პლაჟზე

რუჯის მოყვარულებო, ფრთხილად! სპეციალისტი გირჩევთ

97
(განახლებულია 17:57 29.06.2020)
დადგა ნანატრი ზაფხული და იმატა რუჯის მიღების მსურველთა რიცხვმა. სამწუხაროდ, ამის პარალელურად იმატა პაციენტების რაოდენობამაც დამწვრობის ცენტრში.

თბილისი, 29 ივნისი — Sputnik. მზისგან დამწვრობის გამო თბილისის დამწვრობის ცენტრში ორი პაციენტი შეიყვანეს. აქედან ერთი ოთხი წლის გოგონაა, მეორე კი 19 წლის ვაჟი.

როგორც ტელეკომპანია Imedi-ს ეთერში კლინიკის ხელმძღვანელმა გუგა ქაშიბაძემ განაცხადა, ოთხი წლის გოგონა დიდხანს იმყოფებოდა მზეზე მშობლებთან ერთად და ამის შედეგად მიიღო დამწვრობა.

მისი თქმით, პაციენტების მდგომარეობა სტაბილურია.

„ზაფხულის დაწყებასთან ერთად სულ სტაციონარული მკურნალობა 25 პაციენტს დასჭირდა, ხოლო ამბულატორიული სერვისი 60-მდე პაციენტმა მიიღო. ყველა ეს შემთხვევა მზის დამწვრობით იყო მიღებული და ყველა ამ შემთხვევის თავიდან აცილება ელემენტარული წესების დაცვის შემთხვევაში შეიძლებოდა", – განაცხადა ქაშიბაძემ.

მან ისაუბრა იმ მნიშვნელოვან რეკომენდაციებზე, რომელთა დაცვა განსაკუთრებით მნიშვნელოვანია ბავშვებისა და ასაკოვანი ადამიანებისთვის. ქაშიბაძის განცხადებით, უნდა გვახსოვდეს, რომ მათი კანი უფრო მგრძნობიარეა მზის სხივების მიმართ, ამიტომ 11:00-დან 17:00 საათამდე მათი მზეზე ყოფნა არასასურველია. მათ ასევე უნდა გამოიყენონ დამცავი კრემები და ატარონ ქუდი.

რაც შეეხება რუჯის მიღების მიზნით ლეღვის ნახარშის გამოყენებას, წელს საქართველოში ასეთი ერთი შემთხვევა დაფიქსირდა. ეს იყო ქვეყნის ერთ-ერთ რეგიონში მცხოვრები 30 წლის ქალი, რომელსაც განსაკუთრებით დაუზიანდა ქვედა კიდურები.

ქაშიბაძემ კიდევ ერთხელ გააფრთხილა რუჯის მოყვარულები, რომ ლეღვის ფოთლის ნახარში მხოლოდ ქიმიურ დამწვრობას უწყობს ხელს და არა კანის კარგი ფერის მიღებას.

„ლეღვის ფოთლების ნახარშის წასმით ვერანაირ რუჯს ვერ მიიღებენ, პირდაპირ ქიმიურ დამწვრობას მიიღებენ. არც არის აუცილებელი მზეზე გასვლა, მთვარის სინათლეზეც კი ტრამვას მიიღებენ", – განაცხადა ქაშიბაძემ.

მან მოსახლეობას ურჩია, ცხელ ამინდში მეტი სითხე მიიღონ და მზის პირდაპირ სხივებს მოერიდონ.

როგორ მოვუაროთ სახის კანს სიცხეში – კოსმეტოლოგის რჩევები>>

„ძალიან მარტივი ტესტია, რომ არ მივიღოთ მზის დაკვრა: როდესაც ჩვენი ჩრდილი მზეზე არის გრძელი, მაშინ მზე არის უსაფრთხო. როდესაც ჩრდილი მოკლდება და საერთოდ აღარ ჩანს, ე.ი. მზე ზენიტშია და ჩვენი კანი იწვება. იმ მომენტში ჩვენ ვერ ვგრძნობთ, რომ დამწვრობას ვიღებთ, საღამოს ჩრდილში ვხვდებით, რომ კანი დაგვწვია და დრო სწრაფად გასულა", – აღნიშნა ქაშიბაძემ.

