ანუკი არეშიძე

„რა ყველგან არეშიძე გელანდებათ, ხალხო“ რატომ დაშორდნენ ანუკი არეშიძე და ნინა ზარქუა

47194
(განახლებულია 18:43 04.08.2020)
ანუკი არეშიძემ პირველად ისაუბრა იმაზე, რატომ დაშორდა საუკეთესო მეგობარს და როდის დაედო ტაბუ მათ ურთიერთობას.

ცნობილი დიზაინერები ანუკი არეშიძე და ნინა ზარქუა ერთმანეთს ორი წლის წინ დაშორდნენ. საუკეთესო მეგობრების დაშორების მიზეზი საზოგადოებისთვის დღემდე უცნობია.

თავად ნინასა და ანუკისთვის ცალ-ცალკე ბევრჯერ დაუსვამთ კითხვა, რა იყო მათი დაშორების მიზეზი, რადგან წლების წინ ისინი მუდამ ერთად იყვნენ – შოპინგი, გართობა, მოდის სფერო თუ სხვა. თუმცა ისინი ამ თემაზე ღიად არ საუბრობენ.

რამდენიმე დღის წინ კი ანუკი არეშიძე ფოტოგრაფ მარი ნაკანის „ინტაგრამ ლაივში“ იყო სტუმრად, სადაც წამყვანი დაინტერესდა, როდის შეურიგდებოდა ზარქუას. „ეს ცოტა ისეთი თემაა, რომელიც 2018 წლის 2 დეკემბერს საბოლოოდ დაილუქა“, – ასე უპასუხა ანუკი არეშიძემ ნაკანს.

ცოტა ხნის წინ ნინა ზარქუას ფოტოზე მისმა „ინსტაგრამის“ ხელმომწერმა ინგლისურად დაუწერა i love uuu, რაზეც ნინამ უპასუხა: რამე რომ არ შემეშალოს ინგლისურად არაფერს დავწერ. – არეშიძეს წაკბინეთ? – ბატონო? რა ყველგან არეშიძე გელანდებათ ხალხო.

View this post on Instagram

the only blues i need! 🌊☀️

A post shared by Nina Zarqua (@zarquanina) on

ნინა ზარქუას და ანუკი არეშიძის ცხოვრება მართლაც ჰგავს ერთმანეთს – ორივე მოდელი იყო, ფეხბურთელებზე დაქორწინდნენ და ახლა ორივე დიზაინერია.

View this post on Instagram

Light gold

A post shared by ANOUKI ARESHIDZE (@anoukigold) on

მათ ერთმანეთს სოციალურ ქსელში გამოწერა გაუუქმეს, დიდი ხანია ერთად გადაღებულ ფოტოებს აღარ აქვეყნებენ და ნინიმ ოდესღაც საუკეთესო მეგობარს მეოთხე შვილის შეძენაც არ მიულოცა.

47194
თემები:
სელებრითების ცხოვრება (2107)
რთველი

რთველი 2020: ფერმერებმა 148,3 ათასი ტონა ყურძენი ჩააბარეს

6
(განახლებულია 08:08 24.09.2020)
საქართველოს მთავრობამ წელს COVID-19-ის პანდემიის შედეგად დაზარალებული მევენახეობა-მეღვინეობის დარგის მხარდასაჭერად „რქაწითელისა“ და „კახური მწვანეს“ ჯიშის ყურძნის სუბსიდირება გადაწყვიტა.

თბილისი, 24 სექტემბერი  — Sputnik.  საქართველოში „რთველი 2020“–ის ფარგლებში ამ დროისთვის  დაახლოებით 148,3 ათასი ტონა ყურძენია გადამუშავებული, იუწყება ღვინის ეროვნული სააგენტო. 

კახეთში ყურძნის მოსავლის აღების სეზონი 22 აგვისტოს დაიწყო. გადამუშავების პროცესში 60–ზე მეტი ღვინის საწარმოა ჩართული.  ამ დროისთვის ჩაბარებული ყურძნის ღირებულებამ დაახლოებით 148,2 მლნ ლარი შეადგინა.

საქართველოს მთავრობამ წელს COVID-19-ის პანდემიის შედეგად დაზარალებული მევენახეობა-მეღვინეობის დარგის მხარდასაჭერად „რქაწითელისა“ და „კახური მწვანეს“ ჯიშის ყურძნის სუბსიდირება გადაწყვიტა.

სუბსიდიას მიიღებენ ის კომპანიები, რომლებიც შეისყიდიან და გადაამუშავებენ ამ ჯიშების სულ ცოტა 1 ათას ტონა ყურძენს. ამასთან, ღვინის ქარხნებს დადგენილი აქვთ ერთი კილოგრამი ყურძნის ფასი – არანაკლებ 80 თეთრისა. სახელმწიფოს სუბსიდია ერთ კილოგრამზე 30 თეთრს შეადგენს.

