ზურაბ გურიელიძე

„ეს ჩვენთვის რთული მომენტია" თბილისის ზოოპარკის დირექტორი 13 ივნისის ტრაგედიას იხსენებს

78
(განახლებულია 19:08 12.06.2020)
თბილისის ცენტრში რამდენიმე წლის წინ სტიქიისგან პრაქტიკულად განადგურებული ზოოპარკი თითქმის სრულადაა აღდგენილი და დამთვალიერებელს მასპინძლობს, მაგრამ მალე ახალ, უფრო ვრცელ და უსაფრთხო ადგილზე დაიდებს ბინას.

თბილისი, 12 ივნისი – Sputnik. თბილისის ზოოპარკის დირექტორმა ზურაბ გურიელიძემ 2015 წლის 13 ივნისის ტრაგედია გაიხსენა, როდესაც თბილისში დამანგრეველი წყალდიდობა მოხდა, და ზოოპარკის უახლოეს მომავალზე სპეციალურ პრესკონფერენციაზე ისაუბრა.

იმ ტრაგიკულ დღეს, 13 ივნისს ადიდებულმა მდინარე ვერემ დატბორა საცხოვრებელი სახლები, ზოოპარკი, „მზიურის" პარკი, თამაზ ელიზბარაშვილის ძაღლების კერძო თავშესაფარი და ასევე მოშალა ქალაქის ინფრასტრუქტურა. სტიქიამ 21 ადამიანის სიცოცხლე იმსხვერპლა, ორი ადამიანი კი ამ დრომდე დაკარგულად ითვლება. დაიღუპა დაახლოებით 300 ცხოველი.

„არაფერი განსაკუთრებული ხვალ არ იქნება, რადგან ეს ნებისმიერი ჩვენი თანამშრომლისთვის ძალიან რთული მომენტია. ჩვენ ვცდილობთ ყურადღება არ გავამახვილოთ იმაზე, რაც მოხდა. ჩვენი ამოცანა ზოოპარკის აღდგენაა. ყოველ წელს ახალი ვოლიერების გახსნით აღვნიშნავთ, მაგრამ წელს პანდემიის გამო ცოტათი დავიგვიანეთ", – განაცხადა გურიელიძემ.

მისი სიტყვებით, ტრაგედიის შემდეგ დაიწყო ძველი ზოოპარკის აღდგენის პროცესი. დაიწყო ცხოველების შემოყვანა, რომლებიც თბილისის ზოოპარკს ევროპის ზოოპარკებმა საჩუქრად გადმოსცეს. ამავდროულად თბილისის ზღვაზე დაიწყო ახალი ზოოპარკის მშენებლობა, სადაც კავკასიაში გავრცელებული სახეობების მოძიება და შეგროვებაც არის დაგეგმილი. როგორც გურიელიძემ აღნიშნა, კავკასიის არც ერთი ზოოპარკში აღნიშნული სახეობები ასე ფართოდ არ არის წარმოდგენილი და ეს მათი სავიზიტო ბარათი უნდა გახდეს.

გურიელიძის განმარტებით, მიუხედავად იმისა, რომ პანდემიამ გარკვეული ინფრასტრუქტურული პროექტები შეაფერხა, შორს არ არის დღე, როდესაც ახალი ზოოპარკი თბილისის ზღვაზე დამთვალიერებელს გაუღებს კარს.

„როდესაც კავკასიური ექსპოზიციის დიდი ნაწილი შეივსება და გარკვეული ინფრასტრუქტურა შეიქმნება, შესაძლებელი გახდება ახალი ზოოპარკის გახსნა", – აღნიშნა გურიელიძემ.

78
ამირან გამყრელიძე

COVID-19 საქართველოში: ყველა ახალი შემთხვევა შემოტანილია

153
(განახლებულია 15:22 12.07.2020)
ბოლო ერთი თვის განმავლობაში ინფიცირებულ პირებს შორის ხშირად არიან ტრაილერების მძღოლები, რომლებიც საერთაშორისო გადაზიდვებს ახორციელებენ

თბილისი, 12 ივლისი — Sputnik. საქართველოში კორონავირუსის ხუთივე ახალი შემთხვევა შემოტანილია, განაცხადა დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ.

მისი თქმით, ხუთივე პაციენტი კარანტინში იმყოფებოდა. ზოგიერთი მათგანი საქართველოს მოქალაქეა, რამდენიმეს კი ორმაგი მოქალაქეობა აქვს.

„ამჯერად ახალ შემთხვევებს შორის არც ერთი არ არის სატვირთო ავტომობილის მძღოლი. პაციენტების ჯანმრთელობის მდგომარეობა დამაკმაყოფილებელია“, – განმარტა გამყრელიძემ პირველი არხის ეთერში.

რაც შეეხება ზოგად სიტუაციას, მისი თქმით, განგაშისა და პანიკის საფუძველი არ არსებობს.

„გვაქვს ყოველდღიურად ერთეული შემთხვევები. უმრავლესობა არის იმპორტირებული. ბოლო ერთი თვის განმავლობაში ხშირად ინფიცირებულები არიან სატვირთო ავტომობილის მძღოლები, რომლებიც გადაზიდვებს ახორციელებენ “ , – აღნიშნა გამყრელიძემ.

ბრძოლა კორონავირუსთან: საქართველოს მოქალაქეები მთავრობის მუშაობით კმაყოფილები არიან >>

12 ივლისის მონაცემებით, საქართველოში ბოლო 24 საათში COVID-19-ით ინფიცირების ხუთი ახალი შემთხვევა გამოვლინდა. ამგვარად, დადასტურებულ შემთხვევათა რაოდენობა 986-მდე გაიზარდა.

