უსადენო კლავიატურა

სუიციდის შესახებ ინფორმაციას ეძებდა: ახალი დეტალები ბაჩალიაშვილის გარდაცვალების საქმეში

227
(განახლებულია 13:22 06.08.2020)
გამოძიება აგრძელებს მოკვლევას – არის თუ არა კავშირში ახალგაზრდა გოგონას სიკვდილი მისი პროგრამირების სფეროში მუშაობასთან.

თბილისი, 6 აგვისტო — Sputnik. თამარ ბაჩალიაშვილის კომპიუტერის ექსპერტიზამ დაადგინა, რომ გოგონა სიკვდილამდე რამდენიმე ხნით ადრე ინტერნეტში თვითმკვლელობის შესახებ ინფორმაციას ეძებდა, ნათქვამია შინაგან საქმეთა სამინისტროს განცხადებაში. 

23 წლის თამარ ბაჩალიაშვილი ხუთი დღის ძებნის შემდეგ თეთრიწყაროს რაიონში, საკუთარ ავტომობილში გარდაცვლილი იპოვეს. ის სახლიდან 18 ივლისს გავიდა და უკან აღარ დაბრუნებულა. ოჯახი გოგონას დაღუპვას მის საქმიანობას უკავშირებს (ის პროგრამისტი იყო) და წინასწარი ვერსიის – თვითმკვლელობის არ სჯერა. 

შსს-ს ცნობით, ოთხშაბათს უწყებამ გოგონას ნოუთბუქის ექსპერტიზის დასკვნა მიიღო, რომელშიც აღმოჩენილია ფოტო- და ვიდეოფაილები, ასევე ინტერნეტში ძიების ისტორია.

ექსპერტიზის დასკვნით, 18 ივნისს, გაუჩინარებამდე ერთი თვით ადრე, ბაჩალიაშვილი სუიციდის მეთოდების შესახებ ინფორმაციას ეძებდა.

გარდა ამისა, გაუჩინარებამდე ერთი დღით ადრე, 17 ივლისის 18:36 საათზე თამარ ბაჩალიაშვილი შევიდა სოციალური ქსელი Facebook-ის დახმარების სამსახურში, ვებ-გვერდზე სახელწოდებით „რა მოუვა ჩემს ფეისბუქის ანგარიშს თუ მე გარდავიცვლები?“. ამავე პერიოდში ბაჩალიაშვილის მიერ Google-ში ჩაწერილი და მოძებნილია ინფორმაცია: „ფეისბუქის ანგარიშის გაუქმება სიკვდილის შემდეგ“. 

შსს ასევე აცხადებს, რომ აგრძელებს კომპანია ZAG-ის საქმიანობის შესწავლას, რომელშიც ბაჩალიაშვილი გარდაცვალებამდე მუშაობდა, და დაადგინა, რომ კომპანია საქართველოში არ ოპერირებს, არამედ ასრულებს საერთაშორისო შეკვეთებს.

ბაჩალიაშვილის საქმის გამოძიება გრძელდება.

შესაძლო თვითმკვლელობის ვერსიას გამოძიება იმ ფაქტის გათვალისწინებით განიხილავს, რომ სხეულის წინასწარმა დათვალიერებამ ტრავმები და ჭრილობები არ გამოავლინა. ასევე ეჭვს იწვევს ის, რომ ავტომობილში ცხედრის ნივთებში ნაპოვნ წამლებს 20 აბი აკლია. მანქანაში იპოვეს ჩანაწერიც „თანხა ანგარიშზეა, გამოიყენეთ“.

ოჯახს თვითმკვლელობის ვერსიის არ სჯერა. თამარ ბაჩალიაშვილის გარდაცვალების მიზეზთან დაკავშირებით სამედიცინო ექსპერტიზის ოფიციალურ დასკვნაზე მუშაობა ჯერ არ დასრულებულა.

