გიორგი შაქარაშვილი

„ყველა შანსი ჰქონდა“ - რას ამბობენ „საბურთალოს“ აკადემიაში დაღუპულ ფეხბურთელზე

1249
გიორგი აკადემია „საბურთალოს“ აღსაზრდელი 10 წელი იყო. ამ დროის განმავლობაში მან არა მხოლოდ პროფესიონალი მოთამაშის, არამედ კარგი ადამიანის რეპუტაციაც დაიმკვიდრა

თბილისი, 24 ივნისი - Sputnik. რამდენიმე დღის წინ დაღუპულ ფეხბურთის კლუბ „საბურთალოს“ ფეხბურთელ გიორგი შაქარაშვილს ყველა შანსი ჰქონდა, პირველი გუნდის მოთამაშე გამხდარიყო. ამის შესახებ Sputnik-საქართველოს კლუბ „საბურთალოს“ პრესსამსახურის ხელმძღვანელმა კახა მგელაძემ განუცხადა.

19 წლის ფეხბურთელის გარდაცვალების საქმე: მკვლელობა თუ...რა დაადგინა ექსპერტიზამ >>

დაღუპული ფეხბურთელის ცხედარი ოთხდღიანი ძებნის შემდეგ, 22 ივნისს, მდინარე არაგვში, იმ ადგილიდან რამდენიმე კილომეტრის დაშორებით იპოვეს, სადაც იგი ბოლოს ნახეს ცოცხალი. სამძებრო ოპერაციაში 70-მდე მაშველი, მყვინთავი, ყველანაირი საჭირო ტექნიკა მონაწილეობდა. საქართველოს შსს-ს მონაცემებით, გიორგი შაქარაშვილის გარდაცვალების საქმეს ორი მუხლით იძიებენ - თავისუფლების მართლსაწინააღმდეგო აღკვეთა და ძალადობა. 

„აკადემია „საბურთალოში“ გიორგი დიდი ხანია თამაშობდა - დაახლოებით 10 წელი. ყველა ასაკობრივ ჯგუფში მოუწია თამაში - U-15, U-17 და U-19. ჰქონდა პირველ გუნდში მოხვედრის შესანიშნავი შანსი. რამდენიმე თვის წინ ხელი მოაწერა ახალ კონტრაქტს „საბურთალო-2“-თან“, - აღნიშნა მგელაძემ.

მგელაძის თქმით, აკადემია „საბურთალოში“ სხვადასხვა ასაკობრივი კატეგორიის 750-მდე ფეხბურთელი სწავლობს. „მაგრამ გიორგი თავისი ადამიანური თვისებებით, ერთმნიშვნელოვნად საუკეთესო იყო. მისი გარდაცვალება ჩვენთვის შოკი და დიდი ტრაგედიაა“, - აღნიშნა კლუბის პრესსამსახურის უფროსმა.

იგი შეეხო ფეხბურთელის ოჯახის დახმარების საკითხსაც. „ფეხბურთის კლუბი „საბურთალო“ - ერთი დიდი ოჯახია. ჩვენ ყოველთვის ჩვენი მოთამაშეებისა და მათი ოჯახების გვერდით ვართ - კარგ მომენტებშიც და რთულ მომენტებშიც. ვფიქრობ, დასამატებელი არაფერია“, - დასძინა მგელაძემ.

1249
მყიდველები ბაზარში

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/10 ივლისი

86398
საქართველოში საგანგებო მდგომარეობა ერთი თვის წინ მოიხსნა, მაგრამ მთავრობამ შეზღუდვების ნაწილი ძალაში დატოვა.

თბილისი, 10 ივლისი – Sputnik. საქართველოს მთავრობა აგრძელებს კორონავირუსის პანდემიის გამო დაწესებული შეზღუდვების მოხსნას, მაგრამ ამავე დროს მთავრობა და ეპიდემიოლოგები მოუწოდებენ მოქალაქეებს გამოიჩინონ სიფრთხილე და დაიცვან ჯანდაცვის სამინისტროს რეკომენდაციები.

ქვეყნის ტერიტორიაზე მოქმედებს შემდეგი შეზღუდვები:

  • დახურულ სივრცეებში, საჯარო დაწესებულებებში, საზოგადოებრივ ტრანსპორტში, ოფისებსა და მაღაზიებში სავალდებულოა პირბადის ტარება და სოციალური დისტანციის დაცვა;
  • საზოგადოებრივ ტრანსპორტში დაუშვებელია პირბადის გარეშე ყოფნა და კონდიციონერების ჩართვა;

  • ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე;
  • დახურულ სივრცეებში აკრძალულია კულტურული და სპორტული ღონისძიებების გამართვა;
  • კაზინოების და ტოტალიზატორების მუშაობა დაშვებულია მხოლოდ ონლაინ;
  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • უნივერსიტეტებში სასწავლო პროცესი კვლავ დისტანციურად განხორციელდება;
  • ადამიანების თავშეყრის ადგილებში აკრძალულია სპლიტ-სისტემის კონდიციონერების გამოყენება, რომლებიც ჰაერს იღებენ შენობიდან, აგრილებენ და ისევ აბრუნებენ. დაშვებულია სამრეწველო კონდიციონერების გამოყენება, რომლებიც კონდიცირება-ვენტილაციის სისტემებს მოიცავს (ჰაერი შენობაში გარედან შეაქვს).

