ერთიანი ეროვნული გამოცდები

რა ახალი წესები შეიძლება ამოქმედდეს აბიტურიენტებისთვის ეროვნულ გამოცდებზე

104
(განახლებულია 15:54 25.06.2020)
როგორც ჩანს, აბიტურიენტებისთვის ეს წელი მარტივი არ იქნება: სოციალური დისტანცია, გამჭვირვალე ბარიერები, კონდიციონერების არარსებობა და, ამასთან, ჯერ კიდევ არაა საბოლოოდ გადაწყვეტილი პირბადის საკითხი.

თბილისი, 25 ივნისი — Sputnik. ერთიან ეროვნულ გამოცდებზე აბიტურიენტები შეიძლება პირბადეების გარეშე დაუშვან, განუცხადა ჟურნალისტებს საქართველოს ჯანდაცვის მინისტრის მოადგილემ თამარ გაბუნიამ.

მისი თქმით, მოლაპარაკებები ამ საკითხთან დაკავშირებით გრძელდება და საბოლოო გადაწყვეტილება ჯერ არ მიუღიათ.

როდის და როგორ ჩატარდება ერთიანი ეროვნული გამოცდები – რეკომენდაციები ცნობილია>>

„ეროვნულ გამოცდებთან დაკავშირებით წესების ერთი პაკეტი მომზადებულია. თუმცა ჩვენ მუდმივად, მიმდინარე რეჟიმში ვმუშაობთ განათლების სამინისტროსთან, რათა თუ სადმე ახალი რეკომენდაცია გაჩნდა, ეს აისახოს. ამ შემთხვევაში ვგულისხმობ გლობალურ რეკომენდაციებს. ვფიქრობ, უკვე ამ კვირის ბოლომდე ეს მუშაობა დასრულდება საბოლოოდ და მომდევნო კვირისთვის გვექნება იმის საშუალება, რომ დეტალურად გავაცნოთ საზოგადოებას დასრულებული და საბოლოო პაკეტი", – განაცხადა გაბუნიამ.

მისი თქმით, სპეციალისტები არ ჩქარობენ ამ პაკეტში ცვლილებების შეტანას, რადგან რეკომენდაციები ძალიან სწრაფად იცვლება.

როგორ ჩატარდება გამოცდები

საქართველოში ერთიანი ეროვნული გამოცდები 6 ივლისს დაიწყება და დასრულდება 25 ივლისს. ერთიან ეროვნულ გამოცდებზე წელს 55 ათასზე მეტი აბიტურიენტი და სტუდენტი დარეგისტრირდა.

დაავადებათა კონტროლის ეროვნული ცენტრის რეკომენდაციების თანახმად, წელს თითოეული საგამოცდო სექტორის ფართობის მხოლოდ 50 პროცენტი იქნება გამოყენებული. საგამოცდო ცენტრების თითოეულ სექტორში 10 გამოსაცდელზე მეტი არ დაიშვება. ყოველი სამუშაო მაგიდა წინა მხრიდან აღჭურვილი იქნება გამჭვირვალე დამცავი ფარით/ბარიერით; მაგიდებს შორის სიგანეში დაშორება იქნება ორი მეტრი, ერთმანეთის მიმდევრობით განლაგებულ მაგიდებს შორის მანძილი – ერთი მეტრი.

საგამოცდო ცენტრში შესვლის წინ ყველა აბიტურიენტი თერმოსკრინინგს გაივლის.

აბიტურიენტებმა დადგენილი რეკომენდაციები უნდა დაიცვან. კერძოდ, მაქსიმალურად დაიცვან სოციალური დისტანცია, ატარონ პირბადე, შესაბამისი მითითების შემდეგ დაიმუშაონ ხელები სადეზინფექციო ხსნარით. თან იქონიონ პირადობის დამადასტურებელი დოკუმენტი და საგამოცდო ბარათი.