 

153
თემები:
COVID-19 საქართველოში
ტყე

მოსახლეობისთვის ხე-ტყის რესურსებით სარგებლობის წესი იცვლება

110
ე.წ „საქმიანი ეზოს“ მოწყობა, კოდექსით გათვალისწინებულ სხვა სიახლეებთან ერთად, წარმოადგენს ტყის მდგრადი მართვის დანერგვის ერთ-ერთ მთავარ ინსტრუმენტს

თბილისი, 12 ივლისი — Sputnik. ეროვნული სატყეო სააგენტოს უფროსი არჩილ ნიკოლეიშვილი, კახეთის რეგიონში მოსახელობას შეხვდა და „საქმიანი ეზოების” მნიშვნელობაზე ესაუბრა, ნათქვამია უწყების მიერ გავრცელებულ განცხადებაში.

ეროვნული სატყეო სააგენტო ხე-ტყის დამზადების პრაქტიკას ცვლის. სოციალური ჭრები ეტაპობრივად გაუქმდება, სააგენტო ორგანიზებულად განახორცილებს ხე-ტყის დამზადებას, დახარისხებასა და დასაწყობებას ე.წ. „საქმიან ეზოებში“.

ტყის ახალი კოდექსი სატყეო სექტორის რეფორმის მნიშვნელოვან ნაწილს წარმოადგენს, რომლის მთავარი მიზანია მრავალმიზნობრივი ტყით სარგებლობის დამკვიდრება, ტყის ეკოსისტემების შენარჩუნება და დაცვა, სოციალური და ეკონომიკური სარგებლის გონივრული გამოყენება.

„ე.წ „საქმიანი ეზოს“ მოწყობა, კოდექსით გათვალისწინებულ სხვა სიახლეებთან ერთად, წარმოადგენს ტყის მდგრადი მართვის დანერგვის ერთ-ერთ მთავარ ინსტრუმენტს. გარემოს დაცვისა და სოფლის მეურნეობის სამინისტროს ინიციატივით, სამუშაოები საქართველოს თითქმის ყველა რეგიონში მიმდინარეობს. წლის ბოლომდე ქვეყნის მასშტაბით სულ 26 „საქმიანი ეზო“ მოეწყობა“, - ნათქვამია განცხადებაში.

უწყებაში განმარტავენ, რომ აღნიშნული ცვლილება გაუადვილებს მოსახლეობას და კერძო სექტორს ხე-ტყის შეძენას და ტრანსპორტირებას მათთვის სასურველ პერიოდში. შედეგად, მერქნული რესურსის დამზადების მიზნით ტყითსარგებლობა განხორციელდება გაცილებით ეფექტიანად, შემცირდება ტყეზე უარყოფითი გავლენა, ასევე უკანონო ჭრების რისკები.

110
ყარაბაღი

ბაქოსა და ერევანს შორის შეიარაღებული შეტაკება მოხდა

0
მხარეები ერთმანეთს ადანაშაულებენ დაპირისპირების გაღვივებაში და ინტენსიური საარტილერიო სროლის შესახებ იუწყებიან

თბილისი, 12 ივლისი – Sputnik. ერევანმა და ბაქომ აზერბაიჯან-სომხეთის საზღვარზე შეიარაღებული შეტაკების შესახებ განაცხადეს.

12 ივლისს შუადღიდან სომხეთის შეიარაღებული ძალების ქვედანაყოფებმა თოუზის რაიონში აზერბაიჯან-სომხეთის საზღვრის მონაკვეთზე უხეშად დაარღვიეს ცეცხლის შეწყვეტის რეჟიმი, აზერბაიჯანის შეიარაღებული ძალების პოზიციების მისამართით საარტილერიო დანადგარებიდან ცეცხლი გახსნეს, იუწყება Sputnik-აზერბაიჯანი.

როგორც აზერბაიჯანის თავდაცვის სამინისტროს ოფიციალურ ვებგვერდზეა ნათქვამია, ორივე მხრიდან არის მსხვერპლი. ამჟამად ბრძოლები ამ მიმართულებით მიმდინარეობს. აზერბაიჯანის ქვედანაყოფები ოპერატიულ ვითარებას აკონტროლებენ.

თავის მხრივ, სომხეთის თავდაცვის მინისტრის მოადგილე შუშან სტეპანიანი აცხადებს, რომ დაახლოებით 12:30 საათზე აზერბაიჯანის სამხედროებმა УАЗ-ის მარკის ავტომობილით სახელმწიფო საზღვრის დარღვევის მცდელობა განახორციელეს, იუწყება Sputnik-სომხეთი.

სომხეთის მხარის გაფრთხილების შემდეგ აზერბაიჯანელმა სამხედროებმა მიატოვეს ავტომობილი და თავის პოზიციებზე დაიხიეს. თუმცა ამით ინციდენტი არ ამოწურულა.

დაახლოებით ერთი საათის შემდეგ აზერბაიჯანულმა მხარემ საარტილერიო ცეცხლი გახსნა და სომეხი სამხედროების დასაყრდენი პუნქტის აღება სცადა. თუმცა საპასუხო ცეცხლის შედეგად აზერბაიჯანელმა სამხედროებმა უკან დაიხიეს, მათ ცოცხალ ძალებში დანაკარგებია, იუწყება სტეპანიანი.

აზერბაიჯანული მხარე ორი დაღუპულისა და ხუთი დაჭრილის შესახებ იუწყება, სომხური მხარე იუწყება, რომ ინციდენტი მათი მხრიდან მსხვერპლის გარეშე დასრულდა.

0
თემები:
მთიან ყარაბაღში სიტუაცია გამწვავდა