თერმოსკრინინგი

კორონავირუსი კიდევ ერთ მედიკოსს დაუდგინდა

229
(განახლებულია 20:58 17.08.2020)
თბილისის კლინიკა „ევექსის“ ინფიცირებული თანამშრომლის ყველა კონტაქტი დადგენილია, ხოლო თავად ის კარანტინშია გადაყვანილი.

თბილისი, 17 აგვისტო – Sputnik. თბილისში, ვაჟა-ფშაველას გამზირზე მდებარე „ევექსის“ კლინიკის თანამშრომელს კორონავირუსი დაუდგინა, იუწყება საინფორმაციო სააგენტო Новости Грузия „ევექსის“ რეგიონულ კოორდინატორ ტატო თოდუას ინფორმაციაზე დაყრდნობით.

კორონავირუსი საქართველოში: ცნობილია თუ არა ინფიცირების წყაროები>>

ყველა, ვისაც ინფიცირებულ თანამშრომელთან ჰქონდა კონტაქტი, და ასეთი 17 ადამიანი აღმოჩნდა, იდენტიფიცირებულია და საკარანტინო სივრცეებშია გადაყვანილი. მათ ვირუსი არ გამოვლენიათ, თუმცა კარნტინში ორ კვირას გაატარებენ.

„კლინიკა ჩვეულებრივ რეჟიმში განაგრძობს მუშაობას. სადეზინფექციო სამუშაოები დაუყოვნებლივ ჩავატარეთ“, – განაცხადა თოდუმ.

კლინიკის ინფიცირებული თანამშრომელი 50 წლის ქალია. მას ვირუსი 15 აგვისტოს დაუდგინეს.

თოდუას განცხადებით, მისი მდგომარეობა დამაკმაყოფილებელია. ამ დროისათვის კორონავირუსის სიმპტომები ნათლად გამოხატული არა აქვს. პაციენტის ინფიცირების წყარო ჯერჯერობით უცნობია, მიმდინარეობს ღრმა ეპიდემიური კვლევა. „ევექსის“ ინფიცირებული თანამშრომელი პირველ საუნივერსიტეტო კლინიკაში მკურნალობს.

ბოლო დღე-ღამეში საქართველოში კორონავირუსის ხუთი ახალი შემთხვევა გამოვლინდა და საერთო რიცხვმა 1341 შეადგინა.

კორონავირუსი მსოფლიოში – 17 აგვისტოს მონაცემები>>

გამოჯანმრთელდა 1092 ადამიანი, გარდაიცვალა 17 პაციენტი.

კორონავირუსის პირველი შემთხვევა საქართველოში 26 თებერვალს დაფიქსირდა.

229
თემები:
COVID-19 საქართველოში (1809)
ხელბორკილი

ბაჩალიაშვილის საქმე: პროკურატურამ დავით ფურცხვანიძე დააკავა

11
საქართველოს პროკურატურამ თანამგზავრიდან გადაღებული ფოტოების ექსპერტიზა უკვე ჩაატარა და ისინი გაყალბებულად ცნო

თბილისი, 25 სექტემბერი - Sputnik. პოლიციამ  დავით ფურცხვანიძე დააკავა, რომელმაც გარდაცვლილი თამარ ბაჩალიაშვილის ოჯახის ადვოკატ მიხეილ რამიშვილს თანამგზავრიდან გადაღებული ფოტოები გადასცა, იუწყება ტელეკომპანია Imedi.

ბაჩალიაშვილის გარდაცვალების საქმეში ფოტოების თემა რამდენიმე ექსპერტიზის შედეგების გამოქვეყნების შემდეგ ამოტივტივდა. როგორც ოჯახის ადვოკატი აცხადებდა, ე.წ. სატელიტური ფოტოები ადასტურებდა, რომ გოგონას ავტომობილი დანაშაულის ადგილზე მოგვიანებით მიიყვანეს. ექსპერტიზამ კი დაადგინა, რომ ფოტოები გაყალბებული იყო და წყაროს ძიება დაიწყო.

ფურცხვანიძის დაკავების დეტალებზე პროკურატურა ინფორმაციას არ ავრცელებს. ცნობილია მხოლოდ, რომ მიხეილ რამიშვილმა იგი ე.წ. სატელიტური ფოტოების წყაროდ დაასახელა. საქართველოს პროკურატურამ რამიშვილის ტელეფონიდან ამოიღო მონაცემები, რომლებიც ადვოკატისთვის ფოტოების გადაცემას ეხებოდა. 

