სოფო ნიჟარაძე

სოფო ნიჟარაძის დილა როგორ მალავდა მომღერალი რამდენიმე თვის ფეხმძიმობას ვიდეო

115124
(განახლებულია 16:19 21.08.2020)
ტელეკომპანია „მთავარი არხის“ დილის გადაცემაში გადაღებული სოფო ნიჟარაძე ორი თვის ფეხმძიმეა. გადაღების პროცესში ქართველი შემსრულებელი წამოზრდილი მუცლის დამალვას ცდილობს.

სოფო ნიჟარაძის თაყვანისმცემლები და ოჯახის წევრები განსაკუთრებულად ბედნიერები არიან. ცოტა ხნის წინ სოციალურ ქსელში სოფოს მშობიარობის შესახებ ინფორმაცია გავრცელდა. მასმედიაში გავრცელებული ცნობით, ერთ-ერთმა გამორჩეულმა მომღერალმა ამერიკაში იმშობიარა. მას გოგო შეეძინა. მომღერლის Instagram-ზე ბოლო გამოქვეყნებული სურათი 11 აპრილით არის დათარიღებული, როდესაც სოფო 7 თვის ფეხმძიმეა და მას წამოზრდილი მუცელი გრძელი ნაცრისფერი შარფითა და შავი ქურთუკით აქვს დამალული.

View this post on Instagram

#beforequarantine

A post shared by Sofia Nizharadze (@sofianizharadze) on

პანდემიის მიუხედავად არტისტმა საზღვარგარეთ წასვლა მოასწრო, სადაც ქვეყნად გოგონა მოავლინა. სოციალურ ქსელში გავრცელებული ინფორმაციის თანახმად, სოფომ პირველ ქალიშვილს ელის-მარია დაარქვა. სოფომ ამერიკის ერთ-ერთ სამშობიაროში 2 ივნისს იმშობიარა. მის ფეხმძიმობაზე ჭორები ხშირად ვრცელდებოდა, თუმცა სოფო საზოგადოებაში გავრცელებულ ჭორ-მართალს საჯაროდ არასდროს პასუხობდა.

„მთავარი არხის“ არქივში 2019 წლის 30 დეკემბრის ვიდეომასალა მოიძებნა, რომელზეც სოფო ნიჟარაძის დღის დასაწყისია და ის დილის რუტინას მაყურებლებს აცნობს. აღნიშნულ ვიდეოზე კარგად ჩანს, რომ ნიჟარაძე გადამღებ ჯგუფსა და კამერებთან დისკომფორტს განიცდის. რამდენიმე თვის წინ გადაღებულ ვიდეოზე სოფო წამოზრდილ მუცელს მალავს, ხოლო მომატებულ კილოგრამებს ახალ წელსა და დედის მიერ მომზადებულ გემრიელ კერძებს აბრალებს. აღნიშნულ ვლოგზე პოპულარული მომღერალი ორი თვის ფეხმძიმეა. საზოგადოებისთვის ჯერ კიდევ უცნობია, თუ ვინ არის ელის-მარიას მამა.

View this post on Instagram

A post shared by Sofia Nizharadze (@sofianizharadze) on

„ბევრი მომღერალი იმაზე მუშაობს, რომ რაც შეიძლება სკანდალური იყოს და ბევრი ილაპარაკოს პირად ცხოვრებაზე. ჩემთვის კი უკეთესია ნაკლებად გავხდე საჭორაო თემა. ვიცი, როგორ უნდა მოვიქცე, რომ ჩემზე ნაკლებად ილაპარაკონ. მე და ჩემი შეყვარებული არ დავდივართ ისეთ ადგილებში, სადაც პრესა და ტელევიზიაა. შეიძლება ასეთ ღონისძიებაზე ვიყოთ, მაგრამ ვერავინ შენიშნავს, რომ ჩვენს შორის რაიმე სიმპათია არსებობს“, – აცხადებდა სოფო.

