რუსთაველის თეატრი

რა პირობებში იმუშავებენ თეატრები და მუზეუმები საქართველოში შემუშავდა რეკომენდაციები

75
(განახლებულია 16:07 12.06.2020)
ჯანდაცვის სამინისტროს მიერ შემუშავებული რეკომენდაციები კულტურის ობიექტებს მუშაობის განახლებისთვის მომზადებაში დაეხმარება, თუმცა როდის მიიღებს მთავრობა მათი გახსნის გადაწყვეტილებას, ჯერ არ არის ცნობილი.

თბილისი, 12 ივნისი — Sputnik. ქვეყანაში კულტურისა და ხელოვნების ობიექტების შემოქმედებითი საქმიანობის განახლების მიზნით საქართველოს განათლების, მეცნიერების, კულტურისა და სპორტის სამინისტრომ ჯანდაცვის სამინისტროსთან ერთად შეიმუშავა საერთო რეკომენდაციები – როგორ შეძლებენ აღნიშნული ობიექტები კორონავირუსის პანდემიის პირობებში შემოქმედებითი და კულტურული ღონისძიებების ჩატარებას.

როგორც განათლების სამინისტროს განცხადებაშია აღნიშნული, ორგანიზაციებმა უნდა დაიცვან უსაფრთხოების ნორმები შემოქმედებითი საქმიანობისა და კულტურული ღონისძიებების ყველა ეტაპზე და შემუშავებული რეკომენდაციებით იხელმძღვანელონ.

რეკომენდაციები მოიცავს დეზინფექციის ჩატარებას და ჰიგიენის წესების დაცვას რეპეტიციებისა და სხვა შემოქმედებითი ღონისძიებების დროს, მოსამზადებელი სამუშაოების ჩატარებას ისეთი მასობრივი ღონისძიებებისთვის, როგორებიცაა სპექტაკლები და კონცერტები.

რეკომენდაციები კულტურის ობიექტების ადმინისტრაციას ავალდებულებს შენობებში თუ ტერიტორიაზე ხალხის ნაკადის გაკონტროლებას. ვიზიტორები ღონისძიებას შეიძლება დაესწრონ მხოლოდ ნიღბებით და დაიცვან სოციალური დისტანცია. დახურულ საგამოფენო დარბაზში ყოველ 5 კვადრატულ მეტრ ფართობზე მხოლოდ ერთი ვიზიტორი დაიშვება.

გიდის მომსახურების შემთხვევაში ექსკურსიის ხანგრძლივობა დახურულ სივრცეში არ უნდა აღემატებოდეს 1 საათს, ხოლო ვიზიტორთა ჯგუფში ადამიანების რაოდენობა 10-ს, იმ პირობით, რომ მათ შორის სოციალური დისტანცია იქნება დაცული.

რაც შეეხება თეატრების, ორკესტრების, სიმღერისა და ცეკვის ანსამბლების, საბალეტო დასების, ქოროებისა და სხვა შემოქმედებითი კოლექტივების დახურულ სივრცეში რეპეტიციების დროს გასათვალისწინებელ რეკომენდაციებს, ისინი უნდა ჩატარდეს წინასწარ შემუშავებული გრაფიკით და არაუმეტეს ათი ადამიანის მონაწილეობით. რეპეტიციის ხანგრძლივობა არ უნდა აღემატებოდეს ორ საათს. ინტერვალი ცვლებს შორის 1-1,5 საათი უნდა იყოს.

სცენაზე ორკესტრის, გუნდის, მომღერალთა ანსამბლის გამოსვლისას დაცული უნდა იყოს ორმეტრიანი დისტანცია ან გუნდის საფეხურებრივი განლაგება დისტანციის დაცვით.

რეპეტიციები, კონცერტები და სპექტაკლები სასურველია ჩატარდეს მინიმალური რეკვიზიტების გამოყენებით. გამოყენებული რეკვიზიტები და მოწყობილობა დადგენილი წესით უნდა დამუშავდეს სადეზინფექციო ხსნარით. მსახიობებისთვის საგრიმიოროებსა და გასახდელებში ავეჯის განლაგებისას დაცული უნდა იყოს მანძილი. მსახიობების მიერ გამოყენებული კოსტიუმები და ნივთები ასევე უნდა დამუშავდეს სადეზინფექციო საშუალებებით.

ღია სივრცეებში ღონისძიებების ჩატარებისას ტერიტორია წინასწარ უნდა გაიწმინდოს და ჩაუტარდეს დეზინფექცია. მაყურებელთა შორის დაცული უნდა იყოს ორმეტრიანი დისტანცია და აუცილებლობის შემთხვევაში გამოყენებული იქნას დამცავი ბარიერები.

