კახა იმნაძე

საქართველოს ელჩი გაეროში იოგის მიმდევარი აღმოჩნდა

266
2014 წელს გაეროს გენერალურმა ასამბლეამ 21 ივნისის იოგის დღედ გამოაცხადა - ეს არის ზაფხულის მზებუდობა

თბილისი, 21 ივნისი – Sputnik. საქართველო არის გაეროს გენერალური ასამბლეის რეზოლუციის ერთ-ერთი თანაავტორი ქვეყანა, რომელმაც დაარსა იოგას საერთაშორისო დღე (International Yoga Day), დაწერა Twitter-ში გაეროში საქართველოს მუდმივმა წარმომადგენელმა კახა იმნაძემ.

„აღვნიშნავ 2020 წლის იოგას საერთაშორისო დღეს ნიო-იორკში ჩემი სახლის აივანზე, რადგან გერო ჯერ ისევ დაბლოკილია კორონავირუსის გამო. ვამაყობ იმით, რომ საქართველო რეზოლუციის ერთ-ერთი პირველი თანაავტორი ქვეყანა იყო ინდოეთთან ერთად, რომელმაც იოგას საერთაშორისო დღე დააარსა“, - დაწერა იმნაძემ.

გაეროში მუდმივმა წარმომადგენელმა ექვსი წლის წინანდელი სამახსოვრო ფოტოების კოლაჟი გამოაქვეყნა.

პლანეტის მოსახლეობას იოგას დღე ინდოეთის პრეზიდენტმა რამ ნათ კოვინდმაც მიულოცა.

„იოგას უძველესი მეცნიერება - ინდოეთის უდიდესი საჩუქარია მსოფლიოსთვის. მოხარული ვარ, რომ სულ უფრო მეტი ადამიანი ხდება მისი მიმდევარი. სტრესის და დაპირისპირების დროს, განსაკუთრებით როდესაც ის COVID-19-ს უკავშირდება, იოგას პრაქტიკას შეუძლია სხეულს ფორმა და მშვიდი აზროვნება შეუნარჩუნოს“, - დაწერა Twitter-ში რამ ნათ კოვინდმა.

იმის შესახებ, რომ იოგა შველის კორონავირუსის წინააღმდეგ, ადრე განაცხადა ინდოეთის პრემიერ-მინისტრმა ნარენდრა მოდიმ. მისი თქმით, ბევრმა პაციენტმა საოცარი მეთოდიკის დახმარებით სასუნთქი და იმუნური სისტემის გაძლიერება შეძლეს.

2014 წელს გაეროს გენერალურმა ასამბლეამ 21 ივნისის იოგის დღედ გამოაცხადა. ეს დღე შემთხვევით არ შეირჩა - ეს არის ზაფხულის მზებუდობა და ყველაზე გრძელი დღე წელიწადში.

266
თბილისის ბოტანიკური ბაღი

სასჯელი გარემოსთვის ზიანის მიყენების გამო გამკაცრდა

13
(განახლებულია 08:34 10.07.2020)
გარემოსთვის ზიანის მიყენების გამო გადახდილი თანხები სპეციალურად შექმნილ ანგარიშზე მოხვდება, ხოლო შეკრებილი სახსრები დაზიანებული გარემოს აღდგენას მოხმარდება

თბილისი, 10 ივლისი – Sputnik. საქართველოში პირები, რომლებიც პასუხისმგებელი არიან გარემოსთვის ზიანის მიყენებაში, ვალდებული იქნებიან, მიყენებული ზარალის შედეგები თავიანთი ხარჯით გამოასწორონ, ნათქვამია მთავრობის განცხადებაში.

საქართველოს მთავრობამ დაამტკიცა კანონპროექტი „გარემოსდაცვითი პასუხისმგებლობის შესახებ“, რომლის მიზანია გარემოზე ზიანის მიყენების შემსუბუქება და პრევენციის სამართლებრივი რეგულირება.

პროექტის თანახმად, საქართველოში არსებული ყველა საწარმო ვალდებული იქნება, შეამციროს და აღმოფხვრას გარემოსთვის მნიშვნელოვანი ზიანის მიყენება.

ახალი მექანიზმი გულისხმობს არა მხოლოდ ზარალის ფულად ანაზღაურებას, არამედ ასევე ითვალისწინებს ღონისძიებების გატარებას ზიანის შემცირებისა და აღმოფხვრის კუთხით.

მოქმედი კანონმდებლობა მთლიანად აგებული იყო გარემოსთვის მიყენებული ზიანისათვის მონეტარულ პასუხისმგებლობაზე. გარემოსთვის მიყენებული ზიანის სანაცვლოდ გადახდილი თანხა მიემართებოდა სახელმწიფო ბიუჯეტში, მაგრამ ბიუჯეტში არ იყო გათვალისწინებული ამ თანხის დაზიანებული გარემოს აღდგენაზე გამოყენება, აღნიშნავენ მთავრობაში.

