ზაფხულის ცხელი დღე

პლუს 42 გრადუსი: როდემდე გაგრძელდება ცხელი ამინდები საქართველოში

184
(განახლებულია 14:19 07.07.2020)
სინოპტიკოსების პროგნოზით, ქვეყნის მთელ ტერიტორიაზე ცხელი ამინდები რამდენიმე დღე გაგრძელდება, 9 ივლისიდან კი ტემპერატურა დაიწევს.

თბილისი, 7 ივლისი – Sputnik. საქართველოს მთელ ტერიტორიაზე დღეს ჰაერის ტემპერატურამ შეიძლება 42 გრადუსს მიაღწიოს და ეს იქნება ზაფხულის სეზონის ყველაზე ცხელი დღე, აცხადებენ სინოპტიკოსები.

ჰაერის მაღალი ტემპერატურა, რომელიც საქართველოში 9 ივლისამდე შენარჩუნდება, ტყის ხანძრების საფრთხეს შექმნის, იუწყება გარემოს დაცვის ეროვნული სააგენტო.

დასავლეთ საქართველოს დაბლობში ჰაერის მაქსიმალურმა ტემპერატურამ შესაძლებელია 40-42 გრადუსი, მთიან რაიონებში 35-37, ხოლო შავი ზღვის სანაპიროზე 33-35 გრადუსს მიაღწიოს, აღნიშნულია განცხადებაში.

აღმოსავლეთ საქართველოს დაბლობში 7-8 ივლისს ჰაერის მაქსიმალური ტემპერატურა 39 გრადუსს, მთაში კი 34 გრადუსს მიაღწევს.

„ჰაერის მაღალი ტემპერატურა ხელს უწყობს ტყის ხანძრების გაჩენას“, – ნათქვამია განცხადებაში. 

საქართველოს მთელ ტერიტორიაზე 8 ივლისის დღის მეორე ნახევრიდან 11 ივლისამდე შედარებით აგრილდება, დროგამოშვებით მოსალოდნელია წვიმა ელჭექით, ზოგან ძლიერი. ზღვის სანაპიროზე შტორმი 2-3 ბალს მიაღწევს.

მოსალოდნელმა ძლიერმა ნალექმა მთიან ზონებში შეიძლება მეწყრულ-ღვარცოფული პროცესების ჩასახვა-გააქტიურება გამოიწვიოს

„მოსალოდნელმა ძლიერმა ნალექებმა შესაძლებელია საქართველოს მდინარეებზე წყლის დონის მნიშვნელოვანი მატება, პატარა მდინარეებზე წყალმოვარდნები, ხოლო ქვეყნის მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს“, – ნათქვამია გარემოს ეროვნული სააგენტოს განცხადებაში.

7–8 ივლისს ცხელი ამინდია მოსალოდნელი საქართველოს დედაქალაქშიც – თბილისში ღამით პლუს 23, დღისით კი 38 გრადუსია ნავარაუდევი. 9 ივლისიდან დედაქალაქში მოსალოდნელია ხანმოკლე წვიმა ელჭექით. ქარი 10–15 მეტრი წამში სიჩქარით დაუბერავს, დროგამოშვებით კი 17–22 მეტრამდე გაძლიერდება.

184
თემები:
ამინდი საქართველოში (417)
სასწრაფო დახმარება

გარდაბანში ქალს ერთდროულად ციმბირული წყლული და კორონავირუსი დაუდასტურდა

234
ამჯერად სოფელ ყარაჯალარის მკვიდრი ქალბატონი იზოლირებულია და საავადმყოფოში მკურნალობას ერთბაშად ორ დაავადებაზე გადის

თბილისი, 12 აგვისტო — Sputnik. გარდაბნის მუნიციპალიტეტის სოფელ ყარაჯალარის მკვიდრ, 43 წლის ქალს ერთდროულად ციმბირული წყლული და კორონავირუსი დაუდასტურდა, იუწყება ტელეარხი Imedi.

ტელეარხის მონაცემებით, ქალმა ნათესავის რჩევით ექიმს ხელზე ჭრილობის გამო მიმართა. ანალიზების შედეგებით მას ციმბირული წყლული დაუდგინდა.

„ის ჩვენთან შემოიყვანეს ეჭვით ციმბირულ წყლულზე, რადგან ნეკა თითზე ჰქონდა შავი გარსით დაფარული ჭრილობა. დილით მას კორონავირუსიც დაუდასტურდა და ციმბირული წყლულიც“, - განაცხადა რუსთავის კლინიკის დირექტორმა პაპუნა ბახტაძემ.

მისი თქმით, ამჯერად ქალი იზოლირებულია და საავადმყოფოში ერთბაშად ორ დაავადებაზე მკურნალობს.

234
თემები:
COVID-19 საქართველოში
ამირან გამყრელიძე

სვანეთში ჩატარებული 600 ტესტის შედეგი ცნობილია - რამდენს გამოუვლინდა ინფექცია

204
ეპიდემიოლოგები აგრძელებენ მაღალმთიანი რეგიონის მოსახლეობის აქტიურ კვლევას, რათა ვირუსის შემდგომი გავრცელება აღკვეთონ

თბილისი, 12 აგვისტო — Sputnik. სვანეთში სამშაბათს აღებული ტესტების ნაწილის შედეგები ცნობილია - 600 შემთხვევიდან Covid-19 დაუდასტურდა მხოლოდ ერთ პირს, რომელიც მესტიის მუნიციპალიტეტის სოფელ ლენჯერში ცხოვრობს, განაცხადა დაავადებათა კონტროლის ცენტრის ხელმძღვანელმა ამირან გამყრელიძემ.

