პაატა იმნაძე და ამირან გამყრელიძე

კორონავირუსის ახალი შემთხვევები: ერთი პაციენტი რუსეთის მოქალაქეა

147
(განახლებულია 20:55 11.06.2020)
კორონავირუსის ოთხი ახალი შემთხვევა, რომელთა ინფიცირების წყარო ვერ დადგინდა, მეტყველებს იმაზე, რომ ქვეყანაში ვირუსი ცირკულირებს.

თბილისი, 11 ივნისი – Sputnik. საქართველოში ბოლო 24 საათში გამოვლენილი კორონავირუსის ექვსი ახალი შემთხვევიდან ერთი ინფიცირებული ეთნიკურად ქართველი რუსეთის მოქალაქეა.

როგორც ბრიფინგზე დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ განაცხადა, ეს ადამიანი ქვეყანაში საკონტროლო-გამშვები პუნქტი „ზემო ლარსის“ გავლით შემოვიდა და მაშინვე კარანტინში მოთავსდა. სწორედ კარანტინში გამოუვლინდა მას სიმპტომები, შემდეგ კი დაუდგინდა კორონავირუსი.

კორონავირუსის გამოვლენილი ახალი შემთხვევებიდან ოთხის წყარო უცნობია>>

კიდევ ერთი პაციენტის ინფიცირების პირველწყარო ნაპოვნია, ხოლო ოთხ შემთხვევაში გაძლიერებულად გრძელდება ეპიდემიური გამოკვლევა. გამყრელიძემ იმედი გამოთქვა, რომ სპეციალისტები შეძლებენ წყაროს პოვნას და დაავადების ჯაჭვის გაწყვეტას. მან ამ შემთხვევებს საგანგაშო უწოდა, რადგან ეს ამტკიცებს, რომ ქვეყანაში ინფექცია ცირკულირებს.

„კიდევ ერთხელ მოგიწოდებთ, ნუ შეგვექმნება ილუზია, რომ ჩვენ კოვიდი უკვე დავამარცხეთ. პანდემია გრძელდება მთელ მსოფლიოში. საქართველო ამ სამყაროს ნაწილია, კოვიდი არ დაგვიმარცხებია, პანდემია ცირკულირებს და არავინ იცის, განსაკუთრებით ამ შემსუბუქების პერიოდში, სად, როდის იჩენს ის თავს“, – განაცხადა გამყრელიძემ.

გამყრელიძემ კიდევ ერთხელ მოუწოდა ყველას სიფრთხილისკენ და შეახსენა საზოგადოებას, რომ ყველა მოქალაქემ, რომელსაც ექნება შესაბამისი სიმპტომები – ტემპერატურა 37 გრადუსი და ზემოთ, ხველება, გართულებული სუნთქვა, რესპირატორული სიმპტომები, უნდა მიმართოს ოჯახი ექიმს ან დარეკოს „112“-ზე. ყველა ასეთ შემთხვევაში PCR ტესტი უნდა ჩატარდეს.

მისი თქმით, საქართველოში ამჟამად ტესტებს კორონავირუსზე 18 ლაბორატორიაში აკეთებენ. ერთ დღეში ქვეყანას დაახლოებით 1,5 ათასი ტესტის ჩატარება შეუძლია და ქვეყანას ამ მაჩვენებლის 4,5 ათასამდე გაზრდის შესაძლებლობა აქვს.

გამყრელიძის განცხადებით, ახლა მედიკოსებს ტესტირებას ორ კვირაში ერთხელ უტარებენ, მაგრამ 15 ივნისიდან ექიმების ნაწილს PCR ტესტი კვირაში ერთხელ ჩაუტარდება.

ბოლო მონაცემებით, საქართველოში მთელი პანდემიის განმავლობაში კორონავირუსი 97 მედიკოსს დაუდგინდა, რაც რეგისტრირებული შემთხვევების 13%-ია.

გამყრელიძის თქმით, მომზადებულია მთავრობის დადგენილება, რომლის თანახმად, განისაზღვრება ადამიანების დამატებითი ჯგუფები, რომლებიც ვალდებული იქნებიან, ჩაიტარონ PCR ტესტი. ამისთვის ქვეყანას ტესტების საკმარისი რაოდენობა აქვს.