View this post on Instagram

@natatotato 📸❤️ @datunasulikashvili 💃🏻🥰

A post shared by Sofia Nizharadze (@sofianizharadze) on

მის ცხოვრებაში, ამბობდნენ, რომ სკანდალები იყო, თუმცა სოფომ არც ერთ მათგანს საჯაროდ არ უპასუხა. მომღერლის პირად ცხოვრებას აქტიურად განიხილავენ, ის კი კვლავინდებურად დუმს. სოფო ნიჟარაძე 1986 წლის 6 თებერვალს დაიბადა. ის მომღერალი, მსახიობი და სიმღერების ავტორია. დაამთავრა ზ. ფალიაშვილის სახელობის სამუსიკო გიმნაზია (ნიჭიერთა ათწლედი). შესრულებული აქვს ჯულიეტას როლი მიუზიკლ „რომეო და ჯულიეტას“ რუსულენოვან ვერსიაში. 2010 წლის მაისში წარადგინა საქართველო ევროვიზიის კონკურსზე სიმღერით Shine, მაშინ ქულათა საერთო ჯამით მე-9 ადგილზე გავიდა.

115124
თემები:
სელებრითების ცხოვრება (2119)
სტუდენტები ლექციაზე

იმ მოქალაქეთა საყურადღებოდ, რომლებიც პანდემიის გამო რუსეთში სასწავლებლად ვერ მიდიან

194
(განახლებულია 20:59 25.09.2020)
წელს ქართველი ახალგაზრდობისთვის დაახლოებით 120 ადგილი გამოიყო რუსეთში უფასო განათლების მისაღებად, მაგრამ სტუდენტები პანდემიის გამო გამგზავრებას ვერ ახერხებენ

თბილისი, 25 სექტემბერი - Sputnik. სტუდენტები, რომლებმაც წელს რუსეთის უმაღლეს სასწავლებლებში თანამემამულეთა პროგრამის ფარგლებში ჩააბარეს, მაგრამ პანდემიის გამო სასწავლებლად გამგზავრებას ვერ ახერხებენ, თავიანთ უნივერსიტეტებს უნდა დაუკავშირდნენ. ამის შესახებ Sputnik-საქართველოს საქართველოს რუს თანამემამულეთა ორგანიზაციის საკოორდინაციო საბჭოს თავმჯდომარე ნიკოლაი სვენტიცკიმ განუცხადა.

მარტის შუა რიცხვებიდან საქართველოს საზღვრები პანდემიის გამო ჩაიკეტა. შედეგად საქართველოს მოქალაქეები, რომლებმაც წელს რუსეთის უმაღლეს სასწავლებლებში ჩააბარეს ან არდადეგებზე სახლში იმყოფებოდნენ, ვერ ახერხებენ სასწავლებლად რუსეთში გამგზავრებას.

„პირველი და უმთავრესია, არავინ ინერვიულოს, ყველაფერი ძალაში რჩება, ისინი ისწავლიან. ყველა სტუდენტს, ასპირანტს ვურჩევდი, რაც შეიძლება სწრაფად დაუკავშირდეს ტელეფონით ან ინტერნეტით უმაღლესი სასწავლებლების დეკანატებს, რომლებიც უცხოელ მოქალაქეებთან მუშაობაზე არიან პასუხისმგებელი, და სთხოვონ სიტუაციის დეტალურად განმარტება“, - განაცხადა სვეტნიცკიმ. 

სვენტიცკის თქმით, ეს პრობლემა შეეხო არა მხოლოდ საქართველოს მოქალაქეებს, არამედ სხვა ქვეყნების მოქალაქეებსაც, რომლებმაც წელს პროგრამით რუსეთის უმაღლეს სასწავლებლებში ჩააბარეს. როგორც მან აღნიშნა, ბევრი ასეთი მოქალაქეა, რომელთა ქვეყანაში შეშვება და საერთო საცხოვრებლებში განთავსებაა საჭირო.

„ამ მიმართულებით მუშაობა მიმდინარეობს, ეს ზუსტად ვიცი. მთავარია, ხელი არ ჩაიქნიონ, რადგან ეს ბავშვები უკვე ჩარიცხული არიან უმაღლესებში“, - აღნიშნა სვენტიცკიმ.

ამასთან, ზოგიერთი სტუდენტი საქართველოდან უკვე შეუდგა დისტანციურ სწავლას რუსეთის უმაღლესებში.

„მე ბაუმანის სახელობის უნივერსიტეტში ჩავაბარე, ამჟამად დისტანციურად ვსწავლობ. უმაღლესთან კონტაქტს ვინარჩუნებ, დაუსწრებლად საერთო საცხოვრებელში ადგილიც კი გამომიყვეს. მაგრამ რუსეთში მოხვედრას ვერ ვახერხებ - საჭიროა სპეციალური მოსაწვევი, რომლის მიღებასაც მხოლოდ მაშინ შევძლებ, როდესაც საზღვრები გაიხსნება და ეპიდემიოლოგიური ვითარება მოგვარდება“, - განუცხადა Sputnik-საქართველოს ერნესტ შადინოვმა, რომელმაც უმაღლესში წელს პროგრამის ფარგლებში ჩააბარა.

