ეკატერინე ტიკარაძე

სექტემბერში სასწავლო პროცესი განახლდება? ჯანდაცვის მინისტრი განმარტებას აკეთებს

265
(განახლებულია 21:43 07.07.2020)
ტიკარაძის თქმით, ყველაფერი ქვეყანაში შექმნილ ვითარებაზე იქნება დამოკიდებული. ამასთან, ჯანდაცვის სისტემა და საქართველოს მთავრობა პანდემიის ახალი ტალღისთვის მზადაა.

თბილისი, 7 ივლისი – Sputnik. იმ შემთხვევაში, თუ საქართველო არსებულ ეპიდემიოლოგიურ ვითარებას შეინარჩუნებს, სკოლებში სასწავლო პროცესი განახლდება, წინააღმდეგ შემთხვევაში ქვეყანა სწავლის ონლაინ–რეჟიმში დარჩება, განაცხადა ჯანდაცვის მინისტრმა ეკატერინე ტიკარაძემ. 

კორონავირუსის ეპიდემიის გამო საქართველოს სკოლებსა და უმაღლეს სასწავლებლებში სასწავლო პროცესი 2 მარტიდან შეწყდა. სწავლის პროცესის განახლება სამჯერ გადაიდო. საქართველოს პრემიერმა 24 აპრილს განაცხადა, რომ საქართველოს ყველა საგანმანათლებლო დაწესებულებები სექტემბრამდე დაკეტილი იქნება.

„ეპიდსიტუაცია თუ გართულდა, ჩვენ კვლავ ონლაინ–სწავლების რეჟიმში დავრჩებით, რისი პრაქტიკაც საქართველოს უკვე აქვს. განათლების სამინისტროსთან ერთად ჩვენ დამატებით ვმუშაობთ იმასთან დაკავშირებით, რომ უფრო მეტად დავხვეწოთ ეს ღონისძიებები. იმ შემთხვევაში, თუ ეპიდსიტუაცია შენარჩუნდება ისეთი, როგორც დღეს არის, აღვადგენთ სასწავლო პროცესს“, – განაცხადა ტიკარაძემ.

„ვეცდებით შემდეგი ტალღა ავირიდოთ“

მინისტრმა განაცხადა, რომ ვირუსის ნებისმიერი ტალღის დროს ინფექციის უკონტროლო გავრცელების საფრთხე არსებობს. სწორედ ამიტომ ხელისუფლება და ყველა უწყება კოორდინირებულად მუშაობს, რათა ეპიდემიოლოგიური მდგომარეობა არ გაუარესდეს.

როგორც მინისტრმა აღნიშნა, კორონავირუსის გავრცელების თვალსაზრისით საქართველოს მსოფლიოში ერთ-ერთი საუკეთესო მაჩვენებელი აქვს.

„ჩვენ ყველანაირად ვეცდებით, თავიდან ავიცილოთ საქართველოში შემდეგი ტალღისა და ინფექციის გავრცელება“, – აღნიშნა ტიკარაძემ.

მისი თქმით, ჯანდაცვის სისტემა და საქართველოს მთავრობა ნებისმიერი ტალღისა და ინფიცირებულთა რაოდენობისთვის მზადაა. ტიკარაძემ ასევე აღნიშნა, რომ 14 ივნისის შემდეგ ქვეყანაში ინფექციის შიდა გადაცემის არც ერთი შემთხვევა არ დაფიქსირებულა. 

„არასტაბილური სტატისტიკა – ეს ჩვეულებრივი მოვლენაა ვირუსის გავრცელების პერიოდში. ჩვენი ჯანდაცვის სისტემა და საქართველოს ხელისუფლება მზადაა ნებისმიერი რაოდენობისა და ვირუსის ტალღისთვის. ჩვენ ინფიცირებულები ძირითადად საკარანტინო ზონებიდან გვყავს. აქედან გამომდინარე, მიმაჩნია, რომ ჩვენი სტატისტიკა ნერვიულობის საფუძველს არ იძლევა“, – განმარტა ტიკარაძემ.

რაც შეეხება ევროპის მიმართულებით ფრენებს, ტიკარაძემ განაცხადა, რომ ამ საკითხთან დაკავშირებით სხვადასხვა ქვეყნებთან ინდივიდუალური მოლაპარაკებები მიმდინარეობს. განსაზღვრულია სახელმწიფოები, რომლებშიც ეპიდვითარება საქართველოს მსგავსია. ეს ნიშნავს, რომ ამ სახელმწიფოებიდან ფრენების აღდგენა საქართველოს ეპიდვითარებაზე ნეგატიურად არ იმოქმედებს.

