ბავშვი

„მეც ვიკეთებდი ქიმიებს, მოვკვდი მასთან ერთად“ 1 წლის ალექსის დედის სულისშემძვრელი წერილი

1054
(განახლებულია 20:47 03.07.2020)
ექიმები, ოჯახის წევრები და მთელი საქართველო პატარის გადასარჩენად ყველაფერს აკეთებდნენ. სამწუხაროდ, საზღვარგარეთ ჩატარებული ურთულესი მკურნალობის კურსი უშედეგო აღმოჩნდა და ბავშვი კვლავ საქართველოში ჩამოიყვანეს.

თბილისი, 3 ივლისი – Sputnik. ტელეკომპანია „რუსთავი 2“-ის ჟურნალისტის ბექა პატურაშვილის მეუღლე ნატალია კორნევა სოციალურ ქსელში სპეციალურად ალექსისთვის შექმნილ ჯგუფში უმძიმეს წერილს აქვეყნებს.

წყვილმა 30 ივნისს ერთი წლის ალექსი დაკარგა, რომელიც თვეების განმავლობაში სიმსივნეს ებრძოდა.

ბავშვის დედის თქმით, ალექსი ბოლო ერთი კვირა რეანიმაციაში იყო, სადაც მისთვის ასვლა ჯოჯოხეთში შესვლას უდრიდა, რადგან რეანიმაციაში იმ ბავშვების ყურება უწევდა, რომლებსაც ავადმყოფობამ ფორმა დაუკარგა და უცხოპლანეტელებს დაამსგავსა.

„ალექსიც შეცვლილი იწვა, ვერ ვცნობდი მის შეშუპებულ სახესა და სხეულს. მისი ნეკნები იმტვრეოდა და გაწეული იყო სიმსივნის სიდიდისგან, კანი ასკდებოდა და ვენები ეტყობოდა, სუნთქვა უჭირდა და ზოგჯერ გმინავდა. ეს სიმსივნე ჩემს ბავშვს აწამებდა და ნელ ნელა ახრჩობდა. ეს სურათი მეხსიერებიდან და თვალებიდან აღარ გამოვა, ამის დანახვა არ შეიძლება, ფსიქიკა შეგერყევა ადამიანს. ცოფიანებივით ჩამოვდიოდით რეანიმაციიდან. ბევრი ვიბრძოლეთ. მეც ალექსისთან ერთად ვმკურნალობდი, მეც ვიკეთებდი ქიმიებს, ერთად გვტკიოდა, მეც მოვკვდი მასთან ერთად… ალექს, გვაპატიე, მაპატიე, რომ ვერ წაგიყვანე სახლში ჯანმრთელი როგორც გპირდებოდი“, – წერს ნატალი.

ალექ­სის რამ­დე­ნი­მე თვის წინ ღვიძლზე სიმ­სივ­ნუ­რი წა­ნა­ზარ­დი აღ­მო­აჩ­ნდა. პა­ტა­რა მკურ­ნა­ლო­ბას თურ­ქეთ­ში, აჯი­ბა­დე­მის კლი­ნი­კა­ში გა­დი­ო­და. თბი­ლის­ში ერთი კვი­რის წინ დაბ­რუნ­და. პა­ტა­რა ბოლო დრომ­დე იაშ­ვი­ლის კლი­ნი­კის რე­ა­ნი­მა­ცი­ულ გან­ყო­ფი­ლე­ბა­ში იმ­ყო­ფე­ბო­და.

პატარა ალექ­სის ღვიძლზე სიმ­სივ­ნუ­რი წა­ნა­ზარ­დი 2020 წლის იანვარში დაუდგინდა. ოპერაციისთვის კოლოსალური თანხები იყო საჭირო, რისთვისაც საქველმოქმედო ჯგუფი შეიქმნა.

ქიმიოთერაპიის რამდენიმე კურსის შემდეგ სიმსივნემ უკან არ დაიხია და მდგომარეობა გართულდა, სწორედ ამის გამო ოჯახი თურქეთიდან საქართველოში დაბრუნდა, რის შემდეგაც გერმანიაში აპირებდნენ მკურნალობის გაგრძელებას.

1054

ქაოსი თუ სამოთხე: როგორ შეაფასეს თბილისელებმა განახლებული ჭავჭავაძე - ვიდეო

86
(განახლებულია 18:30 07.08.2020)
გარემონტებული ჭავჭავაძის გამზირი ბოლო კვირაში თითქმის ყველაზე აქტუალურ თემად იქცა თბილისელებისათვის. იხილეთ Sputnik-საქართველოს ვიდეოში, როგორ და რატომ გაიყო ქალაქის მოსახლეობის აზრი ცენტრალური ქუჩის გარემონსტებასთან დაკავშირებით

თბილისის ცენტრში საზოგადოებრივი ტრანსპორტისა და ავტომობილების გადაადგილების ახალ სქემას უფრო უამრავი მოწინააღმდეგე გამოუჩნდა. 