საქართველოში შვეიცარიის საელჩოსთან მოქმედი რუსეთის ინტერესების სექცია ყოველწლიურად კონკურსის წესით არჩევს საქართველოს მოქალაქეთა შორის რუსეთის უმაღლესებში ჩაბარების მსურველებს. რუსეთში სხვადასხვა ქვეყნიდან სტუდენტების სწავლების პროგრამა უკვე 15 წელია მოქმედებს. მთელი ამ წლების განმავლობაში მხოლოდ საქართველოდან რუსეთში განათლების მისაღებად ყოველწლიურად დაახლოებით 120 სტუდენტი მიემგზავრება.

194
სტუდენტების პროტესტი

„სწავლა მინდა!“ ქართველმა სტუდენტებმა განათლების სამინისტროსთან აქცია გამართეს

93
(განახლებულია 20:13 25.09.2020)
დისტანციური სწავლების ხარისხს როგორც მოსწავლეები, ისე მათი მშობლები ჯერ კიდევ გაზაფხულზე უჩიოდნენ. ახალი სასწავლოს წლის დაწყებასთან ერთად საკითხი განსაკუთრებით გამწვავდა

თბილისი, 25 სექტემბერი – Sputnik. განათლების სამიბნისტროს შენობის წინ სტუდენტებმა საპროტესტო აქცია „სწავლა მინდა!“ გამართეს, იუწყება Sputnik–საქართველოს კორესპონდენტი მოვლენების ადგილიდან.

ქვეყანაში სასწავლო წელი 15 სექტემბერს განახლდა, მაგრამ ეპიდვითარების გაუარესების გამო რვა ქალაქის – თბილისი, ბათუმი, ქობულეთი, ქუთაისი, ფოთი, რუსთავი, ზუგდიდი, გორი, ასევე კახეთის, გურიისა და შიდა ქართლის ზოგიერთი სოფლის სკოლების მოსწავლეები და სტუდენტები იძულებული არიან, ორი კვირის განმავლობაში, 1 ოქტომბრამდე დისტანციურად ისწავლონ. სხვა ქალაქებსა და სოფლებში სასწავლო დაწესებულებები გაიხსნა.

Студенческий омбудсмен провел митинг перед Министерством образования под названием Мы хотим учиться
© Sputnik / Alex Shlamov
სტუდენტების აქცია განათლების სამინისტროსთან

საპროტესტო აქციაში რამდენიმე ათეული სტუდენტი მონაწილეობდა. ახალგაზრდებმა ქვეყნის უმაღლეს სასწავლებლებში დისტანციური სწავლება გააპროტესტეს. მათ ხელში ეკავათ პლაკატები წარწერებით „მოგვეცით სწავლის უფლება", „ჩვენ გვინდა ხარისხიანი განათლება", „სწავლა ჩვენი უფლებაა" და სხვ.

Студенческий омбудсмен провел митинг перед Министерством образования под названием Мы хотим учиться
© Sputnik / Alex Shlamov
სტუდენტების აქცია განათლების სამინისტროსთან

გასულ დღე–ღამეში საქართველოში კორონავირუსის 265 ახალი შემთხვევა გამოვლინდა.. ეს პანდემიის დაწყებიდან ყველაზე მაღალი მაჩვენებელია.

ოფიციალურ ვებ–გვერდზე განთავსებული მონაცემებით, ქვეყანაში სულ გამოვლენილია კორონავირუსის 4 664 შემთხვევა, აქედან ამჟამად აქტიურია 2 903.

ამასთან, ბოლო 24 საათში კლინიკები დატოვა 54–მა ადამიანმა, სულ გამოჯანმრთელდა 1 759 პაციენტი, გარდაცვლილთა რიცხვს დაემატა კიდევ ერთი და გახდა 27.