„შესაბამისად, დღეს ჩვენ ამ ქვეყნებთან ინდივიდუალურად ვმუშაობთ რათა დეტალურად შევთანხმდეთ, თუ რა პირობები იქნება გათვალისწინებული იმ შემთხვევაში, თუ საქართველოს მოქალაქე ევროპის მიმართულებით ან პირიქით იმგზავრებს“, – აცხადებს ეკატერინე ტიკარაძე.

265
თემები:
განათლება საქართველოში (272)
თბილისის ინფექციური საავადმყოფო

კორონავირუსის ახალი შემთხვევები და ინფიცირების წყაროები

67
(განახლებულია 14:10 10.08.2020)
ამ დოისთვის COVID–ცენტრებში 261 პაციენტი მკურნალობს. პანდემიის დაწყებიდან დღემდე 1010 ადამიანი გამოჯანმრთელდა

თბილისი, 10 აგვისტო – Sputnik. ბოლო დღე–ღამეში გამოვლენილი კორონავირუსის 25 ახალი შემთხვევიდან 16 უკვე დადასტურებული შემთხვევის კონტაქტია, განუცხადა ჟურნალისტებს თბილისის ინფექციური საავადმყოფოს სამედიცინო დირექტორმა მარინა ეზუგბაიამ.

მისი თქმით, ამ დროისთვის საქართველოს COVIDცენტრებში 261 პაციენტი მკურნალობს. გამოჯანმრთელების მაჩვენებელი 81%.

„25 ახალი დადასტურებული შემთხვევიდან ერთი პაციენტი არის გაჩიანიდან, 16 დადასტურებულ შემთხვევებთან კონტაქტია, 1 სამედიცინო პერსონალია, 5 გახლავთ იმპორტირებული, ანუ შემოტანილი შემთხვევა, 1 პაციენტი აფხაზეთიდან არის გადმოყვანილი, ხოლო 1 პაციენტზე გრძელდება ეპიდემიოლოგიური კვლევა კონტაქტების გამოვლენისა და წყაროს დადგენის მიზნით“, – განაცხადა ეზუგბაიამ.

უშუალოდ ინფექციურ საავადმყოფოში ამჟამად კორონავირუსზე 27 პაციენტი მკურნალობს.

„უშუალოდ ინფექციურ საავადმყოფოში გამოჯანმრთელდა შვიდი და დაემატა ექვსი ახალი პაციენტი. დღესდღეობით გვყავს 27 დადასტურებული შემთხვევა“, – აღნიშნა ეზუგბაიამ.

კორონავირუსი მსოფლიოში – 10 აგვისტოს მონაცემები>>

ექიმები ორი პაციენტის მდგომარეობას, COVID-19–ის მიმდინარეობისა და თანმდევი დაავადებების გათვალისწინებით, აფასებენ, როგორც მძიმეს. დანარჩენების მდგომარეობა ძირითადად საშუალო სიმძიმისაა.

ბოლო ოფიციალური მონაცემებით, საქართველოში კორონავირუსით ინფიცირებულთა რაოდენობაა 1250. ამასთან, ბოლო 24 საათში კლინიკებიდან გაეწერა 10 ადამიანი. სულ პანდემიის დაწყებიდან დღემდე გამოჯანმრთელდა 1010 ადამიანი, გარაიცვალა – 17.

კარანტინში მოთავსებულია 6 930 ადამიანი, ხოლო ექიმების მეთვალყურეობის ქვეშ – 263.

უცხოეთიდან სამკურნალოდ საქართველოში გადმოყვანილია ქვეყნის 41 მოქალაქე.

კორონავირუსის პირველი შემთხვევა საქართველოში 26 თებერვალს დაფიქსირდა.

67
თემები:
COVID-19 საქართველოში
სოფო ნიჟარაძე

სოფო ნიჟარაძეს უსიმპატიურესი ძმა ჰყავს - ნახეთ როგორ ჰგავს დას

957
(განახლებულია 14:38 31.07.2020)
დასთან შედარებით ირაკლი ნიჟარაძეს საჯაროდ გამოსვლა არ ხიბლავს. თუმცა, მედიის ყურადღება არა ერთხელ მიიქცია. უსიმპატიურესი მამაკაცის ფოტოები სოციალურ ქსელში გავრცელდა. გავს თუ არა უმცროსი ძმა გამოჩენილ მომღერალს?

