სოფო ნიჟარაძე

სოფო ნიჟარაძის ფოტო ამერიკიდან როგორ შეიცვალა მომღერალი ქალიშვილის გაჩენის შემდეგ?

33211
(განახლებულია 18:53 26.06.2020)
მშობიარობის შემდეგ გამოქვეყნებული პირველი ფოტო, რომელზეც მომღერალმა სახე გამოაჩინა. ნახეთ, როგორ გამოიყურება არტისტი მშობიარობის შემდეგ. უახლეს სურათს სოფო ამერიკიდან საკუთარ Instagram-ზე აქვეყნებს.

რამდენიმეთვიანი პაუზის შემდეგ სოფო ნიჟარაძე ყოველგვარი შეფარვის გარეშე გამოჩნდა. მანამდე ცნობილი მომღერალი ისეთ სურათებს აქვეყნებდა, რომელზეც სახე არ უჩანდა ან ზურგით იდგა. ახლა კი, მშობიარობისა და ყოველდღიური ცხოვრების რიტმში დაბრუნების შემდეგ, მომღერალი ამერიკაში გადაღებულ სურათს აქვეყნებს. მშობიარობა და ქალიშვილის შეძენა სოფო ნიჟარაძეს განსაკუთრებულად მოუხდა. მისი მშვენიერი სახე მეტად ბრწყინავს. მან შვილი საზოგადოებისთვის უცნობი მამაკაცისგან ამერიკაში 34 წლის ასაკში გააჩინა. ირკვევა, რომ სოფო დაახლოებით დეკემბრის თვეში გაემგზავრა ამერიკაში საყვარელ მამაკაცთან, და იქ 2 ივნისს ქვეყნად პატარა გოგონა ელის-მარია მოავლინა. ყველამ კარგად იცის, რომ სოფო ნიჟარაძე კარიერის დასაწყისიდან დღემდე პირად ცხოვრებაზე არ საუბრობს, მით უმეტეს იმ პერიოდში, როდესაც მასზე დამაინტრიგებელი და გახმაურებული ჭორები ვრცელდებოდა.

View this post on Instagram

#beforequarantine

A post shared by Sofia Nizharadze (@sofianizharadze) on

ამ ბოლო დროს მის სოციალურ ქსელში გამოაქვეყნებული ფოტო თუ ვიდეო განხილვის საგნად ორჯერ იქცა, ვინაიდან მომღერალმა საკუთარი ფეხმძიმობისა და ქვეყნის დატოვების შესახებ მხოლოდ ახლობლებს გაუმხილა. ბავშვის სახელის გარდა, დღემდე სხვა დეტალების მოძიება რთულია. სოფო ნიჟარაძემ ქალიშვილს ელის-მარია დაარქვა. არტისტმა მეორე ნახევართან გამგზავრება პანდემიის დაწყებამდე მოასწრო. მანამდეც და გამგზავრების შემდეგაც ცნობილი სახე სოციალურ ქსელში ძველებურად არ აქტიურობდა, რათა მისი წამოზრდილი მუცელი არავის დაეფიქსირებინა. ზამთრის ფოტოსესიებზე სოფო მუცელს სხვადასხვა აქსესუარებითა თუ რამდენიმე ზომით დიდი ქურთუკებით მალავდა. ამას თავადაც შეატყობთ, საკმარისია მის ოფიციალურ გვერდს თვალი გადაავლოთ. მას დღემდე არ გაუკეთებია განცხადება. ყველას ძველებურად აინტერესებს, ვინ არის სოფოს რჩეული მამაკაცი.

სოფო ნიჟარაძის დედა სულ რამდენიმე კვირის წინ ბებია მეორედ გახდა. ცნობილმა მომღერალმა ფეხმძიმობა საგულდაგულოდ დამალა, ისე, რომ ამის შესახებ ვერავინ იეჭვა. მასმედიაში სოფო ნიჟარაძის უკანასკნელი ინტერვიუც გავრცელდა, სადაც მომღერალი მუცლის დამალვას ცდილობს. „მთავარი არხის“ დილის ერთ-ერთი გადაცემა სოფოს სახლში ეწვია, სადაც მან საკუთარი დილის რუტინა საზოგადოებას გააცნო. აქ მომღერალი ორი თვის ფეხმძიმე იყო, თუმცა ეს ვერავინ შენიშნა. ყველა მოუთმენლად ელის სოფოს პირველი ქალიშვილის სურათებს, თუმცა ამაოდ.