რემონტის დროს საგრძნობლად გაფართოვდა საფეხმავლო ზონა და შემცირდა სავალი ნაწილი. ავტობუსების გაჩერებები გზის ცენტრში განათავსეს.

მოძრაობის ახალი სქემის თანახმად, ავტობუსები მათთვის გამოყოფილ რევერსულ ზოლებში გადაადგილდებიან.

მოძრაობის ახალმა სქემამ მომენტალურად გამოიწვია ავტომობილისტების უკმაყოფილება. გამზირის გახსნის პირველ დღეს თბილისი „გაჩერდა“ - გაჩნდა უზარმაზარი საცობები. თუმცა, უნდა აღინიშნოს, ამ მომენტისათვის ჭავჭავაძეზე სიტუაცია გაუმჯობესდა.

რაც შეეხებათ ქვეითებს - ისინი კმაყოფილები არიან, საკმაოდ გაადვილდა და კომფორტული გახდა გადაადგილება საზოგადოებრივი ტრანსპორტითაც და ფეხითაც, რადგან გამზირზე უამრავი შუიქნიშანი დამონტაჟდა.

ქალაქის ხელისუფლების წარმომადგენლებმა არაერთხელ გაუსვეს ხაზი - მათთვის მთავარი პრიორიტეტი საზოგადოებრივი ტრანსპორტი იყო. კახა კალაძის თქმით, მიზანი იყო ის, რომ საზოგადოებამ არჩევანი გააკეთოს მეტროსა და ავტობუსზე და უარი თქვას კერძო ტრანსპორტზე.

86
ვლადიმირ პუტინი და ალექსანდრე ლუკაშენკო

პუტინმა და ლუკაშენკომ მინსკში რუსეთის მოქალაქეების დაკავების საკითხზე იმსჯელეს

50
(განახლებულია 17:02 07.08.2020)
ორი ქვეყნის პრეზიდენტებმა ასევე განიხილეს რუსეთ–ბელარუსის მეგობრული ურთიერთობების შემდგომი განვითარების საკითხები

თბილისი, 7 აგვისტო — Sputnik.  რუსეთის პრეზიდენტმა ვლადიმირ პუტინმა ბელარუსის პრეზიდენტ ალექსანდრ ლუკაშენკოსთან სატელეფონო საუბრისას ბელარუსის ტერიტორიაზე  33 რუსი მოქალაქის დაკავებასთან დაკავშირებით აზრები გაცვალეს, ნათქვამია ლრემლის ვებგვერდზე გავრცელებულ განცხადებაში.

 „მოხდა აზრთა გაცვლა ბელარუსის ტერიტორიაზე რუსეთის 33 მოქალაქის დაკავებასთან დაკავშირებით. გამოითქვა იმედი, რომ შექმნილი ვითარება ორი ქვეყნისთვის დამახასიათებელი თანამშრომლობის შედეგად დარეგულირდება“, – ნათქვამია განცხადებაში.

საუბრის დროს აღნიშნა, რომ რუსული მხარე დაინტერესებულია ბელარუსში შიდაპოლიტიკური ვითრების სტაბილურობით და დაგეგმილი საპრეზიდენტო არჩევნების მშვიდ ვითარებაში ჩატარებით, აღნიშნულია კრემლის საიტზე. 

ბელარუსის ხელისუფლებამ  29 ივლისს რუსეთის 33 მოქალაქის დაკავების შესახებ  გაავრცელა ინფორმაცია,  რომლის თანახმად, დაკავებულები კერძო სამხედრო კომპანიის „ბოევიკები“ არიან. ბელარუსის საგამოძიებო კომიტეტის მტკიცებით, დაკავებულები ეჭვმიტანილი არიან რესპუბლიკაში მასობრივი არეულობის მომზადებაში. ამასთან, სპეცსამსახურების ცნობით, ადრე მათ ჰქონდათ ინფორმაცია   „საარჩევნო კამპანიის პერიოდში ვითარების დესტაბილიზაციის მიზნით 200–ზე მეტი ბოევიკის“ ქვეყანაში ჩასვლის შესახებ. 

დაკავებულთა წინააღმდეგ სისხლის სამართლის საქმე აღძრულია ტერაქტების მომზადების მუხლით, რაც ოც წლამდე თავისუფლების აღკვეთას ითვალისწინებს.

