სტუდენტობის შანსი მაინც არის – საკოორდინაციო საბჭოს გადაწყვეტილება

CC BY 2.0 / David Goehring / Furiously Factoringამოცანის ამოხსნის დროს
ამოცანის ამოხსნის დროს - Sputnik საქართველო
გამოწერა
აბიტურიენტ გოგონას კორონავირუსი დაუდგინდა. მასთან ერთად მყოფი ცხრა აბიტურიენტი საკარანტინო სივრცეში განათავსეს. მათ ყოველი გამოცდის წინ PCR ტესტი უტარდებათ და გამოცდებს სპეციალურად გამოყოფილ სივრცეში აბარებენ.

თბილისი, 15 ივლისი – Sputnik. აბიტურიენტი, რომელსაც კორონავირუსი დაუდასტურდა, 2020 წლის ერთიან ეროვნულ გამოცდებს არ გამოეთიშება და დარჩენილი ერთი საგნის ჩაბარების შესაძლებლობა მიეცემა, ნათქვამია საქართველოს განათლების, მეცნიერების, კულტურისა და სპორტის სამინისტროს განცხადებაში.

გამოცდების ეროვნული ცენტრი - Sputnik საქართველო
კორონავირუსი ერთიან ეროვნულ გამოცდებზე – ერთ-ერთ აბიტურიენტს ინფექცია დაუდასტურდა

როგორც განცხადებაშია აღნიშნული, აბიტურიენტისთვის ეს შანსი შესაძლებელი გახდა უწყებათშორისი საკოორდინაციო საბჭოს, განათლებისა და ჯანდაცვის სამინისტროებისა და დაავადებათა კონტროლისა და საზოგადოებრივი ჯანმრთელობის ეროვნული ცენტრის ერთობლივი მუშაობის შედეგად.

„კოვიდ-ინფიცირებული აბიტურიენტისთვის დარჩენილი გამოცდის ჩაბარების შესაძლებლობის შესახებ გადაწყვეტილება საქართველოს განათლების, მეცნიერების, კულტურისა და სპორტის სამინისტროს შესაბამის უწყებებთან კოორდინაციით, ექიმების რეკომენდაციების საფუძველზე და პაციენტის ჯანმრთელობის მდგომარეობის გათვალისწინებით იქნა მიღებული“, – აღნიშნულია უწყების განცხადებაში.

აბიტურიენტი გამოცდას ჩააბარებს იმ სივრცეში, სადაც მკურნალობს. ამისთვის უზრუნველყოფილი იქნება შესაბამისი საგამოცდო გარემო. გამოცდას დაესწრებიან ექიმები და შეფასებისა და გამოცდების ეროვნული ცენტრის წარმომადგენლები.

კორონავირუსი დაუდგინდა აბიტურიენტ გოგონას, რომელიც გამოცდას 7 ივლისს აბარებდა. მან თერმოსკრინინგი წარმატებით გაიარა, მაგრამ მოგვიანებით ტემპერატურა აეწია, შემდეგ კი კორონავირუსული ინფექცია დაუდასტურდა.

გამოცდებზე შესული აბიტურიენტების მშობლები - Sputnik საქართველო
ცნობილი გახდა კორონავირუსზე ცხრა აბიტურიენტის ტესტების პასუხები

მასთან ერთად მყოფი ცხრა აბიტურიენტი გამოიკვლიეს, მაგრამ მათ ვირუსი არ აღმოაჩნდათ. ეს აბიტურიენტები საკარანტინო სივრცეში განათავსეს. მათ ყოველი გამოცდის წინ უტარდებათ PCR ტესტი და გამოცდებსაც სპეციალურად გამოყოფილ საგამოცდო სივრცეში აბარებენ, აღნიშნავენ განათლების სამინისტროში.

ერთიანი ეროვნული გამოცდები საქართველოში 6 ივლისს დაიწყო და 25 ივლისს დასრულდება. წელს გამოცდებს 24 საგამოცდო ცენტრში დაახლოებით 39 ათასი აბიტურიენტი აბარებს.

სიფრთხილის კიდევ ერთი ზომა - აბიტურიენტების ნამუშევრები კარანტინის მერე შემოწმდება>>

გამოცდები, კორონავირუსის პანდემიიდან გამომდინარე, განსაკუთრებულ რეჟიმში, ჯანდაცვის სამინისტროსა და დაავადებათა კონტროლისა და საზოგადოებრივი ჯანმრთელობის ეროვნული ცენტრის რეკომენდაციების დაცვით მიმდინარეობს.

ყველა ახალი ამბავი
0