სცენა მაყურებელთა დარბაზიდან გამოყოფილი უნდა იყოს სპეციალური ბარიერით. სცენური მოწყობილობა და მიკროფონები კი დამუშავდეს სადეზინფექციო ხსნარით როგორც ღონისძიების დაწყებამდე, ისე მისი დასრულების შემდეგ.

ბილეთების გაყიდვისას უმჯობესია ელექტრონული სისტემის მაქსიმალურად გამოყენება, ბილეთების სალაროში შეძენისას კი თანხის პლასტიკური ბარათით გადახდა. მოლარე აღჭურვილი უნდა იყოს ხელთათმანებით, სალაროსთან კი მოთავსდეს ხელის სადეზინფექციო ხსნარი.

ღონისძიება უნდა ჩატარდეს ერთ მოქმედებად, ანტრაქტის გარეშე. მისი ხანგრძლივობა არ უნდა აღემატებოდეს 3 საათს, მაყურებელთა მოსვლისა და წასვლის დროის ჩათვლით. ასევე არ არის რეკომენდებული ისეთი მომსახურების შეთავაზება, როგორიცაა კვება, ფურშეტი, რასაც პირდაპირი კავშირი არ აქვს ღონისძიებასთან.

„შემოქმედებითი აქტივობის განახლების მიზნით კულტურული ორგანიზაციებისთვის შეზღუდვების მოხსნის გადაწყვეტილება დამოკიდებული იქნება ქვეყანაში არსებულ ეპიდემიოლოგიურ ვითარებაზე. შემუშავებული რეკომენდაციები კულტურის სფეროს ორგანიზაციებს დაეხმარება გახსნასა და შემოქმედებითი ღონისძიებების ჩატარებაში უსაფრთხოების ყველა ნორმის დაცვით“, – აღნიშნულია სამინისტროს განცხადებაში.

75
თემები:
COVID-19 საქართველოში (1201)
ჰაკერი

უზენაესი სასამართლოს ვებგვერდის კოდში პორნოსაიტებია გალინკული

39
(განახლებულია 18:05 13.07.2020)
სოციალურ ქსელში სკანდალური ინფორმაცია ვრცელდება. უზენაესი სასამართლოს ვებ-გვერდზე უცნაური ლინკები შენიშნეს

თბილისი, 13 ივლისი — Sputnik. უზენაესი სასამართლოს ვებგვერდის კოდში პორნოსაიტებია გალინკული. ინფორმაცია სოციალურ ქსელში კომპანია GG Data-ს დამფუძნებელმა, გიორგი ნაკაიძემ გაავრცელა.

როგორც ჩანს, უზენაესი სასამართლოს ვებგვერდი დაჰაკულია და ამას საძიებო სისტემისთვის აკეთებენ. ბმული მომხმარებელთან არ ჩანს, თუმცა მას Google აღიქვამს და მიიჩნევს, რომ ის გალინკული ვებგვერდი „წონიანია“, რადგან ამ საიტზე არის მისი ბმულები.

მიუხედავად იმისა, რომ ბმულები მომხმარებლისთვის პირდაპირი გზით უხილავია, ის ჩანს საიტის HTML-კოდის ნახვის შემთხვევაში (ე.წ. View Source ფუნქცია). ასეთი გზით, სპამ-ბოტები აკეთებენ სიმულაციას, თითქოს დაინფიცირებული საიტი საკუთარი ნებით ათავსებს ბოროტმოქმედის ბმულს, რაც მათი საიტების საძიებო სისტემებში წინ წაწევას ემსახურება.

Web Archive-ის შემონახული მონაცემების მიხედვით, ეს ბმულები უზენაესი სასამართლოს საიტზე 1 ივნისიდან ფიქსირდება.

39
ილია მეორე

ილია მეორე: საქართველო ღვთის მფარველობის ქვეშაა

37
(განახლებულია 17:11 13.07.2020)
ტრადიციულად, ამ დღეს საქართველოს სხვადასხვა კუთხიდან მომლოცველები მცხეთაში, სვეტიცხოვლის ტაძარში იკრიბებიან.

თბილისი, 13 ივლისი — Sputnik. საქართველოს კათოლიკოს-პატრიარქმა ილია მეორემ სვეტიცხოვლის საკათედრო ტაძარში სადღესასწაულო ლიტურგია ჩაატარა და მოსახლეობას სვეტიცხოვლობა მიულოცა.

საქართველოს მართლმადიდებელი ეკლესია დღეს „წმინდა დიდებულთა ათორმეტთა მოციქულთა კრებას" – სვეტიცხოვლობას აღნიშნავს. იგი საქართველოში ერთ–ერთი მთავარი რელიგიური დღესასწაულია და წელიწადში ორჯერ — 13 ივლისს და 14 ოქტომბერს აღინიშნება. 14 ოქტომბერს ეკლესია ქრისტეს კვართს იხსენიებს, 13 ივლისს კი – ქრისტეს ყველა მოციქულს.