ტელეკომპანია „რუსთავი 2“- ის ყოფილი ფინანსური დირექტორი ცნობილი მომღერლის სოფო ნიჟარაძის ძმა იყო. არხის რეორგანიზაციის დროს ირაკლი ნიჟარაძემ დაკავებული თანამდებობა დატოვა და სამსახურიდან წავიდა. არხის ყოფილი ფინანსური დირექტორი პოპულარულ დასთან შედარებით მის გვერდით სულ რამდენჯერმე გამოჩნდა. პირველად საზოგადოებამ ირაკლი სოფოსთან ერთად სიმღერისას შენიშნა, როდესაც ყველასთვის მოულოდნელად ირაკლიმ დასთან ერთად „გარეპა“.

და-ძმამ რამდენიმე წლის წინ დიდი დარტყმა მიიღო. 2013 წელს მათ შეხმატკბილებულ ოჯახში, როგორც სოფო ამბობდა, ტრაგედია დატრიალდა. ამ პერიოდში სოფო მეგა-შოუ „ცეკვავენ ვარსკვლავების“ მონაწილე იყო. მომღერალი ამ  ტკივილს და უსაყვარლესი მამის მოულოდნელ გარდაცვალებას ვერ გაუძლო და პროექტი საკუთარი ნებით დატოვა. მან მამის გარდაცვალების შესახებ პარკეტზე გასვლამდე ნახევარი საათით ადრე შეიტყო. მოუშუშებელი ტკივილი ოჯახის წევრებისა და განსაკუთრებით ძმის დახმარებით გადაიტანა. სოფოსა და მის ძმას ირაკლის შუედარებელი ურთიერთობა აკავშირებთ. საერთო ტკივილი კი, უფრო აერთიანებთ.

მრავალ ნომინაციაში გამარჯვებული მომღერალი საზღვარგარეთის დიდ სცენებს სირთულეების გარეშე იპყრობს. სოფო ნიჟარაძე შეუდარებელ ფორმაშია. ის რამდენიმე პროექტის ჟიურის წევრობა მოხდენილად შეითვისა და ერთ-ერთი გამორჩეული და სამართლიანი წევრი გახდა. 2017 წელს ულამაზესი მომღერალი საუკეთესო მომღერალ ქალად აღიარეს სიმღერით „მაპატიე“. სოფო იშვიათად ანებივრებს სოცქსელის მომხმარებლებს ბუნებრივი ფოტოებით, ვინაიდან მისი ცხოვრების დიდი ნაწილი კონცერტებთანაა დაკავშირებული და გრიმით ყოფნა უწევს.

 

 

957
თემები:
სელებრითების ცხოვრება
ზურაბ ჯაფარიძე

ჯაფარიძე: გადავწყვიტე „გირჩის“ სახელით კენჭი ვიყარო დიდუბე-ჩუღურეთის მაჟორიტარულ ოლქში

0
(განახლებულია 13:35 10.08.2020)
„ახალი პოლიტიკური ცენტრი - გირჩის“ ლიდერი ზურაბ ჯაფარიძე საუბრობს დიდუბე-ჩუღურეთის მაჟორიტარულ ოლქში „გირჩის“ სახელით მაჟორიტარ კანდიდატად კენჭის ყრასთან დაკავშირებით
ჯაფარიძე: გადავწყვიტე „გირჩის“ სახელით კენჭი ვიყარო დიდუბე-ჩუღურეთის მაჟორიტარულ ოლქში
„მიუხედავად იმისა, რომ ძალიან მნიშვნელოვანი მგონია ჩემი აქტიური ჩართულობა „გირჩის“ წინასაარჩევნო კამპანიაში ქვეყნის მასშტაბით, რთულად წარმომიდგენია „გირჩის“ მონაწილეობა მაჟორიტარულ არჩევნებში ისე, რომ მე არ ვიყო კანდიდატი რომელიმე მაჟორიტარულ ოლქში. გადავწყვიტე „გირჩის“ სახელით კენჭი ვიყარო თბილისში, დიდუბე-ჩუღურეთის მაჟორიტარულ ოლქში. წინასწარი კონსულტაცია მქონდა რამდენიმე ოპოზიციური პარტიის ლიდერთან, რომლებმაც დამიდასტურეს საკუთარი კეთილგანწყობა ჩემს ამ გადაწყვეტილებასთან მიმართებაში. მე საჯაროდ დავუჭირე მხარი „ევროპული საქართველოს“ კანდიდატს ვაკის მაჟორიტარულ ოლქში, ელენე ხოშტარიას და ვრჩები ამ გადაწყვეტილების ერთგული.“ - აცხადებს ზურაბ ჯაფარიძე.

ზურაბ ჯაფარიძის განმარტებით, ამ ოლქში მისი კონკურენტი „ქართული ოცნების“ მაჟორიტარობის კანდიდატი გია ვოლსკი იქნება.

0