ნოვაკ ჯოკოვიჩი

მსოფლიოს პირველ ჩოგანს კორონავირუსი დაუდგინდა

273
(განახლებულია 20:34 23.06.2020)
ნოვაკ ჯოკოვიჩმა განაცხადა, რომ 14 დღე თვითიზოლაციაში იქნება, ხოლო ხუთ დღეში კიდევ ერთ ტესტს ჩააბარებს.

თბილისი, 23 ივნისი – Sputnik. მსოფლიოს პირველმა ჩოგანმა ნოვაკ ჯოკოვიჩმა კორონავირუსზე ტესტი ჩააბარა და ის დადებითი აღმოჩნდა. ამის შესახებ ჩოგბურთელმა თავის ვებ-გვერდზე განაცხადა.

უფრო ადრე ცნობილი გახდა, რომ ხორვატიის ქალაქ ზადარში საგამოფენო ტურნირის Adria Tour ფინალი რუს ანდრეი რუბლიოვსა და ჯოკოვიჩს შორის გაუქმდა, რადგან ბულგარელ ჩოგბურთელს გრიგორი დიმიტროვს კორონავირუსი აღმოაჩნდა. ბულგარელმა ტურნირზე მატჩი ჩაატარა ხორვატ ბორნა ჩორიჩის წინააღმდეგ, რომელმაც, თავის მხრივ, ორშაბათს დაადასტურა, რომ ასევე ინფიცირებულია კორონავირუსით. ჩორიჩმა მანამდე, შაბათს ჯოკოვიჩთან ითამაშა.

„როგორც კი ბელგრადში ჩავედით, ტესტირებაზე გავემგზავრეთ. ჩემი შედეგი დადებითია, ისევე, როგორც ელენასი (ჯოკოვიჩის მეუღლე). ჩვენი შვილების შედეგები უარყოფითია. ყველაფერი, რაც გასულ თვეში გავაკეთეთ, წრფელი გულითა და კეთილი ზრახვებით გავაკეთეთ. ჩვენი ტურნირი იყო მოწოდება გაერთიანებისკენ, და მიზანი იყო მთელი რეგიონისთვის სოლიდარობა და თანადგომა გამოგვეცხადებინა“, – ნათქვამია ჯოკოვიჩის განცხადებაში.

მისი თქმით, ტურნირი იმ დროს იყო ორგანიზებული, როცა ვირუსი შესუსტდა. მათ ივარაუდეს, რომ ტურნირის ჩატარებისთვის შესაფერისი პირობები იყო.

„სამწუხაროდ, ვირუსი კიდევ არის, და ეს ახალი რეალობაა, რომელთან გამკლავებასაც ვსწავლობთ. იმედი მაქვს, რომ დროთა განმავლობაში ყველაფერი დამშვიდდება და უწინდელ ცხოვრებას დავუბრუნდებით. ძალიან ვწუხვარ ინფიცირების თითოეულ შემთხვევაზე. ვიმედოვნებ, ვინმეს ჯანმრთელობას ეს არ გაართულებს და ყველაფერი წესრიგში იქნება“, – ნათქვამია განცხადებაში.

ჯოკოვიჩმა აღნიშნა, რომ თვითიზოლაციაში დარჩება მომდევნო 14 დღე, ხოლო ხუთ დღეში ინფექციაზე განმეორებით ტესტს ჩაიტარებს.

უფრო ადრე ჯოკოვიჩმა სამედიცინო აღჭურვილობის შესაძენად, მათ შორის ფილტვების ხელოვნური ვენტილაციის აპარატების, მილიონი ევრო გამოყო. ჩოგბურთელი უკვე დაეხმარა იტალიის ბერგამოს ორ კლინიკას.

