ახალგაზრდები

„ახალგაზრდული მუშაკი“ საქართველოში ახალი პროფესია ინერგება

206
(განახლებულია 13:51 31.07.2020)
ახალი პროფესიის დაუფლების მსურველებს უკვე შეუძლიათ შეიტანონ განაცხადი და შესაბამისი ექვსთვიანი მომზადება გაიარონ.

თბილისი, 31 ივლისი – Sputnik. საქართველოში იწყება სახელმწიფოსგან აღიარებული, განათლების ხარისხის განვითარების ეროვნული ცენტრის მიერ აკრედიტებული ახალი პროფესიის – „ახალგაზრდული მუშაკის“ მომზადების პროგრამა.

როგორც საქართველოს ახალგაზრდობის სააგენტოს განცხადებაშია აღნიშნული, პროგრამა შეესაბამება ევროპულ სტანდარტებს და ხელს უწყობს ახალგაზრდული მუშაკების ეფექტურ მუშაობას ახალგაზრდობასთან. ახალგაზრდული საქმიანობის მეთოდოლოგია ევროკავშირის ქვეყნების წარმატებულ გამოცდილებას ეფუძნება, რომელსაც ეს ქვეყნები ბოლო ათწლეულებია იყენებენ, როგორც ახალგაზრდების არაფორმალური განათლების თანამედროვე მოდელს.

პირველ ეტაპზე პროგრამის ფარგლებში გათვალისწინებულია ახალგაზრდა პრაქტიკოსების გადამზადება, მათი კვალიფიკაციის ამაღლება და უნარებისა და შესაძლებლობების განვითარებაში დახმარება.

ახალგაზრდული მუშაკის პროფესიული საქმიანობა მიმართულია ახალგაზრდებში იმ უნარების განვითარებაზე, რომლებიც აუცილებელია საზოგადოებრივ ცხოვრებაში სრულფასოვანი მონაწილეობისა და პოტენციალის სრული რეალიზებისთვის.

„ახალგაზრდული მუშაკის პროფესიონალიზაცია და ინსტიტუციონალიზაცია“ სააგენტოს სამწლიანი რეფორმის მთავარი მიმართულებაა და ამასთან საქართველოს ევროკავშირთან ასოცირების ხელშეკრულებით აღებული ვალდებულების ნაწილი“, – ნათქვამია სააგენტოს განცხადებაში.

„პროფესიული ახალგაზრდული საქმიანობის“ რეფორმა ითვალისწინებს:

  • საქართველოში ახალგაზრდული მუშაკის აღიარებულ პროფესიად ჩამოყალიბებას;
  • პრაქტიკოსი ახალგაზრდული მუშაკების პროფესიულ გადამზდებას; 
  • ხარისხზე ორიენტირებული ახალგაზრდული საქმიანობის არეალის გაფართოებას მთელი ქვეყნის მასშტაბით.

კანდიდატების მიღება სახელმწიფოს მიერ აღიარებული სერტიფიკატის მისაღებად 30 ივლისს დაიწყო და 16 აგვისტომდე გაგრძელდება. სააგენტო პირველ ეტაპზე იწვევს ახალგაზრდა სპეციალისტებს საქართველოს ათი რეგიონიდან.

ახალგაზრდული მუშაკის პოზიციის დაკავების მსურველი უნდა იყოს 21 წელს ზევით, უმაღლესი ან პროფესიული განათლებით, ჰქონდეს ბავშვებთან მუშაობის, მათ შორის, არაფორმალური შეხვედრების, სპორტული, შემეცნებითი ღონისძიებების ჩატარების გამოცდილება.

პროგრამაში მონაწილეობისთვის 30 პრაქტიკოსი ახალგაზრდული მუშაკი შეირჩევა სტაჟიორის სახით, რომლებიც დაამთავრებენ სწავლების ექვსთვიან პროგრამას და მიიღებენ სახელმწიფოსგან აღიარებულ სერტიფიკატს.

206
თემები:
განათლება საქართველოში (314)
სასწრაფო დახმარება

საქართველოში COVID-19-ით ინფიცირებულთა უმრავლესობა უსიმპტომოა ან მსუბუქი სიმძიმისაა

12
ეპიდემიოლოგები პაციენტების მკურნალობს სახლის პირობებში გეგმავენ - მიმდინარეობს ექიმების გადამზადება

თბილისი, 19 სექტემბერი — Sputnik. საქართველოში კორონავირუსით ინფიცირებულთა შორის ჭარბობენ მსუბუქი, უსიმპტომო ან საშუალო სიმძიმის პაციენტები, განაცხადა დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ.

