მარინა ეზუგბაია

კორონავირუსის შემთხვევების მკვეთრი ზრდა ცნობილია თუ არა ინფიცირების წყაროები

167
(განახლებულია 17:00 22.07.2020)
ბოლო დრომდე საქართველოში COVID-19-ით ინფიცირების ერთეული შემთხვევები ფიქსირდებოდა. ამჟამად ვითარება გაუარესდა.

თბილისი, 22 ივლისი — Sputnik. საქართველოში ბოლო 24 საათში კორონავირუსით დაავადების 24 ახალი შემთხვევა გამოვლინდა. აქედან უმეტესი ნაწილი გარდაბნის რაიონს უკავშირდება, განუცხადა ჟურნალისტებს თბილისის ინფექციური საავადმყოფოს სამედიცინო დირექტორმა მარინა ეზუგბაიამ.

24 ახალი შემთხვევიდან შვიდი შემოტანილია, ანუ „იმპორტირებული" შემთხვევაა, ხუთი უკვე დადასტურებული შემთხვევების კონტაქტია, ათი შემთხვევა დაფიქსირდა გარდაბნის რაიონში. კიდევ ორი პაციენტის შემთხვევაში ინფიცირების წყარო უცნობია. COVID-ცენტრებში ამ დროისთვის 188 ადამიანი მკურნალობს.

ეზუგბაიას განცხადებით, ახალი შემთხვევების მკვეთრი ზრდა ქვეყანაში არსებულ ეპიდემიურ ვითარებაზე ძლიერ ზემოქმედებას არ მოახდენს. მისი თქმით, გარდაბანში დაავადების ახალი ჯაჭვი გაჩნდა და ახალი შემთხვევების მატება მოსალოდნელი იყო.

„ჩვენი პიკური პერიოდები ყოველთვის დაკავშირებული იყო რომელიმე ერთ დიდ კლასტერთან. ახლაც ასეთი ვითარებაა. მინდა, არ გასცილდეს ამ სიტუაციას. ანუ, ჩვენ ახლა გარდაბნის რაიონის ე.წ. კლასტერი გვყავს. საკმაოდ დიდი, ოთხი სოფელია, მათში მცხოვრებთა რაოდენობა 7000-ზე მეტია. აქედან გამომდინარე, შემთხვევების მატება, ალბათ, მოსალოდნელი იყო", – განაცხადა ეზუგბაიამ.

ოფიციალური მონაცემებით, ქვეყანაში ამჟამად კორონავირუსით ინფიცირებულია 1 073 ადამიანი.

ასეთი მკვეთრი ზრდა, სავარაუდოდ, გამოიწვია გარდაბნის მუნიციპალიტეტში გუშინ ჩატარებულმა გაფართოებულმა ტესტირებამ. რაიონში ბოლო დღეებში ინფიცირების 24 და გარდაცვალების ერთი შემთხვევა დაფიქსირდა.

ამასთან ბოლო დღე-ღამეში გამოჯანმრთელდა ოთხი ადამიანი. ამჟამად გამოჯანმრთელებულთა რაოდენობაა 907.

კარანტინში იმყოფება 5 692 ადამიანი, ხოლო სტაციონარებში ექიმების მეთვალყურეობის ქვეშ 275 პაციენტია.

საქართველოში სამკურნალოდ ჩამოიყვანეს ქვეყნის 41 მოქალაქე, მათ შორის 38 სამხედრო მოსამსახურეა.

კორონავირუსი საქართველოში: დიდი ნახტომი - რამდენი შემთხვევა გამოვლინდა ბოლო დღე-ღამეში>>

კორონავირუსის პირველი შემთხვევა საქართველოში 26 თებერვალს დაფიქსირდა.

167
თემები:
COVID-19 საქართველოში (1827)
პალატა

საქართველოში კორონავირუსით გარდაცვლილთა საერთო რაოდენობა 31–მდე გაიზარდა 

50
საქართველოში ახალი კორონავირუსით დაავადებულთა რაოდენობა ბოლო დღე-ღამეში 298-ით გაიზარდა და 5552-ს მიაღწია.