თუ დამწვრობა ძლიერი არაა, სანამ ექიმს მიმართავთ, შეიძლება ტკივილგამაყუჩებლის მიღება, ბევრი სითხის დალევა, აფთიაქში შეძენილი ადგილობრივი პრეპარატის გამოყენება. რაც შეეხება მაწვნისა და იოგურტის გამოყენებას, ქაშიბაძის განმარტებით, ისინი სიმპტომებს ხსნიან, მაგრამ ამას სამკურნალო ეფექტი არა აქვს.

ქაშიბაძემ მოუწოდა მოსახლეობას, ახსოვდეთ, რომ რუჯის სწრაფად და უსაფრთხოდ მიღება შეუძლებელია. ჭარბი რაოდენობით მზის სხივებს შეუძლია გამოიწვიოს კანის კიბო, ნაადრევი სიბერე, პიგმენტური ლაქები, ნაოჭების გაჩენა. მან ურჩია მოქალაქეებს, კონსულტაცია გაიარონ დერმატოლოგთან, მიიღონ ინფორმაცია თავიანთი კანის ტიპის შესახებ და ზაფხულში მზეზე შესაბამისად მოიქცნენ.

97
რთველი კახეთში

გარანტიები მევენახეებისთვის, ანუ სოლიდარობა სუბსიდირების სახით

14
(განახლებულია 09:36 10.07.2020)
სახელმწიფო ქართველ მევენახეებს 60 მლნ ლარის ოდენობის სუბსიდიას გამოუყოფს და თუ საჭირო გახდება, ყურძნის შესყიდვაშიც ჩაერთვება

თბილისი, 10 ივლისი – Sputnik. ქართველი მევენახეებისთვის შეიქმნა გარანტიები, რომ მათი საქმიანობა დაფასდეს და მათ შეძლონ 2020 წლის სეზონის ნაკლებად მძიმედ გადატანა, განაცხადა ბრიფინგზე გარემოს დაცვისა და სოფლის მეურნეობის მინისტრმა ლევან დავითაშვილმა.

პრემიერმა მევენახეებს მიმართა - სახელმწიფო არ დაგივიწყებთ>>

ქართული მეღვინეობა კორონავირუსის პანდემიისა და ქვეყნებს შორის სავაჭრო ოპერაციების შემცირების გამო ზარალდება. საქართველოდან ღვინის მიწოდება ბოლო წლებში პირველად შემცირდა: „საქსტატის“ მონაცემებით, მიმდინარე წლის პირველ ხუთ თვეში ღვინის ექსპორტი 11,3%–ით დაეცა.

მინისტრის განცხადებით, მსხვილი კომპანიები, რომლებიც ერთ ტონაზე მეტი „რქაწითელის“ ან „კახური მწვანეს“ გადამუშავებას შეძლებენ, სახელმწიფოსგან ერთ კილოგრამზე 30 თეთრის ოდენობის სუბსიდიას მიიღებენ, თუ მათი ფასი მინიმუმ 80 თეთრი იქნება. სამინისტროში სპეციალური სამუშაო ჯგუფი იმუშავებს, რომელიც კოორდინირებას გაუწევს სამუშაო პროცესს, რათა მევენახეებმა და ფერმერებმა რიგებისა და პრობლემების გარეშე ჩააბარონ თავიანთი პროდუქცია.

„ის, რომ ჩვენ ასეთი გარანტიები შევქმენით ქართველი მევენახე-ფერმერებისთვის, ვფიქრობ, არის ძალიან მნიშვნელოვანი მიღწევა და სოლიდარობა, რადგან ეს არის ქართველი გადასახადების გადამხდელების მიერ აკუმულირებული თანხები. ანუ ეს არის სოლიდარობა მევენახე-ფერმერებისთვის, რათა მათი საქმიანობა წელს დაფასდეს და 2020-ის სეზონი ნაკლებად მძიმედ გაიარონ“, – განუცხადა დავითაშვილმა ჟურნალისტებს.

უფრო ადრე საქართველოს პრემიერ–მინისტრმა გიორგი გახარიამ განაცხადა, რომ მთავრობა ქართული ყურძნის ჯიშების „რქაწითელისა" და „კახური მწვანის" სუბსიდირებას განახორციელებს.

პრემიერის თქმით, ფერმერული საქმიანობის სტიმულირება მთავრობის ანტიკრიზისული გეგმის ერთ-ერთი მიზნობრივი მიმართულებაა.

