საბავშვო ბაღი

რა პირობების შესრულება მოუწევთ ახალი სასწავლო წლიდან ბაგა-ბაღებს

324
(განახლებულია 19:30 04.08.2020)
სკოლამდელი დაწესებულებებისთვის იმოქმედებს შრომითი ინსპექციის მიერ შედგენილი წესები, რაც უახლოეს დროში დაზუსტდება.

თბილისი, 4 აგვისტო — Sputnik. კორონავირუსის პანდემიის გამო საბავშვო ბაგა-ბაღები მუშაობას ახალი რეგულაციებით განაახლებენ, იუწყება ტელეკომპანია Imedi.

კორონავირუსის პანდემიის გამო სასწავლო პროცესი საქართველოს ყველა სასწავლო დაწესებულებაში, მათ შორის საბავშვო ბაგა-ბაღებში, 2 მარტს შეჩერდა.

სკოლამდელი დაწესებულებებისთვის შრომითი ინსპექციის მიერ შედგენილი წესები იმოქმედებს, კერძოდ, შესაძლებელია, პრევენციის მიზნით ჯგუფებში ბავშვების რაოდენობა შემცირდეს.

„ამ ეტაპზე იქნება ზოგადი მოთხოვნები, როგორიც არის დისტანცია, სადენზიფექციო სამუშაოების განხორციელება. რაც შეეხება სხვა პროტოკოლურ მოთხოვნებს, ეს უახლოეს დროში კერძო და სახელმწიფო სექტორთან შეთანხმებით იქნება დაზუსტებული, მათ შორის ბავშვების რაოდენობაც", – განაცხადა ჯანდაცვის სამინისტროს შრომის პირობების ინსპექტირების დეპარტამენტის უფროსმა ბექა ფერაძემ.

პროტოკოლის სამუშაო ვერსიაში ნათქვამია, რომ ბაგა-ბაღებში მხოლოდ ისეთი სათამაშოები უნდა გამოიყენონ, რომლებიც სადენზინფექციო ხსნარით დამუშავდება.

ჯანდაცვის სამინისტროს შეთავაზება: სასწავლო პროცესი შერეული მოდელით>>

სააღმზრდელო დაწესებულებაში შესვლამდე სავალდებულო რჩება თერმოსკრინინგის გავლა.

საბავშვო ბაღებში სააღმზრდელო პროცესი, სავარაუდოდ, 14 სექტემბერს განახლდება.

324
თემები:
განათლება საქართველოში (317)
ნათია მეზვრიშვილი

რეგულაციების დარღვევისთვის საქართველოში 10 ათასი  ჯარიმაა გამოწერილი

23
(განახლებულია 08:17 25.09.2020)
ბოლო პერიოდში კორონავირუსის ინფექციის მასობრივი კერები ქორწილებთან, ქელეხებთან და დაბადების დღეებთანაა დაკავშირებული, განაცხადა ნათია მეზვრიშვილმა

თბილისი, 25 სექტემბერი  — Sputnik.  საქართველოში რეგულაციების, მათ შორის დახურულ სივრცეში პირბადის ტარების წესის დარღვევისთვის 10 ათასი ჯარიმაა გამოწერილი, განაცხადა მთავრობის ადმინისტრაციის ხელმძღვანელმა ნათია მეზვრიშვილმა. 

საქართველოში კორონავირუსის პანდემიის გამო დღემდე რიგი შეზღუდვები მოქმედებს, მათ შორისაა რიტუალური და სოციალური ღონისძიებების გამართვა, ტრანსპორტსა და დახურულ სივრცეებში პირბადის გარეშე ყოფნა, ტაქსით მგზავრობისას ლიმიტი ადამიანების აყვანაზე.

 „სინამდვილეში ორი კატეგორიის ადამიანები არიან. ნაწილი მოქალაქეობრივ პასუხისმგებლობას იჩენს და მთავრობის რეკომენდაციები საკმარისია, რომ  წესები დაიცვან. მეორე კატეგორია არ იცავს წესებს და მათთან მიმართებით ჯარიმებს ვიყენებთ. ამ დროისთვის 9–10 ათასამდე ჯარიმაა გამოწერილი. აქედან ნახევარმა უკვე გადაიხადა ჯარიმა“, – განაცხადა მეზვრიშვილმა Palitra TV–ის ეთერში.

