ამირან გამყრელიძე

საქართველოში ვირუსის გავრცელების ძირითადი წყარო ცნობილია: გამყრელიძე კომენტარს აკეთებს

112
(განახლებულია 19:01 30.06.2020)
ამ დროისათვის საქართველოში ახალი კორონავირუსით ინფიცირებულთა რაოდენობამ 928-ს მიაღწია, აქედან 794 გამოჯანმრთელდა. ეპიდემიის დაწყებიდან დღემდე გარდაიცვალა 15 ადამიანი.

თბილისი, 30 ივნისი — Sputnik. ბოლო სამი კვირის განმავლობაში საქართველოში კორონავირუსი 30-მდე სატვირთო ავტომობილის მძღოლს დაუდასტურდა, დღეს გამოვლენილი ინფიცირების ორი ახალი შემთხვევიდანაც ერთი ტრაილერის მძღოლია. 

როგორც ბრიფინგზე საქართველოს დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ განაცხადა, ბოლო 2–3 კვირის განმავლობაში ინფექციის ერთ-ერთი ძირითადი წყარო სწორედ ტრაილერების მძღოლები გახდნენ. საქართველოში ყოველდღიურად კორონავირუსზე დახლოებით 400-მდე სატვირთო ავტომობილის მძღოლს იკვლევენ, აღნიშნულ პერიოდში PCR–ტესტმა ვირუსის არსებობა 30-ზე მეტი მძღოლის შემთხვევაში დაადასტურა. ყველა მათგანი საქართველოში მკურნალობს.

გამყრელიძის თქმით, საქართველოში სულ 111 ათასი PCR–ტესტი და დაახლოებით 50 ათასამდე ექსპრეს–ტესტი ჩატარდა.

„ჩვენ ერთ მილიონ მოსახლეზე თითქმის 30 ათას ტესტზე ვართ ასული, რაც არ არის ცუდი მაჩვენებელი“, – განაცხადა გამყრელიძემ და აღნიშნა, რომ დღეისთვის საქართველოში ტესტირება 19 ლაბორატორიაში ტარდება. 

გამყრელიძის განცხადებით, ქვეყანაში ეპიდემიოლოგიური სიტუაცია კონტროლს ექვემდებარება, ინფიცირებულთა 86%  გამოჯანმრთელებულია, კლინიკებში 119 პაციენტია მოთავსებული. ამასთან, ქვეყანაში შემოსული ყველა პირისთვის მოქმედებს ორკვირიანი კარანტინი.

ამ დროისათვის საქართველოში ახალი კორონავირუსით ინფიცირებულთა რაოდენობამ 928-ს მიაღწია, აქედან 794 გამოჯანმრთელდა. ეპიდემიის დაწყებიდან დღემდე გარდაიცვალა 15 ადამიანი.

კარანტინის რეჟიმში იმყოფება 2809, ხოლო სტაციონარებში დაკვირვების ქვეშ 229 პაციენტია. ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს სამი მოქალაქე.

საქართველოში კორონავირუსის პირველი შემთხვევა 26 თებერვალს დაფიქსირდა.

112
თემები:
COVID-19 საქართველოში (1845)
ევა ბარბაქაძე

ევა ბარბაქაძე ყაზბეგის მთებში საცურაო კოსტიუმში პოზირებს - პიკანტური ფოტო

7
(განახლებულია 15:26 29.09.2020)
მსახიობის ერთადერთმა ქალიშვილმა უნივერსიტეტის დაწყებამდე მდიდრული დასვენება მოიწყო. ევა ყაზბეგში ცეცხლოვანი საცურაო კოსტიუმით გამოჩნდა. როგორ გამოიყურება წონაში მომატებული გოგონა?

მსახიობის ქალიშვილმა დასვენება მთებში გადაწყვიტა. მანამდე კი, ზღვისპირა ქალაქში შეყვარებულთან ერთად ეწვია. ულამაზესმა გოგონამ მთიდან გადაღებული რამდენიმე ფოტოკადრი გამოაქვეყნა. ევა ერთ-ერთ ლამაზ სასტუმროში საურაო კოსტიუმში პოზირებს. აღსანიშნავია, რომ გოგონამ წონაში საგრძნობლად მოიმატა, თუმცა კილოგრამები მისთვის არაფერს აღნიშნავს. ევა კვლავ შეუდარებლად და უფრო მომხიბლავად გამოიყურება. უახლესი ფოტოები გოგონას ოფიციალური გვერდიდანაა. 