View this post on Instagram

A post shared by Sofia Nizharadze (@sofianizharadze) on

მომღერლის პირად ცხოვრებას აქტიურად განიხილავენ, ის კი კვლავინდებურად დუმს. სოფო ნიჟარაძე 1986 წლის 6 თებერვალს დაიბადა. ის მომღერალი, მსახიობი და სიმღერების ავტორია. დაამთავრა ზ. ფალიაშვილის სახელობის სამუსიკო გიმნაზია (ნიჭიერთა ათწლედი). შესრულებული აქვს ჯულიეტას როლი მიუზიკლ „რომეო და ჯულიეტას“ რუსულენოვან ვერსიაში. 2010 წლის მაისში საქართველო წარადგინა ევროვიზიის კონკურსზე სიმღერით Shine, მაშინ ქულათა საერთო ჯამით მე-9 ადგილზე გავიდა.

33211
თემები:
სელებრითების ცხოვრება (1908)
ხანძარი ვარკეთილის ბზარობაზე

ხანძარი ვარკეთილის ბაზრობაზე - რამხელა თანხას აანაზღაურებს სადაზღვევო კომპანია

71
(განახლებულია 21:39 14.07.2020)
ზოგიერთ ობიექტზე ზარალის შეფასება კვლავ გრძელდება. ამ ეტაპზე ზარალთან დაკავშირებული დოკუმენტაციის შეგროვება მიმდინარეობს

თბილისი, 14 ივლისი – Sputnik. სადაზღვევო კომპანია „ირაომ“ ვარკეთილის ბაზრობაზე გაჩენილი ხანძრის შედეგად გამოწვეული ზარალის ანაზღაურება დაიწყო, იუწყება საზოგადოებრივი მაუწყებელი.

ვარკეთილში, შუამთის ქუჩაზე მდებარე ე.წ. თათრების ბაზრობაზე ხანძარი 15 ივნისს, ღამით გაჩნდა. ცეცხლი 4 ათას კვადრატულ მეტრ ფართობზე გავრცელდა. ხანძარს რამდენიმე საათის განმავლობაში 130 მეხანძრე–მაშველი აქრობდა, მობილიზებული იყო 25 სახანძრო მანქანა. ვითარებას ის ართულებდა, რომ ბაზრობის მიმდებარე ტერიტორიაზე ბენზინგასამართი სადგური მდებარეობს. ხანძრის შედეგად შერეული ბაზრობის გარკვეული ტერიტორია დაიწვა. დილისთვის ხანძარი სრულად ლიკვიდირებული იყო.

ხელისუფლება მოვაჭრეებს დაჰპირდა, რომ ბაზრობის აღდგენამდე მათ უსაფრთხო ტერიტორიას გამოუყოფს, ასევე რამდენიმე თვით გაათავისუფლებს გადასახადისგან.

ამ დროისთვის არსებული მონაცემებით, „ირაოს“ მხრიდან ჯამურად 1.5 მილიონი ლარის ოდენობის თანხა ანაზღაურდება.

კომპანიის ცნობით, კომპენსაციას ჯამში დაახლოებით 315 მეწარმე, 465 კომერციულ ობიექტზე მიიღებს.

სადაზღვევო კომპანიაში აცხადებენ, რომ ზარალის შეფასებისა და შესაბამისი დოკუმენტაციის შეგროვების პროცესი „ირაოს“ წარმომადგენლების მიერ, ბაზრობის ადმინისტრაციასთან და მეიჯარეებთან თანამშრომლობით, ხანძრის გაჩენისთანავე დაიწყო და ამ დრომდე მიმდინარეობს.

„უკვე დარეგულირდა 149 კომერციული ობიექტის ზარალი და 13 ივლისს, ანაზღაურების პირველ ეტაპზე, „ირაომ“ 97 მეწარმეს გადაურიცხა შესაბამისი კომპენსაცია, ჯამურად 299 395 ლარის ოდენობით. ანაზღაურების მეორე ეტაპზე 178 კომერციული ობიექტის შესაბამისი ზარალის ანაზღაურებას, 114 მეწარმე მიიღებს, ჯამურად 431 ათასი  ლარის ოდენობით“, - განმარტავენ კომპანიაში.

