ნოდიკო ტატიშვილი

ნოდიკო ტატიშვილი ულამაზეს დედასთან ერთად მხიარულ დროს ატარებს სახალისო ვიდეო

2402
(განახლებულია 20:25 30.06.2020)
ახლა ის დროა, რომ მშობლებს მეტი დრო დავუთმოთ. ნოდიკო ტატიშვილი ვარსკვლავებს შორის ერთ-ერთი გამორჩეულია, რომელიც მშობლებს განსაკუთრებულად ანებივრებს. ნახეთ უსაყვარლესი ვიდეო, რომელიც ამაღლებულ განწყობას შეგიქმნით.

ივნისის ცხელ დღეებს ნოდიკო უსაყვარლეს დედასთან ერთად ატარებს. აგარაკზე დასასვენებლად წასულებმა სასაცილო ვიდეოს გადაღება გადაწყვიტეს. ნოდიკომ ვიდეო „ფეისბუქის“ საკუთარ გვერდზე გამოაქვეყნა. ნოდიკოს პოზიტიური დედა მაია ურიგაშვილია, რომელსაც შვილის წარმატებაში დიდი წვლილი მიუძღვის. ერთ-ერთ ინტერვიუში ის აღნიშნავს, რომ ნოდიკოს ჯერ აკრიტიკებს და მხოლოდ შემდეგ – აქებს.

პოზიტიური და ქართველი მსმენელის ერთ-ერთი საყვარელი მომღერალი მშობლებთან ერთად ეკრანებზე არაერთხელ გამოჩენილა. მისი ჰიტები ყოველთვის აქტუალურია. ნოდიკოს და მისი მშობლების თბილი ურთიერთობა ფოტოებითა და ერთობლივი ინტერვიუებით იგრძნობა. არტისტს დედასთან განსაკუთრებული ემოციური კავშირი აქვს. დედა-შვილი საჯარო სივრცეებში ერთად ხშირად ჩნდება. გარდა ამისა, ნოდიკოს დიდი სურვილით ისინი საზღვარგარეთ მოგზაურობენ, სადაც ოჯახი უფრო მეტად ერთიანდება. ნოდიკო გადატვირთული გრაფიკისა და გადაღებების გამო მშობლებს არც ისე ხშირად ნახულობს, თუმცა კორონავირუსმა ყველაფერი შეცვალა. უსაყვარლესი ვიდეო პოზიტიურ განწყობას შეგიქმნით. ნახეთ, როგორ გამოიყურება მხიარული დედა-შვილი ერთად.

ნოდიკო ხშირად მოგზაურობს. მის სიმღერებში ევროპული ჟღერადობა იგრძნობა, ხოლო დუეტში ჩაწერილი სიმღერები დიდ გამოხმაურებას იმსახურებენ. მისი და სალომე ბაკურაძის მიერ შესრულებულმა სიმღერამ „ერთხელ წვიმიან ქალაქში“ ერთი წლის მანძილზე 12 მილიონი ნახვა დააგროვა. მომღერლის უშუალო, პოზიტიური და ხშირად გულწრფელი ემოციები მაყურებელში დიდ სითბოს იწვევს. მშობლებთან ერთად მოგზაურობის პერიოდში სოციალურ ქსელში არტისტმა უამრავი თბილი ფოტო გამოაქვეყნა. ნოდიკო ტატიშვილი ქართულ შოუბიზნესში იმითაცაა გამორჩეული, რომ სკანდალებში არ ეხვევა.

33 წლის შემსრულებელი მრავალი საერთაშორისო კონკურსის მონაწილეა. მათ შორის არის ერთ-ერთი ყველაზე მასშტაბური მუსიკალური კონკურსი „ევროვიზია“. 2013 წელს ნოდიკო ტატიშვილი სოფო გელოვანთან ერთად, თბილისში ჩატარებულ შესარჩევ კონკურსში გამარჯვების შემდეგ, „ევროვიზიაზე“ გაემგზავრა. კონკურსი შვედეთის ქალაქ მალმიოში ჩატარდა. აქ ნოდიკომ და სოფომ საკუთარი თავი ღირსეულად წარადგინეს, თუმცა სიმღერამ Waterfall მათ მე-15 ადგილი არგუნა.

2402
თემები:
სელებრითების ცხოვრება (1902)
პროკურატურის შენობა

მოკლული ფეხბურთელის ოჯახი ყველა დამნაშავის დასჯას ითხოვს

62
(განახლებულია 22:53 10.07.2020)
პროკურატურის ცნობით, 19 წლის ფეხბურთელის გარდაცვალების მიზეზი ასფიქსია გახდა - ახალგაზრდა წყალში დაიხრჩო

თბილისი, 10 ივლისი - Sputnik. გიორგი შაქარაშვილი მოკლეს, შემდეგ კი მდინარე არაგვში გადააგდეს - ეს ცალსახად დადასტურებულია ექსპერტიზის დასკვნით, განაცხადა დაღუპული ფეხბურთელის ბიძამ, მირიან ნიკოლაძემ პარასკევს გამართულ სპეციალურ ბრიფინგზე. 