273
თემები:
COVID-19-ის პანდემია მსოფლიოში (1026)
ტესტი კორონავირუსზე

საქართველოში COVID-19-ით ინფიცირების კიდევ ერთი შემთხვევა გამოვლინდა

111
დღის განმავლობაში კორონავირუსის დადასტურებული შემთხვევების რაოდენობა ერთით გაიზარდა და 1004-ს გაუტოლდა

თბილისი, 15 ივლისი – Sputnik. საქართველოში დღის განმავლობაში კორონავირუსით დაავადებული კიდევ ერთი ადამიანი გამოვლინდა და ახლა მათი რაოდენობა 1004-მდე გაიზარდა, აღნიშნულია საქართველოს მთავრობის სპეციალურ ვებ-გვერდზე stopcov.ge.

არ არის გამორიცხული, რომ ეს არის ათი თვის ბავშვი თელავის მუნიციპალიტეტის სოფელ ყარაჯალადან, რომლის შესახებ ჟურნალისტებს განუცხადა დაავადებათა კონტროლისა და საზოგადოებრივი ჯანმრთელობის ეროვნული ცენტრის კახეთის განყოფილების უფროსმა ნელი ხიზანიშვილმა.

მისი თქმით, ბავშვი თელავის ბავშვთა პოლიკლინიკაში მკურნალობდა. კორონავირუსისთვის დამახასიათებელი სიმპტომების გამო მედიკოსებმა ბავშვი COVID-19-ზე შეამოწმეს და ტესტი დადებითი აღმოჩნდა.

ამჟამად ბავშვი თბილისის ინფექციურ საავადმყოფოში იმყოფება. მისი ინფიცირების წყარო ჯერჯერობით უცნობია. ამჟამად ეპიდემიოლოგები ახალი პაციენტის კონტაქტების დადგენას ცდილობენ, რათა ისინი კარანტინის ზონაში გადაიყვანონ. 11 ადამიანის ანალიზი უკვე გაგზავნილია ლაბორატორიაში. პასუხები ხვალ დილით გახდება ცნობილი.

დანარჩენი მონაცემები StopCov გვერდზე უცვლელი დარჩა, კერძოდ, პანდემიის დაწყებიდან ქვეყანაში გამოჯანმრთელდა 873 პაციენტი, გარდაიცვალა - 15.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 31 მოქალაქე, მათ შორის 28 – სამხედრო მოსამსახურე.

ნოვოსიბირსკელმა მეცნიერებმა კორონავირუსის გამანეიტრალებელი ანტისხეულები შექმნეს >>

კარანტინის რეჟიმში იმყოფება 5640, ხოლო სტაციონარებში ექიმების დაკვირვების ქვეშ 244 პაციენტია.

საქართველოში კორონავირუსის პირველი შემთხვევა 26 თებერვალს დაფიქსირდა.

111
თემები:
COVID-19 საქართველოში
დაკეტილი კაფეები და რესტორნები

ტიკარაძე: ჩვენ საქართველოში შრომის უსაფრთხოების კულტურა დავნერგეთ

121
(განახლებულია 22:19 15.07.2020)
საგანგებო მდგომარეობის გაუქმებიდან თვეზე ცოტა მეტ დროში შრომის ინსპექციამ 13 ათასზე მეტი ობიექტი შეამოწმა.

თბილისი, 15 ივლისი - Sputnik. საქართველოს ჯანდაცვის მინისტრმა ეკატერინე ტიკარაძემ გახსნა ღონისძიება, რომელიც შრომის ინსპექციის შექმნის ხუთი წლისთავს მიეძღვნა, და ისაუბრა ამ უწყების როლზე ქვეყანაში შრომის უსაფრთხოების კულტურის დანერგვაში.

ტურისტების მოლოდინში: აჭარაში 180-მდე სასტუმრო შეამოწმეს >>

ტიკარაძის თქმით, 2019 წელს, 2018 წელთან შედარებით, უბედური შემთხვევების რაოდენობა 24%-ით, ხოლო 2020 წლის პირველ ნახევარში, 2019 წლის იმავე პერიოდთან შედარებით, 35%-ით არის შემცირებული.