საქართველოში ამ დროისათვის 1657 პაციენტი მკურნალობს. მათგან 13-ის მდგომარეობა კრიტიკულია, ხუთი კი ხელოვნური სუნთქვის აპარატზეა ჩართული.

„ზოგადად ბოლო ორ კვირაში გვაქვს ახალი შემთხვევების მზარდი დინამიკა და ეს ძირითადად ხდება აჭარის რეგიონის ხარჯზე, სადაც გვაქვს ეპიდაფეთქება, მაგრამ სიტუაცია სრულად მართვადია და მათ შორის აჭარის რეგიონში“, – განაცხადა გამყრელიძემ.

გამყრელიძემ არ გამორიცხა, რომ აჭარაში პაციენტების მართვა სახლში დაიწყოს. მისი თქმით, უახლოეს დღეებში პირველადი ჯანდაცვის ექიმები კიდევ ერთხელ გადამზადდებიან, რათა პაციენტებს სახლის პირობებში უმკურნალონ.

გამყრელიძის თქმით, 30 იანვრიდან საქართველოში 534 ათასი PCR-ტესტი და დაახლოებით 301 ათასი სწრაფი ტესტი გაკეთდა.

ეპიდემიოლოგმა მოუწოდა ყველას ცხელების შემთხვევაში შესაბამის სამსახურებს მიმართონ. მისი თქმით, ეს პირველი წელიწადია, როდესაც გრიპთან და სხვა რესპირატორულ დაავადებებთან ერთად, რომლებიც შემოდგომით აქტიურდება, იარსებებს ასევე კორონავირუსი. საჭიროა მაქსიმალური სიფრთხილე და რეკომენდაციების შესრულება.

გურიაში კორონავირუსი პედაგოგებს დაერია >>

ოქტომბრის დასაწყისში საქართველოს ექნება გრიპის ოთხკომპონენტიანი ვაქცინის 135 ათასამდე დოზა. დაავადებათა კონტროლის ცენტრი ვაქცინის დამატებითი დოზების შემოტანაზე მუშაობს.

„როგორც წესი, ვაქცინა გაუკეთდება რისკჯგუფებს და ეს რისკჯგუფები ყოველწლიურად ისაზღვრება იმუნიზაციის საბჭოს დადგენილებით. ვცდილობთ მაქსიმალურად, გავზარდოთ სახელმწიფოს მიერ შესყიდული ვაქცინის მარაგი. ძალიან ბევრ ბაზარზე და ბევრ მწარმოებელთან გვაქვს კონტაქტი და შესაძლებელია, წელს გრიპის აცრებზე მოთხოვნა იყოს მეტი, ვიდრე ოდესმე ყოფილა. რა თქმა უნდა, ვაქცინა ექნებათ კერძო კომპანიებსაც“, - განაცხადა გამყრელიძემ.

გასულ დღე-ღამეში კორონავირუსით ინფიცირების შემთხვევების რაოდენობა 182-ით გაიზარდა. სამთავრობო ვებგვერდ StopCov-ის მონაცემებით, ინფიცირებულთა საერთო რაოდენობა ქვეყანაში 3119-ე შეადგენს.

 

12
თემები:
COVID-19 საქართველოში

არავითარი დღესასწაული: როგორ იმოქმედა პანდემიამ რთველზე - ვიდეო

202
საქართველოში აქტიურ ფაზაში შევიდა ყურძნის მოსავლის აღების სეზონი. იხილეთ Sputnik-საქართველოს ვიდეოში, როგორ იღებენ მოსავალს კახეთში COVID-19-ის ფონზე

რთველი საქართველოში ყოველთვის ნამდვილ და ხანგრძლივ დღესასწაულად მიიჩნეოდა, რომელიც უყვართ სოფლის მკვიდრებსაც და ქალაქელებსაც. მაგრამ პანდემიამ მასზეც იქონია გავლენა.

ლოკდაუნმა, ტურისტების არყოფნამ, დაკეტილმა ბარებმა და რესტორნებმა ძლიერი დარტყმა მიაყენა ღვინის ბაზარს. 2020 წელს ღვინის ქარხნები იძულებულები გახდნენ ყურძნის ყველა ჯიშზე შესასყიდი ფასი დაეწიათ. ფერმერებს ახლა არჩევანის საშუალება არ აქვთ - პანდემიის მიუხედავად, უამრავი საქმეა.

ამ დროისათვის კახეთში უკვე მოიკრიფა და გადამუშავდა 40 ათასი ტონა ყურძენი. ჯამში წელს 300 ათასო ტონა მოსავლის აღება იგეგმება.

202