ნანუკა ჟორჟოლიანი

„ყველაზე კარგი დედა ვერ გადავარჩინე...“ ნანუკა ჟორჟოლიანი ემოციურ განცხადებას ავრცელებს

2611
(განახლებულია 14:32 13.07.2020)
ნანუკა ჟორჟოლიანი სოციალურ ქსელში სამწუხარო ინფორმაციას ავრცელებს. ტელეწამყვანს დედა გარდაეცვალა. ნახეთ, რას წერს ჟურნალისტი.

თბილისი, 13 ივლისი — Sputnik. ცნობილ ჟურნალისტს ნანუკა ჟორჟოლიანს დედა გარდაეცვალა. ტელეწამყვანი სოციალურ ქსელში ემოციურ განცხადებას ავრცელებს.

View this post on Instagram

A post shared by Nanuka Zhorzholiani (@nanukashow) on

 

როგორც ჟურნალისტის სტატუსიდან ირკვევა, დარეჯან დაუშვილი მძიმე დაავადებას ებრძოდა, რომლის შესახებაც ოჯახმა ხუთი თვის წინ გაიგო.

„ყველას ჰგონია, რომ დედა ყველაზე კარგი ჰყავს მთელ სამყაროში. ასე მგონია მეც. ხოდა მთელ სამყაროში ყველაზე კარგი დედა ვერ გადავარჩინე. ვერ ვუშველე. 5 თვის წინ დაგვისვეს უმძიმესი დიაგნოგი. წავედით, წამოვედით. იტანჯა, იომა, ყველაფერი მოვასწარით ამ 5 თვეში, მე – დაობლებაც კი“, – წერს ნანუკა ჟორჟოლიანი.

ჟურნალისტმა ივლისის დასაწყისში საზოგადოებას სთხოვა ელოცათ მისი დედისთვის. ამ დროს გაიგო მისმა მეგობრების დიდმა ნაწილმაც, რომ ნანუკას დედა ავად იყო.

ცნობილი ჟურნალისტი სკანდალური ცხოვრებით გამოირჩევა. ნანუკა ჟორჟოლიანის პირად სივრცეს კარიერის დაწყებიდან აქტიურად განიხილავენ. ნანუკა ჟორჟოლიანს მშობლებთან განსაკუთრებული ურთიერთობა აკავშირებს. ამბობს, რომ მამა სიმკაცრით გამოირჩევა და მას ძალიან ჰგავს.

ექსტრავაგანტული ჟურნალისტი ბევრი ადამიანის ყურადღებას მარტივი ხერხით იქცევს. ჟორჟოლიანი ენერგიით და განსაკუთრებული ენთუზიაზმით გამოირჩევა. მას ორი ყოფილი მეუღლე და ორი შვილი ჰყავს. ოჯახის დანგრევის შემდეგ მისი ცხოვრება დეპრესიებმა და აკვიატებულმა, პანიკურმა ფიქრებმა მოიცვა, რის გამო ჟურნალისტი მკურნალობდა კიდეც.

ნანუკა პირველად სტუდენტობისას დაოჯახდა. პირველ ქალიშვილთან ერთად ლექციებს ესწრებოდა და გადაღებებზე დადიოდა. იხსენებს, რომ პირველი ოჯახის დანგრევის წინააღმდეგი მამა იყო, რომელსაც ირგვლივ მყოფთა რეაქციების ერიდებოდა. ამის შესახებ ტელეწამყვანმა ხმამაღლა არაერთხელ ისაუბრა საკუთარ გადაცემასა და სხვა თოქ-შოუებში.

