პარიზი

თქვენ პარიზი გელოდებათ! 23 ივლისს სპეცრეისი შესრულდება

86
(განახლებულია 19:21 21.07.2020)
საქართველოს მთავრობა მოქალაქეების ეტაპობრივად დაბრუნების პროცესს განაგრძობს. რეისი პარიზი-თბილისი საკოორდინაციო საბჭოს მიერ დადგენილი განრიგის მორიგი სპეცრეისია.

თბილისი, 21 ივლისი — Sputnik. პარიზში გამგზავრების ან საქართველოში დაბრუნების მსურველებს თბილისი-პარიზი-თბილისის სპეცრეისით სარგებლობა შეუძლიათ, რომელსაც ავიაკომპანია Wizz Air 22-23 ივლისს შეასრულებს, ნათქვამია საქართველოს აეროპორტების გაერთიანების Facebook-გვერდზე.

„სპეციალურ რეისს პარიზი-თბილისი ავიაკომპანია Wizz Air 22 ივლისს, 21:20 საათზე შეასრულებს. თბილისიდან პარიზის მიმართულებით ფრენა 23 ივლისს, 09:00 საათზე განხორციელდება. ბილეთების შეძენა ავიაკომპანიის ვებ-გვერდზე არის შესაძლებელი: https://wizzair.com/“, – ნათქვამია განცხადებაში.

ხელისუფლება თანამემამულეებს სამშობლოში აბრუნებს

საქართველოს მთავრობა მოქალაქეების ეტაპობრივად დაბრუნების პროცესს განაგრძობს. რეისი პარიზი-თბილისი საკოორდინაციო საბჭოს მიერ დადგენილი განრიგის მორიგი სპეცრეისია.

ივლისში შესრულდება კიდევ ორი სპეცრეისი: 25 ივლისს – ბერლინში, 28 ივლისს – ათენში. ბილეთის ფასი საქართველოს მოქალაქეებისთვის 200 ევროზე მეტი არ იქნება. ფრენებს ევროპის ქალაქებიდან შეასრულებენ ავიაკომპანიები Myway Airlines და Wizz Air.

კორონავირუსის გავრცელების პრევენციის მიზნით საერთაშორისო ფრენებზე დაწესებული შეზღუდვებიდან გამომდინარე დანიშნულ ჩარტერულ რეისებს საქართველოს მთავრობა ნაწილობრივ, არაუმეტეს 261 ათასი ევროს ფარგლებში დაასუბსიდირებს.

კორონავირუსის პანდემიასთან დაკავშირებით საქართველომ უცხოელი ტურისტებისთვის საზღვრები სრულად ჩაკეტა, გარდა გამონაკლისი შემთხვევებისა, და საჰაერო მიმოსვლა ყველა მიმართულებით შეწყვიტა. პანდემიის პერიოდში საგარეო საქმეთა სამინისტრომ, საზღვარგარეთ დიპლომატიურ წარმომადგენლობებთან თანამშრომლობით, სპეცრეისებით თანამემამულეთა სამშობლოში ეტაპობრივი დაბრუნება უზრუნველყო. ჩარტერულ რეისებს ავიაკომპანია Georgian Airways ახორციელებდა.

საქართველოს საგარეო საქმეთა სამინისტროს მონაცემებით, სახელმწიფო COVID-19-ის პანდემიის დროს საჰაერო, სახმელეთო და საზღვაო გზებით სამშობლოში დაბრუნებაში დაახლოებით 12,9 ათას თანამოქალაქეს დაეხმარა, ხოლო ადგილზე დახმარება აღმოუჩინა 22,6 ათასზე მეტ ადამიანს.

საფრანგეთში მოგზაურობის წესები

საფრანგეთის საელჩომ რიგი მოთხოვნები გამოაქვეყნა, რომელთაც საქართველოს მოქალაქეებს საფრანგეთში შესვლისას წარუდგენენ.

