შშმ პირები პარკში

ახალი შანსი: შშმ პირებისთვის პროფესიული განათლება უფრო ხელმისაწვდომი გახდება

169
(განახლებულია 18:18 19.08.2020)
პროფესიული მომზადების სამ ახალ კურსზე შეზღუდული შესაძლებლობის მქონე პირთათვის რეგისტრაცია გამოცხადდა.

თბილისი, 19 აგვისტო – Sputnik. მთავრობის ადმინისტრაციას, განათლების სამინისტროსა და სამხრეთ კავკასიაში გაეროს ადამიანის უფლებათა უმაღლესი კომისრის ოფისს შორის ურთიერთგაგების მემორანდუმი გაფორმდა, რომელიც პროფესიულ განათლებაზე შეზღუდული შესაძლებლობის მქონე (შშმ) პირთა ხელმისაწვდომობის გაზრდას ემსახურება,  იუწყება საქართველოს განათლების, მეცნიერების, კულტურისა და სპორტის სამინისტრო.

„ახალგაზრდული მუშაკი“ – საქართველოში ახალი პროფესია ინერგება>>

უწყების ცნობით, მემორანდუმი მიზნად ისახავს შეზღუდული შესაძლებლობის მქონე პირთა ხელმისაწვდომობის და ჩართულობის გაზრდას პროფესიულ განათლებაში, ერთი მხრივ, პროფესიული მომზადების ახალი კურსების შექმნისა და ადაპტაციის, ხოლო მეორე მხრივ – ინკლუზიური განათლების გაძლიერების გზით.

განათლების, მეცნიერების, კულტურის და სპორტის მინისტრის მოადგილის თამარ ქიტიაშვილის შეფასებით, ინკლუზიურობა პროფესიული განათლების რეფორმის ერთ-ერთი მთავარი ქვაკუთხედია.

„მოხარული ვართ, რომ მოგვეცა შშმ პირებისთვის ახლა უკვე მომზადება–გადამზადების პროგრამების შეთავაზების საშუალება. ეს მათ მისცემს დასაქმების შესაძლებლობას და ამავდროულად მნიშვნელოვანია, რომ შეთავაზებულია ისეთი პროფესიები, რომლებიც წარმოადგენს მომავლის პროფესიებს, ითვალისწინებს სახლიდან გაუსვლელად, დისტანციურად დასაქმების პერსპექტივასაც“, – აღნიშნა თამარ ქიტიაშვილმა.

მემორანდუმის გაფორმებას მიესალმება ადამიანის უფლებათა და გენდერული თანასწორობის საკითხებში პრემიერ-მინისტრის მრჩეველი ლელა აქიაშვილი.

პროფსასწავლებლები იხსნება: რამდენმა სასწავლებელმა მიიღო „მწვანე ბარათი“>>

„შშმ პირთა წვდომა მაღალი ხარისხის და საჭიროებებზე მორგებულ პროფესიულ განათლებაზე მნიშვნელოვანია როგორც უფლებრივ ჭრილში, ასევე დასაქმების კუთხითაც“, – განაცხადა ლელა აქიაშვილმა.

გაეროს ადამიანის უფლებათა უმაღლესი კომისრის ოფისის მხრიდან მემორანდუმს ხელი მოაწერა უფროსმა მრჩეველმა ვლადიმირ შკოლნიკოვმა.

„მნიშვნელოვანია, რომ ამ მემორანდუმის გაფორმებით ჩვენ ვეხმარებით შშმ პირებს... რათა მომავალში ჰქონდეთ შესაძლებლობა, დასაქმდნენ ნებისმიერ ბიზნესში, როგორც კერძო სექტორში, ასევე სახელმწიფო სამსახურში“, – აღნიშნა ვლადიმირ შკოლნიკოვმა.

მემორანდუმის ხელმოწერასთან ერთად გამოცხადდა რეგისტრაცია პროფესიული მომზადების სამ ახალ კურსზე შეზღუდული შესაძლებლობის მქონე პირთათვის. ესენია – სოციალური მედიის მართვა, მომსახურების სფერო და საოფისე საქმის წარმოება. მოკლევადიანი კურსები სექტემბერში დაიწყება, დისტანციურად ჩატარდება და სრულად იქნება ადაპტირებული მონაწილეთა საჭიროებებზე. ახლო მომავალში იგეგმება ინგლისური ენის მოკლევადიანი კურსების შეთავაზებაც.

განათლება, როგორც ხსნა – რაზე დებს ფსონს საქართველოს ხელისუფლება>>

სამინისტრის ინფორმაციით, თანამშრომლობა შედგა პროფესიულ კოლეჯებთან – „ახალი ტალღა“, „გლდანის პროფესიული მომზადების ცენტრი“ და „სარკინიგზო ტრანსპორტის კოლეჯი“, რის შედეგადაც პროგრამებზე რეგისტრაცია შესაძლებელია მომავალი ორი კვირის განმავლობაში.