რა სიახლეებით ხვდება თბილისის სახელმწიფო უნივერსიტეტი სტუდენტებს>>

აბიტურიენტებს შეუძლიათ თან იქონიონ ასევე წყალი პლასტმასის ბოთლით და გელიანი (ე.წ. ტუშის) შავი ფერის კალამი 0,5-0,7 მმ ბურთულიანი წვერით.

უსაფრთხოების ზომებიდან გამომდინარე, საგამოცდო სივრცე გამოცდის დაწყებამდე გაგრილდება. როდესაც აბიტურიენტები დარბაზში შევლენ, კონდიციონერებს გამორთავენ. სესიებს შორის ადგილზე სადეზინფექციო სამუშაოები ჩატარდება.

104
ხანძარი ვარკეთილის ბზარობაზე

ხანძარი ვარკეთილის ბაზრობაზე - რა თანხას აანაზღაურებს სადაზღვევო კომპანია

79
(განახლებულია 00:01 15.07.2020)
ზოგიერთ ობიექტზე ზარალის შეფასება კვლავ გრძელდება. ამ ეტაპზე ზარალთან დაკავშირებული დოკუმენტაციის შეგროვება მიმდინარეობს

თბილისი, 14 ივლისი – Sputnik. სადაზღვევო კომპანია „ირაომ“ ვარკეთილის ბაზრობაზე გაჩენილი ხანძრის შედეგად გამოწვეული ზარალის ანაზღაურება დაიწყო, იუწყება საზოგადოებრივი მაუწყებელი.

ვარკეთილში, შუამთის ქუჩაზე მდებარე ე.წ. თათრების ბაზრობაზე ხანძარი 15 ივნისს, ღამით გაჩნდა. ცეცხლი 4 ათას კვადრატულ მეტრ ფართობზე გავრცელდა. ხანძარს რამდენიმე საათის განმავლობაში 130 მეხანძრე–მაშველი აქრობდა, მობილიზებული იყო 25 სახანძრო მანქანა. ვითარებას ის ართულებდა, რომ ბაზრობის მიმდებარე ტერიტორიაზე ბენზინგასამართი სადგური მდებარეობს. ხანძრის შედეგად შერეული ბაზრობის გარკვეული ტერიტორია დაიწვა. დილისთვის ხანძარი სრულად ლიკვიდირებული იყო.

ხელისუფლება მოვაჭრეებს დაჰპირდა, რომ ბაზრობის აღდგენამდე მათ უსაფრთხო ტერიტორიას გამოუყოფს, ასევე რამდენიმე თვით გაათავისუფლებს გადასახადისგან.

ამ დროისთვის არსებული მონაცემებით, „ირაოს“ მხრიდან ჯამურად 1.5 მილიონი ლარის ოდენობის თანხა ანაზღაურდება.

კომპანიის ცნობით, კომპენსაციას ჯამში დაახლოებით 315 მეწარმე, 465 კომერციულ ობიექტზე მიიღებს.

სადაზღვევო კომპანიაში აცხადებენ, რომ ზარალის შეფასებისა და შესაბამისი დოკუმენტაციის შეგროვების პროცესი „ირაოს“ წარმომადგენლების მიერ, ბაზრობის ადმინისტრაციასთან და მეიჯარეებთან თანამშრომლობით, ხანძრის გაჩენისთანავე დაიწყო და ამ დრომდე მიმდინარეობს.

„უკვე დარეგულირდა 149 კომერციული ობიექტის ზარალი და 13 ივლისს, ანაზღაურების პირველ ეტაპზე, „ირაომ“ 97 მეწარმეს გადაურიცხა შესაბამისი კომპენსაცია, ჯამურად 299 395 ლარის ოდენობით. ანაზღაურების მეორე ეტაპზე 178 კომერციული ობიექტის შესაბამისი ზარალის ანაზღაურებას, 114 მეწარმე მიიღებს, ჯამურად 431 ათასი  ლარის ოდენობით“, - განმარტავენ კომპანიაში.