„ეს ძალიან შთამბეჭდავი რიცხვია და ძალიან მნიშვნელოვანია, რომ ჩვენ შევძლოთ და შევქმნათ უსაფრთხო გარემო ჩვენი მოქალაქეებისთვის, რათა დაცული იყოს მათი ჯანმრთელობა და სიცოცხლე“, – აღნიშნა მინისტრმა.

ქვეყანაში შრომის უსაფრთხოების სტანდარტების დანერგვა 2015 წელს დაიწყო. შრომის პირობების ინსპექტირების დეპარტამენტი სწორედ ამ დროს შეიქმნა. 2015 წლიდან 2018 წლამდე იყო გარდამავალი პერიოდი, როდესაც დეპარტამენტს მიეცა შესაძლებლობა, ჩამოყალიბებულიყო, როგორც ძლიერი მაკონტროლებელი ორგანო, ხოლო ბიზნესს მიეცა მოსამზადებელი პერიოდი, რათა გასცნობოდა და დაეცვა შრომის უსაფრთხოების თანამედროვე მოთხოვნები.

2018 წლის მარტში საქართველოს პარლამენტმა მიიღო კანონი „შრომის უსაფრთხოების შესახებ“, რის შემდეგაც შრომის ინსპექცია გადავიდა შრომის უსაფრთხოების კონტროლის სრულიად ახალ ეტაპზე. 2019 წლის 1 სექტემბრიდან კანონი გავრცელდა ყველა ობიექტზე, რომელიც ეკონომიკურ საქმიანობას ახორციელებს.

„2015 წლის შემდეგ გადაიდგა ძალიან მნიშვნელოვანი ნაბიჯები, რომლის უკანაც ძალიან დიდი შრომა დგას – როგორც აღსრულების კუთხით, ასევე საკანონმდებლო კუთხით“, - აღნიშნა ტიკარაძემ.

კორონავირუსის პრევენციისთვის განსაზღვრული რეკომენდაციების დაცვის მიზნით უკვე განხორციელდა 13300-მდე ინსპექტირება მთელი ქვეყნის მასშტაბით. ინსპექტირება ხორციელდება როგორც გეგმურად, ასევე არაგეგმურად.

ღონისძიება გაიმართა კამპანიის „ერთი თვე სამინისტროსთან ერთად“ ფარგლებში, რომელსაც მთავრობის წარმომადგენლები, პარტნიორი ორგანიზაციები და ბიზნეს-სექტორის წარმომადგენლები ესწრებოდნენ.

121
თემები:
სოციალური სფერო საქართველოში
წარმოსახვა პანიკის შეტევისას

სიმაღლის, სიბნელის, დახურული სივრცის თუ... ზოდიაქოს ნიშნების ფობიები

0
(განახლებულია 13:11 15.07.2020)
როგორ მოქმედებენ ვარსკვლავები ჩვენს ფობიებზე? რისი ეშინიათ ყველაზე მეტად ზოდიაქოს ცალკეული ნიშნის წარმომადგენლებს? ამაზე სფეროს ექსპერტები მოგვითხრობენ

იმისთვის, რომ შიში დავძლიოთ, მასზე ყველაფერი უნდა ვიცოდეთ, მათ შორის, როგორ მოქმედებს ზოდიაქოს ნიშანი ჩვენს ფობიებზე.

„ცდუნებების" ჰოროსკოპი - რის წინაშე არიან უძლური ზოდიაქოს ნიშნები>>

ვერძი

ვერძი ბუნებით იდეალისტია, მზადაა, ნებისმიერი გზით მიაღწიოს საწადელს, ოცნების გზაზე ძალას არ იშურებს. ამიტომ ეშინია, რომ წარმატებას ვერ მიაღწევს. ნებისმიერი შეზღუდვა მასში განცდებს იწვევს. მაგალითად, ეშინია კლაუსტროფობიის (დახურული სივრცის შიში). ხანდახან კი ისოლოფობია აშინებს (მარტოობის შიში).