მთავრობის გადაწყვეტილებით, წელს ყურძნის მოსავლის სუბსიდირებაზე 60 მლნ ლარი დაიხარჯება.

გასულ წელს საქართველოში 271 ტონა ყურძენი მოიკრიფა.

14
თემები:
ღვინის კულტურა და მეღვინეობა
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 10 ივლისს

40
(განახლებულია 08:24 10.07.2020)
გადაუდებელი სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 10 ივლისი — Sputnik. სააქციო საზოგადოება „თელასი" იუწყება, რომ 10 ივლისს გადაუდებელი სარემონტო სამუშაოების გამო დედაქალაქის სხვადასხვა უბანში ელექტროენერგიის მიწოდება დროებით შეიზღუდება.

მთაწმინდის რაიონი

10:00 საათიდან 18:00 საათამდე შეზღუდვა შეეხება: სოფელი ტაბახმელას, წავკისის და შინდისის მაცხოვრებლებს.

ვაკის რაიონი

10:00 საათიდან 18:00 საათამდე შეზღუდვა შეეხება: დაბა წყნეთის, სოფელი ახალდაბას, აბაშიძის, რიგის, თაქთაქიშვილის და ფალიაშვილის ქუჩების მაცხოვრებლებს.

15:00 საათიდან 16:00 საათამდე შეზღუდვა შეეხება: ილია ჭავჭავაძის გამზირის მაცხოვრებლებს.

კრწანისის რაიონი

10:00 საათიდან 18:00 საათამდე შეზღუდვა შეეხება: პურის მოედნის, ღვინის ჩიხის, კოტე აბხაზის, ლესელიძის, ტყავის, იერუსალიმის, გრიგოლ ხანძთელის, თუმანიანის, თორეთის და აბოვიანის ქუჩების მაცხოვრებლებს.

11:00 საათიდან 15:00 საათამდე შეზღუდვა შეეხება: კოტე აბხაზის, დიუმას, პუშკინის და კალისტრატე ცინცაძის ქუჩების მაცხოვრებლებს.

ისნის რაიონი

11:00 საათიდან 17:00 საათამდე შეზღუდვა შეეხება: ჩოლოყაშვილის მოედნის, ჩოლოყაშვილის I კვატრტლის, ბერი გაბრიელ სალოსის გამზირის, არტურ ლაისტის და მეგობრობის ქუჩების მაცხოვრებლებს.

11:00 საათიდან 14:00 საათამდე შეზღუდვა შეეხება: ვაზისუბნის დასახლების, სამგორის დასახლების, წულუკიძის და ლაღიძის ქუჩების მაცხოვრებლებს.

დიდუბის რაიონი

10:00 საათიდან 18:00 საათამდე შეზღუდვა შეეხება: აკაკი წერეთლის გამზირის, მტკვრის მარცხენა სანაპიროს, კარალეთის, ბოხუას, ლუბლიანას და ჭიაურელის ქუჩების მაცხოვრებლებს.

სამგორის რაიონი

10:00 საათიდან 18:00 საათამდე შეზღუდვა შეეხება: კახეთის გზატკეცილის, ლილოს დასახლების I, II, IV, V კვარტლების, ლილოს დასახლების, მეფრინველეობის ფაბრიკის დასახლების, ორხევის დასახლების, ალექსეევკის დასახლების, ლოჭინის დასახლების, საქსოფმშენის დასახლების, საქსოფმანქანის დასახლების, საქნავთობის დასახლების, აეროდრომის დასახლების, ლიზა ნაკაშიძე-ბოლქვაძის, ზაქარია მხარგრძელის, ჭირნახულის, ფრანგულიანის, ღლონტის, ორახელიძის, იუმაშევის და გოკიელის ქუჩების მაცხოვრებლებს.

საბურთალოს რაიონი

10:00 საათიდან 17:00 საათამდე შეზღუდვა შეეხება: პეტრიწის ქუჩის მაცხოვრებლებს.

ჩუღურეთის რაიონი

10:00 საათიდან 16:00 საათამდე შეზღუდვა შეეხება: ვაგზლის მოედნის, თამარ მეფის გამზირის, თევდორე მღვდლის და აბასთუმნის ქუჩების მაცხოვრებლებს.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

40
თემები:
თბილისი დღეს