პროგრამის კურსდამთავრებულები ორენოვან სახელმწიფო სერტიფიკატს მიიღებენ, რაც სამომავლოდ მათ დასაქმებას შეუწყობს ხელს.

169
თემები:
განათლება საქართველოში (404)
ხატია შამუგია

„ამ კომპანიაში გავატარე 12 წელი...“ - რატომ გაუშვეს სამსახურიდან ხატია შამუგია

19
(განახლებულია 16:03 14.04.2021)
ხატია შამუგიამ გაამხილა, რატომ აღარ არიც ერთ-ერთი ცნობილი კომპანიის სახე, სადაც ცხოვრების 12 წელი გაატარა

პარფიუმერიის ჯადოსნური სამყარო, ცნობილი პიარ-ტექნოლოგის ხატია შამუგიას გარეშე, საქართველოში წარმოუდგენელია. ის წლების მანძილზე იყო, კომპანია „ისი პარის“ საზოგადოებასთან ურთიერთობის დეპარტამენტის ხელმძღვანელი, თუმცა 12 წლიანი თანამშრომლობის შემდეგ სამსახურიდან გაუშვეს.

სამსახურიდან უსაფუძვლოდ გათავისუფლების მიზეზებზე ხატიამ გადაცემაში „მხოლოდ ლელასთან” ისაუბრა.

„ერთად გავიზარდეთ მე და ეს კომპანია. მართლა ბევრი რაღაც გავაკეთე ამ კომპანიაში. 12 წელი ანაზღაურების გამო ვერ იმუშავებ. ძალიან მიყვარდა ეს კომპანია. სამსახურივით არ იყო ჩემთვის. ერთ-ერთმა დამფუძნებელმა, რომელთანაც ყველაზე ახლოს ვიყავი, მან მითხრა, სხვა ფორმატში უნდა გავაგრძელოთ შენთან ურთიერთობაო. თუმცა არ დავინტერესებულვარ”, – განაცხადა ხატია შამუგიამ ლელა წურწუმიას გადაცემაში სტუმრობისას.

ხატიამ გადაცემაში სტუმრობისას ისიც თქვა, რომ ის ხალხის გამოხმაურებამ წამოაყენა ფეხზე, რომელიც მისი სამსახურიდან წამოსვლის შემდეგ გავრცელებულ ინფორმაციას მოჰყვა.

„მივხვდი 43 წელი ტყუილად არ მიცხოვრია. საერთოდ დამავიწყდა ეს კომპანია. ისეთი კომენტარები და სითბო იყო ადამიანებისგან”, – განაცხადა ხატიამ.

ხატია შამუგიამ ცოტა ხნის წინ, სოციალური ქსელის პირად გვერდზე ცოტა ხნის წინ, ახალი სამსახურის შესახებ დაწერა. ის პრესტიჟული სტომატოლოგიური კლინიკის „კახა ხარებავას კლინიკის” პიარის და საზოგადოების ურთიერთობის დეპარტამენტს უხელმძღვანელებს.

19
თემები:
ქართველი სელებრითები
ლაბორატორია

სამეგრელოში ინფიცირებულთა რაოდენობა იზრდება

10
(განახლებულია 16:29 14.04.2021)
ბოლო მონაცემებით, რეგიონის მასშტაბით კორონავირუსი 32-მა პაციენტმა დაამარცხა, საკარანტინო სივრცეში კი 89 ადამიანი იმყოფება.

თბილისი, 13 აპრილი – Sputnik. სამეგრელო–ზემო სვანეთის რეგიონში კორონავირუსი 120 ადამიანს დაუდასტურდა, იუწყება „Sputnik-საქართველოს" კორესპონდენტი. 

სამხრეო ადმინისტრაციის ინფორმაციით, სამეგრელოს კოვიდ-კლინიკებში 233 პაციენტია მოთავსებული, მათგან ათი პაციენტის მდგომარეობა მძიმეა. 

რუხის კლინიკაში მკურნალობის კურსს 115 კოვიდ-პაციენტი გადის – შვიდი პაციენტის მდგომარეობა მძიმეა. ფოთის კლინიკაში იმყოფება 40 კოვიდ-პაციენტი, მათ შორის მძიმე სამი პაციენტია. ზუგდიდის რეფერალურ ჰოსპიტალში ოთხი პაციენტი მკურნალობს. აბაშის „ევექსის“ კოვიდ–კლინიკაში 28 პაციენტი მკურნალობს. სენაკის „ლაზიკა მედიში“ – 50 პაციენტი.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 761-ით გაიზარდა და ინფიცირებულთა საერთო რიცხვმა 286.406-ს მიაღწია.

ქვეყანაში კორონავირუსის პირველი შემთხვევა 2020 წლის 26 თებერვალს დაფიქსირდა.

ნიკა ლატარია


 

10
თემები:
კორონავირუსი საქართველოში: ბოლო ცნობები