საქართველოში ბოლო დღე-ღამეში კორონავირუსის ექვსი ახალი შემთხვევა გამოვლინდა. აქედან ოთხი პაციენტი ვერ ამბობს, როდის და სად შეიძლება დაინფიცირებულიყო.

COVID-19 საქართველოში: გამოჯანმრთელებულთა რიცხვი იზრდება>>

ამ დროისათვის კლინიკებში 121 პაციენტი მკურნალობს.

დღევანდელი მონაცემებით, ქვეყანაში კორონავირუსი 831 ადამიანს დაუდგინდა. კარანტინში იმყოფება 3 230 ადამიანი, სტაციონარებშია 285, გამოჯანმრთელდა 694 ადამიანი, ხოლო გარდაიცვალა 13 პაციენტი.

147
თემები:
COVID-19 საქართველოში (1209)
ხანძარი ვარკეთილის ბზარობაზე

ხანძარი ვარკეთილის ბაზრობაზე - რა თანხას აანაზღაურებს სადაზღვევო კომპანია

88
(განახლებულია 00:01 15.07.2020)
ზოგიერთ ობიექტზე ზარალის შეფასება კვლავ გრძელდება. ამ ეტაპზე ზარალთან დაკავშირებული დოკუმენტაციის შეგროვება მიმდინარეობს

თბილისი, 14 ივლისი – Sputnik. სადაზღვევო კომპანია „ირაომ“ ვარკეთილის ბაზრობაზე გაჩენილი ხანძრის შედეგად გამოწვეული ზარალის ანაზღაურება დაიწყო, იუწყება საზოგადოებრივი მაუწყებელი.

ვარკეთილში, შუამთის ქუჩაზე მდებარე ე.წ. თათრების ბაზრობაზე ხანძარი 15 ივნისს, ღამით გაჩნდა. ცეცხლი 4 ათას კვადრატულ მეტრ ფართობზე გავრცელდა. ხანძარს რამდენიმე საათის განმავლობაში 130 მეხანძრე–მაშველი აქრობდა, მობილიზებული იყო 25 სახანძრო მანქანა. ვითარებას ის ართულებდა, რომ ბაზრობის მიმდებარე ტერიტორიაზე ბენზინგასამართი სადგური მდებარეობს. ხანძრის შედეგად შერეული ბაზრობის გარკვეული ტერიტორია დაიწვა. დილისთვის ხანძარი სრულად ლიკვიდირებული იყო.

ხელისუფლება მოვაჭრეებს დაჰპირდა, რომ ბაზრობის აღდგენამდე მათ უსაფრთხო ტერიტორიას გამოუყოფს, ასევე რამდენიმე თვით გაათავისუფლებს გადასახადისგან.

ამ დროისთვის არსებული მონაცემებით, „ირაოს“ მხრიდან ჯამურად 1.5 მილიონი ლარის ოდენობის თანხა ანაზღაურდება.

კომპანიის ცნობით, კომპენსაციას ჯამში დაახლოებით 315 მეწარმე, 465 კომერციულ ობიექტზე მიიღებს.

სადაზღვევო კომპანიაში აცხადებენ, რომ ზარალის შეფასებისა და შესაბამისი დოკუმენტაციის შეგროვების პროცესი „ირაოს“ წარმომადგენლების მიერ, ბაზრობის ადმინისტრაციასთან და მეიჯარეებთან თანამშრომლობით, ხანძრის გაჩენისთანავე დაიწყო და ამ დრომდე მიმდინარეობს.

„უკვე დარეგულირდა 149 კომერციული ობიექტის ზარალი და 13 ივლისს, ანაზღაურების პირველ ეტაპზე, „ირაომ“ 97 მეწარმეს გადაურიცხა შესაბამისი კომპენსაცია, ჯამურად 299 395 ლარის ოდენობით. ანაზღაურების მეორე ეტაპზე 178 კომერციული ობიექტის შესაბამისი ზარალის ანაზღაურებას, 114 მეწარმე მიიღებს, ჯამურად 431 ათასი  ლარის ოდენობით“, - განმარტავენ კომპანიაში.