კურო

კუროსთვის სტაბილურობაა მნიშვნელოვანი. მთელი ძალებით ებღაუჭება სტაბილურ სამსახურს. ხვალინდელ დღეში რომ იყოს დარწმუნებული, მას უსაფრთხოების ფინანსური „ბალიში“ ესაჭიროება. ამიტომ ეშინია ცვლილებების. ასევე კურო ცდილობს, არ შეეხოს მისტიკას, რომელსაც მისი გეგმების მოულოდელად დანგრევა შეუძლია,

ტყუპი

კომუნიკაბელური და სიცოცხლის მოყვარული ტყუპი მუდამ პირველობისკენ ისწრაფვის. მისთვის წამების ტოლფასია მეორეხარისხოვანი როლის თამაში. ტყუპს ეშინია არასწორი გადაწყვეტილების მიღების, რის გამოც დიდხანს შეიძლება იორჭოფოს თავის ქმედებებში და ერთ ადგილზე იყოს გაჩერებული. ტყუპს უყურადღებოდ დარჩენის ეშინია.

კირჩხიბი

კირჩხიბებზე დამღუპველ ზემოქმედებას ახდენს ნებისმიერი კრიტიკა. ისინი დარწმუნებული არიან, რომ კრიტიკით მათი დათრგუნვა უნდათ. გულდახურულები არიან, რის გამოც პირად ცხოვრებაში ხშირად არ უმართლებთ. ეშინიათ, რომ საყვარელი ადამიანი მათ ვერ გაუგებს, ამიტომ ხშირად განმარტოვდებიან ხოლმე. ასევე ახასიათებს კლაუსტროფობია და აგორაფობია (დახურული და ღია სივრცის შიშები).

ლომი

ლომები ტემპერამენტიანი ხალხია. მათთვის მნიშვნელოვანია, რომ ყოველ წუთს გრძნობდნენ თავისუფლებასა და უპირატესობა–პირველობას გუნდში. ისინი ვერ იტანენ დაცინვას. მიუხედავად მათში ჩადებული ძალისა, ლომებს ტკივილის შეგრძნებებისა ეშინიათ, ამიტომ მათთვის ექიმთან ვიზიტი ღამის კოშმარს ემსგავსება. ასევე ხშირად აქვთ სიმაღლის შიში.

ქალწული

ქალწულები ყაირათიანი და ხელმომჭირნე არიან. ისინი დიდი ყურადღებით ეკიდებიან თავიანთ ნივთებს და არ უყვართ, როცა ვინმე სხვა ეხება მათ. სჯერათ, რომ თითოეულ ნივთს თავისი ენერგეტიკა აქვს. არავის აქვს უფლება, მათ ჩვეულ რეჟიმში ჩაერიოს, ეშინიათ უწესრიგობის. მათ ირგვლივ მხოლოდ „შერჩეული“ ადამიანები არიან, რადგან კრიტიკის ეშინიათ. ხანდახან მერყეობაც სჩვევიათ. ეშინიათ იმ ადამიანებთან კონტაქტის, რომლებმაც მათ, შესაძლოა, ყურადღება არ მიაქციონ. ვერ იტანენ მწერებს.

სასწორი

სასწორი ვერ მიაღწევს თავის მიზნებს, თუ გარშემომყოფებისგან ქებას არ მოისმენს. მათ მიმართ ნათქვამ ნებისმიერ უსიამოვნო სიტყვას მათში წინსვლის სურვილის გაქრობა შეუძლია. ყოველთვის იმისკენ ისწრაფვიან, რომ ირგვლივ მყოფებზე სასიამოვნო შთაბეჭდილება მოახდინონ, მათთვის მნიშვნელოვანია დადებითი იმიჯის შენარჩუნება. თუმცა ამის გამო პირად ცხოვრებაში ხშირად მარცხდებიან. სასწორს მარტოობისა და სიკვდილის ეშინია.