ამ მომენტისათვის ინფიცირებულთა რაოდენობა 968 ადამიანს შეადგენს, აქედან 844 გამოჯანმრთელდა, 15 კი გარდაიცვალა. კიდევ სამი ინფიცირებული მოქალაქე სამკურნალოდ სხვა ქვეყნებიდან ჩამოიყვანეს.

საქართველო სხვა ქვეყნებისთვის კორონავირუსთან ბრძოლაში სამაგალითოა >>

15 ივნისიდან აღდგა შიდა ტურიზმი, ხოლო 1 ივლისიდან საქართველო საზღვრებს უცხოელი ტურისტებისთვის გახსნის.

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საკარანტინო სივრცეში იმყოფება 4851, სტაციონარებში მეთვალყურეობის ქვეშ კი 231 ადამიანია.

მთავრობა მოსახლეობას მოუწოდებს, ქვეყანაში კორონავირუსთან დაკავშირებით მხოლოდ და მხოლოდ გადამოწმებულ და ოფიციალურად დადასტურებულ ინფორმაციას ენდონ. ყველა ინფორმაციის მოძიება შესაძლებელია მთავრობის მიერ სპეციალურად შექმნილ ვებ-გვერდზე stopcov.ge.

„ცხელი ხაზის“ ნომრები: ცხელი ხაზი კარანტინის რეჟიმის საკითხებზე – 144. საქართველოს ჯანდაცვა – 15 05 (დღე-ღამის განმავლობაში); დაავადებათა კონტროლის ცენტრი – 116 001 (21:00-მდე სამუშაო დღეებში და 18:00-მდე დასვენების დღეებში).

ყველა მოხალისეს, რომელსაც აქვს დრო და სურვილი დაეხმაროს ხანდაზმულ ადამიანებს, ასევე მათ, ვისაც სპეციალური დახმარება ესაჭიროება, შეუძლია დარეკოს მერიის ცხელ ხაზზე (032)2722222 და წითელი ჯვრის ცხელ ხაზზე - 0800 000 018.

კორონავირუსი საქართველოში: შეზღუდვების მოხსნის ეტაპები
© Sputnik / Konstantin Ivanov.
კორონავირუსი საქართველოში: შეზღუდვების მოხსნის ეტაპები
86398
თემები:
COVID-19 საქართველოში
მოგზაურობა

რამდენს დახარჯავს მთავრობა უცხოეთიდან საქართველოს მოქალაქეების ჩამოყვანაზე

113
(განახლებულია 23:19 09.07.2020)
ფრენებს განახორციელებენ ავიაკომპანიები Myway Airlines და Wizz Air. ბილეთის ღირებულება საქართველოს მოქალაქეებისთვის 200 ევრო იქნება.

თბილისი, 9 ივლისი — Sputnik. მთავრობა უცხოეთიდან საქართველოს მოქალაქეების ჩამოყვანაზე მაქსიმუმ 261 000 ევროს დახარჯავს, აღნიშნულია მთავრობის განკარგულებაში, რომელიც „საკანონმდებლო მაცნეში“ გამოქვეყნდა.

„საქართველოს ტურიზმის ეროვნულმა ადმინისტრაციამ უზრუნველყოს, კორონავირუსის გავრცელების პრევენციისათვის საერთაშორისო ფრენებზე დაწესებული შეზღუდვებიდან გამომდინარე, შესაბამისი ჩარტერული რეისების ნაწილობრივი სუბსიდირება, ჯამურად არაუმეტეს 261 000 ევროს ეკვივალენტი ლარის ოდენობით“, - წერია განკარგულებაში.

საქართველოს საგარეო საქმეთა სამინისტროს მონაცემებით, პანდემიის პერიოდში საჰაერო, სახმელეთო და საზღვაო გზით საქართველოში 12 720 თანამემამულე დაბრუნდა, ადგილებზე დახმარება კი 22 391 ადამიანს აღმოუჩინეს.

კორონავირუსის პანდემიასთან დაკავშირებით საქართველომ უცხოელი ტურისტებისთვის საზღვრები სრულად ჩაკეტა, გარდა გამონაკლისი შემთხვევებისა, და საჰაერო მიმოსვლა ყველა მიმართულებით შეწყვიტა. პანდემიის პერიოდში საგარეო საქმეთა სამინისტრომ, საზღვარგარეთ დიპლომატიურ წარმომადგენლობებთან თანამშრომლობით, სპეცრეისებით თანამემამულეთა სამშობლოში ეტაპობრივი დაბრუნება უზრუნველყო. ჩარტერულ რეისებს ავიაკომპანია Georgian Airways ახორციელებდა. ბილეთის ღირებულება, რომელიც რეისამდე ორი დღით ადრე ონლაინ იყიდებოდა, 199 ევრო იყო.

113
თემები:
COVID-19-ის პანდემია მსოფლიოში