პარლამენტის სხდომა

არა დისკრიმინაციას სამსახურში - ახალი წესები დასაქმებულთათვის

128
საქართველოს პარლამენტს შრომის კოდექსში შეაქვს ცვლილებები, რომლებითაც დასაქმებული დაცული იქნება ნებისმიერი სახის, მათ შორის, სექსუალური დისკრიმინაციისგან

თბილისი, 17 ივნისი - Sputnik. საქართველოს პარლამენტი ოთხშაბათს შეუდგა ცვლილებების განხილვას შრომის კოდექსში, რომელთა თანახმად, საქართველოს შრომით კანონმდებლობაში გაჩნდება ახალი აკრძალვები - შრომითი დისკრიმინაციისა და სექსუალური შევიწროვებისა.

არანაირი დისკრიმინაცია: საქართველოში შრომის კოდექსის გაუმჯობესებას გეგმავენ >>

შრომის კოდექსში ანტიდისკრიმინაციული ნორმების შეტანა საერთაშორისო ორგანიზაციების მოთხოვნაა.

დისკრიმინაცია და მისი სახეები

კანონპროექტში მოყვანილი განსაზღვრების თანახმად, „დისკრიმინაცია ნიშნავს განზრახ ან გაუფრთხილებლობით პირის განსხვავებას, გამორიცხვას ან უპირატესობის მინიჭებას“  გარკვეული მახასიათებლების მიხედვით.

ასეთ მახასიათებლებს შორისაა - რასა, კანის ფერი, ენა, ეთნიკური და სოციალური კუთვნილება, ეროვნება, წარმოშობა, ქონებრივი ან წოდებრივი მდგომარეობა, შრომითი ხელშეკრულების სტატუსი, საცხოვრებელი ადგილი, ასაკი, სქესი, სექსუალური ორიენტაცია, შეზღუდული შესაძლებლობა, ჯანმრთელობის მდგომარეობა, რელიგიური, საზოგადოებრივი, პოლიტიკური ან სხვა გაერთიანებისადმი, მათ შორის, პროფესიული კავშირისადმი, კუთვნილება, ოჯახური მდგომარეობა, პოლიტიკური ან სხვა შეხედულება.

ამასთან, კანონპროექტი ასხვავებს ორი სახის დისკრიმინაციას - პირდაპირს და არაპირდაპირს.

ავტორებს არც სექსუალური დისკრიმინაცია დავიწყებიათ. საქართველოს შრომის კოდექსში ცვლილებების ძალაში შესვლის შემდეგ გაჩნდება ცნება „სექსუალური შევიწროება“.

კანონპროექტის ავტორები სექსუალურ შევიწროებად მიიჩნევენ პირის მიმართ არასასურველი სექსუალური ხასიათის ქცევას, რომელიც მიზნად ისახავს ან/და იწვევს მისი ღირსების შელახვას და ქმნის მისთვის დამაშინებელ, მტრულ, დამამცირებელ, ღირსების შემლახველ ან შეურაცხმყოფელ გარემოს.

ნებადართულის ზღვარი

დისკრიმინაციის ცნება გავრცელდება არა მხოლოდ შრომით ურთიერთობებზე და კარიერულ წინსვლაზე, არამედ წინასახელშეკრულებო ურთიერთობაზეც.

დისკრიმინაციის აკრძალვა, მათ შორის, ვრცელდება აგრეთვე კარიერული წინსვლის ხელმისაწვდომობაზე, პროფესიული იერარქიის ყველა საფეხურზე, საქმიანობის სფეროს მიუხედავად.

პანდემიის დროს უმუშევრად რომ არ დარჩეთ – საქართველოს პროფკავშირები რჩევებს იძლევა >>

დამსაქმებელი ვალდებული იქნება, თანაბარი ანაზღაურება გადაუხადოს ქალსა და მამაკაცს მათ მიერ შესრულებული თანაბარი სამუშაოსთვის.

ამასთან, დისკრიმინაციის აკრძალვასთან დაკავშირებულ დავებზე მტკიცების ტვირთი ეკისრება დამსაქმებელს, თუ კანდიდატი ან დასაქმებული მიუთითებს გარემოებებზე, რომლებიც ქმნის გონივრული ვარაუდის საფუძველს, რომ დამსაქმებელი დისკრიმინაციის აკრძალვის შესახებ მოთხოვნის დარღვევით მოქმედებდა. თავად დასაქმებულის მხრიდან საკმარისი იქნება მხოლოდ საჩივრის შეტანა. 

