სალომე ჭაჭუა

სალომე ჭაჭუამ 30 წლის იუბილეზე უზარმაზარი ტორტი თავად გამოიცხო ვიდეო

580
(განახლებულია 20:06 23.06.2020)
ქართული ტელესივრცის მოკაშკაშე ვარსკვლავს 30 წელი შეუსრულდა. სალომე ჭაჭუა იუბილარია. ნახეთ, რამხელა ტორტი გამოაცხო ქორეოგრაფმა საკუთარი ხელით.

ტელეპროექტ „ცეკვავენ ვარსკვლავების“ ერთ-ერთი გამორჩეული მონაწილე იუბილარია. სალომე ჭაჭუა დაბადების დღეს სახლში აღნიშნავს. მან ამის შესახებ „ფოლოვერებს“ ოფიციალური გვერდით ამცნო. მოქნილმა მოცეკვავემ პანდემიის პირობებში მოკრძალებული დაბადების დღე გადაიხადა. სალომე ჭაჭუას 30 წელი შეუსრულდა. თავის დაბადების დღეზე მან საკუთარი ხელით უზარმაზარი ტორტი გამოაცხო და მარწყვით გააფორმა, ამის ამსახველი ვიდეო კი Instagram-ის ოფიციალურ გვერდზე განათავსა, რომელზეც ფანების გამოხმაურებები და მილოცვები არ წყდება. მიუხედავად იმისა, რომ გადატვირთული გრაფიკი სახლში დარჩენამ ჩაანაცვლა, სალომე თაყვანისმცემლების გაოცებას სახლიდანაც შეუდარებლად ახერხებს. საკმარისია მის გვერდზე გადახვიდეთ, ამაში თავად დარწმუნდებით.

View this post on Instagram

tu me quieres loco 👁 #salomechachua #georgian #makeuplooks

A post shared by Salome (@salome_chachuaa) on

სალომე ჭაჭუამ სტუდიიდან სახლში გადაინაცვლა. მისი ყოველდღიური ვარჯიში აღარც სავარჯიშო ცენტრში გრძელდება. ახლა სალომე სახლის პირობებში ცდილობს რუტინის გახალისებას და პარალელურად „ფოლოვერებიც“ არ ავიწყდება. ერთ-ერთმა უკანასკნელმა ვიდეომ სალომე ჭაჭუას გვერდზე მორიგი ბუმი გამოიწვია. მოცეკვავე ექსტრავაგანტული მოძრაობებით აოცებს თაყვანისმცემლებს. მეგა-შოუ „ცეკვავენ ვარსკვლავების“ ბოლო სეზონზე სალომე არ გამოჩენილა. მიზეზი ის აღმოჩნდა, რომ სალომე ბეირუთში ანალოგიურ შოუში მიიწვიეს. იქ ის ზაფხულიდან შემოდგომამდე დარჩა, პარალელურად კი პატარა მოსწავლეებს თბილისში აკითხავდა. ცეცხლოვანი და მიმზიდველი ქორეოგრაფი აღტაცებას იწვევს.

განსაკუთრებულად აღსანიშნავი მისი დუეტი მსახიობ გიორგი გილიგაშვილთან აღმოჩნდა. პირველივე შესრულებიდან მათ მიმართ განსხვავებული ყურადღება გამოიჩნეს. რა თქმა უნდა, მათი ერთობლივი სულის შემძვრელი ცეკვა სალომეს ახალი ურთიერთობის დაწყებას დაუკავშირეს. გიორგი გილიგაშვილი და სალომე ჭაჭუა საუკეთესო მეგობრები არიან. გიორგი ვარდოსანიძესთან დაშორების მერე ქორეოგრაფი პირად ცხოვრებაზე აღარ საუბრობს.

სალომე ჭაჭუა სატელევიზიო სივრცეში დიდი პოპულარობით სარგებლობს. მისი უჩვეულო ქორეოგრაფია ცეკვის მოყვარულების ყურადღებას იქცევს. მოცეკვავის სკოლაში უპრეცედენტო რაოდენობის მოსწავლეები დადიან. ასაკობრივი სხვაობის მიუხედავად, სალომეს მოსწავლეები ერთმანეთს ემეგობრებიან. აღსანიშნავია, რომ სალომეს ვიდეოებზე მისი მოსწავლეები სალომეს უცხოეთში ყოფნის დროს ერთმანეთს ცოდნას უზიარებენ და ახალ ილეთებს სწავლობენ. ახლა კი ონლაინ სწავლება გრძელდება, ვინაიდან სტუდიაში ხალხმრავლობა აკრძალულია. სალომე საკუთარი თავისა და მოსწავლეების ტონუსს არც ერთი დღე არ აგდებს – თავადაც და მისი მოსწავლეებიც მუდმივად ვარჯიშობენ.

580
თემები:
სელებრითების ცხოვრება (1898)
გორის სამხედრო ჰოსპიტალი

ქართველ სამხედროებს ავღანეთში კორონავირუსი დაუდგინდა

14
(განახლებულია 11:13 10.07.2020)
სამხედრო მოსამსახურეები, რომლებიც როტაციის შედეგად ავღანეთიდან სამშობლოში დაბრუნდებიან, ორკვირიან კარანტინში განთავსდებიან

თბილისი, 10 ივლისი – Sputnik. ავღანეთიდან თბილისში სპეცრეისით 28 ქართველი სამხედრო მოსამსახურე ჩამოიყვანს. მათ კორონავირუსი აღმოაჩნდა.