რუსეთის პრეზიდენტის პრეს–მდივანმა დმიტრი პესკოვმა ადრე განაცხადა, რომ დიდი ალბათობით შეიძლება ითქვას, რომ ბელარუსში დაკავებული პირები კერძო დაცვის ორგანიზაციის წევრები არიან, იმყოფებოდნენ ტრანზიტით და რეისზე დააგვიანდათ. პესკოვის თქმით, დაკავებულებს კანონსაწინააღმდეგო ქმედებები არ ჩუდენიათ, რუსეთი კი არ ჩარეულა და არ ერევა ბელარუსის ქვეყნის შიდა საქმეებში. რუსეთის პრეზიდენტი ვლადიმირ პუტინი და რუსეთის უსაფრთხოების საბჭო, პესკოვის მტკიცებით, იმედს გამოთქვამენ, რომ სიტუაცია დროულად გაირკვევა და დაკავებულებს გაათავისუფლებენ.

50
თემები:
რუსეთი დღეს
სახელმწიფო დეპარტამენტი

მიმოხილვა: რა წერია აშშ-ის გლობალური ურთიერთქმდების ცენტრის მოხსენებაში

0
(განახლებულია 15:55 07.08.2020)
ამერიკელებმა ფარდა ახადეს მსოფლიო სადეზინფორმაციო კამპანიის რუსულ ტაქტიკას. მაგრამ ეს „ფარდის ახდა“ სახელმწიფო დეპარტამენტის მხრიდან ამერიკელების დეზინფორმირებისა და ამასთან, მთავრობისთვის უფრო მეტი ფულის „გამოძალვის“ მცდელობაა.

გევორქ მირზაიანი

ამ დღეებში აშშ–ს სახელმწიფო დეპარტამენტთან არსებულმა გლობალური ურთიერთქმედების ცენტრმა გამოაქვეყნა მოხსენება „რუსული პროპაგანდისა და დეზინფორმაციის ეკოსისტემის საფუძვლები“. ავტორების მიზანი „რუსეთის მოქმედების ტაქტიკის მხილება იყო, რათა ჩვენმა პარტნიორებმა, მოკავშირე მთავრობებმა, სამოქალაქო საზოგადოების ორგანიზაციებმა, მეცნიერებმა, პრესამ და საზოგადოებამ მთელ მსოფლიოში შეძლონ დეზინფორმაციასა და პროპაგანდაზე შემდგომი ანალიზის ჩატარება და კოლექტიური პასუხის გაძლიერება“.

სიურპრიზი სიურპრიზზე 

ერთი შეხედვით ყველაფერი სოლიდურად გამოიყურება — ტექსტის 75 გვერდი, 313 ბმული, გრაფიკები და ცხრილები. მისი მიხედვით, რუსეთის ხელისუფლება ცდილობს გამოიყენოს მედიასაშუალებები თავისი თვალსაზრისით გასატარებლად (!) — და, რა თქმა უნდა, ეს კრემლის გენიალური გამოგონებაა, სხვა ქვეყნებმა უნდა ისწავლონ, როგორ მოიქცნენ. 

კიდევ ერთი „აღმოჩენა“ ისაა, რომ რუსეთის სახელმწიფო მედიის მიერ გამოქვეყნებულ ინფორმაციებს სხვა გამოცემები იტაცებემ და შემდეგ მთელ ინტერნეტში ვრცელდება. ავტორებმა, როგორც ჩანს, მხოლოდ ახლა აღმოაჩინეს ინტერნეტის თავისეურებები და ინფორმაციის გადაცემის ამჟამინდელი გარემო.

მოხსენებაში რუსეთის ძირითადი მედიასაშუალებებისა და მათი მფლობელების აღწერა ასევე წარმოადგენს კოლოსალურ ფასეულობას ნებისმიერი ანალიტიკოსისთვის — რატომღაც ხომ ისე გამოდის, რომ პროსახელმწიფოებრივ არხებს, გამოცემებსა და ინტერნეტსაიტებს ისეთი ადამიანები ხელმძღვანელობენ, რომლებიც პროსახელმწიფოებრივ იდეოლოგიას იზიარებენ?!

გარდა ამისა, მკვლევარებისთვის ასევე დიდი ფასეულობაა მოხსენების ცენტრალური აზრი: მოსკოვის ნებისმიერი თვალსაზრისი მსოფლიო პრობლემებზე, მის შესახებ ნებისმიერი პუბლიკაცია არის არა სიტყვის თავისუფლების გამოვლენა, არამედ რუსული პროპაგანდისა და სიცრუის ბოროტი მაგალითი, რომელიც გონებას უბინდავს დასავლეთის უცოდველ მოსახლეობას.

რა თქმა უნდა, შეიძლება ითქვას, რომ ამ  მოხსენების მეცნიერულ ღირებულებას მარტო ეს აზრიც კი აუფასურებს, მაგრამ მას ღირებულება უბრალოდ არ გააჩნია. არსებითად ეს 75 გვერდი არის ბანალური აზრების ჩამონათვალი, რომლის მიზანიც არა საფარველის ჩამოგლეჯაა, არამედ სახელმწიფო მდივან მაიკ პომპეოს თხოვნის მატერიალური გამყარებაა გლობალური ურთიერთქმედების ცენტრის დაფინანსების ორჯერ გაზრდის თაობაზე. სწორედ რუსეთისა და სხვა ქვეყნების დეზინფორმაციასთან ბრძოლის სახელით.

