სამების ბაღი თბილისელებისა და ქალაქის სტუმრების საყვარელ დასასვენებელ ადგილად იქცა

უნდა ისწავლებოდეს თუ არა სკოლაში რელიგიის ისტორია, როგორც საგანი

268
(განახლებულია 18:01 31.07.2020)
უნდა ისწავლონ თუ არა ბავშვებმა რელიგია სკოლაში – ამ და სხვა საკითხებზე ჩვენს კორესპონდენტს ესაუბრნენ ეკლესიის ისტორიის მკვლევარი სერგო ვარდოსანიძე, რელიგიების სახელმწიფო სააგენტოს ხელმძღვანელი ზაზა ვაშაყმაძე და დეკანოზი პეტრე კვარაცხელია.

გვინდა თუ არა ერთ მშვენიერ დღეს საქართველოს სკოლების გაკვეთილების ცხრილში გაჩნდეს საგანი „რელიგიის ისტორია“? ამ შეკითხვას სახელმწიფომ 2005 წელს ზოგადი განათლების შესახებ კანონის მიღებით გასცა პასუხი, როდესაც თქვა, რომ რელიგიის სწავლება სკოლაში სავალდებულო აღარ იქნებოდა. თუმცა 15 წლის შემდეგ ეს კითხვა ისევ აქტუალური ხდება, თანაც იმ ფონზე, როდესაც ქვეყანაში ახალგაზრდების გარდაცვალება/მკვლელობამ იმატა.

საქართველოში დღეს აქტიურად მიმდინარეობს დისკუსია იმის თაობაზე, თუ როგორ და რა დოზით უნდა იყოს წარმოდგენილი რელიგია საჯარო სივრცეში და, მათ შორის, სახელმწიფო სკოლებში. თუმცა აქ ჩნდება კითხვები – მოთხოვნა აღნიშნულ განათლებაზე რამდენად შეესაბამება საჯარო სკოლის დანიშნულებასა და მთლიანად საერო სახელმწიფოს ხასიათს; უნდა ისწავლებოდეს თუ არა მართლმადიდებლობა, როგორც ქვეყნის ისტორიულ-ტრადიციული, უმრავლესობის რელიგია; რა ადგილი უნდა ეჭიროს სასწავლო პროცესში სხვა რელიგიების შესახებ სწავლებას… ეს და სხვა მსგავსი კითხვები დღეისათვის კვლავ პასუხგაუცემელია.

საზოგადოების ნაწილის აზრით, სკოლებში რელიგიის საგნის შემოღებით შეიძლება დაირღვეს დემოკრატიული და სეკულარული სახელმწიფოს პრინციპები. მაგრამ დემოკრატიის ნორმები და პრინციპები სწორედაც რომ გულისხმობს და უშვებს ამგვარი განათლების საჭიროებას, რადგან ლიბერალურ-დემოკრატიული სახელმწიფო არ უნდა იყოს „იდეოლოგიზირებული“, სადაც მხარდაჭერილია ერთი მსოფლმხედველობა.

ყველაზე ფაქიზ და ამასთანავე მნიშვნელოვან პრობლემად კი ამასთან ერთად ბევრ ადამიანს მიაჩნია დაპირისპირების რისკი, რომელიც შესაძლოა გამოიწვიოს რელიგიის სწავლებამ სხვადასხვა რელიგიური მიმდინარეობის ბავშვთა შორის.

უნდა ისწავლებოდეს თუ არა სკოლაში რელიგია, როგორც საგანი – ამ და სხვა კითხვებით „Sputnik–საქართველო“ ესაუბრა თეოლოგს, ეკლესიის ისტორიის მკვლევარს სერგო ვარდოსანიძეს, რელიგიების სახელმწიფო სააგენტოს ხელმძღვანელს ზაზა ვაშაყმაძეს და დეკანოზ პეტრე კვარაცხელიას (მამა პეტრე).

რელიგიების სახელმწიფო სააგენტოში აცხადებენ, რომ სკოლაში რელიგიის სწავლების ინიციატივა არ არის უბრალო ახირება და მას საფუძვლად უდევს ორი კონკრეტული მოცემულობა – რელიგიური მრავალფეროვნება საქართველოში და, ზოგადად, საზოგადოების ინტერესი რელიგიის მიმართ.

„არსებობს ინტერ-რელიგიური სათათბირო, სადაც საქართველოში არსებული ყველა რელიგია (უმრავლესობა და უმცირესობა) თანხმდება იმაზე, რომ სკოლებში VII-VIII-IX კლასიდან უნდა ისწავლებოდეს რელიგია, როგორც საგანი. სააგენტოს ინიციატივით ამ საკითხთან დაკავშირებით განათლების სამინისტროში შეხვედრაც გაიმართა, მაგრამ ამ პანდემიის სიტუაციამ ყველაფერი  შეაჩერა. ამ თემას გაგრძელება მიეცემა და, დიდი ალბათობით, სისრულეში იქნება მოყვანილი“, – თქვა ზაზა ვაშაყმაძემ.

