წყალდიდობა ლენტეხში

ლენტეხის მუნიციპალიტეტის ორ სოფელში მოძრაობა აღდგა

619
გზა მთლიანად გაიწმინდა სოფლებში – ესიერსა და საყდარში, აცხადებს რაჭის გუბერნატორის მოვალეობის შემსრულებელი, გიორგი მაქარაშვილი

თბილისი, 23 აგვისტო - Sputnik. სტიქიის შედეგად დაზარალებულ ლენტეხის მუნიციპალიტეტის ორ სოფელში მოძრაობა აღდგა, იუწყება საზოგადოებრივი მაუწყებლის პირველი არხი.

რაჭის გუბერნატორის მოვალეობის შემსრულებლის, გიორგი მაქარაშვილის განმარტებით, გზა სრულად გაიწმინდა სოფლებში – ესიერსა და საყდარში. მაქარაშვილის განცხადებით, დანარჩენ სოფლებში, სადაც სტიქიამ ასევე პრობლემები შექმნა, ამ დრომდე აქტიურად მუშაობს სპეცტექნიკა და მიმდინარეობს სოფლებთან დამაკავშირებელი საავტომობილო გზების აღდგენა.

„უკვე სრულად აღდგა მოძრაობა ორ სოფელში, დანარჩენ სოფლებთან მოძრაობის აღსადგენად კეთდება ყველაფერი. ადგილზე სრულად არის მობილიზებული ტექნიკა და ვვარაუდობთ, რომ ხვალ, დღის ბოლომდე შესაძლებელი იქნება მოძრაობის აღდგენა“, - განაცხადა გიორგი მაქარაშვილმა.

მისივე განმარტებით, უწყვეტ რეჟიმში ხდება მოსახლეობის მომარაგება როგორც საკვებით, ასევე მედიკამენტებით.

21 აგვისტოს, გამთენიისას დაწყებული ძლიერი წვიმის შედეგად ჩოლურის და ლაშხეთის თემები ლენტეხში მთლიანად გარე სამყაროს მოწყდა. წყალმა წაიღო საავტომობილო და საფეხმავლო გზები. დაზიანდა ხიდები. უხვი ნალექის გამო სამი მდინარე - ლასკადურა, ჩოლშურა და მუხრა ადიდდა, რის შედეგადაც გარესამყაროს მოწყდა ხუთი სოფელი - დურაში, საყდარი, ესიერი, ტვიდი და მუცდი. აღდგენითი სამუშაოები მეორე დღეა მიმდინარეობს.

619
თემები:
უამინდობა საქართველოში (292)
ლაბორატორია

კოვიდ-სტატისტიკა საქართველოში: თბილისში ისევ ყველაზე მეტი შემთხვევაა

9
(განახლებულია 11:53 27.11.2020)
საქართველოში პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა 123.470-ს შეადგენს

 

თბილისი, 27 ნოემბერი – Sputnik. საქართველოში ბოლო 24 საათში კორონავირუსის დადასტურებული 4.780 შემთხვევიდან ყველაზე მეტი – 1.863 შემთხვევა კვლავ თბილისში გამოვლინდა, განაცხადა უწყებათშორისი  საკოორდინაციო საბჭოსთან არსებული საოპერაციო შტაბის უფროსის მოადგილემ ბერდია სიჭინავამ მთავრობის ადმინისტრაციაში გამართულ ბრიფინგზე.

ინფიცირების ახალი შემთხვევების რაოდენობით მეორე ადგილზე აჭარა, მესამეზე კი იმერეთია.

აჭარა – 664, იმერეთი – 648, ქვემო ქართლი – 319, შიდა ქართლი – 259, გურია – 102, სამეგრელო-ზემო სვანეთი – 385, კახეთი – 280, მცხეთა-მთიანეთი – 128, სამცხე-ჯავახეთი – 89, რაჭა-ლეჩხუმსა და ქვემო სვანეთში – 43. 