სწვეტიცხოვლობასთან დაკავშირებით საქართველოს ყველა მართლმადიდებლურ ტაძარში საზეიმო წირვა ტარდება. თუმცა, კორონავირუსის გავრცელების პრევენციის მიზნით ქვეყანაში მოქმედი წესების თანახმად, ტაძრებში მრევლმა სოციალური დისტანცია უნდა დაიცვას.

ამ დღესასწაულის აღსანიშნავად წმინდა ნინოს გზაზე მიმავალი მომლოცველები სვეტიცხოვლობის დღეს თავის მსვლელობას დაასრულებენ.

ტრადიციულად, ამ დღეს საქართველოს სხვადასხვა კუთხიდან მომლოცველები მცხეთაში, სვეტიცხოვლის ტაძარში იკრიბებიან, რომელიც თორმეტი მოციქულის პატივსაცემად იქნა აღებული.

პატრიარქის თქმით, საქართველო ღვთის მფარველობის ქვეშაა.

„ჩვენ, როდესაც ვფიქრობთ საკუთარ წარსულზე, აწმყოსა და მომავალზე, ვრწმუნდებით, რომ საქართველო ღვთის განსაკუთრებული მფარველობის ქვეშაა და ჩვენ ვმადლობთ უფალს ამ დიდი წყალობისათვის, – განაცხადა ილია მეორემ სვეტიცხოვლის საკათედრო ტაძარში ქადაგებისას.

მისი თქმით, ადამიანმა უნდა იგრძნოს მადლი ღვთისა და მადლობა უნდა შესწიროს უფალს.

„წმინდა მამები ამბობენ, რომ ერთმა ადამიანმა ვერ სცნო მადლი, ერთმა ადამიანმა უარყო მადლი და ამიტომ დაისაჯა. უფრო სწორად, თვითონ დასაჯა თავისი თავი. დღეს მოხარული და ბედნიერი ვართ, რომ ვხვდებით ჩვენს მორწმუნეებს, რომელთაც გამოიარეს წმინდა ნინოს გზა. ეს მე მგონი 32-ე შემთხვევაა. 33 ადამიანი მოდიოდა ლოცვით და ვედრებით, ლოცულობდნენ საქართველოს გადარჩენისათვის და მსოფლიოსთვის. ახლა ისეთი უცნაური მოვლენებია, რომ ადამიანი ვერც ახსნის, რატომ ხდება ეს. პრესა გადმოსცემს, რომ ახლა მოედო კორონა, სენი შუა აზიის ხალხს. ღმერთმა ყველას აშოროს და ყველას მოეხმაროს, ღმერთი მოწყალეა. შეგეწიოთ უფალი ", – განაცხადა პატრიარქმა.

მისი თქმით, იმ მორწმუნეებს, რომლებმაც წელს წმინდა ნინოს გზა მოილოცეს, სპეციალური დიპლომები გადაეცემათ.

37
თემები:
საეკლესიო კალენდარი
ბავშვები შადრევანში

როგორ  დავიცვათ თავი გადახურებისგან ზაფხულის ცხელ დღეებში

0
(განახლებულია 16:03 13.07.2020)
საქართველოში უკვე ძალიან ცხელა. განსაკუთრებით ბავშვებს და მოხცებს უჭირთ ამ სიცხის გაძლება. მზე ამ პერიოდში ძალიან აქტიურია და შუადღისას თითქმის შეუძლებელია გარეთ გასვლა. ტემპერატურა, რომელიც აღემატაბა 32 გრადუსს საფრთხის შემცველია ადამიანის ჯანმრთელობისთვის.

როგორ უნდა მოვიქცეთ ზაფხულის ცხელ დღეებში და როგორ უნდა დავიცვათ თავი გადახურებისგან, ამის შესახებ დაავადებათა კონტროლის ცენტრის დირექტორის მრჩეველი ნია გიუაშვილი საუბრობს.

ნია გიუაშვილი
ნია გიუაშვილი

პრევენციის ელემენტარული ზომები, ასე ვთქვათ უნდა იყოს მიღებული  ინდივიდუალურად. მაქსიმალურად უნდა ვეცადოთ, რომ ორგანიზმი დავიცვათ გადახურებისგან. 32 გრადუსი, ეს გახლავთ ერთგვარი ზღვრული მაჩვენებელი და ამ ტემპერატურის პირობებში ხანგრძლივად ყოფნა, ღია სივრცეში არ არის მისაღები.