მამა პეტრე სააგენტოს აზრს იზიარებს და ამასთან ერთად ამბობს, რომ, ასაკიდან გამომდინარე, მაღალ კლასებში ემოციური ფონი უფრო მაღალია, რაც იწვევს არაადამიანური მდგომარეობების გამოვლინებებს, რამაც ამ ბოლო დროს ახალგაზრდების სიცოცხლეც კი შეიწირა.

„ეს თაობა, რომელსაც არანაირი კეთილი განწყობა და დამოკიდებულება არ გააჩნია რელიგიური მოძღვრების მიმართ, უფრო და უფრო მეტ შეცდომებს უშვებს. როცა სკოლაში ისწავლება რელიგია, მეტ-ნაკლებად დაცულები არიან ცუდისგან. ასაკიდან გამომდინარე ემოციური ფონი უფრო მეტია, რაც იწვევს არაადამიანური მდგომარეობების გამოვლინებებს, რამაც ამ ბოლო დროს ახალგაზრდების სიცოცხლე შეიწირა. სკოლებს უნდა დაუბრუნდეს რელიგიის საათები. რაც უფრო მალე მივიღებთ ამ ტიპის გადაწყვეტილებას, მით უკეთესი იქნება მოზარდი თაობისთვის. თუმცა, შეიძლება ითქვას, რომ დაგვიანებულიც კი არის“, – აღნიშნა მამა პეტრე კოლხმა.

51-ე საჯარო სკოლასთან მომხდარ შემთხვევას, რომლის შედეგადაც ორი არასრულწლოვანი დაიღუპა, საკვირაო ქადაგებისას, 2017 წლის 10 დეკემბერს, კათოლიკოს-პატრიარქი ილია მეორე გამოეხმაურა და განაცხადა: „არ არის საკმარისი ცოდნა მიიღონ სკოლაში, აღზრდას უნდა მივაქციოთ ყურადღება და განსაკუთრებით სულიერ აღზრდას. ალბათ ჩვენმა ხელისუფლებამ უნდა იფიქროს ამის შესახებ, სკოლაში უნდა იყოს რელიგიის ისტორია, სულიერების საკითხები, ასეთი შემთხვევები არ უნდა განმეორდეს საქართველოში“. მომდევნო დღეს კი თბილისის სასულიერო აკადემიაში სადისერტაციო საბჭოსა და დოქტორანტურის დაფუძნებასთან დაკავშირებულ ღონისძიებაზე მაშინდელმა პრემიერ-მინისტრმა გიორგი კვირიკაშვილმა განაცხადა, რომ სახელმწიფოს ამოცანა საგანმანათლებლო სისტემასა და ქართულ მართლმადიდებელ ეკლესიას შორის კავშირის გაძლიერებაა.

კავშირის გაძლიერებასა და სათნოებასთან ერთად, თუ თანამედროვე სკოლის დანიშნულებაა აღზარდოს განათლებული, კულტურული, ქსენოფობიური განწყობებისგან თავისუფალი მოქალაქე სრულფასოვანი ზოგადი განათლებით, მაშინ ამგვარი აუცილებელი საბაზისო ცოდნის განუყოფელ ნაწილად უნდა ითვლებოდეს აგრეთვე მსოფლიო რელიგიების წარმოშობისა და განვითარების ისტორიაც.

სწორედ ამ თემაზე – რატომ უნდა ისწავლებოდეს მართლმადიდებლური რელიგიის გარდა სხვა რელიგიაც, ისაუბრა სერგო ვარდოსანიძემ.

„საქართველოში მართლმადიდებლების გარდა არიან სხვა რელიგიის წარმომადგენლებიც. ახალგაზრდას უნდა ჰქონდეს სხვა რელიგიებზე წარმოდგენა. მართლმადიდებლობის გარდა სხვა რელიგიებზეც უნდა იყოს საუბარი და ხალხს, რომლებსაც „აგდებული დამოკიდებულება“ აქვთ გარკვეული რელიგიების მიმართ, ეს პრობლემა აღარ ექნება. იმისთვის, რომ გაკვეთილები ჩაატაროს მოძღვარმა ან საერო პირმა, პედაგოგიური და სპეციალური განათლებაც უნდა ჰქონდეს. გეტყვით, რომ თბილისის სასულიერო აკადემიაში არსებობს რამდენიმე სპეციალობა, სადაც ამზადებენ მასწავლებლებს სკოლებისათვის“, – აღნიშნა სერგო ვარდოსანიძემ.

