გვანცა დარასელია და ვახო მჭედლიძე

გრანდიოზული წვეულება და ძვირადღირებული კაბა - გვანცა დარასელიამ ქორწინების იუბილე აღნიშნა

55340
(განახლებულია 15:51 22.08.2020)
10 წელი ერთად - ტელეწამყვანი და ყოფილი მოდელი გვანცა დარასელია მეუღლესთან თანაცხოვრების იუბილეს აღნიშნავს. უზარმაზარი თეთრი კაბა და საგანგებოდ მორთული გრანდიოზული ეზო. საღამოს დეტალები და უახლესი ფოტოები სოციალური ქსელიდან

გვანცა დარასელიას სიყვარულის ისტორია 2011 წლიდან იწყება. ცნობილ ტელეწამყვანს სიყვარულის დამალვა დიდხანს არ გამოუვიდა. მალე გაირკვა, რომ მისი რჩეული ყოფილი მორაგბე ვახო მჭედლიძე იყო. წყვილმა ერთმანეთი ერთ-ერთ საღამოზე გაიცნო, სადაც გვანცამ იმღერა. მოდელის გარეგნობითა და ხმით მოხიბლულმა ვახომ გვანცას გაცნობა გადაწყვიტა. აღმოჩნდა, რომ მას ტელეეკრანზე მომავალი ცოლი ნანახი არ ჰყავდა. გვანცას ხმამ და ციმციმა თვალებმა ვახოს ყურადღება მიიქცია და საღამოს კომპლიმენტიც მიიღო. ურთიერთობა სოციალურ ქსელში მიმოწერით გაგრძელდა. როგორც ტრადიციულ ქართულ ოჯახში გაზრდილი გოგონა, გვანცა ვახოს შეხვედრაზე დიდხანს ეუბნებოდა უარს. ახლა წყვილი ერთად არის და მათ ორი შვილიც ჰყავთ. უფროსი ერეკლე და უმცროსი – ლილე, რომელიც ვახოს დაბადების დღეს დაიბადა. 10 წლის თანაცხოვრების წვეულებაზე ლილემ შეუდარებელი კაბა მოირგო და დედაც კი დაჩრდილა.

View this post on Instagram

ჩვენი დღე♥️ #10yearstogether #aniversary #friends #family

A post shared by Gvantsa Daraselia (@gvantsa_daraselia) on

უმშვენიერეს ოჯახს მეგობრული ურთიერთობა აკავშირებს და პატარა და-ძმას მშობლები სწორედ ამას ასწავლიან. გვანცას მიერ გამოქვეყნებულ ვიდეოებზე კარგად ჩანს, რომ ერეკლე და ლილე ისე მეგობრობენ, როგორც გვანცა და მისი ძმა. პატარა ლილეს მოდური ჩაცმულობა ძალიან უყვარს. გოგონა საკუთარი გემოვნებით იპრანჭება და ოჯახის წევრებს ამხიარულებს. უკანასკნელ ფოტოზე ლილემ არჩევანი ფერად სამოსზე შეაჩერა. პოზიტიურმა ფოტომ დიდი გამოხმაურება გამოიწვია. ცნობილი სახეები და გვანცას კოლეგები კომენტარებს არ იშურებენ.

View this post on Instagram

10 years 🤍

A post shared by Choose your wedding dress🌟 (@neeobride) on

„ჩვენი დღე, 10 წელი ერთად...“- ამ სათაურით გამოქვეყნებულმა პოსტმა დიდი მოწონება დაიმსახურა. გვანცა დარასელიას მიერ მოწყობილ წვეულებას პოპულარული სახეები ესწრებოდნენ. საღამო გვანცას მეგობრებმა ცნობილი ჰიტებით დააგვირგვინეს. მათ შორის აღმოჩნდა სალომე ბაკურაძე, რომელმაც სტუმრებისთვის ენერგია არ დაიშურა და საკუთარი რეპერტუარიდან რამდენიმე სიმღერა შეასრულა.

View this post on Instagram

A post shared by Choose your wedding dress🌟 (@neeobride) on

„მე და ვახო 10 წელია ცოლ–ქმარი ვართ. ამ ხნის განმავლობაში ბევრი რამ ვისწავლეთ ერთმანეთისგან. აბსოლუტურად შეიცვალა ურთიერთობები. თუ საწყის ეტაპზე უთანხმოება მწვავე იყო, ახლა ასე აღარ არის. ორივე თანაბრად ვუთმობთ ერთმანეთს. თანაცხოვრებამ მოიტანა ის, რომ ერთმანეთის ხასიათი უკეთ შევისწავლეთ", - ერთ-ერთ ინტერვიუში აღნიშნავს გვანცა.

ტელეწამყვანმა გვანცა დარასელიამ და მისმა მეუღლემ, ვახო მჭედლიძემ, ქორწინების 10 წლის იუბილე აღნიშნეს. მათ ეს თარიღი მეგობრებთან და შვილებთან ერთად გაატარეს. გვანცა ქორწინების იუბილეზე ულამაზესად გამოიყურებოდა. ამ დღისთვის ტელეწამყვანმა თეთრი კაბა შეარჩია. საღამოზე ვახომ და გვანცამ ტორტი შვილებთან ერთად გაჭრეს.

