აქცია

კორონავირუსი კრძალავს: რა მოთხოვნები წამოაყენა სიძე–პატარძალმა და მაყრიონმა კანცელარიასთან

150
(განახლებულია 21:19 19.06.2020)
ივენთ–ინდუსტრიის წარმომადგენლებმა, რომლებიც კორონავირუსის გამო დაწესებული აკრძალვების პირობებში შემოსავლის გარეშე დარჩნენ, თბილისსა და ბათუმში საპროტესტო აქციები გამართეს

 

თბილისი, 19 ივნისი – Sputnik.  თბილისში, მთავრობის ადმინისტრაციის შენობის წინ, უჩვეულო საპროტესტო აქცია გაიმართა, მისი მონაწილეები – ფოტოგრაფები, ვიდეოოპერატორები, მუსიკოსები და დიზაინერები მასობრივი ღონისძიებების აკრძალვის გაუქმებას მოითხოვდნენ. 

„Sputnik საქართველოს“ კორესპონდენტის ცნობით, აქციის დაახლოებით ასი მონაწილე ქორწილის, კორპორატიული ღონისძიებების, იუბილეებისა და სხვა მასობრივი ღონისძიებების გამართვის ნებართვას მოითხოვდნენ.

მარტის შუა რიცხვებიდან, მას შემდეგ რაც ჯანდაცვის მსოფლიო ორგანიზაციამ მსოფლიოში კორონავირუსის ინფექციის გავრცელების შესახებ განაცხადა, საქართველოში მასობრივი ღონისძიებები – ქორწილი, კორპორატიული ღონისძიებები, ნათლობა, ქელეხი და.ა.შ. აიკრძალა. ახლა შეზღუდვები ეტაპობრივად იხსნება, თუმცა, როდის იქნება შესაძლებელი დიდ ღოისძიებებზე შეკრება, ჯერჯერობით უცნობია. ყოველივე აქედან გამომდინარე, ივენთ–ინდუსტრიის წარმომადგენლები საარსებო წყაროს გარეშე დარჩნენ.

 „ამ შეზღუდვების გამო ჩვენ შემოსავლის წყაროს გარეშე დავრჩით. ამასთან, ღონისძიების ორგანიზებისთვის ყოველთვის საჭიროა დრო, რამდენადაც ჩვენ არ გვაქვს კითხვაზე პასუხი თუ როდის დაუშვებენ „ივენთებს“, სამომავლოდ ღონისძიებების დაგეგმვაც არ შეგვიძლია“, – განაცხადა სააგენტოსთან საპროტესტო აქციის ინიციატორმა ციცი ჩხეიძემ. 

შემოქმედებით ადამიანებს პროტესტიც შემოქმედებითი ჰქონდათ – აქციის მონაწილეებმა პროტესტის ნიშნად მთავრობის ადმინისტრაციის წინ ქორწილის სცენა გაითამაშეს. აქ ყველა და ყველაფერი იყო: სიძე–პატარძალი, მუსიკოსები, მაყრიონი, საქორწილო ფოტოზონა.

ანალოგიური საპროტესტო აქცია გაიმართა ბათუმშიც. აქციის მონაწილეების სიტყვებით, ივენთ–ინდუსტრიაში რეგიონის მასშტაბით დაახლოებით შვიდი ათასი ადამიანია დასაქმებული – ეს არიან არა მარტო ფოტოგრაფები, ვიდეოოპერატორები და მუსიკოსები, არამედ მზარეულები, წამყვანები, ოფიციანტები. დღეისთვის ისინი სამსახურის გარეშე არიან დარჩენილი.

ბოლო მონაცემებით, საქართველოში კორონავირუსის 896 დადასტურებული შემთხვევაა, გამოჯანმრთელდა 741, გარდაიცვალა 14. საკარანტინე სივრცეში იმყოფება 2 891, ხოლო სტაციონარში მეთვალყურეობის ქვეშ 256 ადამიანი. უცხოეთიდან სამკურნალოდ გადმოყვანილია საქართველოს სამი მოქალაქე.



150
თემები:
COVID-19 საქართველოში (1179)
მყიდველები ბაზარში

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/10 ივლისი

86394
საქართველოში საგანგებო მდგომარეობა ერთი თვის წინ მოიხსნა, მაგრამ მთავრობამ შეზღუდვების ნაწილი ძალაში დატოვა.

თბილისი, 10 ივლისი – Sputnik. საქართველოს მთავრობა აგრძელებს კორონავირუსის პანდემიის გამო დაწესებული შეზღუდვების მოხსნას, მაგრამ ამავე დროს მთავრობა და ეპიდემიოლოგები მოუწოდებენ მოქალაქეებს გამოიჩინონ სიფრთხილე და დაიცვან ჯანდაცვის სამინისტროს რეკომენდაციები.

ქვეყნის ტერიტორიაზე მოქმედებს შემდეგი შეზღუდვები:

  • დახურულ სივრცეებში, საჯარო დაწესებულებებში, საზოგადოებრივ ტრანსპორტში, ოფისებსა და მაღაზიებში სავალდებულოა პირბადის ტარება და სოციალური დისტანციის დაცვა;
  • საზოგადოებრივ ტრანსპორტში დაუშვებელია პირბადის გარეშე ყოფნა და კონდიციონერების ჩართვა;

  • ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე;
  • დახურულ სივრცეებში აკრძალულია კულტურული და სპორტული ღონისძიებების გამართვა;
  • კაზინოების და ტოტალიზატორების მუშაობა დაშვებულია მხოლოდ ონლაინ;
  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • უნივერსიტეტებში სასწავლო პროცესი კვლავ დისტანციურად განხორციელდება;
  • ადამიანების თავშეყრის ადგილებში აკრძალულია სპლიტ-სისტემის კონდიციონერების გამოყენება, რომლებიც ჰაერს იღებენ შენობიდან, აგრილებენ და ისევ აბრუნებენ. დაშვებულია სამრეწველო კონდიციონერების გამოყენება, რომლებიც კონდიცირება-ვენტილაციის სისტემებს მოიცავს (ჰაერი შენობაში გარედან შეაქვს).