ამასთან მან აღნიშნა, რომ რეკომენდაციებისა და შეზღუდვების დაცვა ინფიცირებულთა რაოდენობის კონტროლის საუკეთესო საშუალებაა და დასძინა, რომ საქართველოს კლინიკებში საწოლების  განსაზღვრული რაოდენობაა.

მთავრობის ადმინისტრაციის უფროსმა განსაკუთრებით აღნიშნა, რომ ბოლო პერიოდში კორონავირუსის ინფექციის მასობრივი კერები ქორწილებთან, ქელეხებთან და დაბადების დღეებთანაა დაკავშირებული. 

 „ბოლო დროს გვაქვა ქორწილების, დაბადების დღეების და სხვა მასშტაბური ღონისძიებების დაჯარიმების შემთხვევები და შრომის ინსპექცია აქტიურად მუშაობს ამ მიმართულებით“, – განაცხადა მეზვრიშვილმა.

ამასთან, მან აღნიშნა, რომ მთავრობა სპეციალური დახმარების პაკეტს ამზადებს იმ ადამიანებისთვის, ვინც სხვადასხვა ღონისძიებებს ატარებს და შეზღუდვების შედეგად დაზარალდა, თუმცა, კანონმდებლობით 31 ოქტომბრამდე მისი გაჟღერება არ შეუძლია, რამდენადაც წინასაარჩევნო პერიოდში ეს მოსახლეობის მოსყიდვად ჩაითვლება.

უსაფრთხოების ნორმების დარღვევისთვის ჯარიმა 20–დან 100 ლარამდეა. თვითიზოლაციისა და კარანტინის წესების დარღვევისთვის კი  2–დან 10 ათას ლარამდე.

23
თემები:
COVID-19 საქართველოში
ავტობუსი

აჭარაში 26 სექტემბრიდან საქალაქთაშორისო ტრანსპორტით გადაადგილება იზღუდება

31
(განახლებულია 23:12 24.09.2020)
მიუხედავად რთული ვითარებისა, ხელისუფლება ქვეყანაში და, კერძოდ, ბათუმში საგანგებო მდგომარეობისა და კარანტინის გამოცხადებას არ გეგმავს.

თბილისი, 25 სექტემბერი — Sputnik.  აჭარაში 26 სექტემბრიდან საქალაქთაშორისო  ტრანსპორტით გადაადგილება შეიზღუდება, განაცხადა ჯანდაცვის მინისტრის მოადგილე თამარ გაბუნიამ. 

ეპიდემიოლოგებმა აჭარას COVID-19-ის გავრცელების თვალსაზრისით „წითელი ზონა“ უკვე უწოდეს – ბოლო 24 საათში კორონავირუსის 259 ახალი შემთხვევიდან 164 აჭარაში გამოვლინდა. რეგიონში სულ ინფიცირების ათასზე მეტი აქტიური შემთხვევაა. 

აჭარა COVID-19-ის გავრცელების ეპიცენტრად ზაფხულში დამსვენებლების გაზრდილი ნაკადის გამო იქცა. მთავრობის გადაწყვეტილებით, დღეიდან აჭარაში მუნიციპალური ტრანსპორტის მოძრაობა იკრძალება, რესტორნები ღამის საათებში არ იმუშავებენ. რაც შეეხება 1 ოქტომბრიდან სასწავლო პროცესის სკოლებში განახლებას, რეგიონი გამონაკლისი აღმოჩნდა – სასწავლო პროცესი ყველა საფეხურზე დისტანციურად გაგრძელდება.

გაბუნიას განცხადებით, სასწავლო პროცესის განახლება და ტრანსპორტის მოძრაობის აღდგენა მაშინ მოხდება, როდესაც რეგიონში ეპიდემიოლოგიური სიტუაცია დასტაბილურდება. შეზღუდვები არის ბაზისური, რომელიც მობილობას გარკვეულწილად შეამცირებს, რაც აისახება ეპიდემიის გავრცელებაზე და სტაბილიზაციის ეფექტს მოგვცემს, აღნიშნა მინისტრის მოადგილემ. 

„სწორედ სოციალურ შეკრებებზე ხდება წესების დარღვევა. ამან შეიძლება მინიმლური დისკომფორტი გამოიწვიოს. სრულად დაკეტვის რისკი მაშინ დადგება, როცა ეპიდემია უკონტროლო ხასიათს მიიღებს. ტაქსით  მგზავრობა უფრო კონტროლირებადია, ვიდრე საზოგადოებრივ ტრანსპორტით",- განაცხადა თამარ გაბუნიამ.

