ლაბორატორიის თანამშრომელი

თბილისელები ანტისხეულებზე გამოიკვლიეს ცნობილია შედეგები

125
(განახლებულია 16:49 30.06.2020)
ცხრა თბილისელის ტესტების ანალიზმა აჩვენა, რომ ისინი წარსულში შეეჯახნენ ვირუსს და, შესაძლოა, უსიმპტომოდ გადაიტანეს.

თბილისი, 30 ივნისი — Sputnik. თბილისში კორონავირუსის ანტისხეულებზე 1 068 ადამიანი გამოიკვლიეს, აქედან ანტისხეულები 10-ს აღმოაჩნდა, განაცხადა თბილისის ინფექციური საავადმყოფოს ხელმძღვანელმა თენგიზ ცერცვაძემ.

საქართველოში ჯანმრთელ ადამიანებს კორონავირუსის ანტისხეულები აღმოუჩინეს>>

სპეციალისტმა დააზუსტა, რომ გამოკვლეულთაგან ცხრას აღმოაჩნდა ანტისხეულები – იმუნოგლობულინი G, ხოლო ერთს – იმუნოგლობულინი М. იმუნოგლობულინი М ნიშნავს, რომ პაციენტს ინფექცია აქტიურ ფაზაში აქვს ან ცოტა ხნის წინ გადაიტანა, ხოლო იმუნოგლობულინი G მიუთითებს, რომ ადამიანმა ინფექცია წარსულში გადაიტანა და ვირუსის გავრცელების თვალსაზრისით საშიში არ არის.

„G ანტისხეულები დამცავი ანტისხეულებია... სანამ მას აქვს ეს G ანტისხეულები, დიდი ალბათობით, არ დაემართება მეორედ კოვიდი, მაგრამ შეიძლება რამდენიმე თვეში მათ ეს გაუქრეთ. ანუ, ჩვენ არ ვიცით, ეს იმუნიტეტი რამდენი ხნით რჩება. ეს ჯერ მსოფლიოში არავინ იცის", – განაცხადა ცერცვაძემ ჟურნალისტებთან.

როგორც ინფექციონისტმა განმარტა, ცხრა თბილისელის ტესტების შედეგები აჩვენებს, რომ მათ ჰქონდათ ვირუსთან შეხება და, შესაძლოა, ის გადაიტანეს კიდეც უსიმპტომოდ. ცერცვაძე ასევე არ გამორიცხავს ტესტ-სისტემის შეცდომას, რომ მათ ჰქონდათ სხვა კორონავირუსი და არა უშუალოდ COVID-19. როგორც ცნობილია, კორონავირუსი – 30-ზე მეტი ვირუსის ოჯახია.

„ამის დადგენა ამ ეტაპზე შეუძლებელია", – განაცხადა ცერცვაძემ.

პაციენტს, რომელსაც სისხლში М ანტისხეულები ჰქონდა, ჩაუტარეს PCR–ტესტი, თუმცა მას კორონავირუსი არ დაუდგინდა.

„თბილისში ყოველ მეასე მოზრდილ მოქალაქეს ჰქონდა ეს ანტისხეული. თანაც, ჩვენ არ ვიცით, ამ ყოველი მეასედან ყველას ნამდვილად „კოვიდი" ჰქონდა გადატანილი, თუ სხვა კორონავირუსული ინფექცია, რომელიც იწვევს მხოლოდ მსუბუქი გაციებით დაავადებას", – აღნიშნა ცერცვაძემ.

კვლევა თბილისში 18-27 მაისს ე.წ. თოვლის გუნდის პრინციპით ჩატარდა. შეარჩიეს პირები თბილისის ყველა რაიონიდან. სპეციალისტებმა მიმართეს ერთ მოქალაქეს, შემდეგ მას უნდა მიეყვანა თავისი სამი ნაცნობი, იმ სამს კიდევ თავიანთი სამ-სამი ნაცნობი და ა.შ.

ბოლო ინფორმაციით, საქართველოში ინფიცირებულთა საერთო რაოდენობაა 928, აქედან 85%-ზე მეტი გამოჯანმრთელდა, გარდაიცვალა 15 ადამიანი (1,6%).

125
თემები:
COVID-19 საქართველოში (1204)
კოღო

შეიძლება თუ არა კოღო კორონავირუსის გადამტანი გახდეს? - იმნაძის პასუხი

73
სულ უფრო მეტი ადამიანი წუხს იმის გამო, რომ კოღო, რომელიც ინფიცირებულს უკბენს, შეიძლება ინფექციის გადამტანი გახდეს

თბილისი, 13 ივლისი - Sputnik. კოღო კორონავირუსული ინფექციის გადამტანი არ არის, ასე უპასუხა Sputnik-საქართველოს კითხვას დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის მოადგილემ, პაატა იმნაძემ Facebook-ზე პირდაპირი ჩართვის დროს.

