წვიმა

რეკორდული ნალექი საქართველოში: ბოლო 20 წელში დაფიქსირებულია მხოლოდ ხუთი შემთხვევა

104
(განახლებულია 18:21 25.08.2020)
მეტეოროლოგების ცნობით, ნალექი, რომელიც ქვეყანაში კვირას, 23 აგვისტოს მოვიდა საქართველოს მთელ ტერიტორიაზე, ხანმოკლე, თუმცა ძლიერი იყო.

თბილისი, 25 აგვისტო — Sputnik. საქართველოს გარემოს დაცვის ეროვნულმა სააგენტომ გამოაქვეყნა მონაცემები, რომლის თანახმად, ბოლო 20 წლის განმავლობაში სულ ხუთჯერ დაფიქსირდა ისეთი ძლიერი ნალექების შემთხვევები, როგორიც ქვეყანაში 23 აგვისტოს იყო.

წვიმა, რომელიც ქვეყანაში კვირას მოვიდა საქართველოს მთელ ტერიტორიაზე, ხანმოკლე, თუმცა ძლიერი იყო.

– ვაშლიჯვრის ავტომატური მეტეოროლოგიური სადგურის მონაცემებით, დღე-ღამის განმავლობაში 19 მილიმეტრი, ხოლო 1 საათში 7,2 მილიმეტრი ნალექი მოვიდა;

– ვარკეთილის ავტომატური მეტეოროლოგიური სადგურის მონაცემებით, დღე-ღამის განმავლობაში 28 მილიმეტრი, ხოლო 1 საათში 15 მილიმეტრი ნალექი მოვიდა; 

- გლდანულას ავტომატური მეტეოროლოგიური სადგურის მონაცემებით, დღე-ღამის განმავლობაში 21 მილიმეტრი, ხოლო 1 საათში 12 მილიმეტრი ნალექი მოვიდა;

– მდინარე ვერეს აუზში - სვანიძის ქუჩის ავტომატური მეტეოროლოგიური სადგურის მონაცემებით, დღე-ღამის განმავლობაში 10 მილიმეტრი, ხოლო 1 საათში 8 მილიმეტრი ნალექი მოვიდა;

– მდინარე ვერეს აუზში - ბაგებში ავტომატური მეტეოროლოგიური სადგურის მონაცემებით, დღე-ღამის განმავლობაში 16 მილიმეტრი, ხოლო1 საათში 13,2 მილიმეტრი ნალექი მოვიდა;

– სოხუმის უნივერსიტეტის ავტომატური მეტეოროლოგიური სადგურის მონაცემებით, დღე-ღამის განმავლობაში 15 მილიმეტრი, ხოლო 1 საათში 12,8 მილიმეტრი ნალექი მოვიდა.

ანალიზი უჩვენებს, რომ 23 აგვისტოს დღისით მოსული ნალექების რაოდენობა ნებისმიერ სადამკვირვებლო პუნქტზე არ აღემატება 28 მილიმეტრს, რაც მრავალწლიური დაკვირვების მონაცემებით არ განეკუთვნება იშვიათ მოვლენათა კატეგორიას. ბოლო 20 წლის განმავლობაში 28 მილიმეტრზე და მეტი რაოდენობის ნალექების მოსვლის 39 შემთხვევაა აღრიცხული.

აღსანიშნავია, რომ 23 აგვისტოს მოსული ნალექი ქვეყნის ყველა წერტილში იყო ინტენსიური. მეტეოროლოგების მტკიცებით, ბოლო 20 წელში ასეთი ხასიათის ძლიერი ნალექის მხოლოდ 5 შემთხვევაა აღრიცხული.

 

104
თემები:
უამინდობა საქართველოში (296)
ზამთრის გზები

ფარავნის უღელტეხილზე ტრანსპორტის მოძრაობა აიკრძალა

61
(განახლებულია 20:36 17.01.2021)
საქართველოს გზებზე უამინდობამ პრობლემები შექმნა. უახლოეს დღეებში გამოდარება მოსალოდნელი არ არის. 18-20 იანვარს გზებზე მოსალოდნელია ლიპყინული

თბილისი, 17 იანვარი - Sputnik. შიდასახელმწიფოებრივი მნიშვნელობის კოდა–ფარცხისი–მანგლისი–წალკა–ნინოწმინდის საავტომობილო გზის 94-110-ე კმ მონაკვეთზე (ფარავანის უღელტეხილი) ყველა სახის ავტოტრანსპორტის მოძრაობა აიკრძალა, იუწყება საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტი.

შეზღუდვა რთული მეტეოროლოგიური პირობების - ქარბუქისა და დაბალი ხილვადობის გამო დაწესდა.

გზის დანარჩენ მონაკვეთებზე ავტოტრანსპორტის მოძრაობა თავისუფალია.