საქართველოში ახალი კორონავირუსით ინფიცირებულთა რაოდენობა ბოლო დღე-ღამეში 259-ით გაიზარდა და 4399-ს მიაღწია, გამოჯანმრთელდა 1705 ადამიანი, გარდაიცვალა 26 პაციენტი.

მიუხედავად რთული ვითარებისა, ხელისუფლება ქვეყანაში და, კერძოდ, ბათუმში საგანგებო მდგომარეობისა და კარანტინის გამოცხადებას არ გეგმავს.

ქვეყნის ხელისუფლების განცხადებით, მეორე ლოკდაუნი არ იქნება, რადგან ეკონომიკა ასეთ რყევას ვეღარ გაუძლებს და ამ ეტაპზე გარკვეული შეზღუდვებით შემოიფარგლება.

31
თემები:
COVID-19 საქართველოში
ვლადიმირ პუტინი

რუსმა მწერალმა პუტინი ნობელის მშვიდობის პრემიაზე წარადგინა

0
(განახლებულია 10:02 25.09.2020)
აკადემიკოსის თქმით, მის მიერ პუტინის წარდგენას ნობელის მშვიდობის პრემიაზე, ამერიკული მხრიდან „მძვინვარე რეაქცია“ მოჰყვა

თბილისი, 25 სექტემბერი — Sputnik. რუსმა აკადემიკოსმა და მწერალმა სერგეი კომკოვმა პრეზიდენტი ვლადიმირ პუტინი ნობელის მშვიდობის პრემიაზე წარადგინა 2021 წლისთვის, რის შესახებაც მან პრესკონფერენციაზე განაცხადა.

„ეს უკვე ფაქტობრივად მეოთხე წარდგენაა ნობელის მშვიდობის პრემიაზე. განაცხადი მიმდინარე წლის 9 სექტემბერს გავგზავნე და უკვე 10 სექტემბერს ის ოსლოში ნობელის პრემიერის შტაბბინაში მშვიდობის კომიტეტმა მიიღო“, — განაცხადა კომკოვმა.

მისი თქმით, მას შემდეგ, რაც ნობელის კომიტეტის ერთ–ერთმა მდივანმა ხელი მოაწერა განაცხადს მისი მიღების თაობაზე, „ამერიკის მხრიდან მძვინვარე რეაქცია“ დაიწყო.

„უკვე საღამოს, ადგილობრივი დროით 16 სააათის შემდეგ, ოსლოში ამერიკის წარმომადგენელმა <...> სასწრაფოდ ლამის ხელით დაწერა განცხადება ნობელის მშვიდობის პრემიაზე ტრამპის წარდგენის შესახებ — კაცმა არ იცის, რისთვის: არაბეთის საამიროებსა და ისრაელს შორის რაღაც კონფლიქტური სიტუაციის დარეგულირებისთვის“, — აღიშნა კომკოვმა.

მისი თქმით, ნობელის კომიტეტმა მომდევნო წლის მარტამდე უნდა განიხილოს განაცხადები და ამის შემდეგ ყველას, ვისაც წინადადება აქვს გაგზავნილი, წერილობით უნდა შეატყობინოს, რომ მათი განაცხადი მიღებულია, განხილული და დარეგისტრირებული.

აღნიშნულთან დაკავშირებით კომენტარი გააკეთა რუსეთის პრეზიდენტის პრესმდივანმა დმიტრი პესკოვმა და განაცხადა, რომ თუ ვლადიმირ პუტინს პრემიას მიანიჭებენ — მშვენიერი იქნება, თუ არა — ეს საშინელება არ არის.

„თქვენ ხომ იცით, რომ ამ პრემიაზე აბსოლუტურად განსხვავებულ ადმიანებს წარადგენენ. ეს იმათი ინიციატივაა, ვინც ამგვარ წინადადებას აყენებს. ამ შემთხვევაში ეს აღნიშნული მწერალია. არსებობს ნომინანტების განხილვის გარკვეული პროცედურა. თუ გადაწყვეტილებას მიიღებენ, შესანიშნავი იქნება, არ მიიღებენ და არც ამაშია არაფერი საშინელება“, — უთხრა პესკოვმა ჟურნალისტებს.

 

0
თემები:
რუსეთი დღეს