ამ მომენტისათვის ინფიცირებულთა რაოდენობა 968 ადამიანს შეადგენს, აქედან 844 გამოჯანმრთელდა, 15 კი გარდაიცვალა. კიდევ სამი ინფიცირებული მოქალაქე სამკურნალოდ სხვა ქვეყნებიდან ჩამოიყვანეს.

საქართველო სხვა ქვეყნებისთვის კორონავირუსთან ბრძოლაში სამაგალითოა >>

15 ივნისიდან აღდგა შიდა ტურიზმი, ხოლო 1 ივლისიდან საქართველო საზღვრებს უცხოელი ტურისტებისთვის გახსნის.

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საკარანტინო სივრცეში იმყოფება 4851, სტაციონარებში მეთვალყურეობის ქვეშ კი 231 ადამიანია.

მთავრობა მოსახლეობას მოუწოდებს, ქვეყანაში კორონავირუსთან დაკავშირებით მხოლოდ და მხოლოდ გადამოწმებულ და ოფიციალურად დადასტურებულ ინფორმაციას ენდონ. ყველა ინფორმაციის მოძიება შესაძლებელია მთავრობის მიერ სპეციალურად შექმნილ ვებ-გვერდზე stopcov.ge.

„ცხელი ხაზის“ ნომრები: ცხელი ხაზი კარანტინის რეჟიმის საკითხებზე – 144. საქართველოს ჯანდაცვა – 15 05 (დღე-ღამის განმავლობაში); დაავადებათა კონტროლის ცენტრი – 116 001 (21:00-მდე სამუშაო დღეებში და 18:00-მდე დასვენების დღეებში).

ყველა მოხალისეს, რომელსაც აქვს დრო და სურვილი დაეხმაროს ხანდაზმულ ადამიანებს, ასევე მათ, ვისაც სპეციალური დახმარება ესაჭიროება, შეუძლია დარეკოს მერიის ცხელ ხაზზე (032)2722222 და წითელი ჯვრის ცხელ ხაზზე - 0800 000 018.

კორონავირუსი საქართველოში: შეზღუდვების მოხსნის ეტაპები
© Sputnik / Konstantin Ivanov.
კორონავირუსი საქართველოში: შეზღუდვების მოხსნის ეტაპები
86394
თემები:
COVID-19 საქართველოში (1179)
მოგზაურობა

რამდენს დახარჯავს მთავრობა უცხოეთიდან საქართველოს მოქალაქეების ჩამოყვანაზე

111
(განახლებულია 23:19 09.07.2020)
ფრენებს განახორციელებენ ავიაკომპანიები Myway Airlines და Wizz Air. ბილეთის ღირებულება საქართველოს მოქალაქეებისთვის 200 ევრო იქნება.

თბილისი, 9 ივლისი — Sputnik. მთავრობა უცხოეთიდან საქართველოს მოქალაქეების ჩამოყვანაზე მაქსიმუმ 261 000 ევროს დახარჯავს, აღნიშნულია მთავრობის განკარგულებაში, რომელიც „საკანონმდებლო მაცნეში“ გამოქვეყნდა.

„საქართველოს ტურიზმის ეროვნულმა ადმინისტრაციამ უზრუნველყოს, კორონავირუსის გავრცელების პრევენციისათვის საერთაშორისო ფრენებზე დაწესებული შეზღუდვებიდან გამომდინარე, შესაბამისი ჩარტერული რეისების ნაწილობრივი სუბსიდირება, ჯამურად არაუმეტეს 261 000 ევროს ეკვივალენტი ლარის ოდენობით“, - წერია განკარგულებაში.

საქართველოს საგარეო საქმეთა სამინისტროს მონაცემებით, პანდემიის პერიოდში საჰაერო, სახმელეთო და საზღვაო გზით საქართველოში 12 720 თანამემამულე დაბრუნდა, ადგილებზე დახმარება კი 22 391 ადამიანს აღმოუჩინეს.

კორონავირუსის პანდემიასთან დაკავშირებით საქართველომ უცხოელი ტურისტებისთვის საზღვრები სრულად ჩაკეტა, გარდა გამონაკლისი შემთხვევებისა, და საჰაერო მიმოსვლა ყველა მიმართულებით შეწყვიტა. პანდემიის პერიოდში საგარეო საქმეთა სამინისტრომ, საზღვარგარეთ დიპლომატიურ წარმომადგენლობებთან თანამშრომლობით, სპეცრეისებით თანამემამულეთა სამშობლოში ეტაპობრივი დაბრუნება უზრუნველყო. ჩარტერულ რეისებს ავიაკომპანია Georgian Airways ახორციელებდა. ბილეთის ღირებულება, რომელიც რეისამდე ორი დღით ადრე ონლაინ იყიდებოდა, 199 ევრო იყო.

111
თემები:
COVID-19-ის პანდემია მსოფლიოში