ლევან დავითაშვილი: გარემოს დაცვა სულ უფრო აქტუალური ხდება>>

ახალი კანონპროექტით, ზიანის მიყენებისთვის გადახდილი თანხები სპეციალურად შექმნილ ანგარიშზე მოხვდება და ის დაზიანებული გარემოს აღდგენაზე დაიხარჯება.

ამას გარდა, დადგინდა მაღალი საჯარიმო სანქციები იმ საწარმოებისთვის, რომლებიც ატმოსფერულ ჰაერს მავნე ნივთიერებებით დააბინძურებენ.

13
თემები:
გარემოს დაცვა და ეკოლოგია
მყიდველები ბაზარში

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/10 ივლისი

86471
საქართველოში საგანგებო მდგომარეობა ერთი თვის წინ მოიხსნა, მაგრამ მთავრობამ შეზღუდვების ნაწილი ძალაში დატოვა.

თბილისი, 10 ივლისი – Sputnik. საქართველოს მთავრობა აგრძელებს კორონავირუსის პანდემიის გამო დაწესებული შეზღუდვების მოხსნას, მაგრამ ამავე დროს მთავრობა და ეპიდემიოლოგები მოუწოდებენ მოქალაქეებს გამოიჩინონ სიფრთხილე და დაიცვან ჯანდაცვის სამინისტროს რეკომენდაციები.

ქვეყნის ტერიტორიაზე მოქმედებს შემდეგი შეზღუდვები:

  • დახურულ სივრცეებში, საჯარო დაწესებულებებში, საზოგადოებრივ ტრანსპორტში, ოფისებსა და მაღაზიებში სავალდებულოა პირბადის ტარება და სოციალური დისტანციის დაცვა;
  • საზოგადოებრივ ტრანსპორტში დაუშვებელია პირბადის გარეშე ყოფნა და კონდიციონერების ჩართვა;

  • ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე;
  • დახურულ სივრცეებში აკრძალულია კულტურული და სპორტული ღონისძიებების გამართვა;
  • კაზინოების და ტოტალიზატორების მუშაობა დაშვებულია მხოლოდ ონლაინ;
  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • უნივერსიტეტებში სასწავლო პროცესი კვლავ დისტანციურად განხორციელდება;
  • ადამიანების თავშეყრის ადგილებში აკრძალულია სპლიტ-სისტემის კონდიციონერების გამოყენება, რომლებიც ჰაერს იღებენ შენობიდან, აგრილებენ და ისევ აბრუნებენ. დაშვებულია სამრეწველო კონდიციონერების გამოყენება, რომლებიც კონდიცირება-ვენტილაციის სისტემებს მოიცავს (ჰაერი შენობაში გარედან შეაქვს).

ამ მომენტისათვის ინფიცირებულთა რაოდენობა 968 ადამიანს შეადგენს, აქედან 844 გამოჯანმრთელდა, 15 კი გარდაიცვალა. კიდევ სამი ინფიცირებული მოქალაქე სამკურნალოდ სხვა ქვეყნებიდან ჩამოიყვანეს.

საქართველო სხვა ქვეყნებისთვის კორონავირუსთან ბრძოლაში სამაგალითოა >>

15 ივნისიდან აღდგა შიდა ტურიზმი, ხოლო 1 ივლისიდან საქართველო საზღვრებს უცხოელი ტურისტებისთვის გახსნის.

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საკარანტინო სივრცეში იმყოფება 4851, სტაციონარებში მეთვალყურეობის ქვეშ კი 231 ადამიანია.

მთავრობა მოსახლეობას მოუწოდებს, ქვეყანაში კორონავირუსთან დაკავშირებით მხოლოდ და მხოლოდ გადამოწმებულ და ოფიციალურად დადასტურებულ ინფორმაციას ენდონ. ყველა ინფორმაციის მოძიება შესაძლებელია მთავრობის მიერ სპეციალურად შექმნილ ვებ-გვერდზე stopcov.ge.

„ცხელი ხაზის“ ნომრები: ცხელი ხაზი კარანტინის რეჟიმის საკითხებზე – 144. საქართველოს ჯანდაცვა – 15 05 (დღე-ღამის განმავლობაში); დაავადებათა კონტროლის ცენტრი – 116 001 (21:00-მდე სამუშაო დღეებში და 18:00-მდე დასვენების დღეებში).

ყველა მოხალისეს, რომელსაც აქვს დრო და სურვილი დაეხმაროს ხანდაზმულ ადამიანებს, ასევე მათ, ვისაც სპეციალური დახმარება ესაჭიროება, შეუძლია დარეკოს მერიის ცხელ ხაზზე (032)2722222 და წითელი ჯვრის ცხელ ხაზზე - 0800 000 018.

კორონავირუსი საქართველოში: შეზღუდვების მოხსნის ეტაპები
© Sputnik / Konstantin Ivanov.
კორონავირუსი საქართველოში: შეზღუდვების მოხსნის ეტაპები
86471
თემები:
COVID-19 საქართველოში