საქართველოს მოქალაქეს საფრანგეთის საზღვრის გადაკვეთისას აუცილებლად უნდა ჰქონდეს შემდეგი დოკუმენტები:

- ბიომეტრიული პაპორტი;

- გამგზავრების და უკან დაბრუნების ბილეთი;

- დადასტურებული სასტუმროს ჯავშანი;

- მოწვევის წერილი ან ოფიციალური მოწვევა;

რა პროცედურებს გაივლიან ევროპის მოქალაქეები საქართველოში ჩამოსვლისას – დეტალები>>>

- საფრანგეთში ყოფნის მთელ პერიოდზე საკმარისი ფინანსური რესურსის დამადასტურებელი საბუთი, ნაღდი ფულით ან საბანკო ანგარიშზე;

- ქვეყანაში ყოფნის მთელ პერიოდზე გათვლილი სამედიცინო დაზღვევა.

საელჩო ასევე იუწყება, რომ თუ საფრანგეთში ბინადრობის უფლების დოკუმენტს მოქმედების ვადა 2020 წლის 16 მარტსა და 15 ივნისს შორის პერიოდში ამოეწურა, იგი 6 თვით ავტომატურად გახანგრძლივდება.

ევროკავშირმა საქართველო ევროკავშირის არაწევრი 15 ქვეყნის სიაში შეიყვანა, რომლებისთვისაც 1 ივლისიდან საზღვრების გახსნის რეკომენდაცია მისცა წევრ ქვეყნებს. საქართველოს მოქალაქეებისთვის საზღვრები გახსნეს შვეიცარიამ, უნგრეთმა, გერმანიამ, ლატვიამ, საფრანგეთმა, ესპანეთმა, ნიდერლანდებმა, იტალიამ, მონტენეგრომ და სხვ.

საქართველომ, თავის მხრივ, ზოგიერთი ქვეყნის მოქალაქეებისთვის საზღვრები უპირობოდ გახსნა. ხუთი ქვეყნის – გერმანიის, საფრანგეთის, ლატვიის, ლიეტუვისა და ესტონეთის მოქალაქეებს საქართველოში ჩამოსვლა ყოველგვარი წინაპირობის გარეშე შეუძლიათ.

86
თემები:
COVID-19-ის პანდემია მსოფლიოში (1143)
აქცია პარლამენტთან

მოძრაობა „შემახე ამნისტიას“ ორგანიზებით პარლამენტის შენობამდე მსვლელობა გაიმართა

54
აქციის მონაწილეები ფართომასშტაბიანი ამნისტიის გამოცხადებას მოითხოვენ. მათი თქმით, პარლამენტში საყოველთაო ამნისტიის შესახებ კანონპროექტი უკვე შეტანილია

თბილისი, 19 სექტემბერი - Sputnik. მოძრაობა „შემახე ამნისტიას“ წევრების ორგანიზებით ფილარმონიის მიმდებარე ტერიტორიიდან პარლამენტის შენობამდე საპროტესტო მსვლელობა გაიმართა, იუწყება საზოგადოებრივი მაუწყებლის „პირველი არხი“.

აქციის მონაწილეები ფართომასშტაბიანი ამნისტიის გამოცხადებას მოითხოვენ.

მათი თქმით, პარლამენტში საყოველთაო ამნისტიის შესახებ კანონპროექტი უკვე შეტანილია. ისინი აღნიშნული კანონპროექტის დაჩქარებული წესით განხილვას მოითხოვენ.

მოძრაობა „შემახე ამნისტიას“ რამდენიმე წევრი, მათ შორის პატიმრების მშობლები, უკვე ათ დღეზე მეტია, პარლამენტის შენობის წინ შიმშილობენ.

აქციის მონაწილეები მოთხოვნების შეუსრულებლობის შემთხვევაში ფართომასშტაბიან აქციებს აანონსებენ.

პატიმართა დედებმა პარლამენტის წინ შიმშილობა 8 სექტემბერს დაიწყეს.

2020 წლის მაისის ბოლოს არსებული მონაცემებით, საქართველოს ციხეებში 341 ქალი და დაახლოებით 9 ათასი მამაკაცია.

პატიმართა უმრავლესობის ასაკი 26-დან 49 წლამდეა. საპატიმროებში ორი არასრულწლოვანი გოგონა და 45 ყმაწვილია. დანარჩენები 18 წელს ზემოთ ასაკისა არიან.