წარსულში, დღეს და, სავარაუდოდ, მომავალშიც რელიგიას მნიშვნელოვანი გავლენა ჰქონდა და ექნება საზოგადოების ცხოვრებაზე. ამრიგად, რამდენად ეფექტური იქნება რელიგიის შესახებ სწავლების ჩანაცვლება ისეთი საგნებით, როგორიცაა ჰუმანიზმი, სეკულარული ეთიკა, სამოქალაქო განათლება – უცნობია.

 

268
ტურისტული სფეროს თანამშრომლების საპროტესტო აქცია

მთავრობას კოვიდშეზღუდვების მოსახსნელად 48 საათი მისცეს: თბილისში პროტესტი გრძელდება

34
(განახლებულია 19:02 24.01.2021)
როგორც ტურიზმის საინიციატივო ჯგუფის წარმომადგენელმა, ალექსანდრე გიორგიძემ განაცხადა, პანდემიის გამო ტურიზმის სფერო მძიმე სიტუაციაში აღმოჩნდა, ამიტომ ისინი ხელისუფლებისგან კონკრეტულ ნაბიჯებს ელოდებიან.

თბილისი, 24 იანვარი – Sputnik. თუ საქართველოს მთავრობა 48 საათის განმავლობაში არ წარმოადგენს კონკრეტულ გეგმას შეზღუდვების დაუყოვნებლივ მოხსნასთან დაკავშირებით, მომიტინგეები კანონის ფარგლებში რადიკალურ ქმედებებზე გადავლენ, ამის შესახებ ტურიზმის საინიციატივო ჯგუფის წარმომადგენელმა, ალექსანდრე გიორგიძემ განაცხადა.

22 იანვარს უწყებათშორისმა საკოორდინაციო საბჭომ 1 თებერვლიდან ქვეყანაში მოქმედი შეზღუდვების ეტაპობრივი მოხსნის გადაწყვეტილება მიიღო. თუმცა ამ ეტაპზე ტურიზმის, მათ შორის, სამთო-სათხილამურო კურორტების გახსნა არ იგეგმება და არსებული შეზღუდვები კვლავ ძალაში რჩება. მთავრობის გეგმის მიხედვით, ზამთრის კურორტები მუშაობას 1 მარტიდან განაახლებენ.

აღნიშნულმა გადაწყვეტილებამ ტურიზმის სფეროს წარმომადგენელთა უკმაყოფილება გამოიწვია.

„სფერო, რომელიც არის ერთი წელი გაჩერებული და მთავარი შემომტანი იყო ქვეყნის ბიუჯეტის, დაახლოებით 25-27 პროცენტამდე ავსებდა ჩვენი ქვეყნის დოვლათს, ეს სფერო არის სრულიად გაჩერებული. ზარალი ძალიან მარტივად დათვლადია და ყველაზე ცუდი ის არის, რომ პერსპექტივაც არ ჩანს, როგორ გავიხსნებით“, - განაცხადა ალექსანდრე გიორგიძემ.

გიორგიძის განცხადებით, ტურისტული სექტორი ითხოვს, რეგულაციების სრული დაცვით გაიხსნას საზღვრები და მთის კურორტები.

ამასთან, როგორც გიორგიძემ აღნიშნა, ნოემბერ-დეკემბერის თვეში დაახლოებით 1200 კომპანია გაკოტრდა, ხოლო 350 000-მდე ადამიანი, რომლებიც ტურიზმში იყვნენ დასაქმებული, უმუშევრად არიან დარჩენილი.

„მილიონზე მეტი ადამიანია ქვეყანაში შიმშილობის ზღვარზე და ამის ფონზე სახელმწიფო არ გვაძლევს გამომუშავების საშუალებას. უნდა გაიხსნას, სხვა გამოსავალი არ არის, თორემ ჩვენ გაზაფხული გვექნება ძალიან მძიმე და კიდევ რამდენიმე თვე რომ არ იმუშაოს სფერომ, ეს ნიშნავს დიდ სოციალურ აფეთქებას“, - განაცხადა გიორგიძემ.

კორონავირუსის პანდემიის გამო დაწესებული შეზღუდვები სულ უფრო მეტ უკმაყოფილებას იწვევს. დღეს ოპოზიციური პარტია „ნაციონალური მოძრაობის“ აქტივისტებმა უკვე განაცხადეს, რომ არ დაემორჩილებიან არსებულ შეზღუდვებს და კომენდანტის საათის დაწყების შემდეგ, 21:00 საათზე რუსთაველის გაზმირზე სეირნობას მოაწყობენ.