რაც შეეხება, თუ გვინდა, რომ ბინაში შევინარჩუნოთ სიგრილე, ამისათვის პირველი საშუალებაა კონდიცირება, რაც უნდა ხდებოდეს ღია ფანჯრების პირობებში. ოთახში გამორთეთ ყველა ხელსაწყო, რომელიც შეაძლოა დამატებით სითბოს გამოყოფდეს. ეს ძალიან მნიშვნელოვანი რამ გახლავთ იმისთვის, რომ წესები იყოს დაცული. თუ ბინაში არ არის კონდიცირება, დახურეთ ფანჯრები, დარაბები, ჩამოაფარეთ ფარდები, ოთახში განათავსეთ სველი პირსახოცები.

დღის განმავლობაში უნდა დაიგეგმოს საქმიანობა და მოხდეს საქმის გადანაწილება. თუ კი 32 გრადუსის პირობებში გიწევთ საქმიანობა, მუშაობის დრო არ უნდა აჭარბებდეს ორ საათს. ამის შემდგომ საჭიროა დასვენება, გაგრილება და მხოლოდ შემდგომ შეიძლება დაბრუნება იმავე საქმიანობაზე.

ზოგადად, დღის პირობებში 32 გრადუსი, ღამის პირობებში 24 გრადუსის შენარჩუნება გახლავთ ის ზღვრული მაჩვენებელი, რომელიც უნდა იყოს დაცული. სითბური ტალღებისათვის დამახასიათებელია ღამის ტემპერატურის მატება და შესაბამისად ღამის პირობებში ვერ ხდება ორგანიზმის სათანადოდ გაგრილება. ამიტომ მაქსიმალურად უნდა ვეცადოთ, რომ გავაგრილოთ ორგანიზმი. უნდა გავაღოთ ყველა ფანჯარა, განსხვავებით დღისაგან, როდესაც პირიქით ჯობია დავხურთ და ამგვარად შევინარჩუნოთ დაბალი ტემპერატურა.

როგორც წესი, დილის ოთხი საათიდან დილის შვიდ საათამდე გახლავთ ყველაზე უფრო გრილი პერიოდი და თუ კი რაიმე ტიპის ფიზიკურ აქტივობას ვგეგმავთ, სწორედ ამ პერიოდში უნდა დაიგეგმოს და არა უფრო გვიან, რომელიც შეიძლება საფრთხის შემცველი იყოს ჯანმრთელობისთვის. მითუმეტეს საქართველოში ადრე თენდება, დილის ხუთ საათზე სრულად არის გათენებული. შესაბამისად სრულიად შესაძლებელი დილის ფიზიკური აქტივობით დაწყება.

ძალიან მნიშვნელოვანია, რომ სიცხის დროს საკმარისი რაოდენობით მივიღოთ სითხე. მოხუცებისთვის სწორედ ეს არის დამახასიათებელი, მათ წყურვილის გრძნობა დაქვეითებული აქვთ. უბრაოდ არ ახსოვთ, რომ წყალი უნდა დალიონ. ამ დროს მეთვალყურეობა ოჯახის წევრების მხრიდან ბავშვებზე და მოხუცებზე, არის ძალიან მნიშვნელოვანი. მათ უნდა შევახსენოთ, იცოდნენ, რომ სიცხეში ფიზიკური აქტივობა უნდა იყოს შეზღუდული და  სითხე უნდა იქნეს საკმარისი რაოდენობით მიღებული.

სიცხის დროს მნიშვნელობა ენიჭება კვებასაც. კვება უნდა იყოს სათანადო, მცირე პორციებით და ხშირად, ხილის და ბოსტნეულის მაღალი შემცველებით. ამ დროს რაც შეიძლება შეამცირეთ ცხიმები. უარი თქვით კოფეინზე, ტკბილ და გაზიან სასმელებზე. თუმცა მინარული წყლები გაახლავთ საუკეთესო საშუალება იმისთვის, რომ სითხე იყოს შენარჩუნებული ორგანიზმში და იყოს საკმარისი ჰიდრატაცია.

კიდევ ერთი ძლიან მნიშნელოვანი რამ. ვინაიდან სიცხე ქრონიკული დაავადებების მქონე პირებისათვის გახლავთ ყველაზე მაღალი რისკის შემცველი, მნიშვნელოვანია, რომ ცხელი დღეების დადგომისთანავე მათ შესაბამისი კონსულტაცია გაიარონ მკურნალ ექიმთან და გაარკვიონ საჭიროებს თუ არა ექიმის დანიშნულება ცვლილებას.

ჯანმრთელობას გისურვებთ!

0
თემები:
ჯანმრთელობა და სილამაზე