გიორგი შაქარაშვილი

შაქარაშვილის საქმე: 17-დან 11 დაკავებული სასამართლოს განაჩენს პატიმრობაში დაელოდება

195
(განახლებულია 21:15 27.07.2020)
19 წლის ფეხბურთელის დაღუპვასთან დაკავშირებით დაკავებული საქმის არც ერთი სრულწლოვანი ფიგურანტი გირაოთი არ გაათავისუფლეს – სასამართლომ დაცვის შუამდგომლობა არ დააკმაყოფილა.

თბილისი, 27 ივლისი – Sputnik. მცხეთის რაიონულმა სასამართლომ 19 წლის ფეხბურთელის გიორგი შაქარაშვილის დაღუპვის საქმეზე 11 დაკავებულის მიმართ ძალაში დატოვა წინასწარი პატიმრობა, იუწყება „პირველი არხი“.

შაქარაშვილის დაღუპვის საქმე ორ ეპიზოდად არის გაყოფილი: უშუალოდ დაღუპვის ფაქტი და სამი მასობრივი ჩხუბი მის დაღუპვამდე ცოტა ხნით ადრე. ჩხუბის გამო სულ 17 ადამიანი დააკავეს.

სასამართლომ ორშაბათს 11 სრულწლოვანის საქმე განიხილა, რომლებიც ჩხუბის დროს ჯგუფური ძალადობისა და თავისუფლების უკანონო აღკვეთის ბრალდებით არიან დაკავებული. დაცვა მათი გირაოს სანაცვლოდ გათავისუფლებას შუამდგომლობდა, თუმცა მოსამართლე მაია ოშხარელმა ბრალდების მხარის პოზიცია გაიზიარა. დანარჩენი ექვსი არასრულწლოვანი დაკავებულის საქმე ცალკე განიხილება.

ტელეარხის ინფორმაციით, სასამართლოზე ჯგუფურ ძალადობაში ბრალდებულმა ირაკლი წაქაძემ თავისი ბრალი ნაწილობრივ აღიარა. დანარჩენები ბრალს არ აღიარებენ.

სრულწლოვანების წინასწარი მოსმენა სასამართლოზე 31 აგვისტოს გაიმართება.

გიორგი შაქარაშვილის ბიძა: „ბავშვი ჩაახრჩვეს და გააყოლეს დინებას...“>>

რაც შეეხება არასრულწლოვნებს, პირველი მოსმენა 31 ივლისს არის დაგეგმილი. დაცვა პატიმრობის გირაოს სანაცვლოდ გათავისუფლებით შეცვლის შუამდგომლობით აპირებს გამოსვლას.

გიორგი შაქარაშვილის ცხედარი ძებნიდან მეოთხე დღეს მდინარე არაგვში იპოვეს. ექსპერტიზამ დაადგინა, რომ ის მდინარეში დაიხრჩო, თუმცა მის სხეულზე სიცოცხლეში მიყენებული მრავლობითი დაზიანებები აღინიშნება.

ექსპერტიზის დასკვნის საფუძველზე პროკურატურა ფეხბურთელის დაღუპვის ფაქტს განიხილავს, როგორც განზრახ მკვლელობას დამამძიმებელ გარემოებებში და არ გამორიცხავს, რომ დაკავებულებს ამ ნაწილით წარუდგინოს ბრალი.

„სამედიცინო ექსპერტიზის დასკვნის მიღების შემდგომაც უამრავი საგამოძიებო და საპროცესო მოქმედება ჩატარდა. რაც შეეხება ბრალდების დამძიმებას, ეს არაა გამორიცხული, როგორც არასრულწლოვნების, ისე სრულწლოვნების მიმართ. შესაბამისად, შესაძლებელია, უახლოეს პერიოდში ამ პირებს, ბრალდებულებს დაუმძიმდეთ ბრალდება“, – განუცხადა ჟურნალისტებს პროკურორმა დავით ყაზარაშვილმა.

მისი თქმით, ეს გადაწყვეტილება მიღებულ მტკიცებულებებს, მათ შორის, დნმ-ის ტესტსა და მოწმეთა ჩვენებებს დაეყრდნობა.

195
თემები:
19 წლის გიორგი შაქარაშვილის მკვლელობის საქმე (72)
აქცია პარლამენტთან

მოძრაობა „შემახე ამნისტიას“ ორგანიზებით პარლამენტის შენობამდე მსვლელობა გაიმართა

56
აქციის მონაწილეები ფართომასშტაბიანი ამნისტიის გამოცხადებას მოითხოვენ. მათი თქმით, პარლამენტში საყოველთაო ამნისტიის შესახებ კანონპროექტი უკვე შეტანილია

თბილისი, 19 სექტემბერი - Sputnik. მოძრაობა „შემახე ამნისტიას“ წევრების ორგანიზებით ფილარმონიის მიმდებარე ტერიტორიიდან პარლამენტის შენობამდე საპროტესტო მსვლელობა გაიმართა, იუწყება საზოგადოებრივი მაუწყებლის „პირველი არხი“.