ბოლო 24 საათში გარდაიცვალა 37 პაციენტი. ქვეყანაში კორონავირუსის დიაგნოზით ჯამში 1.161 ადამიანი გარდაიცვალა.
ამ დროისათვის საქართველოში 20.013  აქტიური შემთხვევაა. კოვიდ–კლინიკებში მოთავსებულია 6.251 ადამიანი. მათ შორის, თბილისში – 2.724, აჭარაში – 1.020, იმერეთში – 1.219.

კოვიდ–სასტუმროში მოთავსებულია 3.863 ადამიანი, მათ შორის 1.266 – თბილისში, 2.039 – აჭარაში, 278 – იმერეთში.

976 პაციენტის მდგომარეობა მძიმეა. ხელოვნური სუნთქვის აპარატზე შეერთებულია 375 პირი, მათ შორის, თბილისში – 201, აჭარაში – 49, იმერეთში – 45. ბინაზე 9.899 პირი მკურნალობს.

დღევანდელი მდგომარეობით, საკარანტინო სივრცეში იმყოფება 2.114 ადამიანი, მათ შორის, თბილისში – 458, აჭარაში – 1.034, ხოლო იმერეთში – 35.

თვითიზოლაციაში იმყოფება 53.544 პირი, საიდანაც თბილისშია 18.087 ადამიანი, აჭარაში – 14.450, იმერეთში – 4.816.

საქართველოში პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა 123.470-ს შეადგენს.

საქართველოში კორონავირუსის პირველი შემთხვევა 26 თებერვალს დაფიქსირდა.

9
თემები:
COVID-19 საქართველოში
ქუთაისი

პლუს 37: რამდენია გარდაცვლილთა საერთო რაოდენობა

35
საქართველოში ახალი კორონავირუსით დაავადებულთა რაოდენობა ბოლო დღე-ღამეში 4.780-ით გაიზარდა და ინფიცირებულთა საერთო რიცხვმა 123.470-ს მიაღწია.

თბილისი, 27 ნოემბერი – Sputnik. საქართველოში ბოლო დღე-ღამეში ახალი კორონავირუსით კიდევ 37 ადამიანი გარდაიცვალა და გარდაცვლილთა საერთო რაოდენობამ 1.161-ს მიაღწია, ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 4.780-ით გაიზარდა და ინფიცირებულთა საერთო რიცხვმა 123.470-ს მიაღწია.

ამ დროისათვის სულ გამოჯანმრთელდა 102.270 ადამიანი, კარანტინის რეჟიმშია 2.114, სტაციონარებში ექიმების დაკვირვების ქვეშ 6.251 პაციენტია, ხოლო კოვიდ–სასტუმროებში 3.863 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

35
თემები:
COVID-19 საქართველოში
ჯაბა კილაძე

ჯაბა კილაძე: ეს ბეწვის ხიდზე გასავლელი ურთიერთობაა“

0
(განახლებულია 11:32 27.11.2020)
ჯაბა კილაძე საუბრობს ასაკით უმცროს ადამიანებთან ურთიერთობაზე და ამ საკითხს საკუთარი მოზარდი შვილის მაგალითზე განიხილავს.
ჯაბა კილაძე: „ ეს ბეწვის ხიდზე გასავლელი ურთიერთობაა“
„ალბათ უნდა გაიხსენო საკუთარი თავი, როცა პატარა იყავი. როგორ გექცეოდნენ, როგორ გარიგებდნენ ჭკუას, რა მოსწონდათ. შენ რა მოგწონდა, რა გამოგადგა და რა არ გამოგადგა. დაფიქრება გმართებს, როცა შენზე უმცროს ადამიანს ეხები ან რაიმეს ეუბნები, იმიტომ რომ ის სრულფასოვანი ადამიანია“, - ამბობს ჯაბა კილაძე.

მსახიობ ჯაბა კილაძის აზრით „არ არის აუცილებელი, რომ ადამიანი 18 წლის იყოს და მაშინ უთხრა: შენი თავი გეკუთვნისო, მანამდეც მას ეუთვნის. მე მშობლებში ძალიან გამიმართლა, რადგან მათმა ჩემდამი დამოკიდებულებამ თავიდანვე გაამართლა. თავისუფლებას ისინი ყოველთვის მაძლევდენ და პირველი ნაბიჯი ყოველთვის მე უნდა გადამედგა.“

0