ზაფხულის დადგომასთან ერთად სულ უფრო მეტი ადამიანი წუხს იმის გამო, რომ კოღოები, რომლებიც ინფიცირებულს უკბენენ, შეიძლება კორონავირუსული ინფექციის გადამტანები გახდნენ. ეს ვარაუდი იმნაძემ უარყო.

„არა, დამშვიდდით, რადგან ეს წვეთოვანი ინფექციაა. გაჩნდა მოსაზრება იმის თაობაზე, რომ ინფექცია ჰაერითაც გადადის, ყოველ შემთხვევაში, კოღოები ნამდვილად არ არიან კორონავირუსის გამავრცელებლები“, - განაცხადა იმნაძემ.

მან ასევე უპასუხა Sputnik-საქართველოს კითხვას ვაქცინის ეფექტურობაზე, თუ გავითვალისწინებთ, რომ გავრცელებული ინფორმაციის თანახმად, COVID-19-ისგან იმუნიტეტი არ გამომუშავდება.

„აქ საუბარია ანტისხეულების ტიტრზე, არსებობს მონაცემები, რომ ეს ანტისხეულები შეიძლება გაქრეს ორ-სამ თვეში, მაგრამ ესაა იმუნიტეტი არა მხოლოდ ანტისხეულებზე, ესაა იმუნიტეტი ე.წ. Т-ლიმფოციტების მეხსიერებაზე, როდესაც ორგანიზმი კვლავ ხვდება იმავე ანტიგენს და Т-ლიმფოციტები გამოიმუშავებენ ამ შემთხვევაში ანტისხეულებს. ამ საკითხზე ახლა დიდი კვლევა ტარდება, რამდენად არის ეს Т-ლიმფოციტების მეხსიერებაში. ასე რომ, ეს საკითხები არ არის უიმედო და ვაქცინამ შეიძლება კარგად იმოქმედოს“, - აღნიშნა იმნაძემ.

საქართველოში ინფიცირებულთა საერთო რაოდენობამ 995 შეადგინა. გამოჯანმრთელებული კვლავ 857 ადამიანია. პანდემიის დასაწყისიდან ქვეყანაში 15 ადამიანი გარდაიცვალა. ამასთან, 31 საქართველოს მოქალაქე, მათ შორის, 28 სამხედრო მოსამსახურე, სამკურნალოდ სხვა ქვეყნებიდანაა ჩამოყვანილი. კარანტინში იმყოფება 5001 ადამიანი, სტაციონარებში - 219.

73
თემები:
COVID-19 საქართველოში (1204)
კალიასთან ბრძოლა

საქართველოს რეგიონებში კალიასთან ბრძოლა გრძელდება

46
სურსათის ეროვნულმა სააგენტომ უკვე დაამუშავა აღმოსავლეთ საქართველოს რეგიონებში 38 ათასი ჰექტარი ფართობი

თბილისი, 13 ივლისი - Sputnik. საქართველოში კალიების გავრცელების არეალი წელს ბევრად ფართოა, ვიდრე შარშან. ამის შესახებ სურსათის ეროვნული სააგენტოს წარმომადგენელმა ნიკა მესხმა განაცხადა.

მესხის სიტყვებით, კალიების გავრცელებას ხელი შეუწყო გლობალურმა დათბობამ. ახლა მავნებელთან ბრძოლაში სპეცტექნიკა მონაწილეობს.

ბოლო მონაცემებით, კახეთის, შიდა ქართლის, ქვემო ქართლისა და მცხეთა-მთიანეთის რეგიონებში დამუშავებულია 38 ათასი ჰექტარი ფართობი.

„სურსათის ეროვნული სააგენტოს მიერ განხორციელებული ღონისძიებები ხელს უწყობს მწვანე საფარის შენარჩუნებას, სასოფლო-სამურნეო კულტურების დაცვას და ეკონომიკური ზარალის თავიდან აცილებას“, - აღნიშნავენ სააგენტოში.

უწყებაში ხაზს უსვამენ, რომ საშიში მავნებლის საწინააღმდეგო შეწამვლა აღმოსავლეთ საქართველოს რეგიონებში ყოველწლიურად ტარდება.

იტალიური კალია Acrididae-ს ოჯახს ეკუთვნის. მწერის გავრცელების დიაპაზონი ვრცელდება ჩრდილოეთ აფრიკიდან და ხმელთაშუა ზღვის ქვეყნებიდან ცენტრალური ევროპის, ცენტრალური აზიის, მონღოლეთისა და დასავლეთ ციმბირის ტერიტორიებამდე. კალია ივლისიდან ოქტომბრამდე მშრალ, თბილ ადგილებში ბინადრობს, ირჩევს მინდვრებსა და ქვიან სტეპებს, კარიერებს, ქვიშის დიუნებს. აზიანებს ბაღჩეულს, კარტოფილს, მარცვლოვან კულტურებსა და სხვ.

46
თემები:
საქართველოს სოფლის მეურნეობა