მაჭახელას ეროვნული პარკი

მაჭახელას ეროვნული პარკი ფინანსურ დახმარებას მიიღებს

55
(განახლებულია 19:21 16.06.2020)
ამ ადგილებში ეროვნული პარკის შექმნის მიზანი დიდებული ბუნებრივი მრავალფეროვნების შენარჩუნება იყო, რამდენადაც დღეს კოლხურ ტყეებს სრულფასოვანი დაცვა სჭირდება.

თბილისი, 16 ივნისი – Sputnik. მაჭახელას ეროვნული პარკი მომდევნო სამი წლის განმავლობაში 120 ათასი ევროს ოდენობის ფინანსურ და ტექნიკურ მხარდაჭერას მიიღებს. შესაბამის ხელშეკრულებას ხელი მოეწერა დაცული ტერიტორიების სააგენტოსა და კავკასიის ბუნების ფონდს (CNF) შორის.

მაჭახელას ეროვნული პარკი აჭარაში 2012 წელს კოლხური ტყის ეკოსისტემის უნიკალური ბიომრავალფეროვნებისა და გრძელვადიანი დაცვის შენარჩუნების მიზნით შეიქმნა. დაცული ტერიტორია ბათუმიდან 25 კილომეტრში, ზღვის დონიდან 300–350 მეტრზე მდებარეობს.

ხელშეკრულება ითვალისწინებს მაჭახელას ეროვნული პარკის მენეჯმენტის ეფექტიანობისა და ადმინისტრაციის თანამშრომლების სამუშაო პირობების გაუმჯობესებას, ასევე შრომითი მოტივაციის ამაღლებას, მათ შორის, სახელფასო დანამატების გაცემას.

კავკასიის ბუნების ფონდი დაცული ტერიტორიების სააგენტოსთან 2013 წლიდან თანამშრომლობს. მან მნიშვნელოვანი წვლილი შეიტანა დაცული ტერიტორიების ინფრასტრუქტურის განვითარებაში, ასევე თანამშრომლების მუშაობის სტიმულირებასა და წახალისებაში. კავკასიის ბუნების ფონდის ფინანსური მხარდაჭერით ამჟამად ათი ეროვნული პარკი სარგებლობს.

კავკასიის ბუნების ფონდი საქართველოს რეინჯერების დაზღვევაზე 40 ათას ევროს გამოყოფს>>

მაჭახელას ეროვნული პარკი

ხეობაში შეხვდებით მცენარეების უიშვიათეს სახეობებს, ბევრი მათგანი რელიქტურია, რომლებიც დედამიწას უძველესი დროიდან შემორჩა უცვლელი სახით. ბევრი მცენარე „წითელ წიგნშია“ შეტანილი.

ესაა შესანიშნავი ადგილი ტურისტული სფეროს გაუმჯობესებისა და სრულფასოვანი სარეკრეციო ზონის შექმნისთვის.

მაჭახელას ეროვნული პარკის დანიშნულებაა ასევე შეინარჩუნოს და აღადგინოს რამდენიმე უმნიშვნელოვანესი ბიოლოგური სახეობის რაოდენობა, როგორებიცაა კავკასიური სალამანდრა, მურა დათვი, კავკასიური ფუტკარი და სხვ. ამ ტერიტორიას ასევე დიდი კულტურული და ისტორიული მნიშვნელობა აქვს.

საქართველოს დაცული ტერიტორიები

დაცული ტერიტორიების საერთო ფართობი 2019 წელს 10%-ით გაიზარდა და ქვეყნის ტერიტორიის 9,6% შეადგინა.

საქართველოში 14 სახელმწიფო ნაკრძალი, 10 ეროვნული პარკი, 41 ბუნებრივი ძეგლი და ორი დაცული ლანდშაფტია. პირველი დაცული ტერიტორია – ლაგოდეხის სახელმწიფო ნაკრძალი ჯერ კიდევ 1912 წელს შეიქმნა.

რაჭაში ახალი ნაკრძალი გაჩნდება>>

ამჟამად დაცული ტერიტორიების საერთო ფართობი საქართველოში 520 811 ჰექტარს შეადგენს. დაცული ტერიტორიების დაახლოებით 75% ტყით არის დაფარული.

55
თემები:
გარემოს დაცვა და ეკოლოგია (120)
თბილისი

კუნძული მსოფლიოს Covid-რუკაზე: ავსტრიული გამოცემა საქართველოს ბრძოლაზე წერს

21
საქართველომ დაამტკიცა, რომ სწრაფი რეაგირება, დისციპლინა და მკაცრი ქმედებები ვირუსის წინააღმდეგ ბრძოლაში წარმატების საწინდარია, წერს გამოცემა

თბილისი, 12 ივლისი – Sputnik. ავსტრიული საზოგადოებრივი მაუწყებლის ბეჭდური გამოცემა – ORF Nachrichten სტატიას აქვეყნებს საქართველოს, როგორც კორონავირუსის წინააღმდეგ ბრძოლაში განსაკუთრებულად წარმატებული ქვეყნის შესახებ.

სტატიაში ნათქვამია, რომ საქართველო სამხრეთ კავკასიის პატარა ქვეყანაა, რომელიც „მაღალი ინფიცირების მქონე ქვეყნებით გარშემორტყმული ერთგვარი კუნძულია, რომელმაც ვირუსის წინააღმდეგ შემუშავებული ბრძოლის სტრატეგიით სახელი გაითქვა“.

