლობაში წყვილი ერთმანეთს ხვდებოდა და ამას საიდუმლოდ ინახავდა, თუმცა 2007 წელს ჟურნალისტებმა მაინც მოახერხეს რომანის გამოაშკარავება. „ეს იყო ვნებიანი, მაგრამ მოკლევადიანი რომანი და რომელმა რომელი მიატოვა, ეს ჯერჯერობით უცნობია“, – წერია სტატიაში.
ორიოდე წლის შემდეგ გავრცელდა ჭორები, რომ ქეთა ცნობილ მსახიობსა და ტელეწამყვანს იგორ ვერნიკს ხვდებოდა ფარულად. ქეთიმ ბოლოს ჟურნალისტების ზეწოლას ვერ გაუძლო და აღიარა გრძნობები ვერნიკის მიმართ. მაგრამ მომღერალმა ჟურნალისტებს განუმარტა, რომ ეს პირადი თემაა და ის დეტალების გაზიარებას არ აპირებდა. ვერნიკს კომენტარი არ გაუკეთებია. დროთა განმავლობაში კი წყვილი ერთმანეთს დაშორდა.
ცოტას თუ ახსოვს, რომ ქეთა თოფურია ერთი პერიოდი ხვდებოდა Отпетые мошенники-ს ერთ-ერთ წევრს სერგეი ამორალოვს. ისინი ერთობლივი ვიდეოკლიპის Сердцем к сердцу გადაღების დროს შეხვდნენ. გრძნობები სწრაფად გაქრა, მაგრამ თოფურიამ უზარმაზარი კავშირები შეიძინა შოუბიზნესის სამყაროში.
შემდეგ იყო ყველასათვის ნაცნობი ბიზნესმენი ლევ გეიხმანი, რომელსაც თოფურია ცოლად გაჰყვა და მისგან უსაყვარლესი გოგონაც გააჩინა.
ლევთან განქორწინების შემდეგ ხვდებოდა რუს რეპერ გუფის, რომელსაც სკანდალურად დაშორდა ღალატის გამო.
მომღერალი ამჟამად რუს დიპლომატს ლევ დენგოვს ხვდება, მეტიც, ქეთა უკვე მასთან გადავიდა საცხოვრებლად და ამბობენ, რომ წყვილი მალე დაქორწინებასაც აპირებს.
