კახა მამულაშვილი

„მამულიჩამ რეჟისორი დაკბინა“ ლელა წურწუმია შოკის მომგვრელ ვიდეოს აქვეყნებს

2713
(განახლებულია 17:22 19.08.2020)
ბათუმში გამგზავრებული პოპ-დივა და მისი პროდიუსერი მეუღლე კახა მამულაშვილი ახალ კლიპს იღებენ. გადაღების პროცესში მამულიჩამ კლიპის რეჟისორს უკბინა.

უხერხული მომენტი მომღერალმა ლელა წურწუმიამ საკუთარი მობილურით აღბეჭდა და Instagram-ის ოფიციალურ გვერდზე გამოაქვეყნა. ვიდეოზე კარგად ჩანს, თუ როგორ კბენს ლოყაზე კახა მამულაშვილი კლიპის რეჟისორს. რეჟისორმაც არ დააყოვნა და ვიდეოს დასასრულს მამულიჩას სახეში გაულაწუნა.

View this post on Instagram

ბათუმის სეზონი დააბრუნეთ

A post shared by Kakhi Mamulashvili.Mamulicha (@mamulicha888) on

პროდიუსერსა და რეჟისორ ნესტან სინჯიკაშვილს ძალიან ახლო ურთიერთობა აკავშირებთ. ისინი წლებია მეგობრობენ. როგორც ჩანს, მათი ასეთი დამოკიდებულება არავის უკვირს. ლელამ ვიდეოს დამატებითი წარწერა დაურთო – „მამულიჩამ რეჟისორი დაკბინა“. კადრს მიღმა ლელას ახალი სიმღერის ნოტები ისმის, რომლის გამო ისინი ბათუმში ჩავიდნენ ახალი ვიდეოკლიპის გადასაღებად. სულ მალე მომღერალი ერთგულ მსმენელს შესთავაზებს სიმღერას „წამიყვანე სიყვარულთან“.

ლელა წურწუმია ბოლო პერიოდის მანძილზე მსმენელსა და ფანებს სოციალურ ქსელის მეშვეობით უფრო და უფრო დაუახლოვდა. წარმატებული მომღერალი საკუთარ „ინსტაგრამ-სთორიზე“ თაყვანისმცემლების მიერ შესრულებულ საკუთარ სიმღერებს ხშირად აქვეყნებს. ამით მან და მისმა მსმენელმა ერთგვარი გამოწვევა შექმნეს და ერთად ხალისობენ.

View this post on Instagram

#დარჩითსახლში

A post shared by Kakhi Mamulashvili.Mamulicha (@mamulicha888) on

ლელა და მისი პროდიუსერი და მეუღლე კახა მამულაშვილი ერთ-ერთი ყველაზე პოპულარული წყვილია. მათი ერთმანეთის გარეშე წარმოდგენა რთულია. ლელას პარალელურად მამულიჩაც გამოირჩევა სოციალურ ქსელში აქტიურობით. მის გვერდზე სულ უფრო და უფრო ხშირად ჩნდება ვარსკვლავებთან გადაღებული სახალისო ფოტო-ვიდეოები. განსაკუთრებულ ყურადღებას კი მისი ოჯახის წევრები იქცევენ.

View this post on Instagram

15 ივლისამდეც ავიტანთ ამ რეგულაციებს

A post shared by Kakhi Mamulashvili.Mamulicha (@mamulicha888) on

ელეგანტური, ეშხიანი, განსაკუთრებული ტემბრისა და ხმის მქონე მომღერალი წლებია აქტუალობას არ კარგავს. უშუქობაში დაწერილი სიმღერები დღემდე ჰიტია. მისი შემოქმედება ლელა წურწუმიას ქალიშვილის თანატოლებმაც კი ზეპირად იციან და ყოველ სოლო კონცერტს დიდი ინტერესით ელოდებიან.

View this post on Instagram

#ძირსკორონა

A post shared by Kakhi Mamulashvili.Mamulicha (@mamulicha888) on

წარმოუდგენელია – ლელა წურწუმია 51 წლისაა. საქართველოში ერთადერთი ქალი შემსრულებელია, რომელმაც სოლო-კარიერის მანძილზე 12 ალბომი გამოუშვა. ეს ყველაფერი კი მისი ერთგული მეუღლისა და პროდიუსერის დამსახურებით მოხდა. ბნელი 90-იანების დასაწყისში დაწყებული ბრწყინვალე კარიერა დღემდე წარმატებით მიმდინარეობს.

2713
თემები:
სელებრითების ცხოვრება (2102)
შოთა არველაძე

შოთა არველაძეს კორონავირუსი დაუდასტურდა

48
(განახლებულია 12:40 23.09.2020)
ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. ჩინეთში პნევმონიის აფეთქება 2019 წლის დეკემბერში დაიწყო

თბილისი, 23 სექტემბერი  — Sputnik. ცნობილ ფეხბურთელს შოთა არველაძეს, რომელიც ტაშკენტის საფეხბურთო კლუბ „ფახთაკორის“ მთავარი მწვრთნელია, კორონავირუსი დაუდასტურდა. ინფორმაციას უზბეკური გამოცემა Tribuna.uz-ი ავრცელებს.

მათივე ცნობით, არველაძე გუნდს აზიის ჩემპიონთა ლიგის შეხვედრაზე, რომელიც 23 სექტემბერს „ფახთაკორსა“ და „შადრი ჰუდრუს“ შორის უნდა გაიმართოს, ვერ უხელმძღვანელებს.