პატიმართა ნახევარზე მეტი სასჯელს ნახევრად დახურული ტიპის დაწესებულებებში იხდის. მათთვის ნებადართულია კამერის დატოვება, მუშაობა, ეზოში გასვლა. კიდევ დაახლოებით 1,7 ათასი ვადას დახურული ტიპის დაწესებულებებში იხდის. 176 პატიმარი კი მაღალი რისკის დაწესებულებაშია, სადაც მკაცრი შეზღუდვები მოქმედებს.

54
ნინა სუბლატი

ნინა სუბლატი გადახოტრილი თმით გამოჩნდა - მომღერლის არაორდინალური გადაწყვეტილება

183
ექსტრავაგანტული არტისტის თამამი ნაბიჯი. მომღერალი თავს გადაპარსული თმით იწონებს. როგორ გამოიყურება ნინა სუბლატი გამორჩეული იმიჯით?

ნინა სუბლატის არაორდინარული და უჩვეულო იმიჯი მისი კარიერის დასაწყისიდან აქტიურად განიხილება. მომღერალმა წლების წინ გაამხილა, რომ ის ფსევდონიმს ატარებს. მისი ნამდვილი გვარი სულაბერიძეა. „საქართველოს ვარსკვლავით“ დაწყებულმა კარიერამ არტისტი ჟიურის წევრობამდე მიიყვანა. ცნობილი სახე დიდ ყურადღებას არა მხოლოდ ორიგინალური იმიჯით, არამედ ცხოვრების სტილითაც იქცევს, დახვეწილი მანერებითა და გაწონასწორებული საუბრით. მომღერალმა კომპოზიტორ მეუღლესთან ერთად ცხოვრების ახალი ეტაპი დაიწყო. ახლა ბუნებასთან სიახლოვეს ეძებს და სწორედ აქ მოსდის მუზაც. ნინა სუბლატი დაოჯახებულია. მისი რჩეული ცნობილი მუსიკოსი გიორგი შამანაურია. მათ შვილის გაჩენის შემდეგ მუსიკალური პაუზა აიღეს.

View this post on Instagram

A post shared by Nina Sublatti (@ninasublatti) on

მისი განთქმული იმიჯი და შესრულების მანერა ევროპელმა მსმენელმაც დააფასა, მაგრამ გამარჯვებისთვის ქულები არ ეყო. 2015 წელს ნინა სუბლატი საქართველოს სახელით „ევროვიზიის“ კონკურსზე წარდგა სიმღერით Warrior, სადაც ნახევარფინალი გადალახა და ფინალშიც მოხვდა. კონკურსზე გამოსულმა ნინამ მებრძოლი ქალის სახე წარადგინა. სიმღერა დამოუკიდებლად შექმნა და ბევრი ადამიანის გული დაიპყრო. მანამდე ის „საქართველოს ვარსკვლავის“ ერთ-ერთი ემოციური შემსრულებელი აღმოჩნდა. განსაკუთრებული ხმის ტემბრითა და არტისტიზმით დაჯილდოებული მომღერალი სოლო კარიერას ეწევა. მიუხედავად იმისა, რომ ბოლო დროს თაყვანისმცემელს ახალი სიმღერებით არ ანებივრებს, მუსიკის წერას განაგრძობს. ამის შესახებ საკუთარ სოციალურ ქსელში წერს და კომპოზიციის შექმნის ვიდეოებს აქტიურად აქვეყნებს. თუმცა, რამდენიმე თვეა ახალი სინგლების მაგივრად, მისი გვერდი ფეხმძიმობისა და შვილის ფოტოებმა დაიპყრო.

ნინა სუბლატს პირველი შვილი 26 აგვისტოს შეეძინა. „არ ვიცი, ვიღაც პატარა ბავშვია ჩემთან მოსული“ – ამ წარწერით პოსტი არტისტმა Instagram-ზე გამოაქვეყნა. ნინა სუბლატი ვარსკვლავურ ტრენდს არ აჰყვა და შვილის სახე პირველივე დღეს გამოაჩინა. წყვილს ბიჭი შეეძინა და მას ალექსანდრე დაარქვეს.