რატომ არ აზღვევენ ბაზრობებს: მოვაჭრეებს სადაზღვევო კომპანია ზარალს აუნაზღაურებს? >>

გარდა ამისა, დარჩენილია ობიექტები, რომელთა ზარალის შეფასება კვლავ მიმდინარეობს. ამ ეტაპზე ხდება ზარალთან დაკავშირებული დოკუმენტაციის მოგროვება.

71
თემები:
სოციალური სფერო საქართველოში
მთავრობის ადმინისტრაცია

საქართველოს მთავრობას შეზღუდვების შემოღების უფლება წლის ბოლომდე მიენიჭა

115
(განახლებულია 21:22 14.07.2020)
საქართველოს მთავრობას პარლამენტის თანხმობისა და საგანგებო მდგომარეობის გამოცხადების გარეშე კორონავირუსის გავრცელების შესაკავებლად საჭირო შეზღუდვების დაწესება წლის ბოლომდე შეუძლია.

თბილისი, 14 ივლისი – Sputnik. საქართველოს პარლამენტმა 2021 წლის 1 იანვრამდე გააგრძელა „საზოგადოებრივი ჯანმრთელობის შესახებ“ საქართველოს კანონში იმ ცვლილებების მოქმედება, რომლებიც კორონავირუსის პანდემიის დროს მთავრობას საგანგებო მდგომარეობის გამოცხადების გარეშე შეზღუდვების დაწესების უფლებას ანიჭებს.

გაგრძელდება თუ არა შეზღუდვები საქართველოში – დეპუტატები შესწორებებზე მსჯელობენ >>

ნორმის მოქმედების გახანგრძლივებას მხარი დაუჭირა 79-მა დეპუტატმა, ერთი დეპუტატი წინააღმდეგი იყო.

ცვლილებები, რომლებიც მთავრობას ანიჭებს უფლებას – პანდემიის დროს დროებით დააწესოს შეზღუდვები და პარლამენტის თანხმობის გარეშე დაარეგულიროს საჯარო უწყებების საქმიანობის საკითხები, არის მიღებული 22 მაისს, როდესაც კორონავირუსის საფრთხის გამო საგანგებო მდგომარეობის მოქმედების ვადა იწურებოდა. მაშინ ამ უფლების ხანგრძლივობა განისაზღვრა 15 ივლისამდე ვადით.

დღევანდელი გადაწყვეტილებით პარლამენტი ახანგრძლივებს ამ უფლებამოსილების მოქმედების ვადას 2021 წლის 1 იანვრამდე. კერძოდ: სიტუაციიდან და საჭიროებიდან გამომდინარე მთავრობას აქვს უფლება შეზღუდოს მოქალაქეთა გადაადგილება, მათი შრომითი და ეკონომიკური აქტივობა, აკრძალოს მასობრივი სპორტული ღონისძიებების ჩატარება და ა.შ.

ამავე დროს მთავრობის მიერ შემოღებული შეზღუდვები უნდა შეესაბამებოდეს კონსტიტუციას და იყოს განპირობებული კანონით ან ნორმატიული აქტით. მათი შემოღება იმ შემთხვევაშია დასაშვები, თუ ისინი აუცილებელია საზოგადოებისთვის და არ ატარებს დისკრიმინაციულ ხასიათს.

შეზღუდვები უნდა იყოს პროპორციული, ხოლო მათი შემოღებით მიღებული სარგებელი აჭარბებდეს ზარალს, ასევე შეზღუდვები არ უნდა არღვევდეს ადამიანის უფლებების ევროპულ კონვენციას.

ხელისუფლებას ასევე ადამიანების კარანტინსა ან იზოლაციაში გამწესების უფლება ექნება. თუმცა თითოეული ასეთი ადამიანი შეძლებს აიყვანოს ადვოკატი, ახლობლებსა და დამსაქმებელს აცნობოს თავისი ადგილმდებარეობა. ასევე ექნება უფლება იცოდეს კარანტინში გამწესების მიზეზები.

საქართველო, როგორც მთელი მსოფლიო, კორონავირუსის მეორე ტალღის მოლოდინშია, ამიტომ მთავრობა ეპიდემიოლოგებთან ერთად მის დასახვედრად ემზადება.