უწყების ცნობით, ამ ეტაპზე გადამუშავებულია 109,6 ათასი ტონა „რქაწითელი”, 32 ათასი ტონა  „საფერავი”, 2,3 ათასი ტონა „კახური მწვანე”, 125,1 ტონა „ალექსანდროული–მუჯურული“ და 4,1 ათასი ტონა სხვა ჯიშის ყურძენი.

6
თემები:
საქართველოს სოფლის მეურნეობა
საკლასო ოთახი

საქართველოში სკოლები იხურება - ოზურგეთში კორონავირუსი პედაგოგს დაუდგინდა

235
ლაითურში მთელი დღის განმავლობაში მიმდინარეობდა ეპიდკვლევა. ბოლო მონაცემებით, გურიაში ჯამში კორონავირუსის 68 შემთხვევაა დადასტურებული

თბილისი, 23 სექტემბერი – Sputnik. ოზურგეთის მუნიციპალიტეტის დაბა ლაითურში პედაგოგის დაინფიცირების გამო საჯარო სკოლამ დროებით შეწყვიტა სასწავლო პროცესი და ორი კვირით სწავლების დისტანციურ რეჟიმზე გადავიდა, იუწყება საზოგადოებრივი მაუწყებლის პირველი არხი.

ლაითურში მთელი დღის განმავლობაში მიმდინარეობდა ეპიდკვლევა. ბოლო მონაცემებით, გურიაში ჯამში კორონავირუსის 68 შემთხვევაა დადასტურებული.

საქართველოში ბოლო პერიოდში კორონავირუსის დადასტურებული შემთხვევების რაოდენობამ მკვეთრად იმატა. ბოლო დღე-ღამეში საქართველოში კორონავირუსით ინფიცირებულთა რაოდენობა 227-ით გაიზარდა.

დღეს თბილისის ინფექციური პათოლოგიისა და შიდსის ცენტრის გენერალურმა დირექტორმა თენგიზ ცერცვაძემ განაცხადა, რომ თუ მომდევნო დღეებში ინფიცირებულთა რაოდენობა 200-ის ფარგლებში იქნება, სკოლებსა და ბაღებში სწავლა 1 ოქტომბერს განახლდება. იმ შემთხვევაში კი, თუ ინფიცირებულთა რიცხვი 200-ს გადასცდება, სასწავლო პროცესი ორი კვირით გადაიდება, თუმცა, ცერცვაძის თქმით, ამ ვერსიაზე საუბარი საკოორდინაციო საბჭოს სხდომებზე არ მიმდინარეობს.

კორონავირუსის პანდემიის გამო საქართველოს ყველა სკოლაში სწავლა 2 მარტს შეწყდა, მეცადინეობები დისტანციურად წარიმართა. სასწავლო წელი 15 სექტემბერს განახლდა, მაგრამ ეპიდვითარების გაუარესების გამო ქვეყნის რიგი ქალაქების – თბილისის, ბათუმის, ქუთაისის, ქობულეთის, ფოთის, რუსთავის, ზუგდიდის, გორის, ასევე კახეთის, გურიისა და შიდა ქართლის ზოგიერთი სოფლის სკოლებში სწავლა ორი კვირის განმავლობაში, 1 ოქტომბრამდე დისტანციურად წარიმართება. ქვეყნის მასშტაბით არსებულ დანარჩენ სასწავლო დაწესებულებაში სწავლა ჩვეულებრივ რეჟიმში დაიწყო.

სასწავლო პროცესის დაწყებიდან რამდენიმე დღეში, 21 სექტემბერს კორონავირუსი დაფიქსირდა ორ სკოლაში - ოზურგეთის მუნიციპალიტეტის სოფელ შრომაში და სენაკში. იქ OVID-19 რამდენიმე პედაგოგსა და მოსწავლეს დაუდგინდა. აღნიშნული სკოლები დისტანციურ რეჟიმზე გადავიდნენ.

ბოლო მონაცემებით, ქვეყანაში კორონავირუსის 4140 დადასტურებული შემთხვევა დაფიქსირდა. სულ გამოჯანმრთელდა 1643 პაციენტი, გარდაიცვალა 25 ადამიანი.

საქართველოში კორონავირუსის პირველი შემთხვევა 26 თებერვალს დაფიქსირდა.

235
თემები:
COVID-19 საქართველოში

კორონავირუსის რუსული ვაქცინა: რომელ ქვეყნებს სურთ მისი ყიდვა

0
(განახლებულია 02:14 24.09.2020)
როდის დასრულდება პანდემია? ალბათ, ეს საკითხი ყველას აღელვებს. კორონავირუსის დასრულებაში წვლილს შეიტანს რუსული ვაქცინაც სახელწოდებით „Sputnik V“. რომელი ქვეყნები აპირებენ პრეპარატის ყიდვას და სად შეიმუშავეს საკუთარი ვაქცინა – იხილეთ ჩვენს ვიდეოში
0