93
თემები:
განათლება საქართველოში
კორონავირუსის ეპიდემია. ჟურნალისტები პირბადეებით

ვინ და როგორ აშუქებს არჩევნებს? სპეციალისტებმა ქართული მასმედია გააანალიზეს

0
ყველაზე კრიტიკული ტონი მთავრობის მიმართ ჰქონდა :მთავარ არხს“ – 72%, ხოლო ყველაზე დადებითი Postv–ს – 33%

თბილისი, 26 სექტემბერი - Sputnik. ქართული მასმედია ყველაზე მეტ ყურადღებას უთმობს მმართველი პარტია „ქართული ოცნება – დემოკრატიული საქართველოს“ საქმიანობის გაშუქებას. შემდეგ მოდიან ოპოზიციური პარტიები „ერთიანი ნაციონალური მოძრაობა“ და „ევროპული საქართველო“.

ამაზე მეტყველებს საპარლამენტო არჩევნების შუალედური მედიამონიტორინგის შედეგები. მედიამონიტორინგმა მასობრივი ინფორმაციის 43 საშუალება მოიცვა: 12 ტელეარხი, 10 რადიო, რვა გაზეთი და 13 ონლაინ–გამოცემა. კვლევა 15 ივნისიდან 31 აგვისტოს ჩათვლით პერიოდში ჩატარდა.

არჩევნები 2020: „ოდირმა“ საქართველოში სადამკვირვებლო მისია გახსნა>>

მედიამონიტორინგი ხორციელდება ევროკავშირისა და გაეროს განვითარების პროგრამის (UNDP) მხარდაჭერით და სამ არასამთავრობო ორგანიზაციასთან – საქართველოს ჟურნალისტური ეთიკის ქარტია, Internews Georgia და CRRC–საქართველო – თანამშრომლობით. მონიტორინგი2020 წლის დეკემბერში დასრულდება.

მონიტორინგის პირველი შედეგები

„ქართული ოცნება უფრო დადებით კონტექსტში გააშუქა ტელეარხმა „იმედი“ (29%), ხოლო ნეგატიურად – ოპოზიციურმა ტელეარხმა „მთავარი არხი“ (72%).

 „ერთიანი ნაციონალური მოძრაობა“ ყველაზე დადებითად გააშუქა „მთავარმა არხმა“ (6%), ხოლო ნეგატიურად – ტელეარხმა „ობიექტივმა (79%).

ოპოზიციურ საპარლამენტო პარტია „ევროპულ საქართველოს“ ყველაზე მეტი დრო დაუთმა ტელეარხმა „ფორმულამ“. დადებითი გაშუქება შეადგენდა მთელი დროის 1%–ზე ოდნავ მეტს. ყველაზე მეტად პარტიას დადებითად იხსენებდა „TV პირველი“ და „კავკასია (2%). ყველაზე ნეგატიურად ეს პარტია გააშუქეს „იმედის“ ეთერში.

პარტიას „ლელო საქართველოსთვის“ ყველაზე მეტი დრო დაუთმო „TV პირველმა“. დადებითი გაშუქება შეადგენდა მხოლოდ 3%–ს. ყველაე მეტად დადებითად პარტია გააშუქა ტელეარხმა „კავკასია“ (21%).

ექს–პრეზიდენტ მიხეილ სააკაშვილს ყველაზე მეტი დრო დაუთმო „იმედმა“. ნეგატიური გაშუქება შეადგენდა 74%–ს.

მთავრობის მიმართ ყველაზე კრიტიკული ტონი ჰქონდა „მთავარ არხს“ – 72%, ხოლო ყველაზე დადებითი – Postv–ს – 33%.

„წინა წლების მსგავსად თითქმის ყველა არხზე პრობლემად რჩება სიღრმისეული, მოკვლევითი სიუჟეტების სიმცირე, რომლებიც დაკავშირებული იქნება საარჩევნო თემატიკასთან და ამომრჩეველს მეტად დაეხმარება ინფორმირებული არჩევანის გაკეთებაში“, – აღნიშნავენ დოკუმენტის ავტორები.

მედიამონიტორინგმა ასევე აჩვენა, რომ წინა წლებთან შედარებით გაიზარდა ეთიკური დარღვევების ფაქტები. როგორც წინა წლებში, თითქმის ყველა არხზე პრობლემას წარმოადგენს გენდერული სტერეოტიპები. როგორც დოკუმენტშია აღნიშნული, მთელი პერიოდის განმავლობაში დაფიქსირდა სექსისტური განცხადებების ტირაჟირების რამდენიმე შემთხვევა. სექსისტური განცხადების ავტორი პოლიტიკოსებთან ერთად ჟურნალისტებიც იყვნენ.

0
თემები:
საქართველოს საპარლამენტო არჩევნები 2020