2611
თემები:
სელებრითების ცხოვრება (2606)
თენგიზ ცერცვაძე

ცერცვაძე:  ვაქცინა რომ ცუდი იყოს, ინგლისის დედოფალი და მისი ოჯახი არ აიცრებოდა

35
საქართველოში კორონავირუსის საწინააღმდეგო ვაქცინაციის გეგმის მომზადებასა და მის შესყიდვაზე სპეციალურად შექმნილი უწყებათშორისი კომისია მუშაობს

თბილისი, 16 იანვარი - Sputnik. საქართველო სავარაუდოდ ერთ თვეში კორონავირუსის საწინააღმდეგო ვაქცინა Pfizer-ის პირველ პარტიას მიიღებს, განაცხადა ინფექციური პათოლოგიისა და შიდსის ცენტრის გენერალურმა დირექტორმა, თენგიზ ცერცვაძემ ჟურნალისტებთან საუბრისას.

კოვიდ-ვაქცინაზე საუბრისას ცერცვაძემ აღნიშნა, რომ  საქართველოში შემოსული ვაქცინის პირველი პარტია, სავარაუდოდ, Pfizer-ის რამდენიმე ათეული ათასი დოზა იქნება.

„ასეთი ინფორმაცია მაქვს, რომ საქართველო მიიღებს Pfizer-ის ვაქცინის მცირე პარტიას, სახელდება რამდენიმე ათეული ათასიდან ასი ათასამდე დოზა. ეს შესაძლოა, მოხდეს ერთ თვეში. ხოლო შემდეგი პარტიის მიღება იგეგმება არაუგვიანეს მარტის ბოლოს. ეს იქნება გაცილებით უფრო დიდი რაოდენობა – ასეული ათასი, ნახევარი მილიონი ან უფრო მეტი. რამდენადაც ვიცი, ეს იქნება, სავარაუდოდ, AstraZeneca“,– განაცხადა ცერცვაძემ.

როგორც ინფექციური პათოლოგიისა და შიდსის ცენტრის დირექტორმა განაცხადა,  ვაქცინის პირველი პარტიით რისკ-ჯგუფები - ჯანდაცვის მუშაკები, ხანდაზმულები და თანმხლები დაავადებების მქონე პირები აიცრებიან.

„შემდეგი პარტიების დროს ამოცანაა მოსახლეობის მინიმუმ 60% მაინც აიცრას. 60%-ის აცრა ნიშნავს უკვე გაჯერებულ იმუნიტეტს, ანუ ახალი შემთხვეების რაოდენობა იქნება მინიმალური“, - აღნიშნა მან.

ცერცვაძემ ყველას ურჩია, ჩაიტაროს კორონავირუსის საწინააღმდეგო აცრა.

„ცალსახად ვურჩევ ყველას, ვისაც არ ექნება რაიმე განსაკუთრებული წინააღმდეგ ჩვენება, ვაქცინის მიმართ ალერგიული რეაქცია ან რაღაც ასეთი, ყველამ გაიკეთოს ვაქცინა და უპირველეს ყოვლისა, ვინც განეკუთვნება რისკის ჯგუფებს. ის რომ ცუდი იყოს, ინგლისის დედოფალი და მისი ოჯახი არ აიცრებოდა, არ აიცრებოდა ჯო ბაიდენი და ერდოღანი“, -განაცხადა ცერცვაძემ

ამ ეტაპზე საქართველო ვაქცინის შესაძენად COVAX-ის პლატფორმის საშუალებით მოლაპარაკებებს Pfizer-ისა და AstraZeneca-ს ვაქცინებთან დაკავშირებით აწარმოებს.

პანდემიის განვითარების ორი მოდელი 2021 წელს: რა მოხდება უკეთეს და უარეს შემთხვევებში >>

საქართველოს პირველ ეტაპზე COVID-19-ის საწინააღმდეგო ვაქცინის იმ რაოდენობით შეძენის უფლება აქვს, რომელიც მოსახლეობის 20%-სთვის იქნება საკმარისი. ქვეყანამ 1 400 ათასი დოზა ვაქცინის შესაძენად პირველი შენატანი — 4 მლნ დოლარი უკვე განახორციელა. აღნიშნული რაოდენობა 700 ათას ადამიანზეა გათვლილი.