საქართველოს გზებზე უამინდობამ პრობლემები შექმნა. სტეფანწმინდა-მცხეთა-ლარსის კობი-გუდაურის მონაკვეთი ზვავსაშიშროების გამო 11 იანვრიდან დაკეტილია, ყაზბეგსა და სტეფანწმინდაში უამრავი მანქანაა გაჩერებული.

გარდა ამისა, უამინდობის გამო აკრძალულია ტრანსპორტის მოძრაობა ქუთაისი (წყალტუბოს გადასახვევი)-წყალტუბო-ცაგერი-ლენტეხი-ლასდილის ორ მონაკვეთზე (ქვემო სვანეთის ტერიტორიაზე).

გუდაური-კობის დამაკავშირებელი საბაგიროები ჩაირთო >>

უახლოეს დღეებში უამინდობა შენარჩუნდება. 18-20 იანვარს სინოპტიკოსები თოვლს, ქარბუქს და ყინვას ვარაუდობენ.

61
სვანეთი ზამთარში

ქვემო სვანეთის გზებზე უამინდობის გამო შეზღუდვები ამოქმედდა

76
რთული მეტეოროლოგიური პირობების გამო შეზღუდვები დაწესდა გზის ლენტეხი-მელეს და მელე-ლასდილის მონაკვეთებზე

თბილისი, 17 იანვარი – Sputnik. რთული მეტეოროლოგიური პირობების გამო, შიდასახელმწიფოებრივი მნიშვნელობის ქუთაისი (წყალტუბოს გადასახვევი)-წყალტუბო-ცაგერი-ლენტეხი-ლასდილის საავტომობილო გზის მელე-ლასდილის მონაკვეთზე, ყველა სახის ავტოტრანსპორტის მოძრაობა აკრძალულია, იუწყება საავტომობილო გზების დეპარტამენტი.

უწყების ცნობით, ამავე გზის ლენტეხი-მელეს მონაკვეთზე, აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა.

ხოლო დანარჩენი სახის ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით.

რაც შეეხება ორი და მეტი წამყვანი ხიდის მქონე ავტოტრანსპორტს, მათი მოძრაობა თავისუფალია.

76
პატიმარი

კასპში მძევლების აყვანა: ყოფილმა პოლიციელმა შიმშილობა დაიწყო

0
ყოფილი პოლიციელი ახლა გორის წინასწარი დაკავების იზოლატორშია. მისი ადვოკატის თქმით, ის შიმშილობს, არ იღებს საკვებს და უარს ამბობს მედიკამენტებზეც.  

თბილისი, 17 იანვარი - Sputnik. კასპში ორი პირის მძევლად აყვანის ფაქტზე დაკავებულ 27 წლის გიორგი მენაბდიშვილს ბრალი რამდენიმე საათში უნდა წაუყენონ, იუწყება ტელეკომპანია რუსთავი 2.

შაბათს დილით შეიარაღებული პირი ქვის საამქროში შეიჭრა და ორი პირი მძევლად აიყვანა. დაკავებული შსს-ს ყოფილი თანამშრომელია, რომელმაც უწყება 2018 წელს პირადი განცხადების საფუძველზე დატოვა.

დაკავებულის ოჯახის წევრების ინფორმაციით, კონფლიქტი ყოფილ სამართალდამცველსა და საწარმოს სხვა მეწილეებს შორის ბიზნესის გამო მოხდა. მენაბდიშვილს პარტნიორები საკუთარი 10 პროცენტიანი წილის დათმობას სთხოვდნენ. მათი თქმით, იყო მუქარაც, ქურდული სამყაროს წევრების ჩართვით.

ბიზნეს წილების გაყოფასთან დაკავშირებულ ვერსიას კატეგორიულად უარყოფს ქვის სამტეხლოს მეპატრონე. ის ირწმუნება, რომ საწარმო მისი საკუთრებაა და წილი სხვა პირს, მათ შორის არც დაკავებულს არ ჰქონია.

თავად ახალგაზრდა მამაკაცი, რომელსაც 6 საათის განმავლობაში საწარმოს ორი თანამშრომელი იარაღის მუქარით ჩაკეტილი ჰყავდა და ავტომანქანით რუსეთის ტერიტორიაზე გადასვლას ითხოვდა, დუმილის უფლებას იყენებს.

ყოფილი პოლიციელი ამჟამად გორის წინასწარი დაკავების იზოლატორშია. მისი ადვოკატის, ქეთევან გაგლოშვილის თქმით, ის შიმშილობს, არ იღებს საკვებს და უარს ამბობს მედიკამენტებზეც.  

ქვის სამტეხლოში კი საგამოძიებო მოქმედებები გრძელდება. პოლიციამ საწარმოს თანამშრომლები უკვე დაკითხა.

გამოძიება სსკ-ის 144-ე მუხლით მიმდინარეობს, რაც სიცოცხლისთვის საშიში მუქარით ორი ან მეტი პირის მძევლად ხელში ჩაგდებას გულისხმობს.

0