128
თემები:
სოციალური სფერო საქართველოში (229)
ბერა ივანიშვილი მეუღლესთან და ვაჟთან ერთად

„მეამაყები...“ - ბერუკა ივანიშვილი ერთი წლის გახდა - ვარსკლავბიჭუნას ახალი ფოტოები

671
(განახლებულია 19:42 29.11.2020)
ცნობილი ოჯახის ცნობილი წევრი პატარა ბერუკა ივანიშვილი 1 წლის გახდა. ნახეთ რა ფოტოები გავრცელდა სოციალურ ქსელში

ბერუკა ივანიშვილი 1 წლის გახდა. ცნობილ ბიჭუნას დაბადების დღე სოციალურ ქსელში მისმა ნათლიამ, რეპერმა ამიკო ჯანელიძემ მიულოცა. „დღეს ბერუკას დღეა... დამოუკიდებელი პიროვნების, რომელსაც უკვე თავისი სამყარო აქვს. ჯანმრთელი და დღეგრძელი ყოფილიყავი მთელი ცხოვრება, მეამაყები“, - წერს მუსიკოსი.

პარტია „ქართული ოცნების“ თავმჯდომარისა და საქართველოს ყოფილი პრემიერის ბიძინა ივანიშვილის ოჯახში პატარა ბერუკა 2019 წლის 29 ნოემბერს გაჩნდა. როგორც ცნობილია, ბერამ და ნანუკამ შვილს სახელი მათი სახელების შერწყმის შედეგად დაარქვეს. ბერ (ბერ-ა) + უკა (ნან-უკა).

View this post on Instagram

A post shared by BERA (@beraofficial)

ცოტა ხნის წინ ბერამ და ნანუკამ Instagram-ზე ახალშობილის უსაყვარლესი ფოტოები გამოაქვეყნეს. გავრცელებული ინფორმაციით, ნანუკა გუდავაძემ სახლში იმშობიარა და მშობიარობას ნდო­ბით აღ­ჭურ­ვი­ლი მე­ა­ნი ესწრებოდა სა­ჩხე­რის სა­მე­დი­ცი­ნო ცენტრი­დან.

View this post on Instagram

A post shared by BERA (@beraofficial)

კომპოზიტორი და შემსრულებელი ბერა ივანიშვილი ცნობილი ოჯახის შვილია. მიუხედავად იმისა, რომ პოლიტიკისგან შორს არის, კარიერის დასაწყისში მამის პარტიას სიმღერებს უძღვნიდა, ახლა კი მისი კომპოზიციები ნანუკა გუდავაძეს ეძღვნება. საზოგადოებისთვის უცნობია, თუ სად გაიცნეს ერთმანეთი ბერამ და ნანუკამ.

View this post on Instagram

A post shared by BERA (@beraofficial)

სოციალურ ქსელში ცოლ-ქმარი დიდი აქტიურობითა და პოპულარობით გამოირჩევა. „ფორბსის“ მიერ გამოქვეყნებულ მილიარდერთა სიაში საქართველოდან მხოლოდ ბიძინა ივანიშვილი ირიცხება. „ქართული ოცნების“ ლიდერს ოთხი შვილი ჰყავს. მათ შორის საზოგადოებისთვის უფრო მეტად ცნობილი ბერა ივანიშვილია.

671
თემები:
სელებრითების ცხოვრება
დიჯეი

შრომის ინსპექციამ შეზღუდვების დარღვევის ფაქტზე რამდენიმე ობიექტი დააჯარიმა

82
დაჯარიმების მიუხედავად ობიექტებმა აკრძალული საქმიანობა მაინს განაგრძეს. შრომის ინსპექციამ განმეორებითი დარღვევის ფაქტების დაფიქსირების შესახებ ინფორმაცია შინაგან საქმეთა სამინისტროს მიაწოდა.

თბილისი, 29 ნოემბერი – Sputnik. შრომის, ჯანმრთელობისა და სოციალური დაცვის სამინისტროს შრომის პირობების ინსპექტირების დეპარტამენტმა ბოლო ორი დღის განმავლობაში გაფრთხილება 2738 ობიექტს მისცა, ორი დააჯარიმა და 2309 ობიექტს საქმიანობა შეუჩერა, იუწყება პირველი არხი.

საქართველოში 28 ნოემბრიდან რთული ეპიდვითარების გამო  ხელისუფლების მიერ დაწესებული ახალი შეზღუდვები ამოქმედდა, რომლებიც 2021 წლის 31 იანვრამდე იქნება ძალაში.