227
სისხლის ანალიზი ლაბორატორიაში

საქართველოში კორონავირუსით კიდევ ერთი ადამიანი გარდაიცვალა

12
(განახლებულია 11:05 21.09.2020)
ამ დროისათვის ინფიცირებულია 3695 ადამიანი, გამოჯანმრთელდა 1534. კარანტინის რეჟიმში იმყოფება 4988, ხოლო სტაციონარებში ექიმების დაკვირვების ქვეშ – 836

თბილისი, 21 სექტემბერი – Sputnik. საქართველოში ახალი კორონავირუსისგან კიდევ ერთი პაციენტი გარდაიცვალა. ეს ამ ვირუსის შედეგად გარდაცვალების მეოცე შემთხვევაა. ინფორმაცია ამის შესახებ მთავრობის სპეციალურ ვებ-გვერდზე stopcov.ge გამოქვეყნდა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 193-ით გაიზარდა და 3695-ს მიაღწია. 

ამ დროისათვის სულ გამოჯანმრთელდა 1534 ადამიანი. კარანტინის რეჟიმში იმყოფება 4988, ხოლო სტაციონარებში ექიმების დაკვირვების ქვეშ 836 პაციენტია.

კორონავირუსის პირველი შემთხვევა ქვეყანაში 26 თებერვალს დაფიქსირდა.

12
თემები:
COVID-19 საქართველოში
ლაბორატორია

სენაკის საჯარო სკოლის მოსწავლეებსა და პედაგოგს კორონავირუსი დაუდგინდათ

15
ვიდრე არ გაირკვევა როგორი ეპიდემიოლოგიური ვითარებაა სკოლაში, დაწესებულება დისტანციურ რეჟიმში იმუშავებს

თბილისი, 21 სექტემბერი  — Sputnik.  სენაკის საჯარო სკოლაში, სადაც პედაგოგსა და ორ მოსწავლეს კორონავირუსი დაუდგინდა , სასწავლო პროცესი დისტანციურ რეჟიმში გაგრძელდება, განაცხადა სენაკის საგანმანათლებლო რესურ-ცენტრის უფროსმა დარეჯან ზარანდიამ. 

ეპიდემიოლოგების ვარაუდით, მასწავლებელს ვირუსი სენაკელი ქალისგან გადაედო, რომელიც დადასტურებულ შემთხვევას წარმოადგენს, მოსწავლეები კი მისი კონტაქტები არიან. სკოლის ყველა მოსწავლეს და პედაგოგს PCR-ტესტი უკვე ჩაუტარდათ, რომლის პასუხიც დღეს გახდება ცნობილი.

„აღნიშნულ სკოლაში სასწავლო პროცესი 15 სსექტემბერს ჩვეულ რეჟიმში განახლდა.   ამ ეტაპზე კი სკოლის მთლიანი შემადგენლობა – მოსწავლეები და პედაგოგები თვითიზოლაციაში იმყოფებიან და ვიდრე არ გაირკვევა როგორი ეპიდემიოლოგიური ვითარებაა სკოლაში, დაწესებულება დისტანციურ რეჟიმში იმუშავებს“, – განაცხადა ზარანდიამ. 

კორონავირუსის პანდემიის გამო საქართველოს ყველა სკოლაში სწავლა 2 მარტს შეწყდა, მეცადინეობები დისტანციურად წარიმართა. სასწავლო წელი 15 სექტემბერს განახლდა, მაგრამ ეპიდვითარების გაუარესების გამო ქვეყნის რვა ქალაქის – თბილისის, ბათუმის, ქუთაისის, ქობულეთის, ფოთის, რუსთავის, ზუგდიდის, გორის, ასევე კახეთის, გურიისა და შიდა ქართლის ზოგიერთი სოფლის სკოლებში სწავლა ორი კვირის განმავლობაში, 1 ოქტომბრამდე დისტანციურად წარიმართება. ქვეყნის მასშტაბით არსებულ დანარჩენ სასწავლო დაწესებულებაში სწავლა ჩვეულებრივ რეჟიმში დაიწყო.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 193-ით გაიზარდა და 3695-ს მიაღწია,  ამ დროისათვის სულ გამოჯანმრთელდა 1534 ადამიანი.

კორონავირუსის პირველი შემთხვევა ქვეყანაში 26 თებერვალს დაფიქსირდა.

15
თემები:
COVID-19 საქართველოში