View this post on Instagram

A post shared by ევა🧚🏽‍♀️ (@_evvabarbaqadze_) on

პოპულარული დედა-შვილის გარშემო სკანდალური ჭორები არ წყდება. შორენა ბეგაშვილს ერთი ქალიშვილი ჰყავს. ევა ბარბაქაძე მსახიობს პატარა ასაკში შეეძინა, ჯერ კიდევ მაშინ, როდესაც შორენა ეკრანზე არ ჩანდა. პოპულარობა დედა-შვილის ცხოვრებაში დიდი მუშაობისა და ძალისხმევის შედეგად მოვიდა. ყველამ იცის, რომ შორენა რუსთავში გაჭირვებულად ცხოვრობდა.

View this post on Instagram

😜

A post shared by ევა🧚🏽‍♀️ (@_evvabarbaqadze_) on

ახლა მთელი ქვეყანა ევას და შორენას სილამაზეზე საუბრობს. მტკივნეული ცხოვრებისეული გამოცდილების გამო, შორენამ ახალი გადაცემა წამოიწყო. „შორენას ეფექტი“- ასე ჰქვია მის თოქ-შოუს, რომელიც ამ კვირაში გავა ეთერში. მსახიობი და ტელეწამყვანი სხვადასხვა პრობლემის მქონე გოგონებს საკუთარი თავის ახლბურად აღმოჩენაში დაეხმარება.

View this post on Instagram

💙

A post shared by ევა🧚🏽‍♀️ (@_evvabarbaqadze_) on

ბოლო პერიოდის მანძილზე დედა-შვილს  სულ უფრო და უფრო ხშირად ადარებენ. ფაქტი სახეზეა – სილამაზით ევა დედას არ ჩამოუვარდება. მიუხედავად იმისა, რომ ევა ბარბაქაძე ფოტოსესიებში მონაწილეობს და ხშირად მაკიაჟით ჩანს, მისი ბუნებრივი სილამაზის ნახვა ევას ოფიციალურ გვერდზეა შესაძლებელი. მსახიობის ქალიშვილმა Instagram-ის გვერდი სულ ახლახან შექმნა. მას უკვე 82 ათასზე მეტი „ფოლოვერი“ ჰყავს.

View this post on Instagram

A post shared by ევა🧚🏽‍♀️ (@_evvabarbaqadze_) on

დედასთან შედარებით თამამი ფოტოებით არ გამოირჩევა. ფაქტია, ევა დღითი დღე მეტად მშვენიერი ხდება. თაყვანისმცემლები ამბობენ, რომ ეშხითა და მომხიბლავი გარეგნობით სექსუალური დედაც კი დაჩრდილა.

7
თემები:
სელებრითების ცხოვრება
რთველი

რთველი 2020: მევენახეებმა 207 ათასი ტონა ყურძენი ჩააბარეს

25
(განახლებულია 14:31 29.09.2020)
საქართველოს მთავრობამ წელს COVID-19-ის პანდემიის შედეგად დაზარალებული მევენახეობა-მეღვინეობის დარგის მხარდასაჭერად „რქაწითელისა“ და „კახური მწვანეს“ ჯიშის ყურძნის სუბსიდირება გადაწყვიტა

 

თბილისი, 29 სექტემბერი — Sputnik. საქართველოში „რთველი 2020“-ის ფარგლებში ამ დროისათვის დაახლოებით 207 ათასი ტონა ყურძენია გადამუშავებული, იუწყება ღვინის ეროვნული სააგენტო. 

კახეთში ყურძნის მოსავლის აღების სეზონი 22 აგვისტოს დაიწყო. გადამუშავების პროცესში 60-ზე მეტი ღვინის საწარმოა ჩართული.

29 სექტემბრის მონაცემებით, კახეთის რეგიონში გადამუშავებულია 146 ათასი ტონა „რქაწითელი“, 52 ათასი ტონა „საფერავი“, 3,6 ათასი ტონა „კახური მწვანე“ და სხვადასხვა ჯიშის ყურძენია.

მოსავლის დაბინავება კახეთის ყველა მუნიციპალიტეტში მიმდინარეობს.

საქართველოს მთავრობამ წელს COVID-19-ის პანდემიის შედეგად დაზარალებული მევენახეობა-მეღვინეობის დარგის მხარდასაჭერად „რქაწითელისა“ და „კახური მწვანეს“ ჯიშის ყურძნის სუბსიდირება გადაწყვიტა.

სუბსიდიას მიიღებენ ის კომპანიები, რომლებიც შეისყიდიან და გადაამუშავებენ ამ ჯიშების სულ ცოტა 1 ათას ტონა ყურძენს. ამასთან, ღვინის ქარხნებს დადგენილი აქვთ ერთი კილოგრამი ყურძნის ფასი – არანაკლებ 80 თეთრისა. სახელმწიფოს სუბსიდია ერთ კილოგრამზე 30 თეთრს შეადგენს.



25
თემები:
საქართველოს სოფლის მეურნეობა