შეზღუდვების მიხედვით, რესტორნები და კვების ობიექტები ქვეყნის მასშტაბით მთლიანად გადადიან მიტანის სერვისზე. აიკრძალა ფიტნეს-დარბაზების და აუზების საქმიანობა. გარდა ამისა, მოქმედებს სხვა მთელი რიგი შეზღუდვები.

ჯანდაცვის სამინისტროს ინფორმაციით, აკრძალული საქმიანობის გამო ბათუმში 10 ათასი ლარით დაჯარიმდა რესტორანი შპს „დიანა“ – ე.წ. „კიდობანი“.

ასევე, ბათუმში შპს „ონლაინ მეჯიქ“ ე. წ. „რეფორმერი ფიტნესი“ აკრძალულ ეკონომიკურ საქმიანობას ახორციელებდა. იურიდიული პირი 10 ათასი ლარით დაჯარიმდა. თუმცა, მიუხედავად ამისა, სპორტული დარბაზი საქმიანობას კვლავ განაგრძობდა.

გარდა ამისა, თბილისში შრომის ინსპექციის შემოწმების შედეგად დადგინდა, რომ 10 ათასი ლარით დაჯარიმებული ობიექტი შპს „და ჰაუს რეკორდს” აკრძალულ ეკონომიკურ საქმიანობას კვლავ განაგრძობდა.

შრომის ინსპექციამ განმეორებითი დარღვევის ფაქტების დაფიქსირების შესახებ ინფორმაცია შინაგან საქმეთა სამინისტროს მიაწოდა. „იზოლაციისა და კარანტინის წესების“ მოთხოვნების განმეორებით დარღვევაზე პასუხისმგებლობა გათვალისწინებულია სსკ-ის 248-ე მუხლის პირველი ნაწილით.

საქართველოში კორონავირუსის მეორე ტალღა მძვინვარებს. ყოველდღიურად ინფიცირების რამდენიმე ათასი ახალი შემთხვევა ფიქსირდება.

82
თემები:
COVID-19 საქართველოში
ავერსის აფთიაქი

ყაზბეგის გამზირზე აფთიაქში ინციდენტი მოხდა - ერთი პირი დაკავებულია

0
(განახლებულია 22:11 29.11.2020)
შინაგან საქმეთა სამინისტრომ იარაღის უკანონო შეძენა-შენახვა-ტარების ფაქტზე გამოძიება დაიწყო, დაკავებულია ერთი პირი.

თბილისი, 29 ნოემბერი – Sputnik. თბილისში, ყაზბეგის გამზირზე, „ავერსის“ აფთიაქში ინციდენტი მოხდა, პოლიციამ ადგილზე ერთი პირი დააკავა, იუწყება „პირველი არხი“.

გავრცელებული ინფორმაციით, აფთიაქში შევიდა ორი პირი, მათ მოითხოვეს ფსიქოტროპული პრეპარატი, რომელიც მხოლოდ რეცეპტით იყიდება. უარის მიღების შემდეგ მათ ფარმაცევტს იარაღის მსგავსი ნივთი მიუშვირეს, ხოლო ფარმაცევტმა პრევენციის მიზნით პოლიცია გამოიძახა.

ორივე პირი პოლიციამ ადგილზე შეაჩერა. ერთ-ერთი არასრულწლოვანია. შინაგან საქმეთა სამინისტროს ინფორმაციით, მათგან ამოღებულ სავარაუდოდ იარაღზე დანიშნულია ექსპერტიზა.

„ავერსის“ თანამშრომლები აცხადებენ, რომ ორ პირს სათამაშო პისტოლეტები ჰქონდათ.

საპატრულო პოლიციის დეპარტამენტის მთავარი საგამოძიებო სამმართველოს ხელმძღვანელმა ვლადიმერ წითლაურმა განაცხადა, რომ 20 წლამდე ასაკის პირი ბრალდებულის სახით დააკავეს.

„ცეცხლსასროლი იარაღის უკანონო შეძენა-შენახვის ფაქტზე სისხლის სამართლის კოდექსის 236-ე მუხლის მესამე-მეოთხე ნაწილებით დაკავებულია ერთი პირი ბრალდებულის სახით, სავარაუდოდ ცეცხლსასროლი იარაღის შეძენა-შენახვის ფაქტზე, რაზეც დაინიშნება ექსპერტიზა, ჩატარდება საგამოძიებო მოქმედებები და შემდეგ მიეცემა საქმეს მსვლელობა“, – განაცხადა ვლადიმერ წითლაურმა.

0
თემები:
კრიმინალი საქართველოში