რატომ არ აზღვევენ ბაზრობებს: მოვაჭრეებს სადაზღვევო კომპანია ზარალს აუნაზღაურებს? >>

გარდა ამისა, დარჩენილია ობიექტები, რომელთა ზარალის შეფასება კვლავ მიმდინარეობს. ამ ეტაპზე ხდება ზარალთან დაკავშირებული დოკუმენტაციის მოგროვება.

88
თემები:
სოციალური სფერო საქართველოში
მთავრობის ადმინისტრაცია

საქართველოს მთავრობას შეზღუდვების შემოღების უფლება წლის ბოლომდე მიენიჭა

158
(განახლებულია 21:22 14.07.2020)
საქართველოს მთავრობას პარლამენტის თანხმობისა და საგანგებო მდგომარეობის გამოცხადების გარეშე კორონავირუსის გავრცელების შესაკავებლად საჭირო შეზღუდვების დაწესება წლის ბოლომდე შეუძლია.

თბილისი, 14 ივლისი – Sputnik. საქართველოს პარლამენტმა 2021 წლის 1 იანვრამდე გააგრძელა „საზოგადოებრივი ჯანმრთელობის შესახებ“ საქართველოს კანონში იმ ცვლილებების მოქმედება, რომლებიც კორონავირუსის პანდემიის დროს მთავრობას საგანგებო მდგომარეობის გამოცხადების გარეშე შეზღუდვების დაწესების უფლებას ანიჭებს.

გაგრძელდება თუ არა შეზღუდვები საქართველოში – დეპუტატები შესწორებებზე მსჯელობენ >>

ნორმის მოქმედების გახანგრძლივებას მხარი დაუჭირა 79-მა დეპუტატმა, ერთი დეპუტატი წინააღმდეგი იყო.

ცვლილებები, რომლებიც მთავრობას ანიჭებს უფლებას – პანდემიის დროს დროებით დააწესოს შეზღუდვები და პარლამენტის თანხმობის გარეშე დაარეგულიროს საჯარო უწყებების საქმიანობის საკითხები, არის მიღებული 22 მაისს, როდესაც კორონავირუსის საფრთხის გამო საგანგებო მდგომარეობის მოქმედების ვადა იწურებოდა. მაშინ ამ უფლების ხანგრძლივობა განისაზღვრა 15 ივლისამდე ვადით.

დღევანდელი გადაწყვეტილებით პარლამენტი ახანგრძლივებს ამ უფლებამოსილების მოქმედების ვადას 2021 წლის 1 იანვრამდე. კერძოდ: სიტუაციიდან და საჭიროებიდან გამომდინარე მთავრობას აქვს უფლება შეზღუდოს მოქალაქეთა გადაადგილება, მათი შრომითი და ეკონომიკური აქტივობა, აკრძალოს მასობრივი სპორტული ღონისძიებების ჩატარება და ა.შ.

ამავე დროს მთავრობის მიერ შემოღებული შეზღუდვები უნდა შეესაბამებოდეს კონსტიტუციას და იყოს განპირობებული კანონით ან ნორმატიული აქტით. მათი შემოღება იმ შემთხვევაშია დასაშვები, თუ ისინი აუცილებელია საზოგადოებისთვის და არ ატარებს დისკრიმინაციულ ხასიათს.

შეზღუდვები უნდა იყოს პროპორციული, ხოლო მათი შემოღებით მიღებული სარგებელი აჭარბებდეს ზარალს, ასევე შეზღუდვები არ უნდა არღვევდეს ადამიანის უფლებების ევროპულ კონვენციას.

ხელისუფლებას ასევე ადამიანების კარანტინსა ან იზოლაციაში გამწესების უფლება ექნება. თუმცა თითოეული ასეთი ადამიანი შეძლებს აიყვანოს ადვოკატი, ახლობლებსა და დამსაქმებელს აცნობოს თავისი ადგილმდებარეობა. ასევე ექნება უფლება იცოდეს კარანტინში გამწესების მიზეზები.

საქართველო, როგორც მთელი მსოფლიო, კორონავირუსის მეორე ტალღის მოლოდინშია, ამიტომ მთავრობა ეპიდემიოლოგებთან ერთად მის დასახვედრად ემზადება.