თბილისი, 28 სექტემბერი — Sputnik. ბოლო 24–საათში საქართველოში კორონავირუსის დიაგნოზით სამი პაციენტი გარდაიცვალა, იუწყება საზოგადოებრივი მაუწყებლის პირველი არხი. 

65 და 70 წლის მამაკაცების გარდაცვალების ფაქტი ბათუმში დაფიქსირდა, მესამე პაციენტი კი – 57 წლის ქალი თბილისში დაიღუპა. გავრცელებული ინფორმაციით, სამივე პაციენტს თანმდევი დაავადებები აღენიშნებოდათ.

ამ დროისთვის ქვეყანაში კორონავირუსის ინფექციით გარდაცვლილთა საერთო რაოდენობა 31–ია.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 298-ით გაიზარდა და 5552-ს მიაღწია,გამოჯანმრთელდა  1906 ადამიანი, კარანტინის რეჟიმში იმყოფება 5637, სტაციონარებში ექიმების დაკვირვების ქვეშ 836 პაციენტია, ხოლო კოვიდ–სასტუმროებში 800 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

 

50
თემები:
COVID-19 საქართველოში (1827)
ლაბორატორია

COVID-19 საქართველოში: რამდენი შემთხვევა გამოვლინდა ბოლო დღე-ღამეში

69
(განახლებულია 10:45 28.09.2020)
ამ დროისათვის სულ გამოჯანმრთელდა 1906 ადამიანი, გარდაიცვალა – 28, კარანტინის რეჟიმში იმყოფება 5637, სტაციონარებში ექიმების დაკვირვების ქვეშ 836 პაციენტია, ხოლო კოვიდ–სასტუმროებში 800 ადამიანი იმყოფება.

თბილისი, 28 სექტემბერი — Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 298-ით გაიზარდა და 5552-ს მიაღწია, გამოჯანმრთელებულთა რაოდენობას დაემატა 87 ადამიანი, აღნიშნულია საქართველოს მთავრობის სპეციალურ ვებ-გვერდზე stopcov.ge.

ამ დროისათვის სულ გამოჯანმრთელდა 1906 ადამიანი, გარდაიცვალა – 28, კარანტინის რეჟიმში იმყოფება 5637, სტაციონარებში ექიმების დაკვირვების ქვეშ 836 პაციენტია, ხოლო კოვიდ–სასტუმროებში 800 ადამიანი იმყოფება.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

69
თემები:
COVID-19 საქართველოში (1827)
ზაზა ნადირაძე

ქართველმა კანოისტმა მსოფლიო თასის ეტაპზე ვერცხლი მოიპოვა

0
(განახლებულია 10:51 28.09.2020)
უფრო ადრე ქართველი კანოისტი უნგრეთის ქალაქ სეგედში ორ შეჯიბრებაში გახდა ვიცე–ჩემპიონი– 2017 და 2018 წლებში

თბილისი, 28 სექტემბერი – Sputnik. ქართველმა კანოისტმა ზაზა ნადირაძემ მსოფლიოს თასის ეტაპზე 200–მეტრიან დისტანციაზე ინდივიდუალურ შეჯიბრებაში ვერცხლის მედალი მოიპოვა. შეჯიბრება უნ გრეთის ქალაქ სეგედში გაიმართა.

ნადირაძემ დისტანცია 40,38 წამში გადალახა და 29 მეასედით დაუთმო რუსეთის წარმომადგენელ ივან შტილს, რომელიც შეჯიბრების გამარჯვებული გახდა. მესამე ადგილზე ესოანელი ალფონსო ბენავიდესი გავიდა (40,39).

ნადირაძისთვის სეგედში მსოფლიო თასის ეტაპზე ეს უკვე მესამე ვერცხლია. უფრო ადრე ის ვიცე–ჩემპიონი 2017 და 2018 წლებში გახდა.

გასულ 2019 წელს იმავე სეგედში ზაზა ნადირაძემ მსოფლიო ჩემპიონატზე ბრინჯაოს მედალი აიღო.

0
თემები:
სპორტის ამბები