ტესტი კორონავირუსზე

ჯანდაცვის სამინისტრომ დიდი რაოდენობის სწრაფი ტესტები შეიძინა

267
(განახლებულია 18:46 11.08.2020)
სამინისტროს ინფორმაციით, ტესტები მაღალი სიზუსტით გამოირჩევა და ისინი შესაბამის კლინიკებსა და დაწესებულებებზე გადანაწილდება

თბილისი, 11 აგვისტო - Sputnik. საქართველოს ჯანდაცვის სამინისტრომ ანტიგენის და ანტისხეულების 200 ათასი სწრაფი ტესტი შეიძინა, ნათქვამია უწყების მიერ გავრცელებულ განცხადებაში.

უწყების ცნობით, სამინისტრომ სწრაფი ტესტები მსოფლიო ბანკის და აზიის ინფრასტრუქტურის საინვესტიციო ბანკის „საქართველო COVID-19-ის წინააღმდეგ სწრაფი რეაგირების პროექტის“ ფარგლებში შეიძინა.

ანტისხეულების 100 ათასი ტესტის (პასუხი ცნობილია რამდენიმე საათში) მომწოდებელი ჩინეთის მთავრობის მიერ ლიცენზირებული კომპანიაა, რომელიც ამავე ტესტებით ევროპის ქვეყნებსა და აშშ-საც ამარაგებს. პროდუქტმა არაერთი შემოწმება გაირა და ექსპორტზე გატანის ნებართვა მიიღო, ანტიგენ 100 ათასი ტესტის (შეუძლია წუთებში განსაზღვროს, არის თუ არა ინფიცირებული ადამიანი), მომწოდებელი კი კორეული კომპანიაა, რომლისგანაც სამინისტროს უკვე შესყიდული აქვს ტესტები.

სამინისტროს  ინფორმაციით, ტესტები მაღალი სიზუსტით გამოირჩევა. სწრაფი ტესტები შესაბამის კლინიკებსა და დაწესებულებებზე გადანაწილდება.

საქართველოში ახალი კორონავირუსით დაავადებულთა რაოდენობამ 1264-ს მიაღწია. ამ დროისათვის გამოჯანმრთელებულია 1054 ადამიანი, გარდაცვლილია – 17, კარანტინის რეჟიმში იმყოფება 7279, ხოლო სტაციონარებში ექიმების დაკვირვების ქვეშ 279 პაციენტია.

საქართველოში კორონავირუსის პირველი შემთხვევა 26 თებერვალს დაფიქსირდა.

 

267
თემები:
COVID-19 საქართველოში (1732)
ირაკლი მაქაცარია

„ამით მოხვედი?“ - ირაკლი მაქაცარია თათბირზე უჩვეულო ტრანსპორტით მივიდა - ვიდეო

81
(განახლებულია 11:49 18.09.2020)
ირაკლი მაქაცარიას გადაწყვეტილებამ კოლეგები დააბნია. ნახეთ რითია მისული „პრაიმშოუს“ თათბირზე ერთ-ერთი წამყვანი

„პრაიმშოუს“ თათბირზე, ტელეკომპანია „იმედში“ ერთ-ერთი წამყვანი ირაკლი მაქაცარია მომღერალმა ნინი ბადურაშვილმა ველოსიპედით დააფიქსირა. „ამით მოხვედი?“ - ეკითხება ბადურაშვილი კოლეგას. როგორც ჩანს, მაქაცარიამ გადაწყვიტა ძვირადღირებული ავტომანქანა სახლში დაეტოვებინა და არჩევანი ეკოლოგიურად სუფთა ტრანსპორტზე შეაჩერა.

უკრაინაში მოღვაწე ცეცხლოვანი ბიზნესმენი ქართველმა ტელემაყურებლებმა თოქ-შოუ „პრაიმშოუს“ წამყვანის ამპლუით გაიცნო. მისი ქარიზმა, სექსუალური აღნაგობა და შარმი ქალების სუსტი წერტილია. 33 წლის ბათუმელი ბიჭი ნამდვილად სასურველი და „დიპლომიანი“ სასიძოა. ქართველი გოგონების გარდა, მთელი უკრაინა მოხიბლა საკუთარი შარმით, ქარიზმატულობით და ცეკვის ნიჭით.

საინტერესო ფაქტები: საშუალო სკოლა აშშ-ში დაამთავრა; უმაღლესი განათლება თბილისის კავკასიის ბიზნეს-სკოლაში მიიღო; სპეციალობით მარკეტოლოგია; 2013 წელს დააფუძნა კომპანია Maq Entertainment, რომელიც „ბოლივუდთან“ თანამშრომლობს. ამას გარდა პოპულარულმა ტელესახემ საიუველირო ქსელი შექმნა, რომელშიც მისი დიზაინით შექმნილი აქსესუარები იყიდება.

81
თემები:
სელებრითების ცხოვრება
ნაცმოძრაობის ბანერი

თბილისში მაჟორიტარი დეპუტატობის კანდიდატის შტაბი დაარბიეს

49
(განახლებულია 14:03 18.09.2020)
უცნობმა პირებმა ქვები დაუშინეს ლევან ხაბეიშვილის შტაბს, რომელიც საპარლამენტო არჩევნებზე  სამგორის რაიონში გაერთიანებული ოპოზიციის მაჟორიტარი დეპუტატი იქნება.

თბილისი, 18 სექტემბერი  — Sputnik.  უცნობმა პირებმა ყოფილი მმართველი პარტია „ერთიანი ნაციონალური მოძრაობის“ მაჟორიტარი დეპუტატობის კანდიდატის საარჩევნო შტაბი დაარბიეს, იუწყება ტელეკომპანია Rustavi 2. 

