ელექტრონიღაბი

ფილტრაცია, სტერილიზაცია და სხვა ფუნქციები: ქართველის ელექტრონიღაბმა სერტიფიკაცია გაიარა

208
(განახლებულია 12:45 22.07.2020)
მიზანდარმა ნიღაბი 3D–პრინტერზე 48 საათში შექმნა. მას აქვს აკუმულატორი, რომელიც დატენის შემდეგ 8-12 საათი მუშაობს.

თბილისი, 22 ივლისი — Sputnik. ქართველი გამომგონებლის დავით მიზანდარის მიერ შექმნილმა პირველი მრავალჯერადი ელექტრონული ნიღბის პროტოტიპმა, რომელიც ინფექციებისგან იცავს, ლაბორატორიული დასკვნა მიიღო.

ქართველმა ახალგაზრდამ პირველი ანტივირუსული ელექტრონიღაბი გამოიგონა>>

დავით მიზანდარმა თავის Facebook-გვერდზე გამოაქვეყნა დასკვნა, რომელსაც ხელს დაავადებათა კონტროლის ცენტრის ხელმძღვანელი ამირან გამყრელიძე აწერს, და სადაც ნათქვამია, რომ მისმა გამოგონებამ ყველა ეტაპი გაიარა – იდეიდან, თეორიიდან დაწყებული, პრაქტიკით და ლაბორატორიული დასკვნით დამთავრებული. გამომგონებელმა მადლობა გადაუხადა დაავადებათა კონტროლისა და საზოგადოებრივი ჯანმრთელობის ეროვნულ ცენტრთან არსებულ ლუგარის ლაბორატორიის პროფესიონალთა ჯგუფს.

„კვლევის შედეგად გამოვლინდა, რომ ელექტრონულ რესპირატორს MIZ-MASK გერმიციდული ნათებით გააჩნია ბაქტერიოციდული ეფექტი და იგი შესაძლებელია გამოყენებული იქნას ბაქტერიული ინფექციების გამომწვევთა წინააღმდეგ", – ნათქვამია ლაბორატორიის დასკვნაში.

საინტერესოა, რომ ნიღაბი სულ 48 საათში შეიქმნა 3D–პრინტერის მეშვეობით. ნიღბის შემუშავებისას მიზანდარმა ჰაერის ფილტრაციისა და სტერილიზაციის რამდენიმე მეთოდი გამოიყენა. საბოლოოდ მის ნიღაბში ჰაერი 99,9%-ით იფილტრება.

ნიღაბს აქვს აკუმულატორი, რომელიც დატენის შემდეგ 8-12 საათი მუშაობს. ადამიანებისთვის, ვისაც ჰაერის უკმარისობა აქვს, ელექტრონიღაბს გააჩნია ფუნქცია Boost Air On, რომელიც, სუნთქვის რიტმიდან გამომდინარე, ადამიანს ჰაერის აუცილებელ ნაკადს ავტომატურად აწვდის.

აპარატს ასევე შეუძლია ულტრაიისფერი სხივების გამოსხივება, რომელსაც სხვადასხვა საგნის (ტელეფონი, საფულე და ა.შ.) სტერილიზაცია შეუძლია. ნიღბის გაწმენდა შესაძლებელია სველი ქსოვილით, ადვილად იცვლება ფილტრიც.

დავით მიზანდარი პროფესიით ენერგეტიკოსია, თუმცა მოასწრო სხვადასხვა სფეროში მუშაობა. ის არის Biletebi.ge-ს თანადამფუძნებელი, პირველი 3D ქვევრის ერთ-ერთი შემქმნელი და Geocell-ის ბიზნესის განვითარების ყოფილი მენეჯერი.

208

სამოქალაქო აქტივისტები უკვე მესამე დღეა პარლამენტთან საპროტესტო აქციას მართავენ

53
ახალგაზრდული ორგანიზაციის წარმომადგენლები და სამოქალაქო აქტივისტები მესამე ღამეს ათენებენ საქართველოს პარლამენტის შენობასთან კარვებში და პარლამენტის პირველ სესიამდე არ აპირებენ დაშლას

ისინი მხარს უჭერენ ოპოზიციური პარტიების აზრს, რომ არჩევნები გაყალბდა და ხელახალ არჩევნებს მოითხოვენ. აქციების მესამე საღამოს დემონსტრანტებსა და პოლიციას შორის მცირედი დაპირისპირება მოხდა კარვებთან დაფების და სადგამების შეტანის მცდელობის გამო. ერთი საათის შემდეგ კონფლიქტი ამოიწურა, ამ დროისათვის პარლამენტთან მშვიდი გარემოა.

53
თენგიზ ცერცვაძე

რამდენ ხანში გამოიღებს შედეგს ლოკდაუნი: ცერცვაძის ვარაუდი

112
ინფიცირებულთა ზრდის მაჩვენებლის შეკავების მიზნით ხელისუფლებამ 28 ნოემბრიდან გარკვეული შეზღუდვები დააწესა, ხოლო დღეიდან ორი თვის განმავლობაში ინტენსიური ტესტირების პროგრამა იმოქმედებს.

თბილისი, 2 დეკემბერი - Sputnik. ნაწილობრივი ლოკდაუნი და ტესტირების გაფართოება დაახლოებით სამი კვირიდან ერთი თვის მონაკვეთში პოზიტიურ შედეგს მოიტანს, განაცხადა  საქართველოს ინფექციური პათოლოგიის, შიდსისა და კლინიკური იმუნოლოგიის ცენტრის გენერალურმა დირექტორმა  თენგიზ ცერცვაძემ.