ქვეყნის ტერიტორიაზე მოქმედებს შემდეგი შეზღუდვები:

  • დახურულ სივრცეებში, საჯარო დაწესებულებებში, საზოგადოებრივ ტრანსპორტში, ოფისებსა და მაღაზიებში სავალდებულოა პირბადის ტარება და სოციალური დისტანციის დაცვა;
  • საზოგადოებრივ ტრანსპორტში დაუშვებელია პირბადის გარეშე ყოფნა
  • ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე;
  • აკრძალულია სპორტული ღონისძიებების გამართვა;
  • კულტურული და გასართობი ღონისძიებების გამართვა დასაშვებია მხოლოდ ღია სივრცეებში, გამონაკლისია მუზეუმები
  • კაზინოების და ტოტალიზატორების მუშაობა დაშვებულია მხოლოდ ონლაინ;
  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • უნივერსიტეტებში სასწავლო პროცესი კვლავ დისტანციურად განხორციელდება;
  • ადამიანების თავშეყრის ადგილებში აკრძალულია სპლიტ-სისტემის კონდიციონერების გამოყენება, რომლებიც ჰაერს იღებენ შენობიდან, აგრილებენ და ისევ აბრუნებენ. დაშვებულია სამრეწველო კონდიციონერების გამოყენება, რომლებიც კონდიცირება-ვენტილაციის სისტემებს მოიცავს (ჰაერი შენობაში გარედან შეაქვს).
115
თემები:
COVID-19 საქართველოში
კიკვიძის პარკი

თბილისში კიკვიძის განახლებული პარკი გაიხსნა

0
პარში მოეწყო სპორტული და სამაგიდო თამაშების მოედნები, დასასვენებელი პავილიონები, სარწყავი, განათებისა და ვიდეომეთვალყურეობის სისტემები

თბილისი, 14 ივლისი — Sputnik. თბილისში ვეტერანთა კულტურისა და დასვენების განახლებული პარკი (კიკვიძის) გაიხსნა, იუწყება მერიის ვებგვერდი.

გახსნის ღონისძიებას დედაქალაქის მერი კახა კალაძე და საქართველოს პრემიერ-მინისტრი გიორგი გახარია დაესწრნენ.

თბილისის მერმა მოსახლეობას განახლებული პარკის გახსნა მიულოცა. მისი განცხადებით, პარკში შესაბამისი სივრცე ყველა თაობის ადამიანისთვის მოეწყო.

„თბილისს კიდევ ერთი მნიშვნელოვანი რეკრეაციული სივრცე შეემატა. რაც შეეხება პარკს, იგი მთლიანად იქნა რეაბილიტირებული. გაჩნდა ახალი ზონები, ბავშვებისთვის შესაბამისი ადგილები, სადაც განთავსებულია ატრაქციონები. ყველა თაობის ადამიანისთვის არის შესაბამისი ზონა, სადაც გაქვთ შესაძლებლობა, თქვენი შვილებითა და შვილიშვილებით დაისვენოთ. ნამდვილად მიხარია, რომ ჩვენთან უკვე ჩნდება ის საპარკო კულტურა, რაც ყველა განვითარებულ ქვეყანაშია. ჩვენ გვაქვს პარკების ნაკლებობა, მაგრამ პირობა მაქვს მიცემული თბილისელებისთვის, რომ ჩვენი ქალაქი ევროპაში ყველაზე მწვანე, ყველაზე მოწესრიგებული, განახლებული, უსაფრთხო და კეთილმოწყობილი იქნება“, - განაცხადა კახა კალაძემ.

რეაბილიტაციის ფარგლებში, პარკს შეუერთდა მიმდებარედ არსებული ტერიტორია, მოეწყო სპორტული და სამაგიდო თამაშების მოედნები, დასასვენებელი პავილიონები, სარწყავი, განათებისა და ვიდეომეთვალყურეობის სისტემები.

პარკის ტერიტორიაზე განთავსდა შინაური ცხოველების სასეირნო სივრცე, ველო და სარბენი ბილიკები. ერისთავის ქუჩის მხრიდან კი, მოეწყო პარკში შესასვლელი პანდუსი. რეაბილიტაცია ჩაუტარდა პარკში არსებული შენობებსა და შადრევანს.

ტერიტორიაზე, რომლის ფართობიც 72 ათას 100 კვადრატული მეტრია, ჯამში, 12 ათას 124 ძირი ხე-მცენარე დაირგო. სამუშაოების განსახორციელებლად დედაქალაქის ბიუჯეტიდან 4 მლნ 500 ათასი ლარი გამოიყო.

0
თემები:
თბილისის მერია