19 წლის ფეხბურთელი გიორგი შაქარაშვილი 22 ივნისს, ოთხდღიანი ძებნის შემდეგ  მდინარე არაგვში გარდაცვლილი იპოვეს. იგი  მეგობრის წვეულების შემდეგ დაიკარგა, სადაც სტუმრებს შორის მასობრივი კონფლიქტი მოხდა. საქმემ   საზოგადოებაში თავიდანვე რეზონანსი გამოიწვია – მომხდარ ფაქტთან მაღალჩინოსნების მეგობრების შესაძლო კავშირის შესახებ გავრცელებული ხმების გამო.

 „საქართველოსპროკურატურამ უკვე გამოაქვეყნა ექსპერტიზის დასკვნა, ამ დასკვნას ოჯახი დიდიხანია ველოდით,  ეს იყო ერთ-ერთი გარდამტეხი ეტაპი გამოძიებაში. სწორედ ამ ექსპერტიზის დასკვნის საფუძველზე უნდა დაგვედასტურებინა ჩვენი პოზიცია, რამდენად რეალური იყო ოჯახის ვერსია გიორგის განზრახ მკვლელობასთან დაკავშირებით“, – განაცხადა მირიან ნიკოლაძემ.

მისი თქმით, გიორგის სიცოცხლეშივე მიაყენეს დაახლოებით 12 ფიზიკური დაზიანება, რაც ადასტურებს იმას, რომ მის მიმართ გამოიყენეს ფიზიკური ძალადობა, შემდეგ კი მდინარეში გადააგდეს. 

 „გამორიცხულია, რომ ეს დაზიანებები, რომელიც ექსპერტიზის დასკვნაშია აღნიშნული, მიადგეს ადამიანს თუნდაც იმ ფერდობზე დაგორებით, თუნდაც სირბილის, წაქცევის დროს, ეს არის წარმოუდგენელი. დაზიანებები მიყენებულია სახის არეში, ტანზე, ხელების მიდამოებში და ყველგან“, – განაცხადა მირიან ნიკოლაძემ. 

მისი თქმით, დღეიდან ოჯახს კატეგორიული პოზიცია ექნება - ყველა დამნაშავე უნდა მიეცეს სისხლის სამართლის პასუხისგებაში დამამძიმებელ გარემოებაში განზრახ მკვლელობისთვის.

 „პროკურატურის მიერ შემოთავაზებული კვალიფიკაცია, სისხლის სამართლის საქმის სწორი კვალიფიკაციაა.  თუმცა, ჩვენ ვითხოვთ კონკრეტული დამნაშავეების დასჯას  სისხლის სამართლის კოდექსის 109-ე მუხლით. შესაბამისად ველოდებით, როდის იქნება კონკრეტული ბრალდებები წარდგენილი გამოძიების ფარგლებში და როდის დაისჯებიან დამნაშავეები გიორგის განზრახ მკვლელობის გამო“, – განაცხადა ნიკოლაძემ.

საქართველოს პროკურატურამ 19 წლის ფეხბურთელის, გიორგი შაქარაშვილის გარდაცვალების საქმე გადააკვალიფიცირა – „დამამძიმებელ გარემოებებში ჯგუფურად განხორციელებული განზრახ მკვლელობა“.

საქმის დეტალები

პროკურატურის განცხადებით, 19 წლის ახალგაზრდის გარდაცვალების უშუალო მიზეზი გახდა ასფიქსია წყალში დახრჩობის შედეგად.

ამასთან, შაქარაშვილის სხეულზე ექსპერტიზის დროს აღმოჩნდა მრავლობითი ტრავმები, მიყენებული მკვრივი-ბლაგვი საგნის მოქმედებით, სიცოცხლისდროინდელი  დაზიანებები თავის არესა და სხეულზე. 

პროკურატურის განცხადებით, საქმეზე შინაგან საქმეთა სამინისტროში ინტენსიური გამოძიება გრძელდება. მიღებული ექსპერტიზის დასკვნიდან გამომდინარე, მაქსიმალურად სწრაფად და ეფექტიანად ჩასატარებელია მთელი რიგი საგამოძიებო და საპროცესო მოქმედებები, მათ შორის, შესაბამისი საექსპერტო კვლევით დასადგენია დასკვნაში აღნიშნულ დაზიანებათა წარმოშობის მექანიზმები და სხვა მნიშვნელოვანი გარემოებები. ამავდროულად, მისაღებია ბიოლოგიური, ქიმიური, ტრასოლოგიური, საინფორმაციო-ტექნოლოგიური და სხვა პირთა სასამართლო-სამედიცინო ექსპერტიზის დასკვნები.

უწყვეტ რეჟიმში მიმდინარეობს მოწმეთა გამოკითხვები და უკვე მოპოვებული ინფორმაციის ანალიზი.

საქმის სირთულიდან გამომდინარე, საქართველოს პროკურატურა კიდევ ერთხელ მოუწოდებს ყველას, თავი შეიკავონ გადაუმოწმებელი ინფორმაციის გავრცელებისგან.