აქციის მონაწილეები ფართომასშტაბიანი ამნისტიის გამოცხადებას მოითხოვენ.

მათი თქმით, პარლამენტში საყოველთაო ამნისტიის შესახებ კანონპროექტი უკვე შეტანილია. ისინი აღნიშნული კანონპროექტის დაჩქარებული წესით განხილვას მოითხოვენ.

მოძრაობა „შემახე ამნისტიას“ რამდენიმე წევრი, მათ შორის პატიმრების მშობლები, უკვე ათ დღეზე მეტია, პარლამენტის შენობის წინ შიმშილობენ.

აქციის მონაწილეები მოთხოვნების შეუსრულებლობის შემთხვევაში ფართომასშტაბიან აქციებს აანონსებენ.

პატიმართა დედებმა პარლამენტის წინ შიმშილობა 8 სექტემბერს დაიწყეს.

2020 წლის მაისის ბოლოს არსებული მონაცემებით, საქართველოს ციხეებში 341 ქალი და დაახლოებით 9 ათასი მამაკაცია.

პატიმართა უმრავლესობის ასაკი 26-დან 49 წლამდეა. საპატიმროებში ორი არასრულწლოვანი გოგონა და 45 ყმაწვილია. დანარჩენები 18 წელს ზემოთ ასაკისა არიან.

პატიმართა ნახევარზე მეტი სასჯელს ნახევრად დახურული ტიპის დაწესებულებებში იხდის. მათთვის ნებადართულია კამერის დატოვება, მუშაობა, ეზოში გასვლა. კიდევ დაახლოებით 1,7 ათასი ვადას დახურული ტიპის დაწესებულებებში იხდის. 176 პატიმარი კი მაღალი რისკის დაწესებულებაშია, სადაც მკაცრი შეზღუდვები მოქმედებს.

56
ნინა სუბლატი

ნინა სუბლატი გადახოტრილი თმით გამოჩნდა - მომღერლის არაორდინალური გადაწყვეტილება

185
ექსტრავაგანტული არტისტის თამამი ნაბიჯი. მომღერალი თავს გადაპარსული თმით იწონებს. როგორ გამოიყურება ნინა სუბლატი გამორჩეული იმიჯით?

ნინა სუბლატის არაორდინარული და უჩვეულო იმიჯი მისი კარიერის დასაწყისიდან აქტიურად განიხილება. მომღერალმა წლების წინ გაამხილა, რომ ის ფსევდონიმს ატარებს. მისი ნამდვილი გვარი სულაბერიძეა. „საქართველოს ვარსკვლავით“ დაწყებულმა კარიერამ არტისტი ჟიურის წევრობამდე მიიყვანა. ცნობილი სახე დიდ ყურადღებას არა მხოლოდ ორიგინალური იმიჯით, არამედ ცხოვრების სტილითაც იქცევს, დახვეწილი მანერებითა და გაწონასწორებული საუბრით. მომღერალმა კომპოზიტორ მეუღლესთან ერთად ცხოვრების ახალი ეტაპი დაიწყო. ახლა ბუნებასთან სიახლოვეს ეძებს და სწორედ აქ მოსდის მუზაც. ნინა სუბლატი დაოჯახებულია. მისი რჩეული ცნობილი მუსიკოსი გიორგი შამანაურია. მათ შვილის გაჩენის შემდეგ მუსიკალური პაუზა აიღეს.

View this post on Instagram

A post shared by Nina Sublatti (@ninasublatti) on

მისი განთქმული იმიჯი და შესრულების მანერა ევროპელმა მსმენელმაც დააფასა, მაგრამ გამარჯვებისთვის ქულები არ ეყო. 2015 წელს ნინა სუბლატი საქართველოს სახელით „ევროვიზიის“ კონკურსზე წარდგა სიმღერით Warrior, სადაც ნახევარფინალი გადალახა და ფინალშიც მოხვდა. კონკურსზე გამოსულმა ნინამ მებრძოლი ქალის სახე წარადგინა. სიმღერა დამოუკიდებლად შექმნა და ბევრი ადამიანის გული დაიპყრო. მანამდე ის „საქართველოს ვარსკვლავის“ ერთ-ერთი ემოციური შემსრულებელი აღმოჩნდა. განსაკუთრებული ხმის ტემბრითა და არტისტიზმით დაჯილდოებული მომღერალი სოლო კარიერას ეწევა. მიუხედავად იმისა, რომ ბოლო დროს თაყვანისმცემელს ახალი სიმღერებით არ ანებივრებს, მუსიკის წერას განაგრძობს. ამის შესახებ საკუთარ სოციალურ ქსელში წერს და კომპოზიციის შექმნის ვიდეოებს აქტიურად აქვეყნებს. თუმცა, რამდენიმე თვეა ახალი სინგლების მაგივრად, მისი გვერდი ფეხმძიმობისა და შვილის ფოტოებმა დაიპყრო.