საქართველოში ზამთრის კურორტებზე ტურისტული სეზონი, ჩვეულებრივ, დეკემბრის დასაწყისში იხსნება და მარტის ბოლომდე გრძელდება. შესაბამისად, წლევანდელი სეზონი ოთხჯერ უფრო ხანმოკლე იქნება და მხოლოდ ერთი თვით შემოიფარგლება.

ტურისტული სექტორი, რომელშიც დაახლოებით 150 ათასი ადამიანია დასაქმებული, კორონავირუსის პანდემიის გამო ყველაზე მეტად დაზარალდა.

„ნაციონალური მოძრაობის“ აქტივისტები დღეს კომენდანტის საათის დროს რუსთაველზე ისეირნებენ >>

საკოორდინაციო საბჭოს გადაწყვეტილებით, 28 ნოემბრიდან ბაკურიანის, გუდაურის, გოდერძისა და მესტიის სათხილამურო კურორტებზე სპეციალური შეზღუდვები დაწესდა. კერძოდ, სასტუმროების გამოყენება დასაშვებია მხოლოდ საკარანტინო სივრცეების მოსაწყობად. გაჩერებულია სათხილამურო ტრასებისა და სათხილამურო საბაგიროების ფუნქციონირება.

34
ცარიელი საკლასო ოთახი

თბილისის, ქუთაისის, რუსთავის სკოლებში სწავლის დაწყების თარიღი ცნობილი 15 თებერვალს გახდება

32
იმ სკოლებში, სადაც სასწავლო პროცესი საკლასო ოთახში წარიმართება, სამედიცინო პროტოკოლი მკაცრად იქნება დაცული და მოხდება მასწავლებელთა სისტემატური ტესტირება

თბილისი, 24 იანვარი – Sputnik. თბილისის, ქუთაისისა და რუსთავის სკოლებში სასწავლო პროცესი შესაძლოა 1 მარტსაც არ დაიწყოს.

დღემდე ცნობილი იყო, რომ ქვეყნის მასშტაბით სასწავლო პროცესი სკოლებსა და საბავშვო ბაღეში 1 მარტს უნდა დაწყებულიყო, თუმცა ეს გადაწყვეტილება თბილისის, ქუთაისისა და რუსთავის სკოლებთან დაკავშირებით ეპიდვითარებიდან გამომდინარე შეიძლება გადაიხედოს. ინფორმაცია განათლების სამინისტრომ გაავრცელა.

„15 თებერვალს კიდევ ერთხელ შეფასდება ეპიდემიოლოგიური სიტუაცია და თუ 7 დღის მაჩვენებელი 4%-მდე დაიწევს, მოხდება შემდგომი შემსუბუქებების განხილვა. აღსანიშნავია, რომ იმ სკოლებში, სადაც სასწავლო პროცესი საკლასო ოთახში წარიმართება, სამედიცინო პროტოკოლი მკაცრად იქნება დაცული და მოხდება მასწავლებელთა სისტემატური ტესტირება 2 კვირაში ერთხელ“, – ნათქვამია ინფორმაციაში.

რაც შეეხება საბავშვო ბაღებს, პროფესიულ სასწავლებლებსა და უმაღლეს სასწავლებლებს, უწყების ცნობით, მოქმედი რეგულაციები ნარჩუნდება 1 მარტამდე.

„სამინისტროს მიზანია, ყველა სკოლაში სასწავლო პროცესი დაუბრუნდეს ბუნებრივ გარემოს – საკლასო ოთახს. თუმცა უაღრესად მნიშვნელოვანია მოსწავლეების, მასწავლებლებისა და სკოლებში დასაქმებული სხვა პირების ჯანმრთელობა. ყველა გადაწყვეტილება, რომელიც სასწავლო ფორმატს ეხება, სწორედ ამ პრინციპების გათვალისწინებით არის მიღებული“, – აღნიშნავენ სამინისტროში.

რაც შეეხება ბათუმს, ზუგდიდს, გორს, ფოთსა და თელავს, ამ ქალაქებში სასწავლო პროცესი სკოლებში 1 თებერვალს აღდგება.  

ქვეყანაში ეპიდემიოლოგიური ვითარების გაუარესების გამო 28 ნოემბრიდან მკაცრი შეზღუდვები მოქმედებს. კერძოდ, აუცილებელია პირბადის ტარება ქუჩაში, შეზღუდულია გადაადგილება 21:00-დან 05:00 საათამდე, დაკეტილია რესტორნები, კაფეები და ა.შ.  სასწავლო პროცესი დისტანციურ რეჟიმში მიმდინარეობს. შეზღუდვების შემსუბუქება ეტაპობრივად 1 თებერვლიდან დაიწყება.

 

 

32