რატომ არ აზღვევენ ბაზრობებს: მოვაჭრეებს სადაზღვევო კომპანია ზარალს აუნაზღაურებს? >>

გარდა ამისა, დარჩენილია ობიექტები, რომელთა ზარალის შეფასება კვლავ მიმდინარეობს. ამ ეტაპზე ხდება ზარალთან დაკავშირებული დოკუმენტაციის მოგროვება.

79
თემები:
სოციალური სფერო საქართველოში
მთავრობის ადმინისტრაცია

საქართველოს მთავრობას შეზღუდვების შემოღების უფლება წლის ბოლომდე მიენიჭა

141
(განახლებულია 21:22 14.07.2020)
საქართველოს მთავრობას პარლამენტის თანხმობისა და საგანგებო მდგომარეობის გამოცხადების გარეშე კორონავირუსის გავრცელების შესაკავებლად საჭირო შეზღუდვების დაწესება წლის ბოლომდე შეუძლია.

თბილისი, 14 ივლისი – Sputnik. საქართველოს პარლამენტმა 2021 წლის 1 იანვრამდე გააგრძელა „საზოგადოებრივი ჯანმრთელობის შესახებ“ საქართველოს კანონში იმ ცვლილებების მოქმედება, რომლებიც კორონავირუსის პანდემიის დროს მთავრობას საგანგებო მდგომარეობის გამოცხადების გარეშე შეზღუდვების დაწესების უფლებას ანიჭებს.

გაგრძელდება თუ არა შეზღუდვები საქართველოში – დეპუტატები შესწორებებზე მსჯელობენ >>

ნორმის მოქმედების გახანგრძლივებას მხარი დაუჭირა 79-მა დეპუტატმა, ერთი დეპუტატი წინააღმდეგი იყო.

ცვლილებები, რომლებიც მთავრობას ანიჭებს უფლებას – პანდემიის დროს დროებით დააწესოს შეზღუდვები და პარლამენტის თანხმობის გარეშე დაარეგულიროს საჯარო უწყებების საქმიანობის საკითხები, არის მიღებული 22 მაისს, როდესაც კორონავირუსის საფრთხის გამო საგანგებო მდგომარეობის მოქმედების ვადა იწურებოდა. მაშინ ამ უფლების ხანგრძლივობა განისაზღვრა 15 ივლისამდე ვადით.

დღევანდელი გადაწყვეტილებით პარლამენტი ახანგრძლივებს ამ უფლებამოსილების მოქმედების ვადას 2021 წლის 1 იანვრამდე. კერძოდ: სიტუაციიდან და საჭიროებიდან გამომდინარე მთავრობას აქვს უფლება შეზღუდოს მოქალაქეთა გადაადგილება, მათი შრომითი და ეკონომიკური აქტივობა, აკრძალოს მასობრივი სპორტული ღონისძიებების ჩატარება და ა.შ.

ამავე დროს მთავრობის მიერ შემოღებული შეზღუდვები უნდა შეესაბამებოდეს კონსტიტუციას და იყოს განპირობებული კანონით ან ნორმატიული აქტით. მათი შემოღება იმ შემთხვევაშია დასაშვები, თუ ისინი აუცილებელია საზოგადოებისთვის და არ ატარებს დისკრიმინაციულ ხასიათს.

შეზღუდვები უნდა იყოს პროპორციული, ხოლო მათი შემოღებით მიღებული სარგებელი აჭარბებდეს ზარალს, ასევე შეზღუდვები არ უნდა არღვევდეს ადამიანის უფლებების ევროპულ კონვენციას.