ქვეყნის ტერიტორიაზე მოქმედებს შემდეგი შეზღუდვები:

  • დახურულ სივრცეებში, საჯარო დაწესებულებებში, საზოგადოებრივ ტრანსპორტში, ოფისებსა და მაღაზიებში სავალდებულოა პირბადის ტარება და სოციალური დისტანციის დაცვა;
  • საზოგადოებრივ ტრანსპორტში დაუშვებელია პირბადის გარეშე ყოფნა
  • ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე;
  • აკრძალულია სპორტული ღონისძიებების გამართვა;
  • კულტურული და გასართობი ღონისძიებების გამართვა დასაშვებია მხოლოდ ღია სივრცეებში, გამონაკლისია მუზეუმები
  • კაზინოების და ტოტალიზატორების მუშაობა დაშვებულია მხოლოდ ონლაინ;
  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • უნივერსიტეტებში სასწავლო პროცესი კვლავ დისტანციურად განხორციელდება;
  • ადამიანების თავშეყრის ადგილებში აკრძალულია სპლიტ-სისტემის კონდიციონერების გამოყენება, რომლებიც ჰაერს იღებენ შენობიდან, აგრილებენ და ისევ აბრუნებენ. დაშვებულია სამრეწველო კონდიციონერების გამოყენება, რომლებიც კონდიცირება-ვენტილაციის სისტემებს მოიცავს (ჰაერი შენობაში გარედან შეაქვს).
158
თემები:
COVID-19 საქართველოში (1209)
ნახევარმთვარე

მთვარის კალენდარი: 15 ივლისი რისი გაკეთება შეიძლება და რისი არა

0
(განახლებულია 10:36 14.07.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

15 ივლისი, ოთხშაბათი. ამ დღეს მერკური მართავს. კლებადი მთვარე კუროს ნიშანშია.

იზრდება ფიზიკური ძალა, იღვიძებს მამაკაცური ენერგია. შესანიშნავი დღეა საწინააღმდეგო სქესის წარმომადგენლებთან ურთიერთობებისთვის. ხელსაყრელი დღეა საქმეების, მშენებლობის საფუძვლის ჩაყრისთვის, რემონტის დაწყების, შემოქმედებითი საქმიანობისთვის.

რეკომენდებულია ფულთან დაკავშირებული საქმეების გაკეთება, მიმდინარე საქმეების განხილვა, დაგეგმვა, საბუღალტრო ოპერაციები, არქივებთან მუშაობა, ახალი საქმეების დაწყება, მნიშვნელოვანი პროექტების დასრულება, უძრავი ქონების ყიდვა, მშენებლობის, რემონტის დაწყება, გამოფენების მოწყობა, სიტყვით გამოსვლა, კონცერტები, შემოქმედებითი საღამოები, სწავლა, კვალიფიკაციის ამაღლება და სხვ.

არარეკომენდებულია რთული პროექტების განხილვა. 

კარგი დღეა მოგზაურობისთვის.

თმის შეჭრა, შეღებვა: კუროს დღეები კარგია სალონში ვიზიტისთვის. თმა კარგად გაიზრდება და გაუმჯობესდება მისი მდგომარეობა.

არახელსაყრელი დღეა ნიღბების გასაკეთებლად.

კლებადი მთვარის დროს ხელსაყრელია ზედმეტი თმის მოშორება, სახის გაწმენდა.

ფრჩხილების მოვლისთვის ნეიტრალური დღეა.

თმის ვარცხნილობა ზოდიაქოს ნიშნისა და მთვარის კალენდრის მიხედვით>>

მებაღეობა: კურო ნაყოფიერი ნიშანია. დასაშვებია მცენარეების დარგვა–გადარგვა, ფორმის მიცემა, მავნებლებთან (მღრღნელებთან) ბრძოლა.

უნდა შეზღუდოთ ნიადაგის დატენიანებისა და სასუქის მიცემის სამუშაოები. შეიძლება სარეველებისგან გაწმენდის „არააგრესიული“ სამუშაოები.

დეტალურად იხილეთ აქ>>

0