სამგორის რაიონში მდებარე შტაბზე თავდასხმა გუშინ განხორციელდა.  ორმა უცნობმა ოფისს ქვები ესროლა – ჩამსხვრეულია შუშები და დაზიანებულია ინვენტარი. შემთხვევის ადგილზე მობილიზებული იყვნენ სამართლდამცველები, ფაქტზე მიმდინარეობს მოკვლევა.

 „ორმა პირმა ორგანიზებულად მოიტანა ქვები, ორგანიზებულად ჩალეწა  შუშები და ეჭვი მაქვს, რომ ამ შემთხვევას „ქართული ოცნების“ პოლიცია  ორგანიზებულად არ გამოიძიებს. სამწუხაროდ, ქვეყანას ჰყავს ქვასროლია ხელისუფლება, რომელსაც დაშავების, კრიმინალის და ძალადობის გარდა, არაფერი შეუძლია და მეტიც, ქვის ხანაში უნდა დაგვაბრუნოს," - განაცხადა ხაბეიშვილმა.

ლევან ხაბეიშვილის საპარლამენტო არჩევნებზე  სამგორის რაიონში გაერთიანებული ოპოზიციის მაჟორიტარი დეპუტატი იქნება.

საქართველოში საპარლამენტო არჩევნები 31 ოქტომბერს გაიმართება. საქართველოს მოქალაქეები 150 დეპუტატს აირჩევენ: 120-ს პარტიული სიებით, ხოლო 30-ს ერთმანდატიან საარჩევნო ოლქებში კენჭისყრის შედეგებით. პარტიებისთვის გამსვლელი ბარიერი 1%-ს შეადგენს. ხმის მიცემის უფლება აქვს საქართველოს 3 501 931 მოქალაქეს როგორც ქვეყანაში, ისე მის საზღვრებს გარეთ.

49
თემები:
საქართველოს საპარლამენტო არჩევნები 2020
არჩილ თალაკვაძე

თალაკვაძე: არჩევნებზე დავამტკიცებთ, რომ საქართველო დემოკრატიული ფასეულობების ერთგულია

0
(განახლებულია 16:46 18.09.2020)
სწავლებაში, რომელიც ვაზიანის სამხედრო ბაზაზე 7 სექტემბრიდან მიმდინარეობდა, ხუთი ქვეყნის 2,8 ათასი სამხედრო მოსამსახურე მონაწილეობდა

თბილისი, 18 სექტემბერი - Sputnik. 2020 წლის სამართლიან და გამჭვირვალე საპარლამენტო არჩევნებზე კიდევ ერთხელ დავამტკიცებთ, რომ საქართველო ერთგულია დემოკრატიული ფასეულობების და სამართლიანად იმსახურებს ევროპული და ევროატლანტიკური სივრცის ღირსეულ და სრულფასოვან წევრობას, განაცხადა საქართველოს პარლამენტის თავმჯდომარე არჩილ თალაკვაძემ მრავალეროვნული სასარდლო–საშტაბო სწავლების „ღირსეული პარტნიორი 2020“ დასრულების ოფიციალურ ცერემონიაზე. 

თალაკვაძის განცხადებით,  საქართველოს ხელისუფლება მნიშვნელოვანი გამოწვევების წინაშე დგას –  გლობალური პანდემიით დაზარალებული ეკონომიკის აღდგენა,  ახალი სამუშაო ადგილების შექმნა და  მოქალაქეების კეთილდღეობის გაუმჯობესება.

„უსაფრთხოების დაცვით, დემოკრატიის გაძლიერებით და ეკონომიკის განვითარებით ჩვენ ვქმნით ჩვენი ქვეყნისა  და ჩვენი შვილების უკეთეს მომავალს! ეს არ არის მარტივი მისია, მაგრამ ჩვენ ერთად შევძლებთ ამის გაკეთებას“, - განაცხადა პარლამენტის თავმჯდომარემ.

დღეს  სამხედრო ბაზა „ვაზიანის“ ტერიტორიაზე რიგით მეხუთე მრავალეროვნული სასარდლო–საშტაბო სწავლება „ღირსეული პარტნიორის“ (Noble Partner)  საზეიმო დახურვის ცერემონია გაიმართა. სწავლება ნატოს ეგიდით 7 სექტემბერს დაიწყო – საქართველომ აშშ-სა და პარტნიორ ქვეყნებს შორის თავსებადობის სრულყოფაზე იმუშავა.  სწავლებაში ხუთი ქვეყნის 2,8 ათასი სამხედრო მოსამსახურე მონაწილეობდა.

მრავალეროვნული სამხედრო სწავლება „ღირსეული პარტნიორის" იზანია საქართველოს, აშშ-ის და პარტნიორ ქვეყნებს შორის მზადყოფნის და თავსებადობის ამაღლება. ასევე, სტაბილურობის, თავდაცვითი და შეტევით ოპერაციებში უნარ-ჩვევების გაუმჯობესება და შავი ზღვის აუზში უსაფრთხოების გარემოს შექმნაში წვლილის შეტანა.

ნატოსთან ერთობლივი წვრთნები „ღირსეული პარტნიორი“ ბოლოს 2019 წლის 27 ივლისი – 9 აგვისტოს ჩატარდა. რუსეთის საგარეო საქმეთა სამინისტროში არაერთხელ განაცხადეს, რომ მოსკოვი არ ეთანხმება თბილისის პოზიციას იმის თაობაზე, რომ სწავლება შავი ზღვის რეგიონში სტაბილურობას უწყობს ხელს.

0