55340
თემები:
სელებრითების ცხოვრება (2079)
გერმანული ნაგაზი

„თავში დაჭრილი ჩემი შვილის ძაღლია, მხოლოდ მის ყეფაზე რეაგირებს“- დაიკარგა გერმანული ნაგაზი

22
(განახლებულია 12:36 18.09.2020)
17 წლის ერეკ­ლე ჩე­კუ­რიშ­ვი­ლი, რო­მე­ლიც 20 წლით უფ­როს­მა მა­მა­კაც­მა ძაღ­ლე­ბის ჩხუ­ბის გამო თა­ვის არე­ში დაჭ­რა, 3 ტყვია ამ დრომ­დე თავ­ში აქვს ჩარ­ჩე­ნი­ლი და კო­მა­ტო­ზურ მდგო­მა­რე­ო­ბა­ში იმ­ყო­ფე­ბა

თბილისი, 18 სექტემბერი – Sputnik. სოციალურ ქსელში გერმანული ნაგაზის დაკარგვასთან დაკავშირებით ინფორმაცია ვრცელდება.

ირკვევა, რომ ძაღლის პატრონი ცოტა ხნის წინ სწორედ მის გამო დაჭრეს და ავადმყოფი მხოლოდ ამ ძაღლის ყეფაზე რეაგირებს.

როგორც მეპატრონე წერს, 5 წლის ნაგაზსს დექსტერი ჰქვია, ყელზე ჯაჭვი აქვს და გრძელი საბმელი, ნეიროდერმიტის დაავდება აქვს და თუ ვინმე მას სახლში წაიყვანს, ნერვიულობის ფონზე საკვებს არ მიეკარება და მოკვდება.

„მე როგორც დედა ყველას გთხოვთ დააბრუნეთ ერეკლეს ძაღლი!“, - წერს სოციალური ქსელის მომხმარებელი ნინო ჩეკურიშვილი.

17 წლის ერეკ­ლე ჩე­კუ­რიშ­ვი­ლი, რო­მე­ლიც 20 წლით უფ­როს­მა მა­მა­კაც­მა ძაღ­ლე­ბის ჩხუ­ბის გამო თა­ვის არე­ში დაჭ­რა, 3 ტყვია ამ დრომ­დე თავ­ში აქვს ჩარ­ჩე­ნი­ლი და კო­მა­ტო­ზურ მდგო­მა­რე­ო­ბა­ში იმ­ყო­ფე­ბა.

რო­გორც მო­ზარ­დის დედა ნინო ჩე­კუ­რიშ­ვი­ლი აცხა­დებს, გან­ზრახ მკვლე­ლო­ბის მცდე­ლო­ბის ბრალ­დე­ბით და­კა­ვე­ბულ­მა 37 წლის დი­მიტ­რი როს­ტო­მაშ­ვილ­მა და­ნა­შა­უ­ლი აღი­ა­რა და გა­ნა­ცხა­და, რომ სრო­ლის მო­მენ­ტში ამ­ფე­ტა­მი­ნის ზე­მოქ­მე­დე­ბის ქვეშ იმ­ყო­ფე­ბო­და.

22
პოლიცია

სამართალდამცველები 41 წლის მამაკაცს ეძებენ

48
(განახლებულია 16:45 18.09.2020)
მამაკაცს ბოლო სატელეფონო კომუნიკაცია მიმდინარე წლის 29 ივლისს დედასთან ჰქონდა, რის შემდეგაც მასთან დაკავშირება ვერ ხერხდება

 

თბილისი, 18 სექტემბერი - Sputnik. სამართალდამცველები უგზოუკვლოდ დაკარგულ 41 წლის ამირან გაფრინდაშვილს ეძებენ, ნათქვამია საქართველოს შინაგან საქმეთა სამინისტროს მიერ გავრცლებულ განცხადებაში. 

უწყების ცნობით, მამაკაცი თბილისში, გლდანის რაიონის სოფელ გიორგიწმინდაში ცხოვრობს. მას  ბოლო სატელეფონო კომუნიკაცია მიმდინარე წლის 29 ივლისს დედასთან ჰქონდა, რის შემდეგაც მასთან დაკავშირება ვერ ხერხდება.

სამართალდამცავ უწყებაში  მამაკაცის გაუჩინარების შესახებ შეტყობინება 12 აგვისტოს შევიდა.

„შეტყობინების მიღებისთანავე დაიწყო და გრძელდება აღნიშნული პირის ინტენსიური სამძებრო-საძიებო ღონისძიებები. ამ ეტაპზე, გამოკითხულია ათეულობით პირი, დანიშნულია ექსპერტიზები და აქტიურ რეჟიმში გრძელდება შესაბამისი მოქმედებები გაუჩინარებული მამაკაცის ადგილსამყოფელის დადგენის მიზნით“,- აღნიშნულია განცხადებაში.

საქმეზე გამოძიება საქართველოს სსკ-ის 143-ე მუხლით მიმდინარეობს, რაც თავისუფლების უკანონო აღკვეთას გულისხმობს.

შინაგან საქმეთა სამინისტრო მოქალაქეებს მოუწოდებს,  აღნიშნულ პიროვნებასთან დაკავშირებით ნებისმიერი ინფორმაციის არსებობის შემთხვევაში, დარეკონ საზოგადოებრივი უსაფრთხოების მართვის ცენტრ "112"-ში ან აცნობონ პოლიციის უახლოეს განყოფილებას.

48
თემები:
შემთხვევები საქართველოში