სვანეთიდან 900-ზე მეტი ადამიანი საკარანტინო სივრცეებშია დაბინავებული >>

მისი თქმით, დილიდან მესტიის მუნიციპალიტეტის 16 დასახლებულ პუნქტში ეპიდემიოლოგების 16 ჯგუფი მუშაობდა, აქედან ორი - უშგულში. კონცენტრირებული მუშაობა მიმდინარეობს მესტიაში და რამდენიმე სოფელში.

„დღეს დასრულდა 600 ნიმუშის ტესტირება და იქიდან მხოლოდ ერთი დადებითია. ისიც უკავშირდება ლენჯერის კლასტერს. ჯერჯერობით, ვიდრე დარჩენილი კიდევ 300 ნიმუშის პასუხი იქნება, შეგვიძლია, ვთქვათ რომ ინფექცია ძირითადად კონცენტრირებულია ამ თემის ერთ-ერთ დასახლებაში. ამიტომ, იმ დასახლებაში მკაცრი საკარანტინო ზომები ტარდება, შესვლა-გამოსვლა სრულად აკრძალულია“, - განაცხადა გამყრელიძემ.

მისი თქმით, რამდენიმე საათში სამშაბათს აღებული ტესტებიდან დარჩენილი 300 ტესტის პასუხიც იქნება ცნობილი, შემდგომ - დღეს აღებული 800 ტესტის პასუხები. ამის შემდეგ კი ცხადი გახდება ეპიდსიტუაცია მუნიციპალიტეტში.

გამყრელიძემ ასევე განაცხადა, რომ დღეს მესტიის საავადმყოფოში გაიგზავნა სწრაფი ტესტირების აპარატი, რომელიც პასუხს იძლევა 45 წუთში, მაგრამ მისი გამტარუნარიანობა ისეთი მაღალი არაა, როგორც კლასიკურ PCR-ტესტს, ეს აპარატი ერთ ჯერზე მხოლოდ 4 ნიმუშის ტესტს აკეთებს. ამიტომ ამ აპარატზე გაკეთდება მხოლოდ იმ ნიმუშების ტესტები, რომლებიც სწრაფ დიაგნოსტიკას მოითხოვს.

დაავადებათა კონტროლის ცენტრი სვანეთში 4 ათასამდე მცხოვრების ტესტირებას გეგმავს, შემდეგ კი სამოქმედო გეგმა დაისახება.

მესტიის მუნიციპალიტეტში, სადაც 10 აგვისტოდან საკარანტინე შეზღუდვები მოქმედებს, მოსახლეობის ფართომასშტაბიანი ტესტირება კორონავირუსზე მიმდინარეობს.

მესტიის მოსახლეობა 2018 წლის 1 იანვრისთვის 9 511 ადამიანს შეადგენს. მუნიციპალიტეტში 132 დასახლებული პუნქტია, მათ შორის ქალაქის ტიპის ერთი დასახლება - მესტია.

204
თემები:
COVID-19 საქართველოში
მთვარის ფაზები

მთვარის კალენდარი: 13 აგვისტო რისი გაკეთება შეიძლება და რისი არა

0
(განახლებულია 16:05 11.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

13 აგვისტო, ხუთშაბათი. ამ დღეს იუპიტერი მართავს. კლებადი მთვარე ტყუპის ნიშანშია.

ტყუპის დღეები კარგია კონტაქტებისა და ურთიერთობებისთვის, გაცნობისა და იდეების ურთიერთგაცვლისთვის. ხელსაყრელი დროა ინფორმაციების მოპოვებისა და დამუშავებისთვის, სრწფად გასაკეთებელი საქმეებისთვის.

მთვარე ტყუპში – ესაა მსუბუქი ურთიერთობების დრო, რომელიც არაფერს ავალდებულებს ადამიანებს. კარგად ეწყობა ახალი ნაცნობობა. ადამიანები უფრო გულგახსნილი, მიმნდობი და კომუნიკაბელური ხდებიან.

რეკომენდებულია ფულთან დაკავშირებული საქმიანობა, მიმდინარე საქმეების განხილვა და რთული საკითხების განხილვის გადადება, დაგეგმილის რეალიზება, საბუღალტრო ოპერაციები, ბიზნეს–საქმიანობა, მნიშვნელოვანი პროექტების დასრულება, აქტიურობა, უძრავ ქონებასთან დაკავშირებით: მშენებლობის საძირკვლის ჩაყრა, რემონტის დაწყება, უძრავი ქონების ყიდვა, გამოფენების, კონცერტების მოწყობა, სწავლა, კვალიფიკაციის ამაღლება.

არარეკომენდებული აჩქარება, საფუძვლიანი მიზეზის გარეშე ხელმძღვანელობისთვის მიმართვა, კონტრაქტების გაფორმება.

კარგი დღეა მგზავრობისთვის.

თმის შეჭრა, შეღებვა: თმის შეჭრისთვის ნეიტრალური დღეა. დაჩქარდება თმის ზრდის პროცესი, მაგრამ თმა დაუმორჩილებელი გახდება. შეღებვისთვის ძალიან კარგი დღეა.

მანიკურისთვის არასასურველი დღეა.

მებაღეობა: მთვარის კლების ფაზის დროს, ტყუპის ნიშანში, მცენარეები ისვენებენ, მათი წვენი ფესვებისკენ ისწრაფვის, მცირდება მცენარეების სიცოცხლისუნარიანობა. კარგი დღეა გადარგვის, გასხვლის, შეწამვლის, მოსავლის აღებისთვის.

ეფექტური იქნება ზედმეტი ყლორტების მოშორება–გაკრეჭა, გამარგვლა, კულტივირება, მულჩირება, სამკურნალო მცენარეების მოგროვება, ხილისა და კენკროვანების დაკრეფა.

0