35
მდინარე რიონი

ნამახვან ჰესის კასკადის მშენებლობა: რიონის ხეობაში ორი პარალელური აქცია გაიმართა

36
(განახლებულია 17:22 16.01.2021)
რიონზე „ნამახვანის ჰესების კასკადის“ მშენებლობას მოსახლეობა უკვე რამდენიმე თვეა აპროტესტებს. მათი თქმით, გიგანტური ჰესის მშენებლობა ტერიტორიის დატბორვას გამოიწვევს, შედეგად კი მოსალოდნელია ეკოლოგიური კატასტროფა და მოსახლეობის დიდი ნაწილი უსახლკაროდ დარჩება

თბილისი, 16 იანვარი - Sputnik. მდინარე რიონის ხეობის სოფლებში ნამახვან ჰესის კასკადის მშენებლობის მომხრეთა და მოწინააღმდეგეთა აქციები გაიმართა, იუწყება პირველი არხი.

სოფელ ოფურჩხეთში მოსახლეობის ნაწილმა აქცია  სახელწოდებით „არ გააჩერო ნამახვანჰესი“ გამართა. აქციის მონაწილეების განცხადებით,  ნამახვანჰესის მშენებლობა უნდა გაგრძელდეს. მათი თქმით, ჰესის მშენებლობის შემთხვევაში განვითარდება ინფრასტრუქტურა, ტურიზმი, შეიქმნება სამუშაო ადგილები და ემიგრანტები სამშობლოში დაბრუნდებიან.

ასევე, სოფელ ჟონეთში პარალელური აქცია გამართეს ჰესის მშენებლობის მოწინააღმდეგეებმაც. მათი განცხადებით, უკვე 83-ე დღეა, ჰესის მშენებლობას აპროტესტებენ. აქციის მონაწილეების მტკიცებით,  ვერც ხელისუფლებისგან და ვერც ჰესის მშენებელი კომპანიისგან ამ დრომდე ვერ მიიღეს უსაფრთხოების გარანტიები. ისინი პროტესტის შეწყვეტას არ აპირებენ და ამტკიცებენ, რომ ჰესის მშენებლობა 500 ჰექტარი მიწის დატბორვას გამოიწვევს, მათ შორის ტყეების, სავარგულების, რამდენიმე სოფლის, რის გამოც ათეულობით ოჯახი უსახლკაროდ დარჩება. ისინი აცხადებენ, რომ ეს ტერიტორია მეწყერსაშიშია და ჰესის მშენებლობით გამოწვეული საფრთხეები მთელს დასავლეთ საქართველოს ემუქრება.

როგორც ადრე ეკონომიკის მინისტრმა ნათია თურნავამ განაცხადა, „ნამახვანიჰესი“ ძალიან მნიშვნელოვანი პროექტია ენერგეტიკული უსაფრთხოების განმტკიცების კუთხით, თურქული კომპანია „ენკა" (ENKA) ძალიან აქტიურად მუშაობს მოსახლეობასთან, მათ შორის სოციალური პროექტების განხორციელების მიმართულებით. მისი თქმით, პროექტის ფარგლებში საერთო ჯამში 2000 საქართველოს მოქალაქე დასაქმდება.

თავის მხრივ, კომპანია Enka Riniubels, რომელიც ნამახვან ჰესის კასკადის პროექტს ახორციელებს, ამტკიცებს, რომ კასკადის საპროექტო სამუშაოებიჯერ კიდევ 1930-იან წლებში დაიწყო, ხოლო პირველი ტექნიკურ-ეკონომიკური დასაბუთება 1972 წელს გაკეთდა. 2006 წელს დეტალური კვლევები ჩაატარა USAID-ის საერთაშორისო განვითარების სააგენტომ, ხოლო 2007 წელს - კომპანია Hydroproject International-მა. პროექტის განხორციელებადობის საბოლოო კვლევა ეკუთვნის იტალიურ კომპანია Studio Pietrangel-ს, რომელმაც ის 2015 წელს შეასრულა.

კომპანიაში იუწყებიან, რომ ტენდერის მოგების შემდეგ Enka Riniubels-მა განმეორებითი კვლევა ჩაატარა თითქმის ყველა ასპექტზე, რომელიც ადრე არის შესწავლილი.