„ქვეყანა 3,7 მილიონი მოსახლეობით მდებარეობს თურქეთსა და რუსეთის ფედერაციას შორის, ასევე ესაზღვრება სომხეთსა და აზერბაიჯანს. ყოფილ საბჭოთა რესპუბლიკებში, ასევე თურქეთში ინფიცირების შემთხვევების რაოდენობა მოსახლეობაში ზოგჯერ ათჯერ მაღალია“, - აღნიშნულია სტატიაში.

ავტორი აღნიშნავს, რომ ვირუსთან ბრძოლაში წარმატებული მოქმედებების შედეგად საქართველომ ყურადღება მიიპყრო რამდენიმე გავლენიანი საერთაშორისო გამოცემის და ანალიტიკური ცენტრის (BBC, ამერიკული და ბრიტანული ანალიტიკური ცენტრების), რომლებიც ზედმიწევნით სწავლობდნენ საქართველოს მაგალითს.

„საქართველომ ყველას დაუმტკიცა, რომ სწრაფი რეაგირება, დისციპლინა და მკაცრი ქმედებები (ზოგჯერ არცთუ ისე პოპულარული) Covid-ვირუსის წინააღმდეგ ბრძოლაში წარმატების საწინდარია“, – ნათქვამია სტატიაში.

მასალაში აღნიშნულია, რომ საქართველოს მთავრობის მიერ გადადგმული ეფექტური ნაბიჯების გარდა, ე.წ. სამმა მუშკეტერმა – დაავადებათა კონტროლის ცენტრის დირექტორმა ამირან გამყრელიძემ, მისმა მოადგილემ პაატა იმნაძემ და ვირუსოლოგმა, თბილისის ინფექციური საავადმყოფოს დირექტორმა თენგიზ ცერცვაძემ ერთობლივი სტრატეგია შეიმუშავეს.

რაც შეეხება საქართველოს მთავრობის მიერ გადადგმულ კონკრეტულ ნაბიჯებს, სტატიაში ნათქვამია, რომ მკაცრად კონტროლდებოდა შეზღუდვების დაცვა, საჭიროების შემთხვევაში კი ცალკეულ პირებს, ასევე კომპანიებს დიდი ოდენობის ჯარიმები დაეკისრა.

ამავე კონტექსტში აღნიშნულია, რომ მთავრობის მიერ მიღებული გადაწყვეტილებები ყოველთვის მოსაწონი არ იყო მოსახლეობისთვის, თუმცა მისი დიდი ნაწილი მთავრობის მოწოდებას დაემორჩილა და სახლში დარჩა. სტატიაში აგრეთვე ნახსენებია „ქართული მართლმადიდებლური ეკლესია”, რომელიც აგრძელებდა ღვთისმსახურებას.

საქართველო სომხეთს კორონავირუსთან ბრძოლაში დახმარებას კიდევ ერთხელ სთავაზობს >>

სტატიის დასასრულს ავტორი უამბობს მკითხველს, რომ საქართველო 1 ივლისიდან საერთაშორისო ტურისტებისთვის საჰაერო საზღვრების გახსნას აპირებდა, თუმცა ქვეყანაში ეპიდსიტუაციის სტაბილურობის შესანარჩუნებლად ამ თარიღმა ივლისის ბოლოსთვის გადაიწია.

21
თემები:
COVID-19-ის პანდემია მსოფლიოში
ამირან გამყრელიძე

COVID-19 საქართველოში: ყველა ახალი შემთხვევა შემოტანილია

203
(განახლებულია 15:22 12.07.2020)
ბოლო ერთი თვის განმავლობაში ინფიცირებულ პირებს შორის ხშირად არიან ტრაილერების მძღოლები, რომლებიც საერთაშორისო გადაზიდვებს ახორციელებენ

თბილისი, 12 ივლისი — Sputnik. საქართველოში კორონავირუსის ხუთივე ახალი შემთხვევა შემოტანილია, განაცხადა დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ.

მისი თქმით, ხუთივე პაციენტი კარანტინში იმყოფებოდა. ზოგიერთი მათგანი საქართველოს მოქალაქეა, რამდენიმეს კი ორმაგი მოქალაქეობა აქვს.

„ამჯერად ახალ შემთხვევებს შორის არც ერთი არ არის სატვირთო ავტომობილის მძღოლი. პაციენტების ჯანმრთელობის მდგომარეობა დამაკმაყოფილებელია“, – განმარტა გამყრელიძემ პირველი არხის ეთერში.

რაც შეეხება ზოგად სიტუაციას, მისი თქმით, განგაშისა და პანიკის საფუძველი არ არსებობს.

„გვაქვს ყოველდღიურად ერთეული შემთხვევები. უმრავლესობა არის იმპორტირებული. ბოლო ერთი თვის განმავლობაში ხშირად ინფიცირებულები არიან სატვირთო ავტომობილის მძღოლები, რომლებიც გადაზიდვებს ახორციელებენ “ , – აღნიშნა გამყრელიძემ.

ბრძოლა კორონავირუსთან: საქართველოს მოქალაქეები მთავრობის მუშაობით კმაყოფილები არიან >>

12 ივლისის მონაცემებით, საქართველოში ბოლო 24 საათში COVID-19-ით ინფიცირების ხუთი ახალი შემთხვევა გამოვლინდა. ამგვარად, დადასტურებულ შემთხვევათა რაოდენობა 986-მდე გაიზარდა.

 

203
თემები:
COVID-19 საქართველოში