ფოტოების საქმეზე აღძრულია სისხლის სამართლის საქმე  „მტკიცებულებების გაყალბებისა“ და „ კომპიუტერულ სისტემაში უკანონო შეღწევის“ მუხლებით.

23 წლის პროგრამისტის გარდაცვალების საქმეზე ცალკე გამოძიება მიმდინარეობს. პროკურატურაში ამტკიცებდნენ, რომ პარალელური გამოძიება რამიშვილს საადვოკატო პრაქტიკაში ხელს არ შეუშლის.

რამიშვილი და გარდაცვლილის ოჯახი არ ეთანხმებიან გამოძიების ვერსიას შესაძლო სუიციდზე და ცდილობენ დაამტკიცონ, რომ თამარ ბაჩალიაშვილი მოკლულია.

თამარ ბაჩალიაშვილი ხუთი დღის ძებნის შემდეგ თეთრიწყაროს რაიონში, საკუთარ ავტომობილში გარდაცვლილი იპოვეს. ის სახლიდან 18 ივლისს გავიდა და უკან აღარ დაბრუნებულა. ოჯახი გოგონას დაღუპვას მის საქმიანობას უკავშირებს და ძირითადი ვერსიის – თვითმკვლელობის არ სჯერა. მათ მიაჩნიათ, რომ ეს მკვლელობა იყო, რომელიც თამარის სამსახურს უკავშირდება, რადგან მას ხელში გარკვეული კომპრომატი ჩაუვარდა.
სკანდალური ფოტოები, რომელთაც პროკურატურამ ყალბი და დამონტაჟებული უწოდა, ადვოკატმა რანიშვილმა პირველად ტელეკომპანია Formula–ს ეთერში სექტემბრის დასაწყისში გაასაჯაროვა.

11
მცხეთის სასამართლო – შაქარაშვილის მკვლელობის საქმე

შაქარაშვილის მკვლელობის საქმე: გაფორმდება თუ არა საპროცესო შეთანხმება

34
(განახლებულია 14:18 25.09.2020)
იმ შემთხვევაში, თუ დაკავებულები ბრალს აღიარებენ, ბრალდების მხარემ შეიძლება საპროცესო შეთანხმების გაფორმებაზე თანხმობა განაცხადოს

თბილისი, 25 სექტემბერი  — Sputnik.  პროკურორი გიორგი მუკმანიანი არ გამორიცხავს 19 წლის ფეხბურთელის გიორგი შაქარაშვილის განზრახ მკვლელობის საქმეზე ბრალდებულთა ნაწილთან საპროცესო შეთანხმების გაფორმებას. 

რეზონანსულ საქმეზე 17 პირი გადის, მათ შორის ექვსი არასრულწლოვანია. ნაწილს ბრალი ედება ჯგუფურ ძალადობაში, ნაწილს - დამამძიმებელ გარემოებაში განზრახ მკვლელობაში.

პროკურორის თქმით, ბრალდებულებთან საპროცესო შეთანხმება აღიარების სანაცვლოდ  შეიძლება გაფორმდეს.

 „საპროცესო შეთანხმება – მოლაპარაკებების საგანია და მისი აუცილებელი პირობა დანაშაულის აღიარებაა. მოლაპარალებების წარმოების უფლება ბრალდებულს აქვს. შესაბამისად, მათ შეუძლიათ ბრალდების მხარეს მიმართონ და ჩვენ მას განვიხილავთ“, განაცხადა მუკბანიანმა ტელეკომპანია Rustavi 2-ის ეთერში.

19 წლის ფეხბურთელის ცხედარი 22 ივნისს, ოთხდღიანი ძებნის შემდეგ, მდინარე არაგვში იპოვეს. ექსპერტიზამ დაადგინა, რომ ის წყალში დაიხრჩო, თუმცა ცხედარზე უამრავი დაზიანებაა, რომელიც სიცოცხლეშია მიყენებული. გამოძიების ვერსიით, ბრალდებულებმა შაქარაშვილი ჯერ სცემეს, შემდეგ კი მდინარეში გადააგდეს.

ამ შემთხვევას წინ უსწრებდა ჩხუბის ორი ეპიზოდი – ერთი მცხეთაში და მეორე თბილისი–მცხეთის გზაზე.

34
თემები:
19 წლის გიორგი შაქარაშვილის მკვლელობის საქმე