გამოძიების ვერსიით, 18 ივნისს თბილისის ფეხბურთის კლუბ „საბურთალოს“ აკადემიის აღსაზრდელი 19 წლის გიორგი შაქარაშვილი მეგობართან ერთად იმყოფებოდა მცხეთაში, მეგობრის დაბადების დღის წვეულებაზე, სადაც მოხდა ჩხუბი. მოგვიანებით საქმის გარჩევა გაგრძელდა თბილისისკენ მომავალ ავტომაგისტრალზე, სადაც კონფლიქტის მონაწილეთა ერთმა ნაწილმა თბილისიდან „დამხმარე ძალა“ გამოიძახა. 

მოწმეთა მტკიცებით, გიორგიმ ჩხუბის ადგილი დატოვა და მდინარისკენ გაიქცა, რის შემდეგაც მისი კვალი იკარგება. რამდენიმე დღეში იგი გარდაცვლილი იპოვეს.

საქმეზე 17 პირი ძალადობისა და თავისუფლების მართლსაწინააღმდეგო აღკვეთის ბრალდებითაა დაკავებული. წინასასამართლო მოსმენა  31 ივლისს გაიმართება.

გამოძიება ფეხბურთელის გარდაცვალების საქმეზე მიმდინარეობდა სისხლის სამართლის კოდექსის სამი მუხლით: ჯგუფური ძალადობის ორგანიზება, ჯგუფურ ძალადობაში მონაწილეობა, თავისუფლების უკანონო აღკვეთა, ორი ან მეტი პირის მიმართ ჯგუფური ძალადობა. აღნიშნულ მუხლებს უკვე დაემატა 109-ე მუხლი - განზრახ ჯგუფური მკვლელობა დამამძიმებელ გარემოებაში.

62
აია–სოფია

აია-სოფიას ტაძარი მეჩეთად გადაკეთდა: პრეზიდენტმა ერდოღანმა ბრძანებულებას ხელი მოაწერა

113
(განახლებულია 21:35 10.07.2020)
მანამდე თურქეთის საგარეო საქმეთა მინისტრმა მევლუთ ჩავუშოღლუმ განაცხადა, რომ მისი ქვეყანა უფლებამოსილია შეცვალოს ტაძრის სტატუსი და ის მეჩეთად აქციოს სხვა სახელმწიფოების დაუკითხავად.

თბილისი, 10 ივლისი – Sputnik. თურქეთის პრეზიდენტმა რეჯეფ თაიიფ ერდოღანმა განაცხადა, რომ ხელი მოაწერა ბრძანებულებას სტამბულში მდებარე წმინდა სოფიას ტაძრის (აია-სოფია) მეჩეთად გადაკეთების შესახებ. 

პარასკევს თურქეთის სახელმწიფო საბჭომ წმინდა სოფიას ტაძრის მუზეუმად გამოცხადების შესახებ 1934 წლის გადაწყვეტილება გააუქმა.

პარასკევს, დღისით თურქეთის პრეზიდენტმა ერდოღანმა Twitter-ის გვერდზე ბრძანებულების ფოტო გამოაქვეყნა.

„გადაწყვეტილია: აია-სოფია თურქეთის რელიგიის საკითხთა მმართველობაში გადავიდეს და ღვთისმსახურებისთვის გაიხსნას“, – ნათქვამია ბრძანებულებაში.

მანამდე თურქეთის საგარეო საქმეთა მინისტრმა მევლუთ ჩავუშოღლუმ განაცხადა, რომ მისი ქვეყანა უფლებამოსილია შეცვალოს ტაძრის სტატუსი და ის მეჩეთად აქციოს სხვა სახელმწიფოების დაუკითხავად. 

© video: Ruptly .
Прямая трансляция - собор Святой Софии в Стамбуле

მომხდარმა ფაქტმა დიდი რეზონანსი გამოიწვია. უკმაყოფილება გამოთქვეს იუნესკოში, საბერძნეთში, რუსეთში, სხვადასხვა ორგანიზაციებსა და სახელმწიფოებში. 

ადრე კონსტანტინოპოლის პატრიარქმა ბართლომემ, რომლის რეზიდენციაც სტამბულში მდებარეობს, წუხილი გამოთქვა თურქეთის სახელმწიფო საბჭოს მიერ მიღებულ გადაწყვეტილებასთან დაკავშირებით და მოუწოდა „მთელი კაცობრიობისთვის“ კუთვნილი ტაძრის შენარჩუნებისკენ.

აია-სოფიას ტაძარი 537 წლის 27 დეკემბერს აკურთხეს. დაახლოებით ათასი წლის განმავლობაში ის იყო მსოფლიოში ყველაზე დიდი ტაძარი, მაგრამ შემდეგ ოსმალეთის იმპერიის მთავარ მეჩეთად იქცა. 1935 წლიდან მას მუზეუმის სტატუსი მიენიჭა, ხოლო 1985 წელს იგი იუნესკოს მსოფლიო მემკვიდრეობის ძეგლად აღიარეს.

113