Turkish Airlines-ის თვითმფრინავი

Turkish Airlines ფრენებს თბილისიდან აგვისტოს ბოლოს იწყებს

118
(განახლებულია 15:23 21.08.2020)
29 აგვისტოდან 26 სექტემბრის ჩათვლით პერიოდში რეისები ყოველ შაბათს მხოლოდ ერთი მიმართულებით შესრულდება – თბილისიდან სტამბულში.

თბილისი, 21 აგვისტო – Sputnik. თურქული ავიაკომპანია Turkish Airlines 29 აგვისტოდან თბილისიდან რეისების შესრულებას იწყებს, ნათქვამია საქართველოში თურქეთის საელჩოს განცხადებაში.

დიპლომატიურ წარმომადგენლობაში აღნიშნავენ, რომ რეისები მხოლოდ ერთი – სტამბულის მიმართულებით შესრულდება. ფრენები ყოველ შაბათს, 03:55 საათზე შესრულდება 29 აგვისტოდან 26 სექტემბრის ჩათვლით პერიოდში. Turkish Airlines-მა უკვე დაიწყო ბილეთების გაყიდვა.

საქართველოს ხელისუფლებამ გასულ კვირაში შეზღუდვები საერთაშორისო ავიამიმოსვლაზე 1 ოქტომბრამდე გააგრძელა.

შეზღუდვები არ ვრცელდება იმ პირდაპირ საერთაშორისო ავიარეისებზე, რომლებიც ხორციელდება თბილისის აეროპორტსა და მიუნხენის, პარიზისა და რიგის აეროპორტებს შორის.

რეგულარული საჰაერო მიმოსვლის ეტაპობრივად აღდგენის გადაწყვეტილება ეპიდემიური ვითარების გათვალისწინებით მოხდება.

118
თემები:
ავიამიმოსვლა საქართველოში (202)
აქცია ქალთა მიმართ ძალადობის წინააღმდეგ

„...ჩვენი გოგოების გამო“: ორშაბათს „1000 მშობლის მარში“ გაიმართება

19
რამდენიმე დღის წინ შინაგან საქმეთა მინისტრმა ვახტანგ გომელაურმა განაცხადა, რომ სქესობრივ დანაშაულთან  მიმართულებით გამკაცრდა სასჯელი და არასრულწლოვნის გაუპატიურებისათვის განისაზღვრა უვადო თავისუფლების აღკვეთა

თბილისი, 7 მარტი - Sputnik. ორშაბათს, 8 მარტს საქართველოს დიდ ქალაქებში კამპანია „1000 მშობლის მარში" გაიმართება, რომელიც არასრულწლოვნებზე სექსუალური ძალადობის გახშირებული შემთხვევების გამო დაიგეგმა.

კამპანია ქობულეთში 14 წლის მოზარდის, ნინი ცეცხლაძის ტრაგიკულ საქმეს უკავშირდება, რომელმაც თავი მიმდინარე წლის თებერვალში მას შემდეგ მოიკლა, რაც მასზე 23 წლის კაცმა სექსუალურად იძალადა.

„1000 მშობლის მარში“ საქართველოს დიდ ქალაქებში (თბილისი, ბათუმი, გორი, ზუგდიდი, თელავი, მარნეული, ქობულეთი, ქუთაისი, რუსთავი, ახალციხე, ლანჩხუთი, ხარაგაული) 17:00 საათზე დაიწყება. ეს აქცია ნაწილია 100-დღიანი კამპანიისა, რომელიც უპირისპირდება სქესობრივ ძალადობას გოგონებისა და ქალების მიმართ. 

თბილისში აქციის მომაწილეები შეიკრიბებიან ვარდების მოედანზე, საიდანაც მსვლელობით გაიმართებიან მთავრობის ადმინისტრაციის შენობისკენ, სადაც მიტინგს გამართავენ.

„გამო, გამო, შენი შვილის გამო, ჩემი შვილის გამო, ჩვენი გოგოების გამო, გამო!" - ამ ლოზუნგით სექსუალური ძალადობის წინააღმდეგ რვა მარტიდან ქუჩაში ის ადამიანები გამოვლენ, ვინც სისტემური რეფორმების გატარებას უჭერს მხარს.

მათი მთავარი მოთხოვნებია:

1. შეიცვალოს სისხლის სამართლის კოდექსში გაუპატიურების მუხლი და თანხმობის არარსებობა გახდეს ცენტრალური ასპექტი;

2. შეიქმნას პროკურატურაში სპეციალიზებული დეპარტამენტი, რომელიც გამოიძიებს სექსუალური ძალადობის საქმეებს;

3. გახდეს სქესობრივი განათლება ფორმალური განათლების ნაწილი, რითიც ბავშები შეძლებენ სქესობრივი ძალადობის ამოცნობას და მისგან თავის დაცვას;

4. გაიზარდოს ფსიქოლოგების და სოცმუშაკების რაოდენობა;

5. დადგეს ნინი ცეცხლაძის საქმის პროკურორის პასუხისმგებლობის საკითხი სამსახურეობრივი გულგრილობის გამო.

კამპანია „პროტესტის 100 დღე“ ქალთა მოძრაობის ინიციატივაა, ის აერთიანებს მშობლებს, ახალგაზრდებს, სამოქალაქო აქტივისტებს, სხვადასხვა პროფესიის ადამიანებს, კერძო და საზოგადოებრივ ორგანიზაციებს. მარშის ორგანიზატორები არიან სამოქალაქო ორგანიზაციები „მშობლები განათლებისთვის“, „Safe You - საქართველო“ და კიდევ 15 ორგანიზაცია.

პოლიციამ ქობულეთის მუნიციპალიტეტში გარდაცვლილი გოგონას ბაბუა დააკავა >>

ბოლო პერიოდში საქართველოში ბავშვებსა და მოზარდებზე სექსუალური ძალადობის არაერთი ფაქტი მოხდა, რომელთაგან ზოგ შემთხვევაში მოძალადე თავად არასრულწლოვანის ახლობელი ან ნათესავი იყო.

 

19
ავტობუსები ბათუმში

8 მარტს ბათუმში ქალები მუნიციპალური ავტობუსით უფასოდ იმგზავრებენ

28
(განახლებულია 13:55 07.03.2021)
1975 წელი გაერომ ქალთა საერთაშორისო წლად, ხოლო 8 მარტი ოფიციალურად გამოაცხადა დღესასწაულად. მსოფლიოს სხვადასხვა ქვეყანაში ქალთა საერთაშორისო დღეს ყოველწლიურად აღნიშნავენ.

თბილისი, 7 მარტი - Sputnik. ხვალ, ქალთა საერთაშორისო დღეს ბათუმში მუნიციპალური ავტობუსით მგზავრობა ქალებისთვის უფასო იქნება. ამის შესახებ ინფორმაციას „ბათუმის ავტოტრანსპორტი“ ავრცელებს.

მუნიციპალური ავტობუსების მოძრაობა ბათუმში 1 თებერვლიდან აღდგა. კომენდანტის საათის გამო მუნიციპალური ავტობუსები დილის 07:00 საათიდან საღამოს 21:00 საათამდე მუშაობენ.

ქალთა საერთაშორისო დღეს მსოფლიოს მრავალ ქვეყანაში აღნიშნავენ. 8 მარტი ქალთა საერთაშორისო დღედ გაერომ 1975 წელს აღიარა.

 

28