ბედნიერება ფულშია  

გასაკვირი არ არის, რომ რუსი პოლიტიკოსებისა და ექსპერტების რეაქცია ამ მოხსენებაზე იყო რაღაც საშუალო დაცინვასა და ზიზღს შორის. მასში მოყვანილი არგუმენტები მათ სერიოზულად არ აღიქვეს და მორიგ რუსოფობიულ თითხვნად შეაფასეს. თუმცა იმავდროულად არიარეს, რომ მოხსენების ავტორებს მის გამოსაქვეყნებლად სრულიად მართებული საფუძველი ჰქონდათ.

„სახელმწიფო დეპარტამენტის რუსოფობების ანტირუსული ბოდვის მორიგი ულუფა მოხსენების ფორმით, ხილულად წარმოაჩენს ამერიკელი პოლიტიკოსების პანიკურ შიშს ქვეყნის შიგნით და მსოფლიოში მიმდინარე მოვლენებზე ალტერნატიული თვალსაზრისის წინაშე“, — ამბობს რუსი დეპუტატი სერგეი ჟელეზნიაკი.

RT–სა და Spputnik–ს იმაზე ნაკლები ფული აქვთ, ვიდრე მსხვილ დასავლურ მედიას, მაგრამ მათ სწორედ ის ალტერნატიული თვალსაზრისი გააჩნიათ.

ვირაცას შესაძლოა აქამდე ეჩვენებოდეს, რომ დასავლეთში სიტყვის თავისუფლებაა, მაგრამ ეს ასე არაა. მთელ რიგ საკითხებზე ამერიკული მედია საბჭოთა გაზეთებს ჩამოჰგავს — ისინი ერთიან, პოლიტიკურად კორექტულ თვალსაზრისს ტრანსლირებენ.

და ეს თვალსაზრისი — შავკანიანებისა და მემარცხენეების მიერ ამერიკაში მოწყობილი არეულობა, ამერიკული ისტორიული მემკვიდრეობის რღვევის სისწორე, უდანაშაულობის პრეზუმფციის მიმართ ზიზღი და ასევე რუსეთის დემონიზაცია — დასავლელ მკითხველს ბეზრდება და ალტერნა ტიულ თვალსაზრისს ისინი რუსეთის ინგლისურენოვან მედიაში ნახულობენ.

ეს კი უკვე სერიოზული პრობლემაა აშშ–სთვის, ვინაიდან მსოფლიო საინფორმაციო სფეროზე კონტროლი არის კიდევ ამერიკული დომინირების საფუძველი. სწორედ ამიტომაც, როგორც რუსეთის საგარეო საქმეთა სამინისტროში აღნიშნავენ, „ვაშინგტონი აკრიტიკებს ნებისმიერ საინფორმაციო წყაროს, რომლებიც ალტერნატიულ თვალსაზრისს ავრცელებენ, და ცდილობს ჩაახშოს ნებისმიერი ხმა, რომელიც ეწინააღმდეგება ამერიკულ მიდგომებს“. ხოლო როცა კრიტიკა არ შველის, სანქციებს აწესებენ.

ამგვარი დევნა რეალურად ასუსტებს აშშ–ის გეოპოლიტიკურ შესაძლებლობებს. მაგალითად, რუსეთის გამოყენების მხრივ ჩინეთის შესაკავებლად, და ასევე სხვა გლობალური საკითხების გადასაჭრელად. სულ უფრო მეტი ამერიკელი ექსპერტი მოუწოდებს ვაშინგტონს, უფრო პრაგმატულად მიუდგეს მოსკოვთან დიალოგს. ამის მაგალითია 103 გამოჩენილი ამერიკელი ექსპერტის ღია წერილი Politiko–ში, რომელთა შორის არიან ყოფილი დიპლომატები და პოლიტიკოსები.

„მაგრამ ოკეანისგაღმელი ოპონენტების ისეთი დოკუმენტებს, როგორიცაა გლობალური ურთიერთქმედების ცენტრის მოხსენება, შეუძლია მხოლოს ერთ მიზანს მიაღწიოს — ბოლო მახვილი ჩასცეს რუსულ–ამერიკულ დიალოგს გლობალურ საკითხებზე და წლების განმავლობაში გამორიცხოს უნდობლობის კრიზისის გადალახვა ჩვენს ქვეყნებს შორის“, — აღნიშნავს ჟელეზნიაკი.

რედაქცია შესაძლოა არ ეთანხმებოდეს ავტორის მოსაზრებებს!

0