განსაკუთრებული ყურადღება კომპანიამ დაუთმო ისეთ საკითხებს, როგორებიცაა ჰიდროგეოლოგია, მეწყრული საფრთხის ზონის სეისმურობა, ჰიდროლოგია და კაშხლის უსაფრთხოება.

მდინარე რიონზე „ნამახვანის ჰესების კასკადის“ პროექტი გააერთიანებს ორ ჰესს - „ნამახვანს“ და „ტვიშს“, 433 მეგავატის საერთო დადგმული სიმძლავრით. პროექტის სავარაუდო ღირებულება 730 მილიონ დოლარს შეადგენს.

პროექტს განახორციელებს Clean Energy Georgia Group, რომელმაც შესაბამის ტენდერში გაიმარჯვა. ჰესის ასაშენებლად Clean Energy Georgia Group, რომელიც ნორვეგიული ჯგუფ Clean Energy-ს შვილობილი კომპანიაა, თურქულ სამშენებლო ჰოლდინგ ENKA Insaat ve Sanayi A.S-ს მოიზიდავს.

36
ვაქცინა Pfizer-BioNTech და ვაქცინაცია

ჯანმო: არ მოსთხოვოთ მოქალაქეებს ვაქცინაციის სერტიფიკატი

0
ჯანმოს კომიტეტის წევრებმა მსოფლიოში კორონავირუსთან დაკავშირებული ეპიდვითარება და ის საფრთხეები განიხილეს, რომლებიც კორონავირუს SARS-CoV-2-ის ახალი შტამების გამოჩენას უკავშირდება

თბილისი, 16 იანვარი - Sputnik. ჯანდაცვის მსოფლიო ორგანიზაციის (ჯანმო) COVID-19-ის საკითხებში საგანგებო სიტუაციების კომიტეტმა ქვეყნებს მისცა რეკომენდაცია, ჩამომსვლელ მოქალაქეებს კორონავირუსზე ვაქცინაციის შესახებ სერტიფიკატები არ მოსთხოვონ, ნათქვამია „როსპოტრებნადზორის“ ვებგვერდზე.

აღნიშნულია, რომ შაბათს ჯანმოს გენერალური დირექტორის, ტედროს ადანომ გებრეიესუსის დავალებით გაიმართა კომიტეტის მეექვსე სხდომა, რომელშიც რუსული უწყების სამეცნიერო ორგანიზაციები მონაწილეობდნენ.

„განხილულია საკითხი ტრანსსასაზღვრო მოგზაურობებისთვის COVID-19-ის საწინააღმდეგო ვაქცინაციის სერტიფიკატების შემოღების საკითხი. ჯანმოს ექსპერტებმა ქვეყნებს ურჩიეს, არ მოსთხოვონ ჩამომსვლელ პირებს მსგავსი დოკუმენტები, რადგან ბევრ ქვეყანაში ვაქცინების ხელმისაწვდომობა ძალზე შეზღუდულია და მათი ეფექტურობა ჯერ კიდევ შესწავლის საგანს წარმოადგენს“, - ნათქვამია განცხადებაში.

აღინიშნა, რომ „ბრიტანული“ შტამის აღმოჩენის გამო კომიტეტმა გამოსცა რეკომენდაცია, „გაიზარდოს ლაბორატორიული სიმძლავრეები კორონავირუსების თანმიმდევრული გამოვლენის მიზნით და მოხდეს მათი გენეტიკური მიმდევრობების შესახებ მონაცემების ოპერატიული გაცვლა“. ეს ღონისძიებები ინფექციების წარმატებული მკურნალობის მიზნით ცოდნის გაუმჯობესებას შეუწყობს ხელს.

ხაზგასმულია, რომ „როსპოტრებნადზორი“ კორონავირუსის შესახებ მონაცემების გაცვლის მიზნით ჯანმოსთან მომავალშიც ითანამშრომლებს.

0