ქართული მასმედიის ინფორმაციით, სამხედროები, რომლებიც სამშვიდობო მისიაში „მტკიცე მხარდაჭერა“ მონაწილეობდნენ, გერმანიის საჰაერო ძალების სამხედრო თვითმფრინავით გამოიყვანეს. ბორტზე მათთან ერთად იმყოფებოდა ბუნდესვერის მედპერსონალი.

„სამხედროების სამედიცინო მდგომარეობა დამაკმაყოფილებელია. რაც შეეხება სიმპტომატიკას, ის გართულებებისა და ჩივილების გარეშე მიმდინარეობს. ხოლო ინფიცირების წყარო, უკავშირდება ადგილობრივ ავღანელ პერსონალს“, – აღნიშნულია თავდაცვის სამინისტროს განცხადებაში.

საქართველოში გამოფრენამდე ინფიცირებულები სპეციალურ იზოლატორში მოათავსეს. შესაბამისა, მისიაში მონაწილე სხვა ქართველ ჯარისკაცებს ინფიცირების საფრთხე არ ემუქრება.

ინფიცირებული სამხედროები მკურნალობას გორის სამხედრო ჰოსპიტალში განაგრძობენ. რაც შეეხება დანარჩენ სამხედროებს, ისინი სამშობლოში დაბრუნების შემდეგ ორკვირიან სავალდებულო კარანტინს გაივლიან.

ნატოს მისია „მტკიცე მხარდაჭერა“ (Resolute Support), რომელიც არასაბრძოლო სტატუსის მატარებელია, ავღანეთში 2015 წლის 1 იანვრიდან იმყოფება. ნატოსა და ავღანეთს შორის ორმხრივი შეთანხმების თანახმად, ქვეყანაში 13 ათასამდე სამხედრო მოსამსახურეა, რომელთა ფუნქციებსაც ავღანეთის ძალოვანი სტრუქტურების სწავლება და მათთვის კონსულტაციების გაწევა წარმოადგენს.

საქართველოს მხრიდან მისიაში მონაწილეობს 870-ზე მეტი ჯარისკაცი. ისინი ბაგრამის საავიაციო ბაზაზე, ქაბულსა და მაზარი-შარიფში არიან დისლოცირებული.

14
თემები:
COVID-19 საქართველოში
რთველი კახეთში

გარანტიები მევენახეებისთვის, ანუ სოლიდარობა სუბსიდირების სახით

22
(განახლებულია 09:36 10.07.2020)
სახელმწიფო ქართველ მევენახეებს 60 მლნ ლარის ოდენობის სუბსიდიას გამოუყოფს და თუ საჭირო გახდება, ყურძნის შესყიდვაშიც ჩაერთვება

თბილისი, 10 ივლისი – Sputnik. ქართველი მევენახეებისთვის შეიქმნა გარანტიები, რომ მათი საქმიანობა დაფასდეს და მათ შეძლონ 2020 წლის სეზონის ნაკლებად მძიმედ გადატანა, განაცხადა ბრიფინგზე გარემოს დაცვისა და სოფლის მეურნეობის მინისტრმა ლევან დავითაშვილმა.

პრემიერმა მევენახეებს მიმართა - სახელმწიფო არ დაგივიწყებთ>>

ქართული მეღვინეობა კორონავირუსის პანდემიისა და ქვეყნებს შორის სავაჭრო ოპერაციების შემცირების გამო ზარალდება. საქართველოდან ღვინის მიწოდება ბოლო წლებში პირველად შემცირდა: „საქსტატის“ მონაცემებით, მიმდინარე წლის პირველ ხუთ თვეში ღვინის ექსპორტი 11,3%–ით დაეცა.

მინისტრის განცხადებით, მსხვილი კომპანიები, რომლებიც ერთ ტონაზე მეტი „რქაწითელის“ ან „კახური მწვანეს“ გადამუშავებას შეძლებენ, სახელმწიფოსგან ერთ კილოგრამზე 30 თეთრის ოდენობის სუბსიდიას მიიღებენ, თუ მათი ფასი მინიმუმ 80 თეთრი იქნება. სამინისტროში სპეციალური სამუშაო ჯგუფი იმუშავებს, რომელიც კოორდინირებას გაუწევს სამუშაო პროცესს, რათა მევენახეებმა და ფერმერებმა რიგებისა და პრობლემების გარეშე ჩააბარონ თავიანთი პროდუქცია.

„ის, რომ ჩვენ ასეთი გარანტიები შევქმენით ქართველი მევენახე-ფერმერებისთვის, ვფიქრობ, არის ძალიან მნიშვნელოვანი მიღწევა და სოლიდარობა, რადგან ეს არის ქართველი გადასახადების გადამხდელების მიერ აკუმულირებული თანხები. ანუ ეს არის სოლიდარობა მევენახე-ფერმერებისთვის, რათა მათი საქმიანობა წელს დაფასდეს და 2020-ის სეზონი ნაკლებად მძიმედ გაიარონ“, – განუცხადა დავითაშვილმა ჟურნალისტებს.

უფრო ადრე საქართველოს პრემიერ–მინისტრმა გიორგი გახარიამ განაცხადა, რომ მთავრობა ქართული ყურძნის ჯიშების „რქაწითელისა" და „კახური მწვანის" სუბსიდირებას განახორციელებს.

პრემიერის თქმით, ფერმერული საქმიანობის სტიმულირება მთავრობის ანტიკრიზისული გეგმის ერთ-ერთი მიზნობრივი მიმართულებაა.

მთავრობის გადაწყვეტილებით, წელს ყურძნის მოსავლის სუბსიდირებაზე 60 მლნ ლარი დაიხარჯება.

გასულ წელს საქართველოში 271 ტონა ყურძენი მოიკრიფა.

22
თემები:
ღვინის კულტურა და მეღვინეობა