მორიელი

თუ გულით არ უნდათ, ამ ნიშნის წარმომადგენლებს ვერავინ აიძულებს რამის გაკეთებას. მათთვის ღამის საზარელი კოშმარია საკუთარ თავზე ძალადობა. ეშინიათ დროის უქმად დაკარგვის. ხანდახან უყვართ საკუთარი მნიშვნელობის წარმოჩენა, ჩვენება, თითქოს უკარება არიან; თუმცა შინაგანად საოცრად სიფაქიზით გამოირჩევიან. საგულდაგულოდ მალავენ საკუთარ ფიქრებს სხვებისგან, რომ ვერავინ შეძლოს მათ სულში ჩახედვა.

მშვილდოსანი

მშვილდოსნებს სისუსტედ მიაჩნიათ საკუთარი ემოციების გამომჟღავნება, ამიტომ ურჩევნიათ, რომ ტრიუმფი თუ ვარდნა მარტომ გადაიტანონ. თავს უკარება და უხეშ ადამიანად წარმოადგენენ, რომ მათი სისუსტე ვერავინ დაინახოს. ადრენალინი რომ განიცადონ. საფრთხის შუაგულში შეუძლიათ მოულოდნელად აღმოჩენა. მიაჩნიათ, რომ ყველაფერი ხელეწიფებათ. თუმცა ძალიან ეშინიათ, თუ რამე კონტროლიდან გამოდის, ეშინიათ არაამქვეყნიურ ძალებთან დაკავშირების, ასევე მცირე მწერების, რომლებიც სიცოცხლეს უქმნიან საფრთხეს.

თხის რქა

მიზანსწრაფული თხის რქებისა ბევრს შეიძლება შეშურდეს.რადგანაც თავიანთ სურვილს არიან ჩაბღაუჭებული, საკუთარ მომავალზე შიშობენ. ხანდახან ფსონზე ყველაფერს ჩამოდიან. არასდროს აღიარებენ საკუთარ სისუსტეებს, რომლებთან შერიგებაც ძალიან უჭირთ. ვერ იტანენ ხშირ ურთიერთობებს, რადგან მათთვის კომფორტულია მარტო ყოფნა. საშინლად ეშინიათ საკუთარი შინაგანი ჭეშმარიტი „მეს“ ხალხის წინაშე გამოაშკარავებისა, ამიტომ ქცევის სხვადასხვა მოდელს ირგებენ. მათთვის მნიშვნელოვანია, იცოდნენ, რომ გაუთვალისწინებელ სიტუაციაში ვინმე დააზღვევს. ბევრ თხის რქას აშინებს სიმაღლე და სიღრმე.

მერწყული

მერწყულები ყურადღებას აქცევენ თავიანთ ჯანმრთელობას. უცნობმა სიმპტომებმა და ტკივილმა ისინი, შესაძლოა, პანიკაში ჩააგდოს. ზოდიაქოს ეს ნიშანი განსაკუთრებულად ნიჭიერი წარმომადგენლებით ამაყობს, რომლებიც მთელი ცხოვრების განმავლობაში ცდილობენ, რომ თავიანთი შემოქმედება ადამიანებამდე მიიტანონ. ამის გამო მათ ეშინიათ, რომ ვერ გაუგონ და არ აღიარონ. მათთვის საშინელებაა რუტინული საქმიანობა. ეშინიათ სიბნელეში და დახურულ კარს მიღმა ძილის.

ზოგი ხუმრობით, ზოგიც... ზოდიაქოს ნიშნები სხვა რაკურსით>>

თევზები

თევზებისთვის ძალზე მნიშვნელოვანია ახლობლების მხარდაჭერა. უჭირთ საკუთარ თავთან მარტო დარჩენა. არ იღლებიან განუწყვეტელი ურთიერთობებით. მთელი ცხოვრება ეძებენ ადამიანს, რომელსაც დაეყრდნობიან. მაგრამ მიუხედავად კომუნიკაბელურობისა, საჯაროობის ეშინიათ. განიცდიან, რომ შეიძლება დასცინონ. ვერ იტანენ სიმაღლეს.

0