ხელისუფლებას ასევე ადამიანების კარანტინსა ან იზოლაციაში გამწესების უფლება ექნება. თუმცა თითოეული ასეთი ადამიანი შეძლებს აიყვანოს ადვოკატი, ახლობლებსა და დამსაქმებელს აცნობოს თავისი ადგილმდებარეობა. ასევე ექნება უფლება იცოდეს კარანტინში გამწესების მიზეზები.

საქართველო, როგორც მთელი მსოფლიო, კორონავირუსის მეორე ტალღის მოლოდინშია, ამიტომ მთავრობა ეპიდემიოლოგებთან ერთად მის დასახვედრად ემზადება.

ქვეყნის ტერიტორიაზე მოქმედებს შემდეგი შეზღუდვები:

  • დახურულ სივრცეებში, საჯარო დაწესებულებებში, საზოგადოებრივ ტრანსპორტში, ოფისებსა და მაღაზიებში სავალდებულოა პირბადის ტარება და სოციალური დისტანციის დაცვა;
  • საზოგადოებრივ ტრანსპორტში დაუშვებელია პირბადის გარეშე ყოფნა
  • ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე;
  • აკრძალულია სპორტული ღონისძიებების გამართვა;
  • კულტურული და გასართობი ღონისძიებების გამართვა დასაშვებია მხოლოდ ღია სივრცეებში, გამონაკლისია მუზეუმები
  • კაზინოების და ტოტალიზატორების მუშაობა დაშვებულია მხოლოდ ონლაინ;
  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • უნივერსიტეტებში სასწავლო პროცესი კვლავ დისტანციურად განხორციელდება;
  • ადამიანების თავშეყრის ადგილებში აკრძალულია სპლიტ-სისტემის კონდიციონერების გამოყენება, რომლებიც ჰაერს იღებენ შენობიდან, აგრილებენ და ისევ აბრუნებენ. დაშვებულია სამრეწველო კონდიციონერების გამოყენება, რომლებიც კონდიცირება-ვენტილაციის სისტემებს მოიცავს (ჰაერი შენობაში გარედან შეაქვს).
141
თემები:
COVID-19 საქართველოში
ქალი ოკეანის სანაპიროზე

15 ივლისს დაბადებულები ზოდიაქო, დახასიათება, რჩევები

0
(განახლებულია 09:57 14.07.2020)
გაეცანით 15 ივლისს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

12–22 ივლისი

12–22 ივლისის პერიოდი კირჩხიბის ნიშნის მესამე დეკადას განეკუთვნება.

ამ დეკადას მთვარე მართავს. ამ პერიოდში დაბადებულები გამოირჩევიან შესანიშნავი ინტუიციით, უყვართ მოგზაურობა. არიან მხიარული, საკმაოდ კეთილი ადამიანები, შეუძლიათ კონფლიქტების მოგვარება. მთვარის გავლენის წყალობით ოკულტიზმის უნარები გააჩნიათ.

მნიშვნელოვანი წლებია: 16, 26, 36, 48, 50, 60, 72. 

ამ პერიოდში დაბადებულთა სიმბოლოა ია.

ამ დეკადაში დაბადებული ადამიანები, კარგი იქნება, თუ მეტად მეგობრული და კეთილგანწყობილი, უფრო გულგახსნილი და მიმნდობი იქნებიან გარშემომყოფების მიმართ. ამ ადამიანებმა უნდა გააცნობიერონ, რომ გარშემომყოფებს მათ მიმართ გულითადი განწყობა აქვთ. თუ ამ ნაკლოვანებებს გაითვალისწინებენ, მერყეობა და შიშის გრძნობა დატოვებს და სილაღისა და თავისუფლების შეგრძნებით იცხოვრებენ.

15 ივლისს დაბადებულები

15 ივლისს მტკიცე ხასიათის ადამიანები იბადებიან, არიან ფრთხილი, კონცენტრირებული დასახული მიზნის მიღწევაზე, არ უყვართ გარისკვა. ხასიათის ეს თვისებები მათ არასწორ გზაზე გადახვევისგან იცავს. არიან კარგი ორგანიზატორები, მასწავლებლები და ხელმძღვანელები. აქვთ ინტერესი მისტიკური და იდუმალი სფეროებისადმი. იღბალი ცხოვრების განმავლობაში თან სდევთ.