მედიის ინფორმაციით, შოთა არველაძე იზოლაციაშია გადაყვანილი.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

48
თემები:
COVID-19 საქართველოში
თენგიზ ცერცვაძე

ცერცვაძე: შესაძლოა სასწავლო პროცესის კიდევ ორი კვირით გადადების საკითხზე მსჯელობა დაიწყოს

64
(განახლებულია 11:19 23.09.2020)
ბოლო მონაცემებით, ქვეყანაში კორონავირუსის 4140 დადასტურებული შემთხვევა დაფიქსირდა. სულ გამოჯანმრთელდა 1643 პაციენტი

თბილისი, 23 სექტემბერი - Sputnik. თუ მომდევნო დღეებში ინფიცირებულთა რაოდენობა 200-ის ფარგლებში იქნება, სკოლებსა და ბაღებში სწავლა პირველ ოქტომბერს განახლდება, განაცხადა თბილისის ინფექციური პათოლოგიისა და შიდსის ცენტრის გენერალურმა  დირექტორმა თენგიზ ცერცვაძემ. 

ცერცვაძის ინფორმაციით, იმ შემთხვევაში, თუ დღეს არსებული მდგომარეობა ვერ შენარჩუნდა, შესაბამისი ორგანოები სასწავლო პროცესის კიდევ ორი კვირით გადადებას განიხილავენ.

,,თუ  ქვეყანაში ეპიდვითარება ისე განვითარდება, რომ ინფიცირებულთა რიცხვი 200-ს გადასცდება, როგორც ბოლო დღეებში ფიქსირდება, ალბათ, განათლების სამინისტრო და  შესაბამისი სტრუქტურები სასწავლო პროცესის კიდევ ორი კვირით  გადადების საკითხზე მსჯელობას დაიწყებენ.  თუმცა, ამ ვერსიაზე საუბარი საკოორდინაციო საბჭოს სხდომებზე  არ მიმდინარეობს“, - აღნიშნა თენგიზ ცერცვაძემ.

კორონავირუსის პანდემიის გამო საქართველოს ყველა სკოლაში სწავლა 2 მარტს შეწყდა, მეცადინეობები დისტანციურად წარიმართა. სასწავლო წელი 15 სექტემბერს განახლდა, მაგრამ ეპიდვითარების გაუარესების გამო ქვეყნის რიგი ქალაქების – თბილისის, ბათუმის, ქუთაისის, ქობულეთის, ფოთის, რუსთავის, ზუგდიდის, გორის, ასევე კახეთის, გურიისა და შიდა ქართლის ზოგიერთი სოფლის სკოლებში სწავლა ორი კვირის განმავლობაში, 1 ოქტომბრამდე დისტანციურად წარიმართება. ქვეყნის მასშტაბით არსებულ დანარჩენ სასწავლო დაწესებულებაში სწავლა ჩვეულებრივ რეჟიმში დაიწყო.

საქართველოში ბოლო პერიოდში კორონავირუსის დადასტურებული შემთხვევების რაოდენობამ მკვეთრად იმატა. ბოლო დღე-ღამეში საქართველოში კორონავირუსით ინფიცირებულთა რაოდენობა 227-ით გაიზარდა.

ბოლო მონაცემებით, ქვეყანაში კორონავირუსის 4140 დადასტურებული შემთხვევა დაფიქსირდა. სულ გამოჯანმრთელდა 1643 პაციენტი, გარდაიცვალა 24 ადამიანი.

საქართველოში კორონავირუსის პირველი შემთხვევა 26 თებერვალს დაფიქსირდა.

64
თემები:
COVID-19 საქართველოში
ზურგის მასაჟი

ზურგში ტკივილები საშიში დაავადების ნიშანია: ბრიტანელი ექიმები

0
(განახლებულია 12:39 23.09.2020)
სპეციალისტების თქმით, ზურგში ტკივილები შესაძლოა სულაც არ იყოს მალთაშორისი დისკების დაავადება და ეს სასიკვდილოდ საშიშ დაავადებაზე მიანიშნებდეს

თბილისი, 23 სექტემბერი — Sputnik. ტკივილები ზურგში შესაძლოა კუჭქვეშა ჯირკვლის კიბოს განვითარებაზე მიანიშნებდეს, იუწყება გამოცემა Express–ი კიბოს კვლევის საქველმოქმედო ფონდ Cancer Research UK–ის სპეციალისტებზე დაყრდნობით.

ექიმების თქმით, კუჭქვეშა ჯირკვლის კიბო, გამომდინარე ამ ოგანოს მდებარეობიდან, შეიძლება მარტივად აირიოს მალთაშორისი დისკების დაავადებაში. ამასთან ტკივილები შეიძლება დაიწყოს მუცლის არეში და მხოლოდ ამის შემდეგ გავრცელდეს ზურგზე.

„დისკომფორტი ძლიერდება, როდესაც ადამიანი ჰორიზონტალურ მდგომარეობას იღებს, და სუსტდება ჯდომის დროს. მდგომარეობა შეიძლება გაუარესდეს ჭამის შემდეგ. ეს ყველაფერი გარკვეული ნერვების დაზიანების თავისებურებებს უკავშირდება“, —  განმარტავენ ექიმები.

სპეციალისტების თქმით, იმ შემთხვევაში, თუ ადამიანს ზურგში გამუდმებული ტკივილები აქვს და ამასთან ეს არც შესაბამისი ტრავმებით ან ფიზიკური დატვირთვებით არ არის გამოწვეული, აუცილებლად უნდა მიმართოს ექიმს.  

0
თემები:
მსოფლიო და მეცნიერება