View this post on Instagram

🌚🌝

A post shared by Nina Sublatti (@ninasublatti) on

ნინას Instagram-ის „სთორიზე“ მისი ძველი ფოტო გამოჩნდა. მომღერალს წლების წინ გრძელი თმა გადახოტრილი ჰქონდა. არტისტი თამამ გადაწყვეტილებებს არ უშინდება, ხოლო ექსპერიმენტები მისი ცხოვრების განუყრელი ნაწილია. წარმატებული მომღერალი ფეხმძიმობის პერიოდში დიდი სირთულეებისა და რისკის  წინაშე აღმოჩნდა. მიუხედავად ამისა, მან საკუთარ თავში ძალა იპოვა და კომპოზიტორი მეუღლის დახმარებით ფეხმძიმობამ ჰარმონიულად ჩაიარა. კორონავირუსის პანდემიის დროს დაინფიცირდა მისი ნათესავი, რის გამოც ნინა სუბლატი საკარანტინო სივრცეში იმყოფებოდა.

183
თემები:
სელებრითების ცხოვრება
ნახევარმთვარე

მთვარის კალენდარი: 20 სექტემბერი რისი გაკეთება შეიძლება და რისი არა

0
(განახლებულია 11:33 18.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

20 სექტემბერი, კვირა. ამ დღეს მზე მართავს. მზარდი მთვარე მორიელის ნიშანშია.

მორიელის დღე ძალზე ემოციურია, ადვილად ვლინდება გაღიზიანება, აგრესია, მოუთმენლობა, დეპრესიისადმი მიდრეკილება. ამ დროს, სჯობს, შეზღუდოთ კონტაქტები როგორც ხელმძღვანელობასთან, ისე საქმიან პარტნიორებთან.

მთვარე მორიელში ხელს უწყობს აზრების კონცენტრაციას და ამასთან ზრდის კრიტიკულობას. ეს საუკეთესო პერიოდია ყველაზე სარისკო და სერიოზული გადაწყვეტილებების მისაღებად.

ამ დღეს არ ღირს ახალი საქმეების დაწყება, ახალი ვალდებულებების აღება საკუთარ თავზე, უძრავ ქონებასთან დაკავშირებული საქმეების გაკეთება.

რაც შეეხება ურთიერთობებს, ესაა ვნებებისა და არშიყის დრო. მთვარე მორიელში ხელს უწყობს მგზნებარე რომანების დაწყებას, ასევე, ის ურთიერთობებს მყარს საძირკველს უყრის.

როგორ მოქმედებს მთვარის ფაზები ადამიანის ენერგეტიკაზე>>

მთვარე მორიელში თავის დაღს ასვამს ყველაფერს, მათ შორის ამ დროს დაწყებულ ურთიერთობებს. ეჭვიანობა, დაუსაბუთებელი წყენა თუ ბობოქარი აღტაცება – ეს და ბევრ სხვა რამ ახასიათებს ამ პერიოდს, თან ჭარბად.

რეკომენდებულია დაწყებული საქმეების გაგრძელება, ფინანსური საქმეების ანალიზი და სუსტი ადგილების გამოსწორება, ახალი ინფორმაციის მოპოვება და ანალიზი, ბიზნესის რაციონალიზაცია, წარმოების გაზრდა, სავაჭრო ოპერაციები, განსაკუთრებით დღის პირველ ნახევარში.

არარეკომენდებულია პროვოკაციებზე აყოლა, ჩხუბსა და კონფლიქტებში ჩართვა, ახალი საქმეების დაწყება.

არცთუ ხელსაყრელი დღეა მგზავრობისთვის.

თმის შეჭრა, შეღებვა: მორიელის დღეს კარგია თმის შეღებვა, მაგრამ არა მკვეთრად განსხვავებულ ფერში. შეჭრისთვის ნეიტრალური დღეა. თმის შეჭრა უფრო უპრიანი იქნება სუსტი თმისთვის, რადგან ის გაძლიერდება და მტკიცე გახდება.

მანიკურისთვის ნეიტრალური დღეა.

მებაღეობა: შეიძლება სამკურნალო მცენარეების შეგროვება და გამოშრობა, პიკირება, გაზონების შეჭრა, ოთახისა და ივნის მცენარეების მორწყვა, ყვავილებისთვის სასუქის მიცემა, ნაყოფიანი ხეებისა და ბუჩქების შეწამვლა, მოსავლის აღება.

არასასურველია ბოსტნეულისთვის სასუქის მიცემა, ხეების მოჭრა.

0