საქართველოში კორონავირუსის მეორე ტალღა მძვინვარებს. ინფიცირების დღიური მაჩვენებელი 4 ათასს აღწევს. ინფიცირებულთა ზრდის მაჩვენებლის შეკავების მიზნით ხელისუფლებამ 28 ნოემბრიდან გარკვეული შეზღუდვები დააწესა.

ამასთან, დღეიდან ორი თვის განმავლობაში, 1 თებერვლამდე ქვეყნის მასშტაბით იმოქმედებს ინტენსიური ტესტირების პროგრამა. პროგრამის ფარგლებში სახელმწიფო კორონავირუსზე დღეში დაახლოებით 20 ათას ტესტს გააკეთებს. ამას ასევე დაემატება კერძო ლაბორატორიებისა და კლინიკების მიერ ჩატარებული ტესტები.

როგორც ცერცვაძემ განაცხადა, ინფიცირების შემთხვევების ზრდის ფონზე მოქალაქეების მხრიდან რეგულაციების შესრულების მნიშვნელობა ორმაგდება.

„ამ გაზრდილი დინამიკის ფონზე ორმაგდება რეგულაციების შესრულების მნიშვნელობა, როგორიცაა: პირბადის ტარება ღია და დახურულ სივრცეში, სოციალური დისტანცირება, ხალხმრავალი შეკრებებისგან თავის შეკავება, ხელების, სამუშაო ადგილის ჰიგიენა. უნდა შევეცადოთ, რომ შემცირდეს ეს აღმავალი დინამიკა და ამისთვის ფართოვდება წერტილოვანი შეზღუდვები, ანუ ნაწილობრივი ლოკდაუნი და ამისთვის ფართოვდება ტესტირება, ხდება ტესტირების გაორმაგება“, - განაცხადა ცერცვაძემ.

ცერცვაძის განცხადებით,  ტესტირების გაორმაგება და ნაწილობრივი ლოკდაუნი დაახლოებით სამ კვირაში, ერთ თვეში აუცილებლად გამოიღებს  პოზიტიურ შედეგს.

ბოლო მონაცემებით, ქვეყანაში კორონავირუსის 143.376 შემთხვევაა დადასტურებული. გამოჯანმრთელებულთა რაოდენობა 121.621-ს შეადგენს. გარდაიცვალა 1.342 მოქალაქე.

112
თემები:
COVID-19 საქართველოში
სავსე მთვარე

მთვარის კალენდარი: 3 დეკემბერი რისი გაკეთება შეიძლება და რისი არა

0
(განახლებულია 14:08 02.12.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 3 დეკემბერი, ხუთშაბათი. ამ დღეს იუპიტერი მართავს. კლებადი მთვარე კირჩხიბის ნიშანშია.

ესაა სენტიმენტური გრძნობების, ემოციური მერყეობის დღე, მგრძნობირობა მატულობს, ამიტომ საჭიროა დიპლომატიურობა.

ამ დროს ძლიერდება რომანტიკული განწყობა, ადამიანები უფრო მეოცნებენი ხდებიან და მოგონებებს ეძლევიან. საწინააღმდეგო სქესის წარმომადგენლებთან ურთიერთობები უფრო სულიერი და ემოციურად სავსე ხდება.

სიყვარულში მგზნებარება უკან იხევს და წინა პლანზე სინაზე გამოდის. ძალიან მნიშვნელოვანია, რომ პარტნიორს აჩვენოთ თქვენი თანაგრძნობა, ზრუნვა, ნდობა. ამავე დროს, აუცილებლად უნდა გააკონტროლოთ თქვენი გრძნობები და ემოციები. ასევე არის საშიშროება, რომ სხვისი გავლენის ქვეშ მოექცეთ.

ამ დღეს დაწყებული ურთიერთობები ძალიან ხშირად ქორწინებით გვირგვინდება.

რეკომენდებულია მშვიდი მუშაობა, მარტივი ფინანსური საკითხების გადაჭრა, მნიშვნელოვანი საქმეების გადადება, ირგვლივ მიმდინარე მოვლენებისა და ნათქვამის მიმართ ყურადღებით ყოფნა, ადამიანებთან ურთიერთობებში მოქნილობა და არასტადარტული დამოკიდებულება, ნიუანსებისადმი ყურადღება, ინდივიდუალური და არა გუნდური მუშაობა.

არარეკომენდებულია რთულ პროექტებზე შეჭიდება, მოლაპარაკებების წარმოება, ზედმეტი აქტიურობა, დინების წინააღმდეგ წასვლა, სხვისი გავლენის ქვეშ მოქცევა და მის წინადადებაზე დათანხმება.

არახელსაყრელი დღეა მგზავრობისთვის.

თმის შეჭრა, შეღებვა: კირჩხიბის დღეები ძალზე მგრძნობიარეა ნებისმიერი პროცედურის მიმართ. ამ დღეს არაა რეკომენდებული თმის შეჭრა, შეღებვა. კარგი დღეა სახის ნიღბისთვის.

ასევე არახელსაყრელი დროა მანიკურისთვის.

მებაღეობა: კირჩხიბი ერთ–ერთი ნაყოფიერი ნიშანია. შეიძლება სინესტის მოყვარული და დეკორატიულ–ფოთლოვანი ხეების დარგვა, ფორმის მიმცემი გასხვლა, ნაყოფიანი ხეებისა და ბუჩქების შეწამვლა, ოთახისა და აივნის მცენარეების მორწყვა.

არასასურველია ისეთი მცენარეების დარგვა–დათესვა, რომლებიც დიდი სიმაღლის იზრდებიან, ხილის ხეებისა და ბუჩქებისთვის გამხმარი ტოტების მოშორება.

0