ნინა სუბლატს პირველი შვილი 26 აგვისტოს შეეძინა. „არ ვიცი, ვიღაც პატარა ბავშვია ჩემთან მოსული“ – ამ წარწერით პოსტი არტისტმა Instagram-ზე გამოაქვეყნა. ნინა სუბლატი ვარსკვლავურ ტრენდს არ აჰყვა და შვილის სახე პირველივე დღეს გამოაჩინა. წყვილს ბიჭი შეეძინა და მას ალექსანდრე დაარქვეს.

View this post on Instagram

🌚🌝

A post shared by Nina Sublatti (@ninasublatti) on

ნინას Instagram-ის „სთორიზე“ მისი ძველი ფოტო გამოჩნდა. მომღერალს წლების წინ გრძელი თმა გადახოტრილი ჰქონდა. არტისტი თამამ გადაწყვეტილებებს არ უშინდება, ხოლო ექსპერიმენტები მისი ცხოვრების განუყრელი ნაწილია. წარმატებული მომღერალი ფეხმძიმობის პერიოდში დიდი სირთულეებისა და რისკის  წინაშე აღმოჩნდა. მიუხედავად ამისა, მან საკუთარ თავში ძალა იპოვა და კომპოზიტორი მეუღლის დახმარებით ფეხმძიმობამ ჰარმონიულად ჩაიარა. კორონავირუსის პანდემიის დროს დაინფიცირდა მისი ნათესავი, რის გამოც ნინა სუბლატი საკარანტინო სივრცეში იმყოფებოდა.

185
თემები:
სელებრითების ცხოვრება
ნახევარმთვარე

მთვარის კალენდარი: 20 სექტემბერი რისი გაკეთება შეიძლება და რისი არა

0
(განახლებულია 11:33 18.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

20 სექტემბერი, კვირა. ამ დღეს მზე მართავს. მზარდი მთვარე მორიელის ნიშანშია.

მორიელის დღე ძალზე ემოციურია, ადვილად ვლინდება გაღიზიანება, აგრესია, მოუთმენლობა, დეპრესიისადმი მიდრეკილება. ამ დროს, სჯობს, შეზღუდოთ კონტაქტები როგორც ხელმძღვანელობასთან, ისე საქმიან პარტნიორებთან.

მთვარე მორიელში ხელს უწყობს აზრების კონცენტრაციას და ამასთან ზრდის კრიტიკულობას. ეს საუკეთესო პერიოდია ყველაზე სარისკო და სერიოზული გადაწყვეტილებების მისაღებად.

ამ დღეს არ ღირს ახალი საქმეების დაწყება, ახალი ვალდებულებების აღება საკუთარ თავზე, უძრავ ქონებასთან დაკავშირებული საქმეების გაკეთება.

რაც შეეხება ურთიერთობებს, ესაა ვნებებისა და არშიყის დრო. მთვარე მორიელში ხელს უწყობს მგზნებარე რომანების დაწყებას, ასევე, ის ურთიერთობებს მყარს საძირკველს უყრის.

როგორ მოქმედებს მთვარის ფაზები ადამიანის ენერგეტიკაზე>>

მთვარე მორიელში თავის დაღს ასვამს ყველაფერს, მათ შორის ამ დროს დაწყებულ ურთიერთობებს. ეჭვიანობა, დაუსაბუთებელი წყენა თუ ბობოქარი აღტაცება – ეს და ბევრ სხვა რამ ახასიათებს ამ პერიოდს, თან ჭარბად.

რეკომენდებულია დაწყებული საქმეების გაგრძელება, ფინანსური საქმეების ანალიზი და სუსტი ადგილების გამოსწორება, ახალი ინფორმაციის მოპოვება და ანალიზი, ბიზნესის რაციონალიზაცია, წარმოების გაზრდა, სავაჭრო ოპერაციები, განსაკუთრებით დღის პირველ ნახევარში.

არარეკომენდებულია პროვოკაციებზე აყოლა, ჩხუბსა და კონფლიქტებში ჩართვა, ახალი საქმეების დაწყება.

არცთუ ხელსაყრელი დღეა მგზავრობისთვის.

თმის შეჭრა, შეღებვა: მორიელის დღეს კარგია თმის შეღებვა, მაგრამ არა მკვეთრად განსხვავებულ ფერში. შეჭრისთვის ნეიტრალური დღეა. თმის შეჭრა უფრო უპრიანი იქნება სუსტი თმისთვის, რადგან ის გაძლიერდება და მტკიცე გახდება.

მანიკურისთვის ნეიტრალური დღეა.

მებაღეობა: შეიძლება სამკურნალო მცენარეების შეგროვება და გამოშრობა, პიკირება, გაზონების შეჭრა, ოთახისა და ივნის მცენარეების მორწყვა, ყვავილებისთვის სასუქის მიცემა, ნაყოფიანი ხეებისა და ბუჩქების შეწამვლა, მოსავლის აღება.

არასასურველია ბოსტნეულისთვის სასუქის მიცემა, ხეების მოჭრა.

0