ხართ თუ არა ოხუნჯი, როგორ რეაგირებთ სხვის ხუმრობაზე - ნახეთ, ზუსტია თუ არა ჩვენი ჰოროსკოპი>>

ოჯახურ ცხოვრებაში შესაძლოა სირთულეები, მაგრამ ბუნებრივი მომხიბვლელობის წყალობით კონფლიქტური სიტუაციების მოგვარება შეუძლიათ. ასევე იღბალი სდევთ ფინანსურ საკითხებში. მუდამ ფორმაში არიან, შეუძლიათ ბევრი საქმის გაკეთება, ამიტომ ხანდახან მოდუნება ნამდვილად არ აწყენთ.

15 ივლისს დაბადებულებს თავიანთი ჩანაფიქრის განხორციელებაში შეუძლიათ ჩართონ არა მხოლოდ თანამშრომლები, არამედ ნაკლებად ახლობელი ადამიანებიც. ახერხებენ ყველაფრის გაკონტროლებას, რაც მათ გარშემო ხდება. გარშემომყოფების მიმართ ყველაფერ აკეთებენ, რომ საწყის პროცესში ჩართონ, შემდეგ კი მათ გარკვეული მიმართულებით სვლას აიძულებენ.

ამ დღეს დაბადებულებისთვის აუცილებელია სრული სიმშვიდის მოპოვება, სხვაგვარად ემოციური ზეგავლენის ქვეშ შეიძლება მოექცნენ. მათ საზოგადოებისთვის ბევრი სიკეთის მოტანა შეუძლიათ, თუ თავიანთ ენერგეტიკულ პოტენციალს საზოგადოებრივი ინსტიტუტების გაუმჯობესებისკენ მიმართავენ.

ჰოროსკოპი: ვინ როგორ იშუშებს ჭრილობებს>>

15 ივლისს დაბადებულებს უყვართ, როდესაც თავიანთ წარმატებებს სხვა ადამიანებს უზიარებენ. ყველანაირად ცდილობენ, შეინარჩუნონ მოპოვებული მატერიალური სიმდიდრე თავიანთთვის და თავიანთი ოჯახებისთვის. ისინი პასუხისმგებლობას იღებენ საკუთარ თავზე ახლობლების, მეგობრების, ნათესავების გამო. უნდა ერიდონ სხვების გამოყენებას საკუთარი მიზნებისთვის.

ჯანმრთელობა

15 ივლისს დაბადებულებისთვის მნიშვნელოვანია, არაფერში გადააჭარბონ, რასაც მათი სულიერი და ფიზიკური მდგომარეობისთვის ზიანის მოტანა შეუძლია. მაგალითად, არ უნდა მიიღონ დიდი რაოდენობით ალკოჰოლური სასმელები, არ მოწიონ. თუ გააკონტროლებენ თავიანთ ემოციურობას, ეს მათ ჯანმრთელობაზე პოზიტიურად აისახება. ამ ადამიანებმა ასევე არ იციან ზომიერების დაცვა კვების მხრივ. რაც შეეხება, ფიზიკურ აქტივობას, წაადგებათ, მაგალითად, სირბილი, აერობიკა, თუმცა, ზომიერება აქაც უნდა დაიცვან.

რჩევა:

დაიცავით ჯანსაღი ცხოვრებისეული ბალანსი, ერიდეთ სხვადასხვა უსიამოვნებას, სტრესულ მომენტებს. მცირე პრობლემები სიფრთხილითა და მოთმინებით გადაჭერით და ზოგადად